Dt. Eman Shoaib

Dt. Eman Shoaib Nutritionist Eman Shoaib 💚

بتخلص وجبتنا ونلاقي بطننا انتفخت، ونبدأ نفكر: يا ترى ده من القولون؟ ولا من الأكل اللي أكلناه؟ 🤔💭الحقيقة إن الانتفاخ مش د...
26/10/2026

بتخلص وجبتنا ونلاقي بطننا انتفخت، ونبدأ نفكر: يا ترى ده من القولون؟ ولا من الأكل اللي أكلناه؟ 🤔💭

الحقيقة إن الانتفاخ مش دايمًا معناه إن عندنا مشكلة في القولون، ومش كل أكلة بتسبب غازات عند شخص هتعمل نفس التأثير عند غيره.

ممكن طريقة الأكل، أو بعض الأطعمة، أو الإمساك يكونوا من الأسباب… وعشان كده مش الحل إننا نمنع الفول واللبن والخضار من نفسنا وخلاص! 🙅‍♀️

خلينا نبدأ بملاحظة جسمنا، وناكل بهدوء، ونشوف إيه اللي بيزود الأعراض عندنا فعلًا. ولو الانتفاخ مستمر أو مصحوب بأعراض مقلقة، الأفضل نراجع مختص.

💬 قولولنا بقى: الانتفاخ بيظهر عندكم بعد وجبات معينة، ولا بتحسوا بيه معظم اليوم؟

خلينا نفهم جسمنا أكتر، من غير حرمان عشوائي ولا قلق زيادة ❤️

#الانتفاخ

يمكن إحنا بنعقّد موضوع الأكل الصحي أكتر مما يستاهل… 🌿ربنا قالها ببساطة:﴿وَكُلُوا وَاشْرَبُوا وَلَا تُسْرِفُوا ۚ إِنَّهُ ...
27/09/2026

يمكن إحنا بنعقّد موضوع الأكل الصحي أكتر مما يستاهل… 🌿

ربنا قالها ببساطة:

﴿وَكُلُوا وَاشْرَبُوا وَلَا تُسْرِفُوا ۚ إِنَّهُ لَا يُحِبُّ الْمُسْرِفِينَ﴾ 🤍

مش محتاجين دايت قاسي ولا حرمان… خلينا نبدأ بعادات صغيرة، ونركز على التوازن والاعتدال. ❤️

👀 طيب لو هنبدأ بعادة واحدة بس من اللي في الكاروسيل…
هنختار إيه؟

ولو عندنا عادة صحية تانية، نشاركها مع بعض في الكومنتات 👇

#تغذية #توازن

📚 بمناسبة رجوعنا للمدارس والدراسة من تاني… خلينا نهتم بأكلنا شوية كمان 🧠💗المذاكرة محتاجة تركيز وطاقة طول اليوم، والأكل ا...
13/09/2026

📚 بمناسبة رجوعنا للمدارس والدراسة من تاني… خلينا نهتم بأكلنا شوية كمان 🧠💗

المذاكرة محتاجة تركيز وطاقة طول اليوم، والأكل اللي بناكله ممكن يساعدنا نحافظ على نشاطنا وتركيزنا بدل ما نقضي اليوم كله بين القهوة والحلويات 😂☕🍫

جمعتلكم شوية أكلات بسيطة نقدر ندخلها في يومنا وتكون اختيار أحسن وإحنا بنذاكر ✨

إيه أكتر حاجة من دول بنحب ناكلها وإحنا بنذاكر؟ 👀📚

ومين فينا أصلًا بيبدأ المذاكرة بكوباية شاي… وينتهي بيها برضه؟ 😂😂

#تغذية #مذاكرة #التركيز #الدراسة #طلاب

بنأكل وجبة كويسة… وبعدها بساعة نلاقي نفسنا بندور على حاجة ناكلها تاني 😂🥲فنبدأ نسأل نفسنا:«هو إحنا بنجوع بسرعة كده ليه؟»أ...
08/09/2026

بنأكل وجبة كويسة… وبعدها بساعة نلاقي نفسنا بندور على حاجة ناكلها تاني 😂🥲

فنبدأ نسأل نفسنا:
«هو إحنا بنجوع بسرعة كده ليه؟»

أوقات الموضوع مش إننا أكلنا «قليل»… لكن ممكن تكون وجبتنا محتاجة شوية توازن أكتر.

