Dr samar Ashraf

01/11/2026

حقيقي من أكتر الحاجات اللي بتبسطني إن شغلي يكون سبب في إن حد يرشحني لحد تاني، وإن ثقة الناس وكلامهم الحلو عني وعن شغلي يكونوا سبب في إن ناس بتبقي مجرد حابه تيجي تتعامل معايا ❤️
والأجمل من كده إن ناس كتير بتجيلي لأول مرة، وتخرج وهي مبسوطة وراضية عن تجربتها، وده في حد ذاته شيء بيفرق معايا جدًا وبيخليني أحس إن تعبي ومجهودي ليهم أثر.
شكرًا لكل حد بيرشحني، ولكل حد بيقول كلمة حلوة في حقي، ولكل حد اداني ثقته.

ربنا يديم المحبة والقبول، ويقدرني دايمًا أكون قد الثقة دي، وأقدم أحسن ما عندي لكل حالة بتكون مسؤوليتي ❤️🙏🏻

30/10/2026

عنوان جديد.. واستقبال بكل حب ❤️

خصم 50% على الكشوفات والتقييمات للحالات الجديدة.
مستنيينكم 💕💕
📍 الزوامل – الموقف – أعلى صيدلية نوح.
📲 01043696566

23/10/2026

عاوزة أتكلم في موضوع، ويا رب ما تقيموا عليّا الحد بجد 🤣😂

مين معلش أقنعكم إن نظام الـ GAPS Diet فعّال في علاج التوحد أو تحسين أعراضه؟! 👀

لحد دلوقتي، مفيش أدلة علمية قوية كفاية من دراسات سريرية محكمة وواسعة النطاق تثبت فعاليته في علاج التوحد أو تحسين أعراضه بشكل موثوق.

وده غير إن تطبيق النظام من غير دراسة كافية ممكن يعرّض الطفل لنقص عناصر غذائية ومضاعفات صحية، فضلًا عن العبء النفسي والاجتماعي المرتبط بنظام غذائي شديد التقييد زي ده ..

ومحدش يقولي: «أنا مشيت عليه مع ابني واتحسن»؛ لأن تجربتك الشخصية، انا مش بكذب تجربتك بجد ♥️ لكن مهما كانت ف هي مش دليل كافي على إن النظام هو سبب التحسن، ولا إن نتائجه هتتكرر مع كل طفل.

ما يناسب طفل مش بالضرورة يناسب طفل تاني.

خصوصًا إن الأطفال المصابين بالتوحد مش نسخة واحدة من بعض؛ فيه اختلافات في الحالة الصحية، والاحتياجات الغذائية، ووظائف الجهاز الهضمي، والميكروبيوم المعوي، والاستجابة للأطعمة.

والأهم إننا ما نعممش نظامًا غذائيًا شديد التقييد على أطفال لمجرد افتراضات عن علاقة الأمعاء بالتوحد، من غير أدلة علمية كافية تثبت الفعالية والأمان.

آه، التغذية الصحية مهمة، وعلاج مشكلات الجهاز الهضمي الحقيقية مهم جدًا، لكن علاج المشكلة الغذائية أو الهضمية مش هو نفسه علاج التوحد.

خلونا نفرّق بين الممارسات المبنية على الدليل العلمي، والتجارب الشخصية، والادعاءات العلاجية اللي لسه محتاجة إثبات. ❤️
وده مش مجرد وجهة نظر حقيقي بقالي فترة ببحث ف الموضوع ف ارجو كمان انتوا تدورو وتبحثو لأن إحنا المفروض بنشتغل Evidence-Based Practice، مش كل تريند علاجي يظهر نجربه في أطفالنا وخلاص ❤️

23/10/2026

‏ياربّ أبقي شاطرة في حياتي وف شغلي وعلمي مش شاطرة عادي، ياربّ أنفع بيا وزدني من علمك وفضلك وارضني وارضَ عني واجعلني خيراً لنفسي ولمن حولي وأرزقني حُسن الأدب وسعةَ النفس♥️🎀

22/10/2026

شهادة لله بجد 🇪🇬🇩🇿❤️
المتخصصات في مجال النطق واللغة والصوت في الجزائر دايماً بيلفتوا نظري جدًا، شطارة وتنظيم واهتمام بالتفاصيل وبشغلهم بشكل يخلّي الواحد يحترم المجهود ده بجد. 👏🏻

