17/09/2026
පීරියඩ් පේන් එක වැඩියි නම් ඒක සාමාන්‍යයිද?? Screen shot එකත් කියවන්න.
වෛද්‍යවරියක් විදියට ජීවිත කාලෙ ඇතුලෙ සතුටු වෙන්න පුලුවන් කාරණා හම්බුනාම ඒක බෙදාගන්න හම්බෙන එකත් සතුටක්.. මේ පෝස්ට් එක දාන්නෙත් ඒවගෙ වෙලේක.මේ මැසේජ් එක අද දැන් ආව මැසේජ් එකක් මට.
ගෑ නු ලමයි ගොඩක් ඉන්නවා මෙහෙම පීරියඩ් නිසා පුදුම දුකකින් ඉන්න. ඉතින් එහෙම කෙනෙක් ට බෙහෙත් කරලා දැන් ඒක හොද යි අද දවස සාමාන්‍ය දවසක් කීවම කාටත් වඩා කාන්තාවක් වෙන මටත් ඒ වේදනාවක් නැති සැහල්ලුවේ සතුට දැනෙනවා.🩷
ලිපිය පහලට කියවන්න දැනුවත් වෙන්න.. අපේ මේ ගෲප් එකේ ඉන්න ගෑ නු ලමයි ටිකවට් දැනුවත් වෙන එකෙන් සමාජයක් දැනුවත් වෙනවා කියලා මම දන්නවා.
☘️මෙන්සස් හැදුනාම සාමාන්‍යයෙන් අපිට වේදනාවක් එනවා ඒක සාමාන්‍ය දෙයක්..
හැබැයි ඒ වේදනාව දරාගන්න පුළුවන් විදියේ බොහොම පොඩි වේදනාවක්.
වැඩිවියට පත්වෙච්ච දවසේ ඉඳලා මේ වෙනකොට එදා තිබුණ වේදනාව වෙනස් විදියකින් දැනෙනවා නම් අන්න ඒක ඔයාලා සැලකිලිමත් වෙන්න ඕන තත්ත්වයක්.
සාමාන්‍යයෙන් අපේ ශරීරයේ ගර්භාෂය සංකෝචන ඇතිවෙනකොට තමයි මේ වේදනාව ඇතිවෙන්නේ.
එතකොට ඒ සාමාන්‍ය ඔසප් වේදනාව ඇරුණහම වෙනත් ආකාරයකින් මේ වේදනාව ඇති වෙනවා නම් ඒකට අපි ආයුර්වේද වෛද්‍ය ක්‍රමය ඇතුලේ කෂ්ට ආර්ථව කියන නමින් හඳුන්වනු ලබනවා. බටහිර වෛද්‍ය ක්‍රමය අනුව dysmennorhea කියල හඳුන්වන්නේ මේක.
☘️එතකොට සාමාන්‍යයෙන් මේකේ ආකාර දෙකක් තියෙන්න පුළුවන්..
1. ප්‍රාථමික අවස්ථාව - primary dysmennorhea
මේකෙදි ඔසප් වේදනාව ඇතිවුණත් එක බොහොම සාමාන්‍ය වේදනාවක්. ඒ වගේම ගර්භාෂයේ කිසිම ගැටළුවක් හින්ද ඇති වෙන එකක් නෙවෙයි.
2. ද්විතිය අවස්ථාව - secondary dysmennorhea
මේ අවස්ථාව ටිකක් වෙනස් . ඔබට දැනෙන අර්ථවේදනාව අසාමාන්‍ය විදිහට වේදනාකාරී එකක් වෙනවා. ගොඩක් වෙලාවට මේකට හේතු වෙන්නේ ගර්භාෂයේ ඇතිවන ගෙඩි, ගර්භාෂයේ ඇතිවන ආසාදනය වීම් ( pelvic inflammatory diseases), ඩිම්බකෝෂ වල ඇතිවන බිබිලි සහ ගෙඩි, එන්ඩොමෙට්‍රියෝසිස් වගේ තත්ත්ව.
එතකොට මම මේ සඳහන් කරපු පළවෙනි තත්ත්වෙ තියනකොටත් ඔසප් වේදනාව අධිකව දැනෙන අය ඉන්නවා. ගොඩක් වෙලාවට එහෙම වෙන්නේ
1.ගර්භාෂයට නිසි රුධිර සැපයුමක් නොමැති වීම
ගර්භාෂයට හරියට රුධිර සැපයුමක් නැතිවුණාම එයට හරියට සංකෝචන සහ ඉහිල්වීම් ඒ කියන්නේ contractions සිදු කරගන්න බැරිවෙනවා. එහෙම වුණාම ගර්භාෂය බොහොම අමාරුවෙන් තමයි මේ ඔසප් රුධිරය පිට කිරීම සිදුකරන්නේ. මේ නිසා හරිම වේදනාකාරී අත්දැකීමක් තමයි ඔබට ලැබෙන්නේ.
