16/11/2026
🌍 𝗗𝗿𝗲𝗷𝘁 𝗻𝗷𝗲̈ 𝘀𝗶𝘀𝘁𝗲𝗺𝗶 𝘀𝗵𝗲̈𝗻𝗱𝗲𝘁𝗲̈𝘀𝗼𝗿 𝗽𝗮 𝗺𝗲𝗿𝗸𝘂𝗿 𝗻𝗲̈ 𝗦𝗵𝗾𝗶𝗽𝗲̈𝗿𝗶
♻️ Eliminimi gradual i pajisjeve mjekësore që përmbajnë merkur dhe zëvendësimi i tyre me alternativa më të sigurta për shëndetin dhe mjedisin ishte në fokus të mbledhjes së tretë të Komitetit Drejtues të Projektit, të zhvilluar më 12 nëntor 2026, në ambientet e Zyrës së Organizatës Botërore të Shëndetësisë (OBSH) në Shqipëri.
Takimi mblodhi përfaqësues të institucioneve përgjegjëse për shëndetësinë dhe mjedisin, ekspertë dhe partnerë të projektit, për të shqyrtuar progresin e deritanishëm dhe për të diskutuar hapat e ardhshëm drejt eliminimit të pajisjeve matëse me merkur nga institucionet shëndetësore.
📊 Gjatë takimit u prezantuan rezultatet e inventarizimit të pajisjeve që përmbajnë merkur dhe të anketimit mbi njohuritë, qëndrimet dhe praktikat (KAP), si dhe ecuria e përgatitjeve për zëvendësimin e këtyre pajisjeve me alternativa pa merkur.
Një vëmendje e veçantë iu kushtua bashkëpunimit ndërinstitucional për prokurimin dhe zëvendësimin e pajisjeve, administrimin e sigurt të mbetjeve që përmbajnë merkur dhe kontrollin e importit të pajisjeve matëse.
📢 𝗞𝗼𝗺𝘂𝗻𝗶𝗸𝗶𝗺𝗶 𝗱𝗵𝗲 𝗻𝗱𝗲̈𝗿𝗴𝗷𝗲𝗴𝗷𝗲̈𝘀𝗶𝗺𝗶 𝗽𝘂𝗯𝗹𝗶𝗸 përbënë gjithashtu një pjesë të rëndësishme të diskutimeve. U prezantuan Plani i Komunikimit i projektit, mesazhet kryesore institucionale dhe konceptet kreative për informimin e profesionistëve shëndetësorë dhe publikut mbi rreziqet e merkurit dhe përfitimet e kalimit drejt teknologjive më të sigurta.
Takimi trajtoi gjithashtu planifikimin e aktiviteteve për vitin 2027 dhe hapat e ardhshëm të bashkëpunimit mes institucioneve partnere.
✅ Përmes këtij projekti, OBSH mbështet përpjekjet e Shqipërisë për të zvogëluar ekspozimin ndaj merkurit, për të përmirësuar sigurinë në institucionet shëndetësore dhe për të mbrojtur shëndetin e njerëzve dhe mjedisin.