عيادة الدكتور أسامة جارالله العاني

09/03/2024

مراجعينا الكرام
سيكون التواجد خلال شهر رمضان المبارك
من ٢:٣٠ وحتى ٥:٣٠ مساءً
اعاده الله عليكم بالخير والبركه

10/12/2023

" إعلان "
مراجعينا الكرام
تم نقل العيادة الى مقرها الجديد الكائن في الزعفرانيه-سوق مريم-قرب صيدلية ركن البسام(محمدكريم سابقاً)
وستكون ساعات العمل من ٣-٧ مساءا

29/09/2022

إذا كنت تريدين طفلا قوياً واثقاً من نفسه
لا تتدخلي عندما يقوم بأشياء خطيرة .. فقط راقبيه بعناية و لكن لا تتدخلي بسرعة لمنعه أو إعطاؤه حلول .. أعطيه فرصته كاملة للتفكير وإيجاد حل مناسب لأنك بذلك تنمي لديه مهارة التفكير الإبداعي والاستنتاج 👌
النجاح بالتحدي هو الطريق الوحيد للثقة ..

#الدكتورأسامةجارالله

19/09/2022

ماكو اجمل من صنع الخالق البحر والجبال والخضار شي مريح للعين و مسكن للألم العضوي والنفسي

18/09/2022

مراجعينا الكرام
نباشر اليوم باستقبال حضراتكم
من الساعه ٤-٨ مساءً
شاكرين لكم الإنتظار

05/09/2022

المراجعين الأعزاء
أعتذر عن إستقبال المراجعين من يوم الثلاثاء ٦ أيلول ولغاية يوم السبت ١٧ من الشهر الجاري
أتمنى لكم الصحة والسلامة

05/09/2022

اثبتت الدراسات أن الرضع يكونون اكثر عرضة للأصابة بمتلازمة الموت المفاجئ ، التحسس القصبي ، الربو ، ذات الرئة ، التهاب الأذن ، ضعف المناعة وقلة الوزن في حال وجود مدخن في البيت.
مشكلة دائماً نعاني منها كأطباء أطفال...
يجي الأب أو الأم والطفل يعاني من ضيق شديد في التنفس ...
وكالعادة من ضمن الاسئله الروتينيه
س: عدكم مدخن بالبيت؟🚬🚬🚬
ج: دكتور اكو مدخن بس مو بصف الطفل .🙄
س: وين يدخن ؟ 🤔
ج: بالغرفة الثانية.😁 أو يگول خارج البيت ...
زين ليش محسسيني الهوة ثابت بمكانه ومايتحرك...😂
وحتى على فرض دخنت خارج البيت...حبيبي الغالي انت شام ريحة ملابسك شلون صايرة 🤢
اخي العزيز..اختي العزيزة..
عندك طفل لاتدخن ... عندك حساسيه لاتدخن... عندك مرض مزمن لاتدخن... إنت فقير لاتدخن... إنت بمكان عام لاتدخن ...تريد الناس تحب تگعد بصفك وتسولف وياك وتباوع بوجهك لاتدخن
#لاللتدخين

31/08/2022

#الدودةالدبوسية
دكتور ابني نومه قلق!
الطفل يحك مقعده🤔
بنتي تعاني من افرازات واحمرار بالمنطقة التناسلية 🙄
دكتور ابني عنده فقر دم ..يمكن عنده دود.😁
عالجنه هواية وماطاب من الديدان🤔
وبعد كلام كثير نسمعه من ذوي الطفل
ومثل ماتعودنه نبدي بشرح بسيط وبعدين نجاوب عالاسئلة
#الدودةالدبوسية : هي احد انواع الديدان التي تصيب الجهاز الهضمي للاطفال من عمر ٢-٩ سنوات وقد يصيب الكبار كعدوى من الاطفال...انثى الدوده يكون طولها تقريباً سنتيم ولونها فاتح مائل للبياض...تهاجر ليلاً الى فتحة المخرج لتطرح بيوضها والتي بدورها تسبب احساس بوخز وحكه عند المصاب ...بعض الاحيان في الاصابات الحاده قد تسبب الاسهال..
اهم #الاعراض:
حكه في منطقة الشرج، ارق وقلق ، عند البنات قد تصيب الجهاز التناسلي والبولي وتؤدي الى حرقة في الادرار مع حكه وافرازات مهبليه وبعض الاحيان الى التهاب بطانة الرحم وخراج انابيب الرحم 😰..قد يسبب فقدان شهيه لكن لايسبب فقر الدم 🙂
#العلاج:
الاهم من العلاج هو الوقاية ...يعني النظافة ثم النظافة
شلون يعني
١. قص الاظافر وغسل اليدين جيداً بعد الدخول للحمام وقبل تناول الطعام.
٢. منع عادة مص الاصابع حتى مايصير عدوى ذاتيه .
٣. غسل المفارش والالعاب على الاقل مرة كل اسبوع لمدة ٣ أسابيع.
٤. غسل الملابس يومياً ولمدة أسبوعان.
٥. العلاج الدوائي ينأخذ من قبل كل الموجودين بالبيت ويفضل بالروضه والمدارس في حالة تفشي العدوى الكل ياخذون الدواء بجرعتين بين جرعه واخرى اسبوعان.
ملاحظه: ماكو علاقة بين الديدان الدبوسيه والحلويات 😁

