https://www.facebook.com/467309519801407/

Dr.Win Home Medical Service, yangon, Yangon (2026)

11/05/2026

ရာသီတုပ်ကွေးကာကွယ်ဆေးများကို
အိမ်တိုင်ရာရောက် ထိုးနိုင်ပါသည်။
09255557053

01/01/2026

Dr. Win Home Medical Service ဆိုတာ ဘာလဲ?

အိပ်ရာထဲလဲနေတဲ့ Bed Bound လူနာတွေကို စောင့်ရှောက်ဖို့ ဆရာဝန်လိုအပ်နေပါသလား။

အိမ်တိုင်ရာရောက် ECG (အီးစီဂျီ) , USG (အာထရာစောင်း), Lab Investigation (ဓာတ်ခွဲခန်း သွေးဖောက် စစ်ဆေးမှုများ) အတွက် ဝန်ဆောင်မှု လိုအပ်နေပါသလား။

ဖုန်းလေးဆက်ပြီး Hello လိုက်ရုံနဲ့ ဆေးကုသမှု သက်တမ်း (၁၀) နှစ်ကျော် အတွေ့အကြုံရှိ ဆရာဝန်များမှ အိမ်တိုင်ရာရောက် Home Medical Care ပေးနိုင်တဲ့ ကျန်းမာရေး ဝန်ဆောင်မှု (Health Care Service) တစ်ခုဖြစ်ပါတယ်။

ကြယ်စင် ဆေးခန်းအုပ်စုလက်အောက်မှ လုပ်ငန်းခွဲဖြစ်ပြီး စဉ်ဆက်မပြတ် ကောင်းမွန်သော ကျန်းမာရေး စောင့်ရှောက်မှုအတွက် အဆင်သင့် ရှိနေပါမယ်။

📞09255557053
📞09425012656
📞 09427655025

📌လက်ရှိအချိန်မှာတော့ ယခု service ကို မြောက်ဒဂုံ၊ တောင်ဒဂုံ၊ မြောက်ဥက္ကလာ ၊ တောင်ဥက္ကလာ၊ ကမ္ဘာအေး ၊ ဒဂုံဆိပ်ကမ်း မြို့နယ်များမှာသာ ရရှိနိုင်ဦးမှာ ဖြစ်ပါတယ်။

23/05/2025

၄ မျိုးစပ် တုပ်ကွေးကာကွယ်ဆေးများကို အိမ်တိုင်ရာရောက် စျေးနှုန်းချိုသာစွာဖြင့် ထိုးနှံနိုင်ပါပြီ။
ph 09255557053

19/11/2024

အဆီကျဆေးများအကြောင်း...
CRD to original uploader.

11/11/2024

𝐆𝐨𝐮𝐭 (ဂေါက်) ရောဂါဖြစ်လျှင် ဆောင်ရန်

✔️အမျှင်ဓာတ်များသော ဟင်းသီးဟင်းရွက်များ (ဥပမာ သခွားသီး၊ မုန်လာဥ၊ ဆလတ်ရွက်၊ ကိုက်လန်) ကို များများစားပါ။
✔️အင်သိုဆိုင်ယာနီဒင် (Anthocyanidin) နှင့် ပရိုအင်သိုဆိုင်ယာနီဒင် (Proanthocyanidin) ကြွယ်ဝစွာ ပါဝင်သည့် အနီရောင်ရင့်ရင့်ရှိသော အသီး (ဥပမာ ချယ်ရီသီး၊ သပြေသီး၊ ကရမ်ဘယ်ရီ) များကို စားပါ။ အပြာရောင်၊ ခရမ်းရင့်ရောင်၊ သပြေသီးရောင်အစရှိသော သစ်သီးများကို စားသုံးပါ။
✔️သန့်ရှင်းလတ်ဆတ်သော သဘာဝသစ်သီးဖျော်ရည် (ဥပမာ သံပုရာရည်၊ မန်ကျီးဖျော်ရည်၊ နာနတ်သီးဖျော်ရည်၊ သင်္ဘောသီးဖျော်ရည်၊ ဖရဲသီး ဖျော်ရည်) များကို သောက်ပါ။ အထူးသဖြင့် ရေများများသောက်ပါ။
✔️ကိုယ်လက်လှုပ်ရှားမှု နေ့စဥ် ပြုလုပ်ပြီး အဝမလွန်အောင် ခန¨ာကိုယ်အလေးချိန်ကိုလည်း ထိန်းသိမ်းပါ။
✔️Vitamin E, Vitamin C, Niacin (Vitamin B3, Selenium, Folic acid, Eicosapentaenoic acid (EPA or omega-3 fattyacid), Bromelain (Anti-inflammatory agent), Quercetin (Antioxidant) စသော Nutritional supplement များနှင့် Vitamin များသည် ဂေါက်ရောဂါကို သက်သာစေသည်။
✔️လိုအပ်ပါက ဆေးဖက်ဝင်အပင်များမှ ထုတ်လုပ်ထားသော အောက်ပါသဘာဝဆေးဝါးများကို မှီဝဲနိုင်ပါသည်။