خلينا نجرب نهتم بوجود:
🥚 مصدر بروتين
🥗 خضار أو مصدر ألياف
🍚 مصدر كربوهيدرات
🥑 وكمية مناسبة من الدهون

ومش لازم نغيّر كل حاجة مرة واحدة، ولا لازم وجباتنا تبقى مثالية.

خلينا بس نبدأ نبص على طبقنا بطريقة مختلفة. 🤍

ومتنسوش تبصوا على الأسئلة اللي في الكومنتات وتجاوبونا عليها 👇🏻👀🤍

#تغذية #الشبع #البروتين #الألياف #دايت #صحة

مين قال إننا عشان ناكل أحسن لازم نعيش على السلطة والبروكلي؟ 😂🥦إحنا مش محتاجين نغيّر أكلنا كله مرة واحدة، ولا نمنع كل حاج...
31/08/2026

مين قال إننا عشان ناكل أحسن لازم نعيش على السلطة والبروكلي؟ 😂🥦

إحنا مش محتاجين نغيّر أكلنا كله مرة واحدة، ولا نمنع كل حاجة بنحبها ❤️
أحيانًا تعديل صغير في الأكل اللي إحنا أصلًا متعودين عليه يخلّي وجباتنا أحسن وأكمل 👌🏻
نزود خضار، نضيف مصدر بروتين، نظبط الكمية، أو نغيّر طريقة التحضير من وقت للتاني…
من غير حرمان، ومن غير ما نخاف من كل أكلة بنحبها. 🫶🏻
وفي الآخر، الأكل المتوازن مش معناه إننا ناكل بشكل مثالي طول الوقت…
المهم نبدأ بخطوة صغيرة ونكمّل عليها. 💚

طب قولولنا بقى 👀👇🏻
إيه أكتر أكلة بتحبوها ومش مستعدين تستغنوا عنها؟ 😂❤️
اكتبوها في الكومنتات، ونشوف مين أكتر أكلة اتقالت 😂

وممكن ناخد أكتر إجابات ونشوف إزاي نقدر نخلي كل أكلة منها اختيار أحسن من غير ما نبوّظ طعمها. 👀🍽️

لو البوست عجبكم، اعملوا لايك ❤️ وشير لحد بيعتقد إن الأكل الصحي = أكل ممل 😂
ومتنسوش المتابعة عشان نكمّل سوا ونتعلم عن التغذية بطريقة بسيطة ومن غير تعقيد. 💚

#تغذية #صحة

بتسمع عن DASH Diet كتير ومش عارف هو إيه؟ 👀هو مش مجرد "قلل الملح وخلاص" 🧂😂في البوست ده هنعرف DASH مناسب لمين، بيعتمد على ...
25/08/2026

بتسمع عن DASH Diet كتير ومش عارف هو إيه؟ 👀
هو مش مجرد "قلل الملح وخلاص" 🧂😂
في البوست ده هنعرف DASH مناسب لمين، بيعتمد على إيه، ليه مهتم بالصوديوم، وإيه حكاية البوتاسيوم 🍌، وهل لازم أكل أكل غالي عشان أطبقه؟ 🇪🇬❤️
هنفهمه ببساطة ومن غير تعقيد، سلايد سلايد 👀
💬 ولو هتطبق DASH، إيه أكتر حاجة شايف/ة إنها هتكون صعبة عليك؟
🧂 تقليل الملح
🍟 تقليل الأكل المصنع والسناكس
🥬 زيادة الخضار والفاكهة
🌾 إدخال الحبوب الكاملة
اكتب اختيارك في الكومنتات 👇🏻😂
ولو البوست فادك ❤️
مننساش اللايك والشير، ونعمل Follow عشان يوصلك كل جديد عن التغذية بشكل بسيط ومن غير تعقيد.
وقولولى رأيكم في البوست وإيه الموضوع اللي تحبوا نتكلم عنه الجاي؟ 👀❤️

#التغذية #تغذية #دايت #صحة

بتعمل دايت ومش شايف النتيجة اللي مستنيها؟ 👀مش كل حاجة في الدايت بتكون مرتبطة بالأكل والسعرات بس!في تفاصيل صغيرة ممكن نغف...
22/08/2026

بتعمل دايت ومش شايف النتيجة اللي مستنيها؟ 👀

مش كل حاجة في الدايت بتكون مرتبطة بالأكل والسعرات بس!