28/08/2022

دكتور شوكت انطي الطفل فيتامين D3 ؟ وشگد ؟ وإلى متى ؟😂
شنو فائدته ؟ وشنو مضارة ؟🤔
زين ماحب الدوة🤮 ،ماكو بديل ؟!

السلام عليكم...
: بالأطفال تبدي بي بالخصوص إذا كان معتمد على الرضاعه الطبيعيه من أول يوم ، الجرعة حتكون (٤٠٠ )وحده دولية مرة باليوم لغاية عمر سنه وبعدين تصير (٦٠٠) وحدة دولية لغاية عمر 18 سنة ...هذه الجرعة الوقائية .. أما في الحالات المرضيه فنزيد الجرعه ...
زين منو هاي وحدة الدولية 😂😂؟
😡 هاي.... أستغفر الله... وحدة قياس احنه نحولهة إلى مايعادل بالقطرات.
يعني كم قطرة؟ آسف ماعرف إلا تجيب القطرة حتى أحسب شگد ، لأن كل شركة جرعتهة شكل .
#الفوائد:
١. يدخل بتكوين وصحة العظام والأسنان ( يعني وجوده يحمي من الكساح و هشاشة العظام )
٢. وقاية من أمراض المناعة الذاتية ( مثل الربو والتحسس والتصلب المتعدد)
٣. يساعد الجسم على مقاومة الأمراض ( مليان كورونا مليااان)
٤. يحمي من خطر الإصابة بتصلب الشرايين و الجلطه
٥. تجنب خطر الإصابة بالسكري من النوع الثاني
٦. السمين عنده نقص بالفيتامين ( منو يسبب منو 🥚-🐔 )
٧. تجنب الإصابة بالسرطانات ( قوية ترة 😁)

#مضارالجرعةالمفرطة:
لاتاخذ علاج بكيفك رجاءً..
ليش؟!
لأن الزيادة بدون حساب تسوي فرط كالسيوم الدم ( اللي حيسوي):
١. مشاكل في الجهاز الهضمي: جفاف الحلق ،غثيان، تقيؤ، والإمساك، وآلام المعدة.
٢. الضعف والتعب والدوخة والهلوسة والارتباك.
٣. ارتفاع ضغط الدم واضطرابات القلب.
٤. ضعف العضلات.
٥. فقدان الشهية.
٦. التبول المتكرر.
٧. آلام العظام.
٨. حصوات الكلى.
٩. فشل الكلى وعدم انتظام ضربات القلب والموت في الحالات الشديدة.
:
شوية اطلع بالشمس و أكل سمك وبيض ولحم ...روح تعب نفسك ودور بالنت هواية شغلات تطلعلك لا تظل تفرفر على شي مايفيدك😁

وألف عافيه

27/08/2022

دكتور كيف اعرف طفلي ذكي🤔
الأب يعصب عالطفل ويگله ( ذكي على خوالك)😓
خلي اجاوبكم اعزائي 🙂
طبعاً يوجد علامات كثيرة تخلينه نتوقع يكون الطفل اذكى من غيرة ، وليش گلت (اذكى) وماگلت (ذكي) ؟!🤔
ببساطه لأنه ماكو طفل غبي وكل واحد عنده ابداع في جانب معين اكثر من غيره...
زين شنو العلامات 🤓
1 - يكون أكبر عند الولادة
2 - يحب الموسيقى
3 - يبتسم طوال الوقت
4 - يستمتع بالاستماع إلى الكتب التي تقرأينها
5 - دائم التلفت حوله
8 - يحاول التحدث
6 - يطيل النظر إلى وجهك أنتِ ووالده
7 - يتنبه بشكل غير عادي
8 - وراثه من الأبوين ( الخوال والعمام....)