• Urocrush ဆီးကျောက်ပျော်ဆေး
• WoundHealer အနာကျက်သောက်ဆေး
• Tinoflam ဆင်တုန်းမနွယ်အရောင်ကျဆေး

𝐆𝐨𝐮𝐭 (ဂေါက်) ရောဂါဖြစ်လျှင် ရှောင်ရန်

❌ပျူရင်း (Purine) ဓာတ်များသော အမဲသား၊ ဆိတ်သား၊ ဝက်သား အထူးသဖြင့် ရက်လွန်သည့်အသားများ စားသုံးခြင်းကို ရှောင်ပါ။
❌ဝမ်းတွင်းကလီစာများ (ဥပမာ အူကလီစာ၊ အသည်းအမြစ်) စားသုံးခြင်းကို ရှောင်ပါ။
❌အကြေးခွံပါသောငါးများ (ဥပမာ ငါးသလောက်၊ ငါးကြင်း၊ ငါးမြစ်ချင်း) စားသုံးခြင်းကို ရှောင်ပါ။
❌တဆေး (Yeast)၊ မှို (Mushroom)၊ ကညွတ် (Asparagus)၊ မျှစ် (Bamboo shoot)၊ ပဲတီပင်ပေါက်၊ ဟင်းနုနယ်၊ ခရမ်းချဥ်သီးအစေ့၊ စတော်ဘယ်ရီ၊ ပြောင်းဖူး အစရှိသည့် အစားအစာများကို ရှောင်ပါ။
❌အဆီများသောအစားအစာ (ဥပမာ ဝက်သား၊ ထောပတ်၊ မလိုင်) များ စားသုံးခြင်းကို ရှောင်ပါ။
❌ကိုလက်စထရော (Cholesterol)၊ ထရိုင်ဂလစ်စရွိုက် (Cholesterol) တက်စေသည့် အစားအစာများကို ရှောင်ပါ။
❌သကြားဓာတ်လွန်ကဲသော အချိုရည်များ (Ready made soft drinks) သောက်သုံးခြင်းကို ရှောင်ပါ။
❌အရက်နှင့် ဘီယာ အလွန်အကျွံ သောက်သုံးခြင်းကို ရှောင်ပါ။
❌ဂေါက်ရောဂါကို ပိုဆိုးစေသော ဆေးဝါးများကိုရှောင်ပါ (သို့မဟုတ်) သတိထား သောက်သုံးပါ။
ဥပမာ သွေးတိုးရောဂါတွင် အသုံးပြုသောဆီးဆေးများ (Diuretics)၊ နှလုံးသွေးကြောကျဥ်းရောဂါတွင် အသုံးပြုလေ့ရှိသော အက်စပရင် (Diuretics)၊ တီဘီရောဂါကုသရာတွင် အသုံးပြုလေ့ရှိသော ပိုင်ရီဇီနမိုက် (Diuretics)
ဒေါက်တာခင်မောင်လွင်

