Ola wellness nutrimed

02/10/2026

01/10/2026

يوميات طبيبة باطنية |25

«15 سنة ما شفتهاش… لا رقم تليفون، ولا تواصل، ولا حتى أعرف أخبارها. وفجأة دورت على اسمي على فيسبوك ووصلت لي!» ❤️

من حوالي 15 سنة ما شفتش واحدة أعرفها من زمان جدًا.

خلال السنين دي، أنا سافرت السعودية ورجعت مصر، وهي كمان سافرت لدولة تانية خارج مصر، واتغيرت أرقام تليفوناتنا، وكل واحدة فينا انشغلت في حياتها.

وبعد كل السنين دي… انقطع التواصل تمامًا.

لحد ما حصلت الصدفة الجميلة دي. ❤️

هي قالت لي إنها دورت على اسمي على فيسبوك، وقدرت توصل لرقم تليفوني وتتواصل معايا.

وبدأنا نتكلم…

والغريب الجميل إنك لما تتكلمي مع حد بعد 15 سنة، تلاقي الكلام رجع بسهولة جدًا، وكأن آخر مرة اتقابلنا كانت امبارح!

وأثناء كلامنا، قلت لها إني حصلت على دبلومة في التغذية العلاجية وإن المجال ده أصبح جزءًا من شغلي.

فقالت لي:

«على فكرة أنا وزني زاد جدًا بقاله فترة، وأنا محتاجة أخس.»

قلت لها بكل حب:

«تحت أمرك ❤️»

وهنا ابتسمت…

لأن الصدفة دي ما كانتش مجرد رجوع صديقة قديمة بعد سنوات طويلة، لكنها كانت كمان بداية لقاء جديد بيننا، لكن المرة دي من خلال مهنتي في التغذية العلاجية.

يمكن الحياة فعلًا بتبعدنا عن بعض الأشخاص لسنين…

تغيّر البلاد،
وتغيّر أرقام التليفونات،
وتغيّر تفاصيل حياتنا…

لكن المعزّة الحقيقية بتفضل موجودة.

ومهما بعدت الأيام والمسافات، لما يرجع التواصل الحقيقي، بنكتشف إن بعض العلاقات ما اختفتش… هي بس كانت ساكتة لفترة. ❤️

💬 هل حصل معاك قبل كده إن شخص غاب عن حياتك سنين طويلة، وفجأة رجع وتواصل معاك وكأن مفيش أي وقت عدى؟ ❤️

# ، ، ، ، خساره الوزن #

30/09/2026

🩺 يوميات طبيبة باطنية |24

ظاهرة القطيع

عمرك مشيت عكس اتجاه الناس كلها؟
وكل اللي حواليك ماشيين في اتجاه واحد… وإنت لوحدك في الاتجاه التاني؟

ما تفتكرش إن العدد هو اللي بيحدد مين صح ومين غلط.

مش معنى إن ناس كتير ماشية في طريق… إن الطريق ده هو الصح.

في حياتك، وفي شغلك، ممكن تختار طريق مختلف.
ممكن ترفض حاجة كل الناس بتعملها.
وممكن تتمسك بمبدأ أو أخلاق أو طريقة شغل، رغم إن ده يخليك تمشي لوحدك.

وساعات الناس مش بتكتفي إنها تختلف معاك…

تحاول تقنعك إنك غلط.

ولو ما قدرتش تغيّرك،
ولو ما قدرتش تخليك تمشي زيها…

ممكن تبدأ تحاربك، وتتبلى عليك، وتقول فيك حاجات مش موجودة أصلًا.

مش لأنك عملت حاجة غلط…
لكن لأنهم ما قدروش يخلوك تبقى زيهم.

لكن هنا لازم تسأل نفسك:

هل أنا مقتنع إن اللي بعمله صح؟
هل ضميري مرتاح؟
هل ملتزم بأخلاقي ومبادئي؟
هل بعمل شغلي بأمانة وإتقان؟

لو إجابتك نعم…

ما تضعفش لمجرد إنك ماشي لوحدك.

القطيع ممكن يخليك تشك في نفسك،
لكن الاختلاف مش دليل على الخطأ، والأغلبية مش دائمًا دليل على الصواب.

راجع نفسك باستمرار، وصحّح أخطاءك لو أخطأت…
لكن ما تغيّرش مبادئك فقط عشان ترضي الناس.

