02/10/2026
🔹 1- شحال يغيضوني الاباء والامهات لي عندهم طفل قبيح ، عنيد وكثير الحركة ، يتقلقو منه في عوض ما يحمدو ربي ويشكروه ومافي بالهمش بلي هذا هو الطفل الطبيعي السليم والصحي 👶❤️
🔸 2- شحال يغيضني الطفل لي يعطوه يوميا : الشيبس، الإندومي، المشروبات الغازية، البطاطا المقلية واللحوم المصنعة🍟🥤🍜… وبعدها يستغربو علاش طفلهم طلع غبي 🤓
🔹 3- شحال يغيضني رضيع ما تعطيهش أمه الرضاعة كاملة من نفس الثدي🤱، ومن بعد تستغرب علاش راه يعاني من الغازات
🔸 4- شحال يغيضني طفل يبقى يتعصر ويعيط ووالديه ما يعرفوش الطريقة الصحيحة باش يعاونوه يخرج الغازات 😣👶
🔹 5- شحال يغيضني طفل كل يوم يديرولو مناديل معطرة أو صابون الطرف في منطقة الحفاض🧼، ومنبعد كي تجيه التسلخات والاحمرار ما يعرفوش السبب ولا كيفاش يعتنيو بالمنطقة 🤦♂️
🔸 6- شحال يغيضني رضيع يدوشوله مباشرة بعد الولادة 🛁👶 بلا ما يعرفو بلي الطبقة البيضاء اللي تغطي جلده لي سموها **vernix caseosa**، ماشي وسخ و عندها دور في حماية البشرة تاعه 🤍
🔹 7- وشحال يغيضوني الاطفال لي يبقاو طول الوقت محبوسين في البيت 🏠، حتى تحكمهم مشاكل نفسية وصحية ويبقو يجرو من دكتور لدكتور 😔
🔸 8- شحال يغيضني طفل يقمطوه بطريقة شديدة ومشدودة ، على حساب راحته وحركة جسمه 👶، ومن غير ما يعرفو بلي التقميط الخاطئ أو المشدود على الرجلين يقدر يزيد خطر مشاكل تطور مفاصل الورك 🦵
🔹 9- شحال تغيضني الطفلة لي يديرولها كل يوم تسريحات مشدودة بزاف، كيما الضفائر وذيل الحصان 💇♀️، ومن بعد يستغربو علاش شعرها بدا يتساقط أو فروة راسها ولات توجعها 😔
🔸 10- وشحال يغيضني طفل يسقسي باباه: «بابا، منين جيت للدنيا؟» 👶❓ ويرد عليه بالصراخ: «شكون علمك هاذ الأسئلة الوسخة؟!» 😡 الطفل ما يحتاجش غير الماكلة واللباس… يحتاج والدين يعرفو كيفاش يفهموه، يجاوبوه، ويعلموه. ❤️
#توعية #نصائح #معلومات #اطفال