اعزائي وبالأخير خليكم سند لأطفالكم وادعموهم ولو بالكلمه واعتبروهة صدقه...❤️❤️❤️

تگدرون تطبقون هذا الشي على أطفالكم و تنطونه رأيكم 🙂🙂

27/08/2022

#فوائدالتمر
سبحان الله

23/08/2022

أسهل طريقة لتنظيف الانف من المخاط هو باستخدام المحلول الملحي والشفاطه
عملية سهله وفعاله 🙂
ودمتم بالصحة والسلامة

22/08/2022

شنو يعني توحد وشوكت اگدر اعرف ابني بي توحد لو لا🤔
شنو اسبابة؟
ممكن يطيب من يكبر؟🙄
خل نحچيهن وحده وحده 🙂
بسم الله
#اضطرابات طيف التوحد : هو اضطراب عصبي يأثر على التطور.قبل يسموا توحد وهسه شوية سووا تغيير حتى يصير احلى وسموا طيف توحد .
#تعرف انه واحد من كل ٤٤ طفل بعمر ٨سنوات عنده طيف توحد 😯
#تعرف تقييم الطفل لهذا الاضطراب يبدي بعمر سنه ونصف الى سنتين وهذا يكون بالمراكز الصحيه 🙄
#تعرف لحد هسه ماكو سبب معلوم للتوحد ،ناس تگول جينات ،وناس تگول وراثه وناس تگول عوامل بيئيه 🤔
#تدري الحالة تطور بين عمر ٣-١١ سنه ...يعني شنو 🤔
يعني تزيد أو تقل وتتحسن 🌝
#تدري شافوا البنات تتحسن حالتهم أكثر من الولد المگاريد 🥲
هم ليش...؟ يگولون البنات بسبب لواتتهن تگدر تخفي الأعراض فتبين أحسن....مع الأسف ههههه🤨
آسف على الإطالة

21/08/2022

دكتور سوي لأبني تحليل فقر دم🙄
ليش اختي 🤔
أحس شهيه ماعندة 😔
😂😂😂😂😂😂😂

21/08/2022

ما الإرتجاع المريئي وما هو الإرتجاع المريئي الصامت؟🤔
ماهي الأعراض ؟🤢🤮
كيف نقلل من الحالة أو نعالجها ؟😔
: هو حالة صعود مكونات المعدة إلى المريء ومن ثمّ إلى الفم بشكل قيء .

: هو نفس الحالة السابقة ولكن دون ظهور قيء وإنما يعاني المريض من الم شديد وبكاء ورفض للطعام مع سماع أصوات بلع متكررة وقد نلاحظ حالات من تقويس الظهر دون معرفة السبب.
في الغالب الحالتين لا يعانون من نقص في الوزن وتنتهي الاعراض عند بلوغ ١٨ شهر ...

العلاج :
بعد استشارة الطبيب المختص حيكون موضعة الطفل يعني اخلي رأس الطفل اعلى من جسمه و تقسيم الرضعات خلال اليوم بكميات قليله ...قد نستخدم نوعيات خاصه من الحليب الطبي .... بعض الاحيان نحتاج إلى أدوية... وفي حالات قليله يكون التداخل الجراحي هو الحل...