10/11/2024

E-Cigarette ဆိုတာ နစ်ကိုတင်းအရည်ကို ဘက်ထရီအသုံးပြုရတဲ့ ကိရိယာထဲမှာထည့်ပြီး အပူပေးလိုက်လို့ အငွေ့ပျံလာတာကိုရှူသွင်းရတဲ့ ကိရိယာတစ်ခုဖြစ်ပါတယ်။ ဆေးလိပ်သောက်ရင် အဓိကစွဲလန်းစေတဲ့၊ ကျေနပ်မှုဖြစ်စေတဲ့ နစ်ကိုတင်းကို အဓိကထည့်သွင်းထားပေမယ့် အဲ့ဒီနစ်ကိုတင်းကို အရည်ဘဝနဲ့ ကြာရှည်တည်ရှိနေနိုင်အောင် base လို့ခေါ်တဲ့ ဖျော်တဲ့ပစ္စည်းတွေ၊ အနံ့အရသာကောင်းအောင် ထည့်သွင်းထားတဲ့ essence တွေပါ ရောထားပါသေးတယ်။ e-cigs လို့လည်း အတိုကောက်ခေါ်သလို Va**ng လို့လည်း ခေါ်ပါတယ်။ အချို့တွေက တစ်ခါသုံးဖြစ်ပြီး အထဲကအရည်ကုန်တာနဲ့ လွှင့်ပစ်ရပါတယ်။ များသောအားဖြင့်တော့ အရည်ပြန်ဖြည့်ပြီးသုံးရတဲ့ Refillable Catridge နဲ့ သုံးတာကပိုများပါတယ်။ ဘက်ထရီကိုလည်း ကွန်ပြူတာ ဒါမှမဟုတ် Power Bank နဲ့ အားသွင်းပြီး အသုံးပြုနိုင်ပါတယ်။ မူလ idea ကို ၁၉၆၃ ခုနှစ်မှာ Herbert A. Giebert ဆိုသူက စတင်တီထွင်ပြီး မူပိုင်ခွင့်ပြုလုပ်ခဲ့ပါတယ်။ ဒါပေမယ့် စျေးကွက်တင်ရောင်ချနိုင်ခြင်း မရှိခဲ့ပါဘူး။ ဒီကနေ့သုံးနေတဲ့ပုံစံကို တရုတ်လူမျိုး Pharmacist ဖြစ်တဲ့ Hon Lik က တီထွင်ခဲ့တာဖြစ်ပြီး Golden Dragon Holding ကုမ္ပဏီအတွက် လုပ်ခဲ့တာဖြစ်ပါတယ်။ နောင်ပိုင်းမှာတော့ အဲ့ဒီကုမ္ပဏီကို Ruyan လို့ အမည်ပြောင်းခဲ့ပါတယ်။ ၂ဝဝ၃ခုနှစ်က စတင်ထုတ်လုပ်ခဲ့ပြီး တရုတ်ပြည်မှာ၂ဝဝ၄ ခုနှစ်အတွင်း စတင်ဖြန့်ဖြူးရောင်းချခဲ့ပါတယ်။ ၂ဝဝ၅-၂ဝဝ၆ လောက်မှာတော့ နိုင်ငံအသီးသီးကို ဖြန့်ဖြူးရောင်းချနိုင်ခဲ့ပါတယ် ဒါပေမယ့် တကယ်တွင်ကျယ်လာတာက ၂ဝ၁ဝ နောက်ပိုင်းကျမှဖြစ်ပါတယ်။
၂ဝ၁၁ ခုနှစ်ကနေ ၂ဝ၁၅ ခုနှစ် ၅နှစ်တာကာလအတွင်း အမေရိကန်လူငယ်တွေကြားမှာ ရာခိုင်နှုန်း ၉ဝဝ (၉ဆ) လောက် တိုးတက်သုံးစွဲလာတာတွေ့ရပါတယ်။ ၂ဝ၁၆ ရောက်တဲ့အခါမှာ အမေရိကန်နိုင်ငံမှာရှိတဲ့ ၁၈ နှစ်အထက် လူတွေအားလုံးရဲ့ ၃့၂ % ဟာ သူ့ကို စွဲနေကြပါပြီ။ ဒါ့ကြောင့် နောက်ဆက်တွဲ ကျန်းမာရေးပြဿနာတွေ တစ်နေ့ထက်တစ်နေ့ များလာနေတဲ့ အတွက် အမေရိကန် FDA က ဥပဒေတွေပြဌာန်းပြီး ကန့်သတ်ဖို့ကြိုးစားလာနေရပါပြီ။
E-Cigarette သုံးရင် ဆိုးကျိုးတွေကတော့ အဓိကအနေနဲ့ (၅) ချက်ရှိပါတယ်။
(၁) နစ်ကိုတင်းကြောင့်ဖြစ်လာသည့် ကျန်းမာရေးဆိုးကျိုးများ - အဓိကအားဖြင့် နစ်ကိုတင်းအရည်ကို အငွေ့ပျံစေပြီး ရှူရှိုက်တာဖြစ်ပါတယ်။ သာမန်ဆေးလိပ်မှာပါဝင်တဲ့ နစ်ကိုတင်းထက်ပိုမိုသန့်စင်အောင် ပြုလုပ်ထားပြီး ထုတ်ထားတာဖြစ်လို့ သူ့ချည်းပါဝင်မှု Concentration ပိုများပါတယ်။ ဒါ့ကြောင့် ရှူလိုက်ရင်ဝင်သွားတဲ့ နစ်ကိုတင်းပမာဏဟာ သာမန်ဆေးလိပ်တစ်လိပ်ကို ရှူလိုက်ရင်ဝင်လာတဲ့ပမာဏထက် ပိုများပါတယ်။ ဒါ့ကြောင့် နစ်ကိုတင်းကြောင့် ဖြစ်ရတဲ့ကျန်းမာရေးဆိုးကျိုးတွေဖြစ်တဲ့ သွေးတိုးရောဂါ၊ နှလုံးသွေးကြောကျဥ်းရောဂါ၊ လေဖြတ်တာ၊ ခြေလက်တွေသွေးကြောပိတ်ပြီး ပုပ်တာ၊ ဦးနှောက်နဲ့အာရုံကြောတွေ ထိခိုက်တာ၊ ဆီးချိုသွေးချိုဖြစ်တာ၊ ဟိုမုန်းတွေပုံမှန်မဖြစ်တော့တာ၊ အရိုးတွေပွတာ၊ ကြွက်သားတွေနာကျင်တာ၊ အသက်တိုစေတာ အစရှိသဖြင့် အကုန်လုံးဖြစ်မှာပါ။
