07/07/2026
Aplastic Anemia(ရိုးတွင်းခြင်ဆီက သွေးဆဲလ် မထုတ်လုပ်နိုင်သော ရောဂါ)
Aplastic anemia သည် ရိုးတွင်းခြင်ဆီ (Bone Marrow) က သွေးဆဲလ်အသစ်များကို လုံလောက်စွာ မထုတ်လုပ်နိုင်တော့သည့်ပြင်းထန်နိုင်သော သွေးရောဂါတစ်မျိုး ဖြစ်ပါသည်။
✅Aplastic Anemia ဖြစ်လာရင်
ပုံမှန်အားဖြင့် ရိုးတွင်းခြင်ဆီက ထုတ်လုပ်ပေးသော
(1)သွေးနီဥ (Red Blood Cells)
(2)သွေးဖြူဥ (White Blood Cells)
(3)သွေးခဲပြား (Platelets) သုံးမျိုးလုံး လျော့နည်းသွားနိုင်ပါသည်။(Pancytopenia)
✅ရောဂါဖြစ်ရသည့် အကြောင်းရင်းကို မသိနိုင်သော ဖြစ်ရပ်များ(idiopathic)ရှိသလို၊ အောက်ပါအချက်များကြောင့်လည်း
ဖြစ်နိုင်ပါသည်။
(1)ကိုယ်ခံအားစနစ်က ရိုးတွင်းခြင်ဆီကို တိုက်ခိုက်ခြင်း(Autoimmune)
(2)အချို့သော ဆေးဝါးများ၏ ဘေးထွက်ဆိုးကျိုး
(3)ဓာတ်ရောင်ခြည်ကုသမှု
Chemotherapy သို့မဟုတ် Radiation ကုသမှု
(4)ဓာတုပစ္စည်းများနှင့် ထိတွေ့မှု
(5)ဗိုင်းရပ်စ်ကူးစက်မှုအချို့
(6)မျိုးရိုးလိုက်ရောဂါအချို့
တို့ကြောင့်လည်း ဖြစ်နိုင်ပါတယ်။
✅သွေးဆဲလ်များ လျော့နည်းလာခြင်းကြောင့် တွေ့ရနိုင်သော လက္ခဏာများမှာ
(၁)သွေးနီဥနည်းခြင်းကြောင့်
-မောပန်းလွယ်ခြင်း
-အားနည်းခြင်း
-အသက်ရှူမဝခြင်း
-မူးဝေခြင်း
-အသားအရေဖြူဖျော့ခြင်း
(၂)သွေးဖြူဥနည်းခြင်းကြောင့်
-မကြာခဏ ဖျားနာခြင်း
-ကူးစက်ရောဂါများလွယ်ကူစွာဖြစ်ခြင်း
(၃)သွေးခဲပြားနည်းခြင်းကြောင့်
-သွေးယိုလွယ်ခြင်း
-နှာခေါင်းသွေးယိုခြင်း
-သွားဖုံးသွေးယိုခြင်း
-အနည်းငယ်ထိခိုက်ရုံဖြင့် အညိုစက်၊ အပြာစက်များ ပေါ်လာခြင်း
-အရေပြားပေါ်တွင်အနီစက်၊ အပြာစက်များ (Petechiae, Bruises)
✅ရောဂါလက္ခဏာများကို စစ်ဆေးပြီး အောက်ပါစမ်းသပ်မှုများ ပြုလုပ်နိုင်ပါသည်။
(၁)Complete Blood Count (CBC)
(၂)Peripheral Blood Smear
(၃)Bone Marrow Aspiration နှင့် Bone Marrow Biopsy
Bone Marrow စစ်ဆေးခြင်းသည် ရောဂါအတည်ပြုရာတွင် အရေးကြီးဆုံး စမ်းသပ်မှုဖြစ်သည်။
✅လူနာ၏ရောဂါပြင်းထန်မှုနှင့် လူနာ၏ အသက်အရွယ်ပေါ်မူတည်၍ ကုသနည်းများ ကွဲပြားနိုင်ပါသည်။
(၁)လိုအပ်ပါက သွေးသွင်းခြင်း (Blood Transfusion)
(၂)Platelet Transfusion
(၃)ကူးစက်ရောဂါများကို ကုသရန် Antibiotics
(၄)Immunosuppressive Therapy
(၅)Bone Marrow (Stem Cell) Transplant
စသောကုသမှုမျိုးကို ဆရာဝန်၏လမ်းညွှန်မှုဖြင့် ကုသမှုခံယူနိုင်ပါသည်။
အသက်ငယ်ပြီး သင့်လျော်သော Stem Cell Donor ရှိပါက Bone Marrow Transplant သည် ပျောက်ကင်းနိုင်ခြေ အမြင့်ဆုံး ကုသနည်းဖြစ်သည်။
✅မကြာခဏမောပန်းလွယ်ခြင်း၊ မကြာခဏ ဖျားနာခြင်း၊ သွေးယိုလွယ်ခြင်း သို့မဟုတ် အရေပြားပေါ်တွင် အနီစက်၊ အပြာစက်များ မကြာခဏပေါ်လာပါက မပေါ့ဆသင့်ပါ။
စောစီးစွာ ဆေးရုံ၊ ဆေးခန်းသို့ သွားရောက်စစ်ဆေးခြင်းသည် ရောဂါကို အချိန်မီ သိရှိကုသနိုင်ရန် အလွန်အရေးကြီးပါသည်။
Dr.ET
Dr.