18/08/2022

17/08/2022

#الامساك _القبض
حالة شائعة عند الكبار والصغار
مؤلمة ومزعجة وقد توصل الى مراحل خطرة إذا تم إهمالها ولم تعالج بشكل صحيح وفي وقت مبكر..
والافضل نتبع المقولة ( الوقاية خير من العلاج )
#هاتف٠٧٨١٢٨٨١٠٧٩

15/08/2022

ليش أطفالنه يختلفون عن أطفال الأجانب 🤔
معقولة الجو يأثر لو احنه جيناتنه متلاعبين بيهن 🥸
أي بس ماعدهم نفط مثلنه😂

14/08/2022

ليش الطفل يخاف؟😨
احس أبني منعزل ومايتواصل معايه ومع الاخرين😔
ابني يتهستر من يشوف موقف او يسمع صوت عالي 🤬
اخي العزيز ...اختي العزيزة...
الطفل كائن عنده مشاعر واحاسيس..يتأثر بالمحيط الخارجي...ومثل مانعرف اكثر وقته حيكون بالبيت مع الأهل ،يسمع ويشوف ويتفاعل معاكم...
مو سهل علينه من يجي طفل عمرة اقل من ١٣ سنه و بعد الفحوص نكتشف عنده مشاكل نفسيه بسبب الأجواء المتشنجه في البيت...شنو نوع العقد وكيف نوجد حلول هذا واجب الأهل قبل مايكون واجبنه.


العنوان/الزعفرانيه _الاربع شوارع_مجاور عمارة المشكاة
للحجز والاستفسار 📞📞 07812881079

#باطنية #تنفسيه #نمو #ترند #اكسبلور

13/08/2022

أربع معلومات مهمه عن الأطفال بعد عمر السنه
١.ستقل شهية الطفل نتيجه للنمو..لتخاف هذا شي طبيعي ، فقط راجع الطبيب لمتابعة النمو و تنوع الاطعمه.
٢.ستزداد حركته ..يجب إعطاءه مساحة آمنه للحركه ..يمكن اخذه للمشي في المتنزهات والحدائق.
٣.لاداعي لإعطائه اكثر من قدحين من الحليب يومياً ..كثرة الحليب تفقده الشهيه وتؤثر على امتصاص الحديد.
٤.يجب عمل تحليل دم بعمر السنة لمعرفة قوة الدم و التأكد من عدم اصابته بنقص الحديد.



العنوان/الزعفرانيه _الاربع شوارع_مجاور عمارة المشكاة
للحجز والاستفسار 📞📞 07812881079

#باطنية #تنفسيه #نمو #ترند #اكسبلور

12/08/2022

#فلسفه
🤔😂😂😂😂😂🤔

11/08/2022

(التبول اللاإرادي)
دكتور عندي طفل ميسيطر على نفسه 😔
هذا الشي طبيعي لو لا وهل يحتاج الى علاج؟🥺
متى يسيطر الطفل على الإدرار ؟🤔
يبدأ الطفل يتدرب على السيطرة على الإدرار بعمر ٢-٣سنوات... وأغلب الأطفال يصبحون قادرين على التحكم بشكل كامل بعمر ٤ سنوات...
يطلق مصطلح سلس البول عندما الطفل يتعدى عمره ٦-٧ سنوات من دون القدرة على التحكم في التبول وخصوصاً في الليل..
يتقسم سلس البول الى أولي وثانوي..أو يتم تقسيمه حسب الوقت من اليوم ( نهاري،ليلي و مختلط نهاري وليلي )
الأسباب:
١.اغلب الحالات يكون السبب غير معلوم.
٢.الوراثه.
٣.اسباب عضويه كالتشوهات في المسالك البوليه والمثانه العصبيه.
٤.اسباب نفسية.
٥.مشاكل تنفسيه .
٦.مشاكل في النوم وصعوبة الاستيقاظ.
والقائمة تطول ....
زين وهسه بعد الفحص والتشخيص كيف نعالج؟
١.لازم نراعي الجانب النفسي للمريض ...نمنع التنمر ونحاول نشجع الطفل ..يعني لابأس ننطي رشوة 😁(حضنه و بوسه وهديه حتى لو ربع دينار )
٢.نقلل اخذ السوائل وخصوصاً قبل الفراش بساعه
٣.تفريغ المثانه باليوم من٥-٧ مرات وقبل النوم.
٤.الامتناع عن الشاي والكافايين.
٥.استخدام غطاء للفراش ضد البلل.
٦.استخدام الجرس ( جهاز خاص يبدأ بالرنين عند وجود الرطوبه)
كل هذا وماكو نتيجه ....نضطر ننطي العلاجات الدوائيه
الخطه العلاجيه تكون على مراحل وكل مرحل تكون من ٢-٣ أشهر..
بعض الحلات تكون عنيده ولاتستجيب لكل أنواع التداخلات وهذه الحالات في الغالب تكون لها اصول وراثيه وقد تبقى الى فترة البلوغ...
آسف على الإطالة لأهمية الموضوع
اتمنى لكم الشفاء

