Dr Maissa Zaid / Fibromyalgia

25/09/2026

الزوجة مش مجرد «واجبات» تؤديها لبيتها وزوجها.
والزوج مش مجرد «مسؤول عن المصاريف».

الزواج ميثاق… فيه مودة ورحمة، وحقوق وواجبات على الطرفين.

24/09/2026

23/09/2026

عملتي البروتوكول… اتحسنتي… وبعدين الأعراض رجعت؟ 🫠

متقوليش: «يبقى كل اللي عملته مفرقش.»

الانتكاسة مش معناها إنك رجعتي لنقطة الصفر.
أحيانًا جسمك بيقولك إن في حاجة اتغيرت وتحتاج تتراجع من جديد.

أنا وغيري كتير بنتعلم مع الوقت:
إزاي نهدّي الجسم،
نرجع للأساسيات،
ونعرف إيه اللي خرجنا عن توازننا…
بدل ما نبدأ من الصفر كل مرة.

لو الأعراض رجعتلك بعد فترة هدوء… إيه أول حاجة بتعمليها؟ 👇

21/09/2026

أحيانًا مش الألم هو اللي بيسرق مننا حياتنا…
لكن الخوف منه. 🤍

طالما لسه قادرة تتحركي، تخرجي، تعملي أبسط حاجاتك، وتعيشي بعض اللحظات الحلوة…
ما تعيشيش وكأنك فقدتي قدرتك على الحياة.

اهتمي بجسمك، اسمعي إشاراته، واطلبي التقييم الطبي لما يكون فيه سبب حقيقي للقلق…
لكن ما تخليش كل إحساس بسيط يتحول في دماغك إلى أسوأ احتمال.

عيشي اللي تقدري عليه النهارده…
ومتخليش القلق يسرق منكِ حياة لسه في إيدك. 🤍

إيه أكتر حاجة بسيطة لسه بتقدري تعمليها وبتفرّحك؟

18/09/2026

أصعب خذلان مش إن حد يبعد…
الأصعب إنك تكتشف إن الشخص اللي كنت بتأمن له، كان هو أكتر شخص محتاج تحذر منه.

وبعدها… بتتعلم إن مش كل قرب أمان، ومش كل حب يستاهل ثقتك. 🤍

17/09/2026

اتعرّفت في دبي على صديقة روسية… Lady خطيرة وشخصيتها جميلة جدًا ❤️

وسط كلامنا قالتلي جملة فضلت معايا:

“مايسه، إنتِ بتربي ٣ شباب… عمرك ما تكوني ضعيفة! هما بيعلموكي القوة.”

بس الحقيقة إن أكتر حاجة أنا مؤمنة بيها مش إني قوية…
قد ما أنا مؤمنة إن كل حاجة حصلتلي كان ليها حكمة، حتى الحاجات اللي وقتها ماكنتش فاهمة ليه بتحصل.

سنتين ال فاتو عدو عليا بلحظات صعبة جدًا…
مواقف، صدمات، دموع، مستشفى، واكتئاب عديت بيه في وقت ماكنتش حتى عارفة أشرح للناس أنا بمر بإيه.

وفي نفس الوقت…
كان لازم أكمل.

أربي أولادي.
أشتغل.
أسافر.
أبني حاجات جديدة.
وأبدأ خطوات يمكن وقتها ماكنتش حاسة إني مستعدة لها.

ولما ببص ورا دلوقتي، بلاقي إن حاجات كتير كنت فاكرة إنها كسرتني…
كانت في الحقيقة بتغيّر اتجاهي.

أنا مش بقول إن كل حاجة حصلت كانت سهلة، ولا إنّي كنت فاهمة الحكمة وقتها.

بس عندي يقين إن اختيارات ربنا ليا أرحم وأوسع من اختياراتي لنفسي.

فيمكن اللي جاي يكون فيه حاجات مش فاهمها برضه…
بس المرة دي مش محتاجة أعرف كل حاجة من البداية.

كفاية إني أثق.
وأمشي خطوة بخطوة.
وأسيب الباقي على ربنا. 🩷

10/09/2026

Cuteeee🫰

08/09/2026

مش كل مريض Fibro محتاج مسكن أقوى…
بعض الحالات محتاجة نفهم إيه اللي بيخلّي الألم مستمر.

لأن الألم المزمن مش بيأثر على الجسم بس.

سنين من الألم + الخوف من الأعراض + التوتر + اضطراب النوم…
ممكن يعملوا دائرة تخلي التعامل مع الألم أصعب، حتى لما المريض يكون بيعمل كل حاجة صح.

وعشان كده في بعض الحالات، العلاج النفسي بيكون جزء مهم من خطة التعامل مع الـFibro.

مش لأن الألم «نفسي» ❌
لكن لأن الجهاز العصبي، الحالة النفسية، النوم، والألم كلهم مرتبطين ببعض.

وفي بعض الحالات فعلًا، الشغل مع الاستشاري النفسي بياخد وقت ومجهود…
لأننا مش بنحاول نغيّر عرض واحد،
إحنا بنساعد المريض يفك ارتباطات اتكونت على مدار سنين.

وده بالضبط مفهوم الـ Wellness Coaching اللي بشتغل عليه:
إننا نبص للإنسان ككل، مش للعرض بمعزل عن باقي حياته.

🤍 ومن ضمن الخدمات اللي بيقدمها مركزانا: Maya bloom Dubai
Clinica Smouha Alexandria
Psychological support & therapy كجزء من منظومة رعاية متكاملة للحالات اللي تحتاجها.

والأهم…
إن كل حالة ليها احتياجاتها، ومش كل مريض محتاج نفس الخطة أو نفس المدة.

لو تعرف شخص بيعاني من Fibro ومحتاج يفهم إن العلاج مش مجرد مسكنات…
Share this with them.
يمكن تكون المعلومة دي بداية تغيير حقيقي في رحلته. 🤍

03/09/2026

الفيديو هيوقفك زي ما وقفنى و عدته كتير !!اللّٰه الذي أخرج النور من الظلام، وبدل حالاً بحال، وفتح أبوابا لم تكن في الحسبان... قادر أن يغيّر قصتك في حظة، فلا تَرهق نفسك بمحاولة السيطرة على ما هو خارج قدرتك، ودع الأمر لمن بيده الأمر كله👌
UAE Fibromyalgia فايبروميالجيا