2. රක්ත හීනතාවය
ශරීරය ලේ මදිකමක් තියෙනවා නම් , ඒ වගේම පෝෂණ ඌනතාවයක් තියෙනවා නම් ගර්භාෂයට මේ කාර්යය කරගෙන යන්න අවශ්‍ය ශක්තිය ලැබෙන්නේ අඩුවෙන්. අන්න ඒක හින්දත් මේ විදිහට අධික අපහසුතාවයක් දැනෙන්න ගන්නවා.
3. ගර්භාෂයට රුධිරය සපයන නාල වල පවතින යම් අවහිරතා
ආයුර්වේද වෛද්‍ය ක්‍රමය අනුව මේ වගේ block වීම් එහෙම නැත්තම් අවරෝධ වීම් වගේ දේවල් වෙන්න අපේ එදිනෙදා චර්‍යාවන් ගොඩක් හේතු වෙනවා..
විශේෂයෙන් ම අපි ගන්න කෑම බීම වල පවතින ගැටලු , ආහාර ජීර්ණය වීමේ ගැටලු ,ගැස්ට්‍රයිටිස් තත්ව මේ වගෙ දේවල් මේකට බලපානවා.
ඒ විතරක් නෙවෙයි, මෙන්සස් සිදුවෙන දිනවල ස්නානය කිරීම නිසා ශරීරයෙන් මේ රුධිරය පිටවෙලා යන එකට ලොකු බාධාවක් සිදුවෙනවා.
ඒ නිසා ඒ වගේ වැරදි වලින් වැලකිලා ඉන්න එක ගොඩක් වැදගත් වෙනවා..
ආයුර්වේද වෛද්‍ය ක්‍රමය අනුව මේ ආර්තව වේදනාව ඇතිවීම අපේ ශරීරයේ ප්‍රධාන දෝෂ වෙන වාත ,පිත් සෙම් අතරින් වාත දෝෂයේ බලපෑම කෙලින්ම බලපාන දෙයක් කියලා කියන්න පුළුවන්
අපේ ශරීරයෙන් මලපහ පිටවීම, මුත්‍රා පිටවීම , සියලුම ස්නායු හා සම්බන්ධ ක්‍රියා , දරුවෙක් බිහිවීම , වගේම මේ ඔසප් ලේ පිටවීම කියන එකත් සිදුකරන්නෙ වාත දෝෂය මගින්..
මේ වාත දෝෂයේ ආකාර පහක් තියෙනවා.අපාන වාතය ( downward movement of air ) කියන එකෙන් තමයි මම ඉහතින් සදහන් කරපු ශරීරයෙන් බැහැර වෙන දේවල් පිලිබඳ ව විශේෂයෙන් පාලනය වීමක් වෙන්නෙ.
මෙන්න මේක අසමතුලිත උනාම ආර්තවය මගින් පිටවෙන ලේ ප්‍රමාණය අඩුවෙනවා.
ඒ විතරක් නෙවෙයි ගර්භාෂයට රුධිරය සපයන නාල සහ ආර්තව රුධිරය පිටවෙන නාල මේ වාතයෙන්ම අවහිර වීමක් වෙනවා. මේ නිසා තමයි ගොඩක් වෙලාවට මේ ආර්තව වේදනාව දරාගන්න බැරි තරම් අමාරු එකක් වෙන්නෙ.
( සීතල වතුර නෑවම මෙන්සස් නතර වෙන්නෙ මේ නිසා)
ආයුර්වේද විග්‍රහය බොහොම සරලව මෙන්න මේ විදියයි..
ඉතින් පේන් කිලර්ස් පාවිච්චි කරන එක නෙවෙයි මේකෙ විසදුම.
මේ දේට සාර්ථක ම වෙන්නෙ ආයුර්වේද වෛද්‍ය ප්‍රතිකාර කියන එක බොහොම පැහැදිලිව කියන්න පුළුවන් දෙයක්..
ඉතින් ලිපිය දිග වැඩි නිසා මේ ගැන තවදුරටත් ඉස්සරහට කතා කරන්න තියලා අද මේ ලිපිය මෙතනින් නවත්වනවා..
ඔයාලා හැමෝම නීරෝගී වේවා කියලා ප්‍රාර්ථනා කරනවා ❤️
සටහන
Dr. Rasanjana Ilangkoon
BAMS ( University of Kelaniya )
Harithayur Healthcare
Ganemulla
Contact via whatsapp for online consultation 0703482814
