صيدليات القاضي - Al Qady Pharmacies

  • Home
  • صيدليات القاضي - Al Qady Pharmacies

صيدليات القاضي - Al Qady Pharmacies Contact information, map and directions, contact form, opening hours, services, ratings, photos, videos and announcements from صيدليات القاضي - Al Qady Pharmacies, Medical and health, ابو حمص ( النخلة البحرية&الزياتين), .

يا دكتور العلاج ده كنت برتاح عليه وبقالى كذا مره باخده ولا الهوا 😓😓 هو ايه اللى حصل ؟؟😢 ايه السبب 🤔هم احتمالين الاول 🤷...
08/12/2022

يا دكتور العلاج ده كنت برتاح عليه وبقالى كذا مره باخده ولا الهوا 😓😓
هو ايه اللى حصل ؟؟😢
ايه السبب 🤔
هم احتمالين الاول 🤷‍♂️
وارد جداا يكون جسمك اتعود عليه فاصبح حاليا مفيش استجابه لنفس العلاج خاصه لو العلاج ده مضاد حيوى اخدته من نفسك كده بدون الرجوع للطبيب 👌

الاحتمال التانى 👇
وانا مش قاصد اخوفك بس الدوا اصبح فيه غش كتير جداا 🤦‍♂️🤦‍♂️
انا مقدر انك مزوق اليومين دول وبتدور على الادويه الارخص اللى عليها خصم
بس حط فى بالك 🙏
الادويه مسعره جبريا وسعرها مكتوب عليها لما حد يديك اقل بكتيرر من التسعيره اللى الكل شغال بيها وبيشترى بيها مش هيخسر فلوس عشانك 🤷‍♂️
بس ممكن يخسر ضميره ويكسبك انت وشويه فلوس 💔
راجع ادويتك 👏🤝
راجع صيدليتك والصيدلى اللى بتتعامل معاه 🙏🤗

اوميجا 3 💪المكمل الاشهر على الاطلاق 👌ايه فوايده المثبته علميا 💁‍♂️1.مكون اساسي من مكونات خلايا المخ عشان كده مهم جداا لل...
06/08/2022

اوميجا 3 💪
المكمل الاشهر على الاطلاق 👌
ايه فوايده المثبته علميا 💁‍♂️
1.مكون اساسي من مكونات خلايا المخ عشان كده مهم جداا للحوامل وبيفرق جدا فى ذكاء الطفل ومهاراته وتقليل احتماليه ظهور المشاكل السلوكيه فى المستقبل 🤗
2-مهم جداا لتعديل التغيرات المزاجيه والاضطرابات النفسيه 😵‍💫
يستخدم كعلاج مساعد 🤝
3-مفيد لصحه القلب ويقلل الدهون الضاره ❤👌
4.يقلل الشهيه للطعام لانه بيزدو افراز هرمون الليبتين المسئول عن كبح الشهيه للطعام 🫰
5.زياده التركيز والتحصيل الدارسي ✋👌
مصادر الاوميجا 3 👇
زي السالمون والتونه والسردين والمكسرات والزيت الحار 🤤
لو مش ضامنين ناخده فى الاكل ناخده من المكملات الغذائية 💪

من الان ولمده 45 يوم الكل هيصاب بدور اوميكرون او (البرد زى ما بنسميه ) كل المتخصصين فى كل العالم بيقولوا الكلام ده 👌مش...
22/07/2022

