Al Marwa Nutrition Clinic

Contact the business

Al Marwa Nutrition Clinic عيادة المروة للتغذية العلاجية وعلاج حالات السمنة والن?

20/09/2026

📋 استكمالا لحلقات حالاتى هتجنننى 😂 🤣
حالة النهارده: اللي أكلت كل حاجة… وخسّت! 😂 حالة مقاومة الدايت بكل حواسها🤣😂

الحالة بتفطر… 🥪
وتتغدى… 🍔
وتتعشى… 🌯
وبين الوجبات بتتسلى بسندوتشين تلاتة كده عشان ما تجوعش 😭😂
ولو لقت نفسها قاعدة لوحدها شوية، تتصور نفسها في ساندوتش من باب تغيير الجو 🥪🤣

بيبسي؟ موجود.
حلويات؟ موجودة.
ساندوتشات؟ على مدار الساعة.
والدنيا عندها زي الفل… وهي أصلاً مش شايفة إن في مشكلة! 😂

المفاجأة بقى؟
جاية خاسة! 😭😭

وأنا هنا واقفة بسأل نفسي:
"إحنا بنعمل إيه بالظبط؟!"
وهي بمنتهى الثقة:
"مش عارفة يا دكتورة… بس أنا باكل عادي جدًا!" 😂😂

طيب يا حبيبتي… هنمشي على الخطة ولا هنفضل عاملين نفسنا مش شايفين الساندوتشات اللي بتظهر في حياتك كل ساعتين؟ 👀🥪

الحالة محتاجة التزام… مش محتاجة رجيم جديد 😂❤️


🥪😂
😭😂



❤️

14/09/2026

🚨😂 عروووووووسة العيادة لولووووووووووولى💗😍🤣😊

🤣حالاتي هتجنني… بس المرة دي محتاجين دعاء جماعي!🤣🤣

الحالة جاية العيادة وبتقولي:
— دكتورة، أنا عايزة أخس 40 كيلو في شهرين! 😳

قلت لها:
— 😳 40 كيلو في شهرين؟!

قالت:
— أيوه يا دكتورة… عشان أتجوز! 😂❤️

قلت لها:
— طب تعالي نطلع على الميزان الأول.

قالتلي:
— لااااا… أنا خايفة! 😭
خايفة أكون زايدة!

وبعد مفاوضات طويلة… طلعت على الميزان. 😂

والنتيجة؟
زايدة نص كيلو بس! 🤣🤣🤣

بصيت لها وقلت:
— يعني كل الرعب ده عشان نص كيلو؟! 😂

وبعدين بصيت للكاميرا وقلت:
📢 يا جماعة… صلّوا وادعوا للحالة معايا! 😂😂
عندنا فرح بعد شهرين… وعندنا 40 كيلو عايزين ينزلوا! 🤣

بس طبعًا بعيدًا عن الهزار ❤️
إحنا هنحط هدف واقعي وآمن ونشتغل عليه خطوة خطوة…
لأن الفرح محتاج عروسة مبسوطة وصحتها أهم من رقم على الميزان. 👰🏻‍♀️❤️

📍 عيادة المروة للتغذية العلاجية
هنا بنخس… بس من غير وعود مستحيلة! 😄

#تخسيس #دايت

08/09/2026

حالاتي هتجنني… بس المرة دي طلعتلي بنظام جديد!

🚨🚨 عاجل من عيادة المروة: اكتشاف نظام تخسيس
جديد! 😂😂

الحالة بتقولي بمنتهى الثقة:
—دكتورة مروة… أنا خسيت على نظام هوايا! 😌

بقولها:
— 😳 نظام إيه؟!

تقولّي:
— نظام هوايا يا دكتورة! 😂
… آكل اللي أنا عايزاه…
وأتابع مع دكتورة مروة مراد وخلاص! 🤣🤣

قلت لها: — لأ لأ لأ… استني عندك!
ده إحنا لازم نطلع تريند جديد اسمه: «نظام هوايا من عيادة المروة»! 😂🔥

يعني إيه نظام هوايا؟
يعني الحالة تعمل اللي في دماغها…
والدكتورة تقعد تصلّح وراها! 🤦🏻‍♀️😂» 🔥

والله يا جماعة حالاتي مش بس بتتعبني… دي بتطلعلي أفكار تسويقية كمان! 🤣
بس خلاص…
نظام هوايا®️
ابتكار حصري من حالات عيادة المروة للتغذية العلاجية! 😂🔥
📍 عيادة المروة للتغذية العلاجية
إنتِ عليكي الالتزام… وأنا عليّا الخطة والمتابعة.
بس «هوايا» دي لسه تحت الدراسة! 😂❤️! 🤦🏻‍♀️🤣

#نظام-هوايا #تخسيس #دايت #رجيم 😂🔥

08/09/2026

😂😂 حلقة جديدة من مسلسل حالاتي هتجنني… بس المرة دي الـ300 جرام هم السبب!🙄😂🥹🤣

بصتلي وقالت بمنتهى الثقة:
— دكتورة… أنا زدت 300 جرام بس! 😌

قلت لها:
— طب كويس… إيه اللي حصل؟ 😂

قالت:
— أصلّي كنت باكل حلاوة المولد! 🤦🏻‍♀️

قلت لها:
— طيب بما إنهم 300 جرام بس، خلاص نرجع للنظام ونكمّل عادي.