اثبت. قاوم. وكمّل طريقك.

ومهما طال الوقت،
النتائج هي اللي بتتكلم.

يمكن النهارده تكون ماشي لوحدك…
لكن بكرة الناس ممكن تفهم ليه اخترت الطريق ده.

فلو لقيت نفسك يومًا ماشي عكس التيار…
ما تخافش.

اسأل نفسك فقط:

أنا ماشي عكس الناس… ولا ماشي عكس الحق؟

ولو كنت متأكد إنك ماشي في الطريق الصح…

كمّل.
اثبت.
وما تضعفش.

لأن مش كل اللي ماشيين في نفس الاتجاه… عارفين هم رايحين فين.

, , , , #الوعي,

29/09/2026

🩺 يوميات طبيبة باطنية |23
قبل ما المشكلة تستفحل… لازم أوضح نقطة مهمة جدًا

«دكتورة، أنا بعتيلك التحليل على الواتساب… ليه ما رديتيش؟»

السؤال ده بيتكرر، والأصعب إن بعض الناس بتزعل جدًا، وبتعتبر إن عدم الرد نوع من التجاهل، أو إن الدكتورة مش مهتمة بالمريض.

لكن الحقيقة مختلفة تمامًا.

بعض مرضى الباطنة بيبعتوا نتائج تحاليلهم على رقم واتساب عيادة التغذية، أو حتى على رقمي الشخصي، وده مش صح ومش مقبول كوسيلة للحصول على تقييم أو استشارة طبية.

لأن ببساطة:

أنا لا أعالج تحليلًا… أنا أعالج إنسانًا.

لما بشوف المريض لأول مرة، بسمع شكواه، بأخذ التاريخ المرضي، وبعمل التقييم الطبي، وبناءً على ده بيكون عندي تشخيص مبدئي.

لكن لما تظهر نتائج التحاليل، ممكن النتائج دي تغيّر التشخيص المبدئي أو تغيّر اتجاه التقييم والعلاج.

وعشان كده لما المريض ييجي العيادة بالتحاليل، أنا مش ببص على التحليل وأقول: «خلاص، العلاج كذا».

أنا محتاجة أعيد تقييم الحالة من جديد، وأسمع الشكوى مرة أخرى، وأراجع التاريخ المرضي والأدوية، وأربط كل ده بنتائج التحاليل، وبعدها أقرر:
إيه التشخيص؟ وإيه العلاج المناسب؟

فلو المريض شافني قبل كده، وبعدها بعت التحليل على الواتساب، وأنا في اللحظة دي أصلًا مش فاكرة تفاصيل شكواه، مينفعش طبيًا إني أكتب له علاجًا لمجرد إني شفت نتيجة التحليل.

وده تحديدًا سبب إنني ممكن أرفض الرد على رسائل التحاليل على الواتساب.

عدم الرد هنا مش تجاهل… ده حرص على سلامة المريض.

لأن إعطاء توصية علاجية بناءً على تحليل منفرد، من غير إعادة تقييم الحالة وربط النتيجة بالأعراض والتاريخ المرضي والفحص، ليس أسلوبًا سليمًا لاتخاذ القرار الطبي.

والطب مش مجرد:
«التحليل طلع كذا → يبقى العلاج كذا».

الطب هو:
مريض + أعراض + تاريخ مرضي + فحص + تحاليل + تقييم سريري = قرار طبي.

وأنا كطبيبة، مسؤوليتي إني ما أديش إجابة لمجرد إن المريض منتظر رد.

مسؤوليتي إني أدي الإجابة الطبية الصحيحة والآمنة. ❤️

لذلك لو عندك تحاليل جديدة، الأفضل إنك تحجز موعد وتحضر بها للعيادة، ونراجع الحالة من أول وجديد ونحدد بناءً على الصورة الكاملة هل التشخيص المبدئي ما زال صحيحًا أم يحتاج إلى تعديل، وما العلاج المناسب.

لأن:

التحليل لا يتكلم وحده…
المريض هو الذي يتكلم، والطبيب يحتاج أن يسمعه أولًا. 💚

29/09/2026

🩺 يوميات طبيبة باطنية |22

«دكتورة… أنا مسافر العمرة بعد 12 يوم، ظبطيلي السكر بسرعة!»