ربنا يبارك في علمكم ومجهودكم، ودايمًا من نجاح لنجاح يا رب ♥️✨
كل التقدير ليكم ، وشكرًا على الصورة الحلوة اللي بتقدموها عن تخصصنا ❤️🇩🇿

14/10/2026

عارفين إيه القصص والكتب المناسبة لطفلك من عمر ٦ شهور لحد ٦ سنين؟ 🧸✨
وهل كل كتاب ينفع لأي طفل، ولا فيه كتب وقصص بتناسب كل مرحلة عمرية؟ 🤔📖

13/10/2026

لازم نهتم بصحتنا الصوتية زي ما بنهتم بتدريب حالاتنا. 🩺
الكوباية دي☕️🌿 كنز لكل حد بيعتمد على صوته في شغله! 🗣️
مدرس بقي ،دكتور وبتشرح كتير إمام وخطيب
او اي حد بيتكلم كتير ف شغله عامةً

11/10/2026

📢 دلوقتي متاح إجراء اختبارات الذكاء IQ ✨

واختبار اللغة وصعوبات التعلُّم في عيادة Speech Care للتخاطب بالزوامل 🤍🧠

🧠 اختبار الذكاء (IQ Test)
لتقييم القدرات العقلية والمعرفية.

🗣️ اختبار اللغة (Language Assessment)
لتقييم مستوى اللغة الاستقبالية والتعبيرية ومهارات التواصل.

📚 اختبار صعوبات التعلُّم (Learning Disabilities Assessment)
لتقييم المهارات الأكاديمية والكشف عن الصعوبات المحتملة في القراءة والكتابة والحساب، للمساعدة في تحديد طبيعة الصعوبة ووضع خطة التدخل المناسبة.

📍 المكان: عيادة التخاطب / الزوامل /شارع البحر بجوار عيادة د محمد السعيد للعيون

📲 للحجز والاستفسار عبر واتساب:
01043696566

🤍 نسعد بثقتكم دايما ً .

د. سمر أشرف
أخصائية أمراض اللغة والصوت والتخاطب 🩺

10/10/2026

يزن جابلي احلي ورد النهارده ♥️🌻
ومش الورد هو اللي فرّحني قد فرحته وهو بيقدّمهولي 🥹💐❤️
الحمد لله يا رب على نعمة القبول اللي مديهالي في قلوبهم، وعلى الحب الصادق ف قلب الطفل ليا اللي بيخلّي الواحد يحس إن شغله أكبر بكتير من مجرد شغل ♥️
ربنا يديمها نعمة 🤍

06/10/2026

لو حد هيروح م البيدج هنا يكلمني👏🏼♥️

إيه رأيك تجمع الناس اللي بتحبهم في يوم واحد… وتخلي خروجة اليوم ليها معنى؟

إنت وأولادك، عيلتك، أصحابك، جيرانك أو حتى زمايلك في الشغل…
تعالوا نخرج سوا، نلعب سوا، نضحك سوا… ونعمل خير سوا.

في TANZA for Hope، مستنيينكم في أول كرنفال خيري لدعم أطفال 57357، في يوم مختلف هيجمعكم مع عدد كبير من أبطال 57357 لأول مرة داخل كرنفال مليان فرحة وذكريات. 💛

🎮 ألعاب وأنشطة كرنفالية
🎨 ورش فنية وإبداعية
🎭 عروض فنية وترفيهية
🏆 مسابقات وألعاب جماعية
📸 صور وذكريات مع أبطال 57357
💛 فرصة تسمعوا وتشاركوا قصصهم
🍔 منطقة للطعام والاستراحة
🎉 وأجواء مناسبة للأطفال والكبار
🎨🫟 بازار منتجات أطفال 57357
*والأجمل؟إن كل تذكرة بتحجزها مش بس بتدخلك يوم مليان fun…لكنها بتساهم في دعم أطفال مستشفى سرطان الأطفال 57357*.

📅 الجمعة 9 أكتوبر 2026
📍Tanza - Magicland Al Hokair
CAIRO MEDIA CITY - 6 October City
⏰ 11:00 صباحا– 7:00 مساءً

🎟️ احجزوا تذاكركم من هنا
🔗https://collardapp.com/events/01a0be29-227c-75ff-8ff6-f030f66897dc
*عائد كل التذاكر لصالح مستشفى 57357*

لينك الايفنت : https://www.facebook.com/share/19ZYW6BoNS/
TANZA for Hope
Play. Smile. Give.

#57357