العنوان/الزعفرانيه _الاربع شوارع_مجاور عمارة المشكاة
للحجز والاستفسار 📞📞 07812881079

#باطنية #تنفسيه #نمو #ترند #اكسبلور

09/08/2022

لماذا يخرج الدم من سُرَّة الطفل حديث الولادة🤔
هل ذلك طبيعي أَم مَرَضي؟
طبعاً خروج الدم بعد أن تسقط بقايا الحبل السُرّي وبشكل قطرات بسيطه هو شئ طبيعي...
قد يزداد بسبب الاحتكاك بالحفاضه أو الملابس أو الرطوبة في تلك المنطقة...
أما إذا كانت مصحوبة بافرازات ذات رائحه كريهة أو إحمرار حول السرة فهو دليل على حدوث التهاب يحتاج إلى معاينة وعلاج من قبل الطبيب المختص...


العنوان/الزعفرانيه _الاربع شوارع_مجاور عمارة المشكاة
للحجز والاستفسار 📞📞 07812881079

#باطنية #تنفسيه #نمو #ترند #اكسبلور

08/08/2022

#نمو
#طول +وزن
دكتور ابني وزنه قليل؟🤔
احس الطفل اقصر من اخوانه..🤨
اريدله مشهي حتى يسمن..😅
لحظه خل نتفاهم...هي مو صلي...
خلي نقيس الوزن والطول ونحطهن عالمخطط ونشوف
يجوز طبيعي ...لاتستعجل
#الدكتور أسامه جارالله العاني

08/08/2022

إخواني وأخواتي الاعزاء
هذه صفحة توعيه وتقديم نصائح تفيدكم
اي استشارة طبيه حاضر ضمن الحدود والاخلاقيات الطبيه
ما ممكن طبيب يكتب علاج بدون فحص المريض وبشكل مباشر .. بدون إحراج لطفا

08/08/2022

#نفسيه
اهم عوامل تدمير نفسية الطفل هو الصياح والصراع بين الأب والام أمام أطفالهم....تأثير سلبي طويل الأمد يرافقهم للكبر...
حلوا مشاكلكم بهدوء وبعيد عن أعين الطفل...


العنوان/الزعفرانيه _الاربع شوارع_مجاور عمارة المشكاة
للحجز والاستفسار 📞📞 07812881079

#نفسيه #باطنية #تنفسيه #نمو #ترند #اكسبلور

06/08/2022

#المناعة
دكتور مناعتي ضعيفه ،ليش؟
كل يوم متمرض 😖
شلون اقوي مناعتي؟🤔🤔🤔
بسيطه...نشتغل على عدة محاور:
١. المحور الغذائي : محتاجين فيتامينات وعناصر اضافيه
-الفيتامينات A,D,B,C ( الحليب ومشتقاته ، اللحوم والبيض ، الخضار الورقيه الخضراء والجزر ، الحمضيات ...)
-عناصر مثل الزنك والسيلينيوم ومضادات اكسدة ( عدس ، فطر ، ثوم وبصل ...)
٢.المحور الرياضي...تمارين سويدية بهذا الجو اللطيف 😁،مارس رياضة التزلج على الجليد ⛷️
٣.المحور النفسي ... استرخي ،اسمع موسيقى هادئه 🥲 ، سافر ✈️✈️✈️ ، كلهن ماتگدر عليهن.سهله ازرع نبته حتى لو صبارة🌵
٤.محور الوقاية ... كرر غسل ايدك ، الجو حار ( اسبح ) ، استخدم تعقيم بشكل معتدل ، المن مخترعين الكمامه ( حارة وتخنگ )
٥.محور الدعاء ...هذا من عندي 😁😁😁
أتمنى لكم الشفاء العاجل



العنوان/الزعفرانيه _الاربع شوارع_مجاور عمارة المشكاة
للحجز والاستفسار 📞📞 07812881079

#المناعة #نفسيه #باطنية #تنفسيه #نمو #ترند #اكسبلور