جالي راجل في أواخر الخمسينات، مريض سكر من سنين.

كان آخر تراكمي من حوالي 3 شهور 7%، لكن خلال الشهرين اللي فاتوا قرر يغيّر نظامه من نفسه.

❌ وقف البقوليات والخضروات الورقية
❌ وقف العيش
❌ بدأ يأكل سكريات ومربى
❌ وبدأ ياكل بطاطس أكتر

لكن المشكلة الأكبر كانت إنه وقف علاج السكر نفسه من غير استشارة طبية.

والنتيجة؟

جاءني وهو مرهق جدًا، عنده خمول شديد وتكسير في الجسم، وقراءات السكر عنده وصلت إلى 500 mg/dL.

عملناله فورًا تحليل غازات الدم وأسيتون بالبول للتأكد من عدم وجود حموضة كيتونية، والحمد لله النتائج كانت مطمئنة ولم تكن هناك حموضة.

لكن المفاجأة كانت في التراكمي:

📈 HbA1c ارتفع من 7% إلى 13%!

وكان أمامنا سفر للعمرة بعد 12 يومًا فقط.

شرحت له إن ارتفاع السكر بهذا الشكل يحتاج تدخلًا سريعًا ومتابعة قريبة، وإن الأنسولين قد يكون ضروريًا في هذه المرحلة للسيطرة على السكر.

لكنه كان رافضًا جدًا لفكرة الأنسولين.

فبدأنا علاجًا بأدوية فموية، مع التأكيد عليه أن يعود بعد 3 أيام بقراءات السكر، وإذا ظلت القراءات مرتفعة، فالأفضل البدء بالأنسولين طويل المدى.

لكنه لم يرجع بعد 3 أيام…

ولا بعد أسبوع…

ولا حتى بعد 10 أيام.

رجع قبل السفر بيوم واحد وقال:

«السكر لسه 350… والتكسير في جسمي زاد، وأنا مش قادر أحرك رجلي كويس… ومش عارف هروح العمرة إزاي!»

قست له السكر في العيادة:

355mg/dL.

وهنا كان لابد من إعادة التقييم مرة أخرى.

عملناله تحليل غازات الدم وأسيتون بالبول مرة تانية، والحمد لله النتائج كانت مطمئنة ولم تكن هناك حموضة كيتونية.

أعطيته محلولًا ملحيًا وجرعة من الأنسولين قصير المدى، وطلبت منه عمل تحاليل وظائف الكلى والبوتاسيوم للاطمئنان.

والحمد لله كانت النتائج كويسة.

قلت له يرجع لي بالليل، وأخذ جرعة تانية من المحلول وجرعة من الأنسولين، وبدأنا الأنسولين طويل المدى مع العلاج المناسب.

والحمد لله ❤️

بعد جرعتين المحلول والأنسولين، بدأ السكر يتحسن، واختفى تكسير الجسم والإرهاق الشديد بشكل واضح.

وبعد سفره للعمرة، وصلتني منه رسالة من السعودية:

«حسيت إني رجعت خمس سنين لورا… وندمان إني ما سمعتش كلامك من الأول.» ❤️

والحمد لله إنه سافر وهو في حالة أفضل.

💡 الرسالة من القصة

المشكلة الأكبر لم تكن في نوع واحد من الطعام… وإنما في إيقاف علاج السكر من نفسه.

مريض السكري لا ينبغي أن يوقف علاجه أو يغيّر خطته العلاجية دون الرجوع إلى طبيبه.

والأنسولين ليس عقوبة، وليس معناه بالضرورة أنك ستستخدمه مدى الحياة.

في بعض حالات الارتفاع الشديد للسكر، قد يكون الأنسولين جزءًا مهمًا من العلاج للوصول إلى السيطرة على السكر وتقليل المخاطر.

والسفر، خصوصًا مع وجود مجهود بدني كبير مثل العمرة، يحتاج إلى تخطيط طبي مسبق وليس محاولة ضبط السكر في آخر لحظة.

❤️ ربنا يتقبل عمرته ويرجعه لنا بألف سلامة.