من الان ولمده 45 يوم الكل هيصاب بدور اوميكرون او (البرد زى ما بنسميه )
كل المتخصصين فى كل العالم بيقولوا الكلام ده 👌
مش مهم التسميه 💁‍♂️
المهم التعامل مع الاعراض لازم نفهمها كويس عشان نعرف نعالج نفسنا 🤌
عشان كده البوست ده هيبقى مهم جدا انك تخليه قدام عينيك 👀
الاعراض وطريقه التعامل معها :_
1_ السخونيه ( الحراره) : 🤒
لو وصلت حرارتك ل 39 بنأخد خافض حراره من مشتقات الباراسيتمول زى ( بنادول _ دوليبران_ نوفالدول _ ابيمول ._........) والجرعه بتكون عند اللزوم او كل 6سااعات
و بنعمل تبادل مع نوع اخر كل 4 ساعات زى البروفين مثلا لو الحراره منزلتش مع الباراسيتمول 👌
2 _ الإحتقان : 😷
مهم جدا المشروبات السخنه عشان نقضى على الإلتهاب اللى بيسبب الاحتقان 😨
وممكن نستخدم اى إستحلاب لو مفيش تحسن بالمشروبات الدافيه 🤕
3_ الكحه:_ 😮‍💨
لو الكحه جافه نستخدم الادويه المخصصه للكحه الجافه ويفضل اللى ليها مصدر عشبى 🎋
ولو حاسس ان فيه بلغم وزورك مقفول ممكن جدا اى مزيب بلغم او طارد ومهدئ للشعب الهوائيه 👍
4 _ رشح مستمر وعطس شديد :_ 🤧
اى دواء من ادويه البرد المعروفه والمتداوله والامنه 🤌
5_ ضيق تنفس او اكسجين منخفض او زرقان فى الشفاه او عدم القدره على النوم بصفه مستمره مع خمول مع حراره مش بتنزل ( يجب مراجعه الطبيب فورا والذهاب للمستشفى ) 😱
6_ لو عندك مرض مزمن يجب استشاره الطبيب الخاص بك اولا 🤝
7_ بالنسبه للفيتامينات :
فيتامين سي وفيتامين دى 💪
اهم النصائح :_ 👌
بلاش حقنه البرد بتاعت الصيدليه
ممنوع المضاد الحيوى إلا بإستشاره الطبيب ✋
الاكل يكون صحى 🤗
بدلوا السكر بالعسل الابيض 🤏
اكثروا من تناول الخضروات والفاكهه 🍉🫑
دمتم سالمين ♥

القولون العصبى 😣ايه هى اعراض القولون العصبى وامتى اخد له علاج من الصيدليه 🤔وامتى لازم اراجع الطبيب فورا 😖الاعراض العاديه...
19/07/2022

القولون العصبى 😣
ايه هى اعراض القولون العصبى وامتى اخد له علاج من الصيدليه 🤔
وامتى لازم اراجع الطبيب فورا 😖
الاعراض العاديه 🤢
مغص يقل مع الاخراج 😫
اسهال او امساك 😵‍💫
ظهور مخاط ابيض مع البراز 😰
يزداد مع بعض الأكلات 😭
الانتفاخ 😱
عدم الاحساس بالتفريغ التام بعد الاخراج
كل دى اعراض عاديه للقولون العصبى 😞
طيب الاعراض اللى تستدعى الطبيب ؟؟🤔
القئ والغثيان 🤮
ارتفاع درجات الحراره 🥵
براز دموى 😩
انخفاض الوزن بدون اسباب 😳
الم شديد يتركز فى جانب واحد من البطن 😤
اسهال يمنع النوم الطبيعى 😵‍💫
اذا كنت اعانى من الاعراض الشائعه للقولون العصبى
ايه العلاج ؟؟🤔
الابتعاد قدر الامكان عن الاطعمه التى تسبب تهيج القولون زي..
الفول ..الكرنب.القرنبيط.الثوم
البصل ..الخوخ .البطيخ ..المانجو
العصاير المركزه .الفواكه المجففه
استخدام علاجات القولون عند اللزوم 🤏👍
ننصح باقراص 👌
Dusptaline 👏
اكثر امانا وفعاليه 💪✋

أبنى او بنتى مش بيتكلم الا كلمات بسيطه جداا وسنه فوق ٣ سنوات يا ترى ايه الاسباب ؟؟ والحلول 🤔1.مشاهدة التلفاز لساعات طويل...
15/07/2022