قالتلي:

لا ده انا هروح أكمل وآكل الكيلو اللي في البيت كله! 🤣🤣🤣

يا جماعة أنا مشكلتي مش مع الميزان…
مشكلتي مع المنطق اللي الحالات بتطلعهولي! 😂😂
بس أحب أقولكوا: الزيادة البسيطة مش معناها إنك خلاص «بوّظت»…
لكن برضه مش تصريح إنك تكمّل اللي في البيت كله! 😂❤️
📍 عيادة المروة للتغذية العلاجية
هنا بنظبط الدايت… وبنحاول كمان نضبط المنطق! 😂❤️

#الميزان

04/09/2026

💗 من 9 ل 2.2 في 3 شهور... ما شاء الله! 🥹👏

الحالة دي مش مجرد رقم حلو على ورقة تحليل...
دي بنوتة عندها 11 سنة بدأت معايا وهي عندها مقاومة إنسولين مرتفعة جدًا (9).

وكان هدفي من أول يوم مش "دايت قاسي" ولا حرمان...
كان هدفي إننا نغيّر العادات خطوة خطوة، ونخلي الأكل الصحي جزء طبيعي من حياتها. ❤️

وبعد 3 شهور من الالتزام...
النتيجة كانت:
✨ مقاومة الإنسولين من 9 ل 2.2 ✨

بجد أنا فخورة بيها جدًا...
مش بس عشان الرقم اتحسن، لكن عشان طفلة صغيرة قدرت تلتزم وتغيّر عاداتها وتوصل للنتيجة دي. 🥰

بطريقة صح ومناسبة لسن الطفل، ممكن يعمل فرق كبير. ❤️

🌸 أطفالنا مش محتاجين "رجيم"... محتاجين حد يفهم احتياجات أجسامهم ويعلمهم ياكلوا صح.

📍 متواجدة فى مركز اشراق لجراحات السمنة ببنها وكمان فى عيادة المروة للتغذية العلاجية
نبدأ صح... عشان نكبر بصحة. 💗





30/08/2026

😂 حالاتي هتجنني... بس المرة دي من الفرحة! ❤️

الحلقة دي مختلفة شوية... لأن بدل ما أحكيلكم عن حالة جننتني بمواقفها، النهارده عندي حالة جننتني بنتيجتها! 😍🔥

✨ 24 كيلو في 3 شهور... والأجمل إنها لسه بتقول: "أنا مش حاسة إني عاملة دايت!" 😍🔥

النهارده جاتلي حالتي وأنا مبسوطة بيها جدًا ❤️
ما شاء الله، 24 كيلو أقل في 3 شهور! 👏👏

والأجمل من الرقم؟
إنها بتقولي:
"أنا مبسوطة جدًا بالدايت... ومش حاسة إنه قاسي!" 🥰

واللي ضحكني إنها بقت حافظة كلامي أكتر مني! 😂

كل ما حد يسألني:
"يا دكتورة، أنا عايزة أخس كتير... أعمل إيه؟"

أقول:
"اشرب مية كويس... والتزم بنظامك." 💧😄

لقيتها النهارده بتردد الكلام معايا كأنها أخدت دبلومة تغذية! 😂

بس بجد...
لما المريض يحقق نتيجة كبيرة، ويكون مبسوط ومكمل ومش حاسس إنه محروم...
دي بالنسبة لي أحلى من رقم الميزان نفسه. ❤️

24 كيلو مش مجرد رقم... دي 3 شهور من الالتزام، والثقة، والنتيجة اللي بتتكلم لوحدها. 🔥

ولو إنتِ بتقولي:
"أنا عايزة أخس بس مش عايزة أعيش محرومة..."

يبقى يمكن حان الوقت تبدأي صح. 😉❤️

📍 عيادة المروة للتغذية العلاجية
تعالي نخلي الدايت رحلة... مش عقوبة. ✨





22/08/2026

ومن هنا بدأت قصة جديدة… أنا والحالة وعزيزة! 😂❤️

حالاتي هتجنني بجد!🥹😂🥺🤣

النهارده جاتلي الحالة بكل ثقة وقالتلي:

"دكتورة، أنا خسيت!" 😍👏

قولتلها:
"ما شاء الله ❤️ طب مبسوطة؟"

قالتلي:
"آه طبعًا... بس لو كنت ماشية على الدايت أوي، كنت خسيت اللي خسيته في شهر ده في 10 أيام!" 😂

قولتلها:
"طب ماشي يا ستي... المهم إنك خسيتِ."