(၂) E-Cigarette အရည်ထဲမှာပါဝင်တဲ့ ဖျော်ရည်အခြေခံပစ္စည်း (base) ဖြစ်တဲ့ Propylene glycol, glycerol တို့အပြင် ကြာရှည်ခံစေတဲ့ပစ္စည်းတွေ၊ အနံ့အရသာကောင်းဖို့ ထည့်ထားတဲ့ ဓာတုပစ္စည်းမျိုးစုံဟာလည်း ဒုက္ခပေးနိုင်ပါတယ်။ အဲ့ဒီပစ္စည်းတွေကို မီးနဲ့အပူပေးလိုက်ရင် ဓာတ်ပြုရာက Formaldehyde တွေ ထွက်လာလေ့ရှိပါတယ်။ အဲ့ဒီပစ္စည်းထဲကတစ်ချို့ဟာ အဆိပ်အတောက်ဖြစ်စေပြီး ကင်ဆာရောဂါအထိ ဖြစ်စေနိုင်ပါတယ်။
(၃) E-Cigarette ကို အပူပေးလို့ထွက်လာတဲ့ အငွေ့တွေမှာပါဝင်တဲ့ ဓာတ်ပစ္စည်းတွေဟာ ဓာတုပစ္စည်းတွေကို မီးရှို့ရာကထွက်လာတဲ့ ပစ္စည်းတွေဖြစ်လို့ အဆုတ်ကိုထိခိုက်စေပါတယ်။ အဲ့ဒီအထဲမှာ အဆိုးဆုံးပစ္စည်းကတော့ Dicetyl လို့ခေါ်ပြီး အဆုတ်ကို တိုက်ရိုက်ဖျက်ဆီးတဲ့အတွက် ဓာတ်မှန်ရိုက်ကြည့်ရင် အဆုတ်နေရာတစ်ဝိုက်မှာ အဖြူရောင်အလုံးတွေ တွေ့ရလေ့ရှိပါတယ်ပြောင်းဖူးပေါက်ပေါက်နဲ့တူလို့ ဆေးပညာအရ Popcorn Lung လို့ခေါ်ပြီး ပြန်ကုလို့မရတဲ့အခြေအနေ (Irreversible Lung Disease) ဖြစ်ပါတယ်။
(၄) E-Cigarette ရဲ့ အငွေ့ထဲမှာပါဝင်နေတဲ့ Nitrosamine တွေဟာ ခန္ဓာကိုယ်ထဲမှာရှိတဲ့ ဆဲလ်တွေရဲ့ DNA ကို ထိခိုက်ပျက်စီးစေတဲ့အတွက် ကင်ဆာရောဂါအမျိုးမျိုး ဖြစ်စေနိုင်ပါတယ်။ လောလောဆယ် ကြွက်တွေမှာစမ်းသပ်ပြီး ထွက်ရှိလာတဲ့ သုတေသနစာတမ်းတွေအရ ကြွက်တွေကို e-cigs အငွေ့တွေ ရှူခိုင်းကြည့်ရာမှာ အဆုတ်ကင်ဆာနဲ့ ဆီးအိမ်ကင်ဆာတွေ ဖြစ်လာတာတွေ့ရပါတယ်။ အခုလောလောဆယ် အသုံးပြုနေတဲ့လူတွေကိုတော့ နောင်၁ဝ နှစ်လောက်ကြာလို့ လေ့လာခဲ့ရင် လူတွေမှာလည်း ကင်ဆာဖြစ်စဥ်တွေ ပိုတွေ့ရတော့မှာပါပဲလို့ ပညာရှင်တွေက ယုံကြည်လျက်ရှိပါတယ်။
(၅) E-Cigarette သုံးစွဲသူလူငယ်များ တိုးပွားလာခြင်းဟာလည်း အဓိကပြဿနာတစ်ခုဖြစ်ပါတယ်။ သူ့ကို စတင်ထုတ်လုပ်ခဲ့တဲ့ မူလရည်ရွယ်ချက်က ဆေးလိပ်သောက်သုံးသူတွေကို ဆေးလိပ်ဖြတ်တဲ့အခါ အစားထိုးအသုံးပြုနိုင်ဖို့ ရည်ရွယ်ပြီးထုတ်ခဲ့တာဖြစ်ပါတယ်။ ဒါပေမယ့် တကယ့်လက်တွေ့မှာ ဆေးလိပ်လုံးဝမသောက်ဖူးသူ လူငယ်တွေအနေနဲ့ အန္တရာယ်ကင်းတယ်ထင်ပြီး အသုံးပြုမှုဟာ တဟုန်ထိုးတိုးတက်လာတာ တွေ့ရပါတယ်။ အမေရိကန်နိုင်ငံမှာ ပြုလုပ်ခဲ့တဲ့ စစ်တမ်းတစ်ခုအရ ၂ဝ၁၁ ကနေ ၂ဝ၁၃ ခုနှစ်အတွင်း အရင်ကဆေးလိပ်လုံးဝ မသောက်သုံးခဲ့တဲ့သူ သုံးစွဲနေသူပေါင်း ၂.၆၃ သိန်း ရှိတာ တွေ့ရပါတယ်။ အခုဆိုရင် သန်းဂဏန်းကျော်သွားလောက်ပြီလို့ ထင်ပါတယ်။ ဒါကလည်း သူ့မှာပါဝင်တဲ့ နစ်ကိုတင်းဟာ စွဲလန်းစေလို့ လူငယ်တွေကြားမှာ တွင်တွင်ကျယ်ကျယ်အသုံးပြုလာတာ ဖြစ်ပါတယ်။ ဒါဟာ အနာဂတ်မျိုးဆက်တွေအတွက် အင်မတန်မှ ရင်လေးစရာဖြစ်ပါတယ်။
ဒေါက်တာခင်မောင်လွင် (FAME)