أبنى او بنتى مش بيتكلم الا كلمات بسيطه جداا وسنه فوق ٣ سنوات
يا ترى ايه الاسباب ؟؟ والحلول 🤔
1.مشاهدة التلفاز لساعات طويلة وخاصة القنوات التي تتخذ طابع الأغاني والموسيقي الصاخبة تجعل الطفل متلقي سلبي لايهتم الا بالموسيقي والحركات ولا تجعله يبادر للكلام 💁‍♂️
2.إعادة الكلمات الخاطئة التي يتفوه فيها الطفل وعدم إصلاحها تجعل الطفل يسمع الكلمات الخاطئة تكراراً ويبقى يعيدها خطأ 😑
3.عدم الإهتمام بموضوع السمع حيث هناك بوادر تنبهنا لوجود مشكلة في السمع كالإقتراب من الشخص المتكلم او النظر لحركة شفاهه حتى يدرك الكلام او عدم استجابته عند مناداتنا له من غرفة ثانية تجعل الطفل يفقد كتير من الأصوات ولا يدرك الكلام بشكل تام 😣
4.عدم محاورة الطفل منذ الشهور الأولى ظناً أنه لايفهم كلامنا تجعل الطفل قليل المفردات ولا يختزن حصيلة لغوية كافية ليبدأ بها الكلام 🗣
5.عدم إدماجه مع الأطفال خارج نطاق المنزل -خوفاً عليه- خاصة عند عدم وجود أخوة او أطفال أقارب تجعل الطفل منطوي ولا يرغب في الكلام 😑
6.إدخال أكتر من لغة للطفل بشكل عشوائي غير منتظم وبعمر صغير جداً تجعل الطفل متشتت بين اللغات وغير قادر على بناء منظومة لغوية كافية وقواعد سليمة لكل لغة على حده 🤌
7.الإفراط في دلال الطفل والاستجابة لطلباته بمجرد الإشارة لها تجعله اتكالي حتى في كلامه لا يضطر للتفكير أو حفظ مسميات حتى حاجاته الأساسية 🥱
طيب و الحل 🤔
قراءه قصص للطفل وبناء حوار معه
ويتواجد وسط مجموعه من الأطفال 👌
هل فى ادويه تساعد الطفل انه يركز ويبدأ يتكلم ؟؟ 🙄
ايوه فى ادويه تحتوى على اوميجا 3 وبتكون فعاله جداا مع الحلول اللى قلنا عليها قبل كده 🤗

بلا توقف نسعد بخدمتكم العمل مستمر بالصيدليه من صباح اول أيام العيد و كل سنه و حضراتكم طيبين ♥
08/07/2022

بلا توقف نسعد بخدمتكم
العمل مستمر بالصيدليه من صباح اول أيام العيد و كل سنه و حضراتكم طيبين ♥

بمناسبه العيد كل عيد وانتو طيبين وبخير فى شويه اسئله عايزين نجاوب عليها بشكل علمى 👌١.ايه هى العوامل اللى بتاثر على جوده ...
08/07/2022

بمناسبه العيد كل عيد وانتو طيبين وبخير
فى شويه اسئله عايزين نجاوب عليها بشكل علمى 👌
١.ايه هى العوامل اللى بتاثر على جوده لحم الاضحيه ؟؟🤔
نوع المرعى طبيعى ام مراعى بتستخدم الهرمونات 💁‍♂️
اذا كنا بندبح فى مكان فيه اكتر من اضحيه لا ننصح ابدا ان الاضحيه تشوف الدبح لان ده بيزود افراز الادرينالين اللى بيقلل جوده اللحوم ✋
استخدام الادويه والمضادات الحيويه وتعرض الاضحيه للحمى قبل الدبح بيقلل جودتها 😐
وطبعا بناكد البقر او الجاموس المصاب بالحمى لايصلح أضحية ✋😬
2. ايه افضل طريقه لتخزين اللحم ؟؟🙄
بعد الدبح الشرعي توضع ف الثلاجه مفروده لمده ٦ ساعات على الاقل ثم تجمد فى اكياس شفافه ويوضع كيلو فى كل كيس كحد اقصى 👌
٣..هل اكل اللحوم اللى فيها دهن مضر و اذا كنت اتبع حميه غذائيه 😨
يبقى المفروض امنع الشحوم ولا ؟؟🤔
الدهون فى منها دهون ضاره ولابد من منعها زى السمن الصناعى 😖
وفى دهون مفيده اللى هى من مصادر طبعيه 🤗
زى دهون الحيوانات و الزبده الطبيعى
دى دهون مفيده جدااا وناكلها عادى ولكن باعتدال حتى لو كنا عاملين دايت 😋
اهم حاجه الاعتدال ↔️↔️
يعنى لو حته اللحمه فيها دهنه
مفيش مشكله 🫰
٤.اللحوم تقيله ف الهضم 😣
عشان كده بشرب بعدها مياه غازيه هل ده صح ؟؟ 😮‍💨
لا طبعا والمياه الغازيه بتزود الحموضه وبتقلل الهضم 🤢
عايزين نحسن الهضم طبق الخضار مع اللحوم كافى جداا مع كثرة شرب الماء 👌

علامات تحذيريه تدل على زياده القلق والتوتر 😖ايه ده هو فى حد مش بيتوتر 🙄لا..طبعا اى انسان طبيعى معرض للضغوط لكن فى علامات...
05/07/2022

