Drsalmaelkoush

Home
Egypt
Mansoura
Drsalmaelkoush

Website

Contact information, map and directions, contact form, opening hours, services, ratings, photos, videos and announcements from Drsalmaelkoush, Health & Wellness Website, Mansoura.

💊 Pharmacist | 🌿 Clinical Nutritionist (MU)
🏋️ Weight Loss • Weight Gain • Sports Nutrition
✨ Add life to your years, not years to your life.
📩 Online Booking | Send DM

28/10/2026

ما تخليش نزول المية يخدعك إنك كده خسيت! ⚖️💧

الملينات ممكن تنزّل وزنك مؤقتًا بسبب فقدان المية، لكن ده ليه حدود، ومش معناه إنك خسيت دهون.

خسارة الدهون الحقيقية محتاجة طريقة مختلفة، مش مجرد رقم أقل على الميزان. 💚

#ملينات

Modern Doctors مودرن دكتورز

26/10/2026

بشكر برنامج Modern Doctors مودرن دكتورز على استضافتي، وسعيدة بمشاركتي في مناقشة موضوع مهم وشاغل ناس كتير الفترة دي. ❤️

الملينات لإنقاص الوزن.. هل فعلًا هي «أوزمبك الغلابة»؟ 🤔

هل استخدامها آمن؟ وهل فعلًا بتساعد على خسارة الدهون، ولا الموضوع مختلف تمامًا عن اللي ناس كتير متخيلاه؟

في أول جزء من اللقاء، بنتكلم عن التريند ده من منظور التغذية العلاجية، وإيه حقيقة استخدام الملينات بهدف إنقاص الوزن.

📌 ودي مجرد البداية.. استنوا باقي أجزاء اللقاء، هنتكلم فيها عن تفاصيل مهمة لازم تعرفوها قبل ما تنساقوا ورا أي تريند ممكن يضر صحتكم. 💚

#الملينات
#تغذية

23/10/2026

تعالي أقولك على أشهر مصادر الفيتامينات والمعادن في أكلك اليومي 🍊🥛
من فيتامين C للحديد والكالسيوم والماغنسيوم، هتكتشفي إن تنويع أكلك بيفرق في قيمته الغذائية ❤️

16/10/2026

الرمان مش بس فاكهة شتوية لذيذة ❤️🍎 ده كمان غني بمركبات مضادة للأكسدة، وبيحتوي على الألياف وفيتامين C، وده بيخليه إضافة مفيدة لنظامك الغذائي. ✨
لكن زي أي فاكهة، الأهم إننا نستفيد من فوائدها وندخلها في نظام غذائي متوازن، من غير ما نبالغ في توقعاتنا منها. ❤️
إنتوا بتحبوا الرمان حبوب ولا عصير؟ 😍🍷

#دايت

13/10/2026

في فرق كبير بين وزن الأكل وكمية البروتين اللي فيه، وده فرق مهم لازم نفهمه، خصوصًا لو بتتابع نظام غذائي للتخسيس أو زيادة الوزن، أو هدفك تحافظ على الكتلة العضلية. 💪🏻🌿
عشان كده، جمعنالك أشهر مصادر البروتين في بوست واحد، عشان تعرف كمية البروتين الموجودة في كل مصدر وتقدر تحسب أكلك بشكل أدق، بدل ما تعتمد على التخمين. 🤍
والأهم إننا لسه مخلصناش! 👀 فيه مصادر بروتين تانية كتير هنكمل بيها في الجزء التاني.
💬 تفتكروا إيه المصادر اللي لسه ناقصة؟ شاركونا توقعاتكم في الكومنتات، وممكن نختار من اقتراحاتكم موضوعات لبوستات جاية ❤️
📌 احفظ البوست وارجعله وقت ما تحتاج تحسب البروتين في أكلك.
#تغذية #بروتين #دايت

11/10/2026

فيتامين دال بين الحقيقة والخرافة

09/10/2026

السنة لسه مخلصتش، ولسه عندك فرصة تبدأ رحلة التخسيس وخسارة الوزن بطريقة صحية ومن غير حرمان. 💗
سواء هدفك إنقاص الوزن، تقليل نسبة الدهون، أو تحسين شكل جسمك ولياقتك البدنية، البداية مش محتاجة دايت قاسي ولا حرمان، لكنها محتاجة خطوات مناسبة ليك تقدر تستمر عليها.
افتكر إن التغذية العلاجية مش مجرد دايت لفترة وخلاص، لكنها أسلوب حياة بيساعدك تحافظ على نتائجك وتوصل لهدفك بشكل صحي. ✨
ابدأ من دلوقتي، مش لازم تستنى أول السنة! 🤍
إيه هدفك قبل نهاية السنة؟ شاركني في الكومنتات 👇

05/10/2026

🎒 اللانش بوكس مش مجرد أكل بنحطه في علبة… هو وجبة بتساعدك تكمّل يومك بتركيز وطاقة أحسن.
وعشان كده حاول دايمًا تخلي وجبتك فيها مصدر بروتين + مصدر كربوهيدرات + خضار أو فاكهة + مصدر دهون صحية حسب احتياجاتك. 🥪🍎🥒
في البوست جمعتلك أفكار بسيطة ومناسبة للجامعة أو المدرسة، وممكن تبدّل مكوناتها حسب المتاح عندك واحتياجاتك.
مش محتاج لانش بوكس مثالي… محتاج وجبة متوازنة تقدر تلتزم بيها. 🤍
احفظ البوست عشان ترجعله وقت ما تحتار تحط إيه في اللانش بوكس. 📌
#جامعة #دايت #مدارس
#أمهات #تغذية

02/10/2026

الكارديو مهم… بس لو هدفك تخس وتحافظ على جسم قوي، تمارين المقاومة مش اختيار إضافي 💪🏻🔥
تمارين المقاومة بتساعدك تحافظ على الكتلة العضلية وتبني عضلات، وتحسن حساسية الإنسولين، وتدعم صحة العظام واللياقة مع الوقت.
لأن الهدف مش مجرد رقم أقل على الميزان…
الهدف إنك تخس وتحافظ على عضلاتك وصحتك. 🤍
📩 احجز استشارتك أونلاين

28/09/2026

الفكرة مش إننا نقسم الأكل لـ«مسموح وممنوع».. لكن نعرف نختار إيه أكتر، وإيه أقل 👌🏻
🍊 الفاكهة الكاملة أفضل من العصير لأنها بتوفر ألياف أكتر، والعصير المعلب غالبًا بيكون محلى ومُصنّع.
🍞 العيش كامل الحبة اختيار أفضل بشكل متكرر لأنه أغنى بالألياف من الفينو والمخبوزات المصنوعة من الدقيق المكرر.
🥔 البطاطس المسلوقة أو المشوية نقدر نعتمد عليها أكتر، ونقلل المقلية بسبب كمية الدهون والسعرات الإضافية من التحمير، ونبعد عن الشيبسي قدر الإمكان.
🍗 الفراخ المشوية مصدر بروتين كويس، لكن الفرايد تشكن بيضيف دهون وسعرات أكتر بسبب التغطية والقلي، واللحوم المصنعة الأفضل نقللها قدر الإمكان.
الفكرة في النهاية مش الحرمان، لكن إن اختياراتنا اليومية تميل للأبسط والأقل تصنيعًا 🤍

Address

Mansoura

Website

https://www.instagram.com/drsalmaelkoush?igsh=YWJkMW9yYjl6Z2J1

Alerts

Be the first to know and let us send you an email when Drsalmaelkoush posts news and promotions. Your email address will not be used for any other purpose, and you can unsubscribe at any time.