10/11/2024

ကော်လာဂျင် (𝓒𝓸𝓵𝓵𝓪𝓰𝓮𝓷) ဆိုတာ ဘာလဲ❓

ကော်လာဂျင် (𝓒𝓸𝓵𝓵𝓪𝓰𝓮𝓷) ဆိုတဲ့ ဝေါဟာရဟာ ဂရိဘာသာစကားက ဆင်းသက်လာတာဖြစ်ပြီး
စကားလုံးနှစ်ခုပေါင်းထားတာဖြစ်ပါတယ့် ''𝓒𝓸𝓵𝓵𝓪'' ဆိုတာ ''𝓰𝓵𝓾𝓮 '' လို့အဓိပ္ပာယ်ရပြီး မြန်မာလိုတော့ ကော်လို့ဆိုလိုပါတယ်။ ''𝓰𝓮𝓷'' ဆိုတာကတော့ ''𝓹𝓻𝓸𝓭𝓾𝓬𝓲𝓷𝓰' လို့အဓိပ္ပာယ်ရပါတယ်။ ဒါကြောင့် ''ကော်နှင့်တူသော ဓာတ်ပစ္စည်းများထုတ်လုပ်ခြင်း'' လို့ အဓိပ္ပာယ်ဖွင့်ဆိုနိုင်ပါတယ်။

ဇီဝဓာတုဖွဲ့စည်းပုံအရ ကော်လာဂျင်ကို စေးကပ်တဲ့ အမိုင်နိုအက်ဆစ်မော်လီကျူးတွေနဲ့ ဖွဲ့စည်းထားပြီး ကြိုးမျှင်သုံးခုကို ကျစ်ထားတဲ့ပုံသဏ္ဌာန်ရှိပါတယ်။ ခန္ဓာကိုယ်တွင်းမှာရှိတဲ့ တစ်သျှူး (𝓣𝓲𝓼𝓼