علامات تحذيريه تدل على زياده القلق والتوتر 😖
ايه ده هو فى حد مش بيتوتر 🙄
لا..طبعا اى انسان طبيعى معرض للضغوط لكن فى علامات محدده لو ظهرت يبقى احنا عندنا مشكله محتاجين نحلها بهدوء وبسرعه 👌
ايه هى علامات زياده التوتر 🤔
1_عدم القدره على التركيز والتشتت الدائم 😥
2_صعوبه النهوض فى الصباح الباكر 🥱
3.عدم القدره على النوم المتواصل ليلا 😓
٤.زياده الدهون فى منطقه البطن 😧
٥.الاصابه المتكرره بالالتهابات 🤕
التهاب المفاصل العظام الاوتار وغيره .. 😵‍💫
٦..ضعف المناعه والاصابه الدائمه بادوار البرد والنزلات المعويه 🤢🤮
٧.الرغبه الدائمه فى تناول الاطعمه المملحه او الحلوى بشكل مبالغ فيه 🤤
٨.الشعور بثقل فى القدمين عند صعود السلم 😫
٩..زياده حموضه المعده وارتجاع المرئ 🤢
١٠.انقطاع النفس اثناء النوم 😨
Sleep apnea
طيب انا عندى معظم العلامات دى
اعمل ايه عشان اقلل التوتر اللى ممكن يؤدى لمشاكل صحيه اكبر 🤔
١.الصحبه الداعمه 😉
اكون ديما على تواصل مع الاشخاص الداعمين المحبين 😍
٢..التعرض لاشعه الشمس الصباحيه ٢٠ دقيقه 🫠
٣..ممارسه اى عمل يحتاج مجهود بدنى
الرياضه . الحرف والاعمال اليدويه 💪💪
٤...الاهتمام بمصادر فيتامين D
عن طريق الاطعمه او الادويه 😋
٥..تناول الاطعمه الغنيه بالبوتاسيوم ذى الموز والورقيات والاسماك والبنجر مع الاقلال من النشويات قدر المستطاع
وقبل كل ده 👌
علاقتك بربنا وايمانك بالله قادر انه يقضى تماما على الضغط النفسي 🤲🤲
وكل عام وانتم بخير ♥♥

كتير من الناس بيعاني من تغير رائحه الفم واسهل حل انى اخد بخاخ معطر للفم او مضغ اللبان 😮‍💨لكن ده مش حل 😓لازم تعرف السبب س...
01/07/2022

كتير من الناس بيعاني من تغير رائحه الفم واسهل حل انى اخد بخاخ معطر للفم او مضغ اللبان 😮‍💨
لكن ده مش حل 😓
لازم تعرف السبب ساعتها نعرف الحل السليم 🤔
طيب ايه هى الاسباب ؟؟
فى اسباب بتكون من الفم والاسنان
او من الحلق او الجيوب الانفيه 😬
طيب اعرف ازاى مصدر الرائحه الغير مستحبه 😞
اولا باخد نفس من الفم واطلعه عن طريق الفم مع وضع اليد اماما الفم اذا ظهر تغيير فى النفس يبقى هنا المشكله فى الفم 🗣
ثانيا اخد نفس عن طريق الانف واخرجه عن طريق الانف 👃
واشوف هل ف تغير فى النفس ولا لأ
كده انا عرفت المشكله منين ؟؟ 🤗
تعالوا نشوف الحلول 🤝
١.مراجعه طبيب الاسنان لتنظيف جيوب الاسنان وازاله الطبقات الجيريه 😬
٢.الاهتمام بنظافه الفم والاسنان
باستخدام الفرشه والمعجون
خيوط الاسنان 🫢👌
المضمضه ☺️
2.الحرص ديما انى اخد النفس عن طريق الانف مش الفم 👃
لو عندى رشح او جيوب انفيه اعالجهم لان التنفس عن طريق الفم بيجفف اللعاب وبيزود المشكله 🤢
٣. علاج ارتجاع المرئ المزمن وجرثومه المعده لانهم من الاسباب اللى بتعمل رائحه فم غير مستحبه 😫
طبعا التدخين بانواعه من اهم المسببات واللى بتخلى العلاج غير مؤثر 😐
٤..لو بعد الخطوات دى ومازالت المشكله موجوده بنستخدم بعض العلاجات وبتكون فعاله جداا 🤗🤝

ابنى ديما بيظهر له بقع بيضا فى منطقه الوجه بعمل له تحاليل وباخد له فلاجيل و .... ومفيش فايده 😔الحقيقه 🫣ان البقع البيض...
27/06/2022

ابنى ديما بيظهر له بقع بيضا فى منطقه الوجه بعمل له تحاليل وباخد له فلاجيل و .... ومفيش فايده 😔
الحقيقه 🫣
ان البقع البيضا اللى بتظهر للاطفال فى منطقه الوجه ملهاش علاقه بالطفيليات
دى نقدر نعتبرها نوع من انواع الحساسيه
طيب الاسباب ؟؟🤔
لها عده اسباب منها 👇
عدم الاهتمام بنظافه الوجه 😖
استخدام كريمات غير مناسبه لبشره الاطفال 😑
نقص عنصرى الزنك والنحاس لدى الطفل
التعرض للجفاف الشديد 😫
التعرض للشمس بدون استخدام كريمات واقيه 😶‍🌫️
طيب الحل ؟؟💁‍♂️
الحل بسيط جدااا 🤌
انواع معينه من الكريمات المرطبه والمضاده للالتهابات لمده شهر
مع الحفاظ على نظافه الوجه
والتغذيه السليمه 💪
واستخدام كريمات واقيه من الشمس طالما ان الطفل بيتعرض للشمس باستمرار 🫠
سؤال اخير هل البقع دى معديه ؟؟ 🤔
لا مش معديه وعلاجها بسيط ومتوفر ☺️🤝

ازاى اعرف نوع الدهان المناسب لشعرى ؟؟ 🤔زيت ..سيروم...ولا كريم 🙄الاول نعرف نوع الشعر نفسه 👌عالى المساميه ⬆️متوسط المساميه...
23/06/2022

ازاى اعرف نوع الدهان المناسب لشعرى ؟؟ 🤔
زيت ..سيروم...ولا كريم 🙄
الاول نعرف نوع الشعر نفسه 👌
عالى المساميه ⬆️
متوسط المساميه ↔️
منخفض المساميه ⬇️
وبنعمل الاختبار ده اننا بنجيب مجموعه من الشعر الجاف تماما بدون اى دهانات ونحطها فى كوب ماء 💦
لو الشعرايه نزلت لتحت دى معانها ان فيها ثقوب كتير سمحت بمرور الماء وبالتالى نزلت فى القاع 👇
وهنا الانسب استخدام الكريمات اللى قوامها تقيل ذى زبده الشيا 👌
اما لو الشعر ظل فى المنتصف ده
معناه انه متوسط المساميه 🫴
وهنا الانسب الزيوت 🤝
ذى زيت جوز الهند والجرجير وغيره 👌
اما لو الشعر كان فوق سطح الماء 👆
ده معناه انه منخفض المساميه
والانسب هنا استخدام السيروم ✋

ايه هى الاعراض اللى تستدعى انى اروح اعمل تحليل سكر 🤔١.الاقبال الشديد على الحلويات والاطعمه الدسمه والاحساس بالعصبيه الزا...
20/06/2022

ايه هى الاعراض اللى تستدعى انى اروح اعمل تحليل سكر 🤔
١.الاقبال الشديد على الحلويات والاطعمه الدسمه والاحساس بالعصبيه الزائده والخمول عند الامتناع عنها 😮‍💨
وعلى العكس الشعور بالسعاده والنشاط عند تناول السكريات 🤗
٢.كثره شرب المياه 💦
٣.كثره التبول
٤ .الشعور بالجوع دائما 🤤
٥.الشعور بالحكه فى بعض الاجزاء من الجسم 😫
٦.دوخه وزغلله وعدم القدره على التركيز
اذا كانت كل الاعراض دى موجوده 😷
فننصح بعمل تحليل
مقاومه الانسولين Homa Ir
FBS سكر صائم
عملنا تحاليل وكانت النتيجه ان الحمد لله مفيش مرض سكر 🤲
لكن فى مقاومه انسولين او مرحله ما قبل السكرى 😮
الحل ايه ؟؟🙄
الموضوع بسبط جداا يتلخص فى الاقلال من السكريات والكربوهيدرات ذى
الارز 😑
المكرونه 😣
الدقيق الابيض ومشتقاته 😖
و الاكثار من الخضراوت المتنوعه والبروتين 🫡
ممارسه الرياضه بشكل منتظم 😌
هنا منقصدش الرياضه العنيفه 😳
المشي لمده نص ساعه كافى جدااا 👌
مننساش اذا كان عندنا نهم للحلويات وحاولنا نقلل فى البدايه الموضوع هيبقى صعب شويه لكن بالتدريج هتحس انك بقيت افضل واكثر نشاط 💪
دمتم سالمين ♥

تحليل المخدرات 🧫سلام عليكم يا دكتور 😥يا دكتور انا كل ما يعملولى تحليل بتاع المخدرات بتكون النتيجه ايجابى وانا والله ما ب...
16/06/2022

تحليل المخدرات 🧫
سلام عليكم يا دكتور 😥
يا دكتور انا كل ما يعملولى تحليل بتاع المخدرات بتكون النتيجه ايجابى
وانا والله ما باخد اى حاجه 😑
= الدكتور : بص يا حاج
فى ادويه معينه لو انت بتاخدها ح تطلع النتيجه ايجابيه حتى لو انت مش بتتعاطى 🤌
ذى بعض ادويه القولون و بعض ادويه البرد و بعض ادويه الحساسيه 😷
- طيب يا دكتور فى واحد صاحبى انما ايه نينجا بيقولى خد مدر البول لازلكتون و هيضيع اى حاجه حتى لو بتتعاطى 😱
= بص يا حاج مدر البول مش هيصرف اثار المخدرات من الدم او حتى البول لان اثار العقاقير دى بتفضل ف الجسم لعده ايام ✋
انا عايز اقولك ان ف انواع معينه بتقعد ف الجسم ٤٠ يوم 💁‍♂️
- طيب الحل يا دكتور ؟؟
= بص يا حاج التحليل لو طلع ايجابى بيتعاد تانى وفى الاعاده افاده بيتعرف اذا كان ده مخدر او دواء جه بالغلط لا تقلق 👌
الخلاصه 🤔
امشي تمام تحليلك ح يبقى تمام 💁‍♂️👌

لو عندك طفل لسه مولود 🤔فى شويه ممنوعات كده ✋Take care 👀١. ممنوع اعطاء الاعشاب زى الكراويه والينسون و غيره ✋فى اعشاب مخصو...
13/06/2022

لو عندك طفل لسه مولود 🤔
فى شويه ممنوعات كده ✋
Take care 👀
١. ممنوع اعطاء الاعشاب زى الكراويه والينسون و غيره ✋
فى اعشاب مخصوص للرضع وطبعا مش بديل للرضاعه 👌
٢.ممنوع ندخل السكر او الملح فى اكل الطفل قبل سنه ✋
٣.ممنوع اعطاء منتجات الالبان قبل سن السنه ✋
٤.ممنوع استخدام الدهانات اللى فيها كورتيزون لعلاج التهابات الحفاض ✋✋ بنستخدم اللى فيها زيت زيتون وزنك 👏
٤.ادويه المغص المستخدمه للاطفال الاكبر سنا لا تصلح للرضع 👊
الطفل الرضيع بيكون له ادويه معينه بتركيبات طبيعيه 🫰
٥.ممنوع انيم الطفل على بطنه ...حتى لا يتعرض للاختناق لا قدر الله 😱
٦..ممنوع هز الطفل بقوه اثناء مداعبته 👎
نلجأ للطبيب فورا فى حاله الكحه.. القئ ...عدم زياده وزن الطفل ..اسهال ..نوم بشكل متواصل...او عدم النوم لفترات كافيه .. او ارتفاع نسبه الصفرا 🤢
واخيرا جلسات التنفس مش بتعمل تعود وهى من انسب الحلول للكحه والنزلات الشعبيه للاطفال 👌👏

موضوعنا النهارده بيشغل كل الاباء والامهات 🤔🤔ابنى على طول تعبان على طول عنده برد ..نزلات معويه ..حساسيه صدر 🤒🤢عايزين نزود...
09/06/2022

موضوعنا النهارده بيشغل كل الاباء والامهات 🤔🤔
ابنى على طول تعبان على طول عنده برد ..نزلات معويه ..حساسيه صدر 🤒🤢
عايزين نزود مناعه الاولاد 💪
ازاى ؟؟؟؟🤔
1-الرضاعه الطبيعبه وخاصه اول ٦ شهور من عمر الطفل وبالاخص اول ٣ ايام اللى هو لبن السرسوب

2-الابتعاد عن المعلبات والمواد الحافظه قدر المستطاع والاهتمام بالتغذيه السليمه المتوازنه

3-فى بعض المستحضرات الدوائيه اللى ممكن تساعدنا ومش مكلفه منها فيتامين A ...٤ كبسولات على كوب ماء او عصير مره كل ٦ شهور وده بيزود مناعه الجهاز التنفسي
فى كمان ال probiotics 👀
اللى بتزود مناعه الجهاز الهضمى وتقلل من حساسيه الصدر
اما لو عايزين نزود التركيز والتحصيل الدراسي بالاضافه للمناعه يبقى لازم نهتم بالاوميجا 3 ..
فيتامين D
بالاضافه لانه مهم جداا لنمو العظام والحفاظ عليها كمان مهم للمناعه والوقايه من عده امراض اهمها الاكتئاب والسرطان والازمات الصدريه 👌
ايه اسماء المستحضرات الدوائيه اللى فيها
Probiotics ??
اللى يعرف الاجابه فى الكومنتات 💁‍♂️

09/06/2022

تهنئ الدكتور محمد اسماعيل أخصائي أمراض الباطنة و حميات الأطفال بافتتاح عيادته بمنزل الحاج جابر مبارك أمام الوحدة الصحية .
بمواعيد يومية من بعد الخامسة مساءً
ت / 01225302153
للاستفسار من خلال صيدليات القاضي ت / 0452516006

بمناسبة الصيف 😶‍🌫️🫠الصن بلوك 🤔هل ضروري استخدام الصن بلوك أثناء النهار و لا دي رفاهية ؟؟! أيوه طبعا ضروري سواء للرجال أو ...
06/06/2022

بمناسبة الصيف 😶‍🌫️🫠
الصن بلوك 🤔
هل ضروري استخدام الصن بلوك أثناء النهار و لا دي رفاهية ؟؟!
أيوه طبعا ضروري سواء للرجال أو السيدات
أشعة الشمس اللي بتوصل لينا بتنقسم لنوعين
U. V. A
و دي أكثر سبب بيعمل شيخوخة و تجاعيد مبكرة و أحيانا لا قدر الله سرطان الجلد .
U. V. B
و دي بتسبب حروق و تصبغات البشرة
طيب مين بيتأثر أكتر أصحاب البشرة السمرا و لا أصحاب البشرة الييضا
و دي بترجع لنسبة الmelanin في الخلايا يعني كل ما كانت البشرة أغمق كل ما كانت أقل تأثرا بالشمس 👌
طيب ايه الانواع اللي نستخدمها و تدي تأثير قوي و مش غاليه ؟
عندنا البوباي جل للبشرة الدهنية
و بوباي كريم للبشرة العادية
و بوباي لوشن للبشرة الجافة
متوسط أسعارهم من 90 ل 100 جنيه
طبعا فيه أنواع أغلي و أكتر ثبات حتي مع استخدام الماء و فرط التعرق
زي مثلا...
Biodrma
Vichy
larocheposay
و لكن الأسعار ⬆️⬆️

السلام عليكم و رحمة الله أحبتنا الكرام ❤ يسر صيدليات القاضي ان تعلن عن تقديم بعض الخدمات للعملاء من خلال صفحتنا على الفي...
04/06/2022

السلام عليكم و رحمة الله أحبتنا الكرام ❤
يسر صيدليات القاضي ان تعلن عن تقديم بعض الخدمات للعملاء من خلال صفحتنا على الفيس بوك 👌
اى سؤال خاص بالادويه وتوافرها و أسعارها و مستحضرات التجميل و المستلزمات الطبية 💁‍♂️
سيتم الرد عليكم من خلال رسائل الصفحه في خلال دقائق 🤌
توصيل الادويه للعملاء
هنقدم من خلال صفحتنا ان شاء الله معلومات طبيه مبسطه 👌
ان شاء الله هيكون فى عروض على المستحضرات والمستلزمات بالاضافة لمسابقات متنوعة .
نسعد بخدمتكم و متواجدين علي البيدج ال24 ساعة إن شاء الله

Address

ابو حمص ( النخلة البحرية&الزياتين)

Telephone

+20452516006

Website

Alerts

Be the first to know and let us send you an email when صيدليات القاضي - Al Qady Pharmacies posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Telephone
  • Alerts
  • Claim ownership or report listing

  • Want your business to be the top-listed Health & Beauty Business?

Share