د. علا سعد الدين علي
استشاري أمراض الباطنة وأخصائي التغذية العلاجية

#السكري #الأنسولين

28/09/2026

يوميات طبيبة باطنية |21

أبو بلاش… ليه بنستهين بيه؟

من حوالي سنة، في رمضان اللي فات، كنت مخلصة دبلومة التغذية العلاجية بقالي سنة تقريبًا، لكن لسه ماكنتش بدأت أشتغل بشكل عملي في مجال التغذية العلاجية.

وفي رمضان اللي فات، اشتركت في مؤسسة خيرية في القاهرة كانت عاملة حملة مجانية للتدريب العملي للأخصائيين الجدد في التغذية العلاجية، علشان نبدأ نتعامل مع حالات حقيقية ونكتسب خبرة عملية.

وبصراحة، كانت خطوة فيها شوية Stress بالنسبة لي، خصوصًا إنها كانت في رمضان، وكنت أفضل يكون التدريب في وقت تاني بعيد عن ضغط الشهر.

لكن سبحان الله، كل الحالات اللي جاتلي كانت حالات سكر، ومقاومة أنسولين، وتكيسات مبايض.

الحمد لله، كان فيه حالتين عندهم درجة كويسة من الوعي والالتزام. في بداية الشهر كان فيه شوية لخبطة، خصوصًا مع رمضان وتغيير مواعيد الأكل ونمط الحياة، لكن مع المتابعة، وبنهاية الشهر، حصل نزول في الوزن والتزام واضح عندهم، وده كان شيء أسعدني جدًا.

لكن في المقابل، كان فيه حالتين تانيين…
منتهى الاستهتار وعدم الاهتمام.

وهنا بدأت أسأل نفسي:

ليه إحنا أحيانًا لما الحاجة تكون ببلاش… بنستهين بيها؟

الحملة كانت مجانية، والخدمة مقدمة من قبل متخصصين، والحالات اللي كانت معايا كانت عارفة إنها بتتعامل مع استشاري باطنة وأخصائي تغذية علاجية، ومع ذلك ماكانش فيه نفس القدر من الاهتمام والالتزام.

وأحيانًا تكون الخدمة المجانية أو بسعر رمزي فرصة صعب جدًا تلاقي مثلها، لأن وراءها علم وخبرة ووقت ومجهود.

فمش كل حاجة مجانية معناها إنها قليلة القيمة.

أبو بلاش… كَتِّر منه! 😄
بس لما ييجي لك شيء نافع ببلاش، ما تستهونش بيه… قدّره واستفد منه.

لأن القيمة الحقيقية مش دايمًا في السعر اللي دفعته…
أحيانًا القيمة في الفرصة اللي وصلت لك. ❤️

27/09/2026

🥚 البيض بقى تريند النهارده… بس هل قيمته الغذائية زادت مع سعره؟! 👀

بعد الارتفاع الأخير في أسعار البيض في مصر، السؤال مش بس:
«طبق البيض بكام؟» 💰

لكن كمان:
«هل البيض مهم فعلًا في التغذية العلاجية؟ وهل لازم يكون موجود في نظامك الغذائي؟» 🤔

خلينا نفصل بين السعر في السوق والقيمة الغذائية 👇

🥚 البيض مصدر جيد للبروتين عالي الجودة، ويحتوي على مجموعة من العناصر الغذائية المهمة، ولذلك يمكن أن يكون جزءًا من نظام غذائي متوازن.

لكن… ❌
مش معنى كده إن كل شخص محتاج نفس الكمية، أو إن البيض وحده هو سر التخسيس أو بناء العضلات أو علاج أي مرض.

في التغذية العلاجية، الكمية وطريقة التحضير وتوزيع الدهون والبروتين والكربوهيدرات على مدار اليوم أهم من فكرة «أكل البيض أو منعه» بشكل مطلق.

💡 والأهم: وجود البيض في النظام الغذائي بيتحدد حسب الحالة الصحية الكاملة، وليس بسبب تريند أو سعر أو معلومة منتشرة على السوشيال ميديا.

📌 طيب نعملها تفاعلية؟

قولي في الكومنت 👇
لو سعر البيض فضل يرتفع… هتفضلي تشتريه لأنه أساسي عندك، ولا هتدوري على بدائل للبروتين؟ 🥚💬

واكتبي كمان:
أنتِ بتاكلي كام بيضة في الأسبوع؟

👇 مستنية إجاباتكم… ويمكن نكتشف إن كل واحدة عندها «علاقة مختلفة» مع البيض! 😄




#البيض