قالتلي بمنتهى الهدوء:
"بس الاهم عزيزة مش زعلانة." 😌

وقفت عند كلمة عزيزة كده... 👀

قولتلها:
"مين عزيزة؟!" 😂

قالتلي:
"عزيزة دي بطني!" 🤣🤣🤣

أنا هنا خلاص...
قلت لها يا عزيزة يا حبيبتي، إحنا بقالنا شهر بنحاول نتفاهم معاكي! 😂😂

يعني أنا كنت فاكرة إن عندي حالة...
طلع عندي حالة + عزيزة! 🤦🏻‍♀️🤣

والأجمل إنها مقتنعة إن عزيزة ليها رأي وحقوق ومش هنقدر نزعلها! 😂

بس الحمد لله...
عزيزة خسّت شوية، والحالة مبسوطة، والدكتورة لسه بتحاول تفهم مين المسؤول عن مين! 😂❤️



😂

18/08/2026

🚨 حالاتي هتجنني – الحلقة الجديدة: "ارحميني يا هدير!" Hader Reda 😂😂

هدير جتلي العيادة النهارده تاني مرة بعد الحلقة اللي عملناها قبل كده...

وأنا أول ما شفتها داخلة، لقيتها مش داخلة بإيدها فاضية! 👀

🍫 كيك شوكولاتة
🍯 هريسة
🍬 وحلاوة المولد النبوي!

بقولها:
"يا هدير... إنتِ جاية تتابعي ولا جاية تختبريني؟!" 😂😂

والأجمد إنها مش جاية لوحدها...

جايبة معاها حالة تانية بتتابع معايا في العيادة! 🤣

بقولها:
"إيه ده؟!"

تقولّي بمنتهى الثقة:
"جايالك بفانزاتى!" 😂😂

قلت لها:
"يا بنتي إنتِ مش بتجيبيلي حالة... إنتِ بتجيبيلي محتوى الموسم الجديد كله!" 🤣

وفي وسط الكلام جابت سيرة الدكتورة سارة.. Sara Abo Elsoud

قولتلها:
"سارة دي أختي وصاحبتي وحبيبتي ❤️ بس لو فضلتي كده، المرة الجاية هطلعك على المسرح، وأعملك حفلة وحلقة، وأعرّفك على السوشيال ميديا كلها!" 😂😂

بصتلي كده...

وأنا بقولها:
"ارحميني يا هدير... أنا بحاول أخسسك، مش أعملك نجمة سوشيال ميديا!" 🤣🤣

بس الحقيقة...
هدير مش حالة عادية... أم البناااااات

هدير داخلة العيادة ومعاها الحلويات، والحالات، والقصص... وأنا اللي في الآخر محتاجة متابعة! 😂😂❤️

استنوا الحلقة الجاية...
لو هدير ما رحمِتنيش! 🤣🔥




16/08/2026

وطبعا حلقة جديدة من مسلسل حالاتى هتجنننى 😂 😂 😂 🥹
🚨 مطلوب دكتور تغذية فورًا! 😂

النهارده في العيادة حصل موقف خلاني أفكر أعمل إعلان رسمي:

"حد يعرف دكتور تغذية شاطر يدخل على صفحتي ويشوفلي الحالة دي؟!" 🤣

الحكاية إن عندي حالة بقالها فترة وأنا بحاول أوصل معاها لتحت ال 80 كيلو...

كل مرة أقول لها:
"يلا يا حبيبتي... قربنا من الـ80." 💪

وهي:
"حاضر يا دكتورة." 😌

ونرجع نتابع...
وأنا أقول:
"الـ80 فين؟!" 😂

لحد ما النهارده قعدنا نتكلم، فقلت لها بهزار:

"خلاص أنا أعلنت استسلامي... حد من زمايلي يدخل على صفحتي ويخسسها لي، يمكن يعرف يعمل اللي أنا معرفتش أعمله!" 🤣🤣

بصتلي كده وقالتلي:
"يعني هتسيبيني؟!" 😂

قولتلها:
"لا طبعًا... بس أنا محتاجة حد ييجي يشجعني أنا كمان!" 🤦🏻‍♀️🤣

والحقيقة؟
مش كل رحلة نزول وزن بتكون خط مستقيم...
في حالات بتحتاج وقت، وصبر، وتعديل مستمر في الخطة.

بس فيه حاجة واحدة ثابتة:
الدكتورة مش هتسيب الحالة لحد ما نوصل. ❤️💪

أما الـ80 كيلو بقى...
واضح إنهم عاملين نفسهم مشغولين ومش عايزين ييجوا! 😂😂

مين عنده حالة الـ80 بتاعتها عاملة زي الـ100؟ 🤣👇




Address

المنشأة الكبرى/بجوار صيدلية د. مصطفى كامل
Benha
013

Opening Hours

Monday 12pm - 12am
Tuesday 12pm - 12am
Wednesday 12pm - 12am
Thursday 12pm - 12am
Saturday 12pm - 12am
Sunday 12pm - 12am

Website

Alerts

Be the first to know and let us send you an email when Al Marwa Nutrition Clinic posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Al Marwa Nutrition Clinic:

Shortcuts

Share