في تفاصيل صغيرة ممكن نغفل عنها، زي نوع الكارب، كمية البروتين، السعرات اللي بننسى نحسبها، النوم وشرب المية 💧

#صحة

بعد غياب سنتين… نبدأ من بكرا؟ 👀😂لا لا، المرة دي نبدأ من النهارده بقى 🤌🏻❤️بما إننا كل مرة بنبدأ الدايت بنفس الحماس… ونقع ...
20/08/2026

بعد غياب سنتين… نبدأ من بكرا؟ 👀😂

لا لا، المرة دي نبدأ من النهارده بقى 🤌🏻❤️

بما إننا كل مرة بنبدأ الدايت بنفس الحماس… ونقع في نفس الغلطات، تعالوا نشوف أشهر الحاجات اللي بنعملها وإحنا فاكرين إننا كده بنبدأ صح 😂

👈🏻 شوفوا كام غلطة من دول وقعتوا فيها قبل كده 👀

ولو لقيتوا نفسكم في واحدة منهم… متقلقوش، إحنا كلنا كنا هناك 😂❤️

#تغذية #دايت

كتير مننا اتربى على جملة "الفطار أهم وجبة في اليوم"؟ الحقيقة إنها كانت مجرد حركة تسويقية من شركات زي كورن فليكس عشان يزو...
22/10/2024

كتير مننا اتربى على جملة "الفطار أهم وجبة في اليوم"؟ الحقيقة إنها كانت مجرد حركة تسويقية من شركات زي كورن فليكس عشان يزودوا مبيعاتهم😏! مش كل الناس لازم تفطر عشان جسمها يشتغل صح، الفكرة كلها إن كل جسم بيختلف عن التاني👌. يعني لو مش بتحس بالجوع الصبح، مش لازم تفطر غصب عنك. المهم إننا نختار وجبات صحية طول اليوم وناكل لما نحس بالجوع. الفطار مش هو اللي هيحدد صحتك، لكن اختياراتك الغذائية بشكل عام هي اللي هتفرق!🫵

ومن هنا ندخل في النقطة التانية🏃‍♂️، وهي فكرة إننا لازم نفطر أول ما نصحى من النوم! الحقيقة إن العبارة دي مش صحية. تعالوا نبص للكلمة نفسها "Breakfast" بالإنجليزي: break = أكسر، fast = صيام. يعني "أكسر صيامك". جسمنا بيكون في حالة صيام خلال الليل وبيشتغل على حرق الأكل اللي أكلناه قبل النوم👏، وكمان بيمر بعملية مهمة جدًا بتساعد في تنظيف الجسم من الخلايا الميتة وحتى السرطانية💪.
لما نمد فترة الصيام دي شوية (زي ما بيحصل في الصيام المتقطع) بنستفيد منها بشكل أكبر👌. الصيام المتقطع ليه فوائد كتير زي تحسين الهضم، زيادة الحرق، وتنظيم مستويات السكر في الدم. يعني لو مش جعانين أول ما نصحى، مفيش داعي نفطر على طول. الأهم إننا نسمع لجسمنا ونفطر لما نحس بالجوع🤌.

طيب امتى الفطار يكون مش صحى؟ 🤔
الفطار بيكون مش صحي لو كان مليان سكريات أو دهون غير مفيدة ومش بيوفر لجسمك العناصر الغذائية اللي محتاجها. بعض الأمثلة على الفطار غير الصحي:

1. وجبات مليانة سكريات: زي الكرواسون🥐، الدونات🥯، أو حبوب الإفطار زى الكورن فليكس😏. السكريات بتدي طاقة سريعة، لكنها بتسبب ارتفاع سريع في مستوى السكر في الدم وبعدها بتلاقي نفسك جعان تاني بسرعة🤦🏻‍♀️.

2. الأكل المقلي أو المليان دهون مش صحية: زي البطاطس المقلية🍟 أو المعجنات الجاهزة، الدهون المشبعة بتتراكم في الجسم وبتأثر على صحة القلب🫀.

3. مشروبات صناعية : زي العصائر المعلبة أو المشروبات الغازية🧃. السكر فيها عالي جدًا وبيسبب زيادة الوزن بدون ما يعطي أي فائدة غذائية.

4. الكربوهيدرات البسيطة: زي العيش الأبيض🥖 أو المعجنات🧇. دي بتسبب ارتفاع سريع في السكر لكن بدون شبع طويل، وبتحس بجوع أسرع.
لو فطارك من الحاجات دي، فهو غالبًا بيزود من مستوى السكر والدهون في جسمك بدون ما يديلك طاقة مستدامة أو عناصر مفيدة.

👈الخلاصة
مش كل اللي اتعودنا عليه صح أو لازم نمشي عليه🤌. فكرة إن الفطار أهم وجبة في اليوم أو إننا لازم نفطر أول ما نصحى، طلع مجرد تسويق أكتر منه حقيقة علمية😏. المهم إننا نفهم جسمنا ونعرف إيه اللي يناسبه. في النهاية، مفيش قاعدة ثابتة تناسب الكل. اسمع لجسمك، كل لما تكون جعان، واهتم إن أكلك يكون صحي ومتوازن. هو ده السر الحقيقي لصحة أفضل🤝!




"الشعر مش بس بيجمّل، ده كمان بيعكس صحتنا من جوا. وعشان يبقى قوي وناعم، محتاج تغذية كويسة ونهتم بالفيتامينات والمعادن ، و...
30/09/2024

"الشعر مش بس بيجمّل، ده كمان بيعكس صحتنا من جوا. وعشان يبقى قوي وناعم، محتاج تغذية كويسة ونهتم بالفيتامينات والمعادن ، وهنلاقي الشعر بيلمع وبقى أقوى من الأول."

تعالو اقولكو على فيتامينات مهمة لشعرك وتغذية تساعده يكون أقوى! 💇🏻‍♀️ 🌸

1. فيتامين D:

مهم لنمو الشعر. لأن نقص الفيتامين دا، بيكون سبب كبير لتساقط الشعر.😢

موجود في الشمس، السمك🐟، والبيض.

2. البيوتين (فيتامين B7):

ده بقى السحر! بيقوي شعرك ويمنع تقصفه.👌🏻

موجود في المكسرات، الأفوكادو، والبيض🥚.

3. فيتامين E:

بيحسن الدورة الدموية لفروة الرأس وبيحمي الشعر من التلف👏.

موجود في الزيوت النباتية والمكسرات🥜.

4. فيتامين C:

بيزود إنتاج الكولاجين اللي بيقوي الشعر وبيساعد في امتصاص الحديد.👏

موجود في البرتقال، الفراولة، والفلفل الأحمر🍊🍋.

5. فيتامين A:

بيساعد في إفراز الزيوت الطبيعية لفروة رأس رطبة وشعر مش جاف.

موجود في الجزر🥕، السبانخ🥬، والبطاطا الحلوة🍠.

6. الحديد:

نقصه ممكن يسبب تساقط الشعر. جسمنا محتاجه علشان ينقل الأكسجين لفروة الرأس.

موجود في اللحوم الحمراء🥩، السبانخ، والبقوليات.

7. الزنك:

مهم في إصلاح الشعر ونموه، وكمان بيحافظ على صحة فروة رأسك.

موجود في الأسماك 🐠، اللحمة🥩، والحبوب.

الخلاصة 🤌

تغذيتنا هي السر! 🍽️

البروتين: شعرنا عبارة عن بروتين (كيراتين)، فمهم ناكل كميات كافية من البروتين عشان يبقى قوي.

أوميغا-3: بتخلي الشعر لامع وناعم، وبتمنع جفاف فروة الرأس. هتلاقيها في الأسماك والمكسرات.

المياه: لو مش بنشرب مياه كفاية، الشعر هيبقى جاف ويتقصف.

لو اهتمينا بتغذيتنا، وهنشوف شعرنا بيكون أقوى، أطول، وأحلى! 💁‍♀️✨

Address

Damietta

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Friday 9am - 5pm
Saturday 9am - 5pm
Sunday 9am - 5pm

Website

Alerts

Be the first to know and let us send you an email when Dt. Eman Shoaib posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

Other Nutritionists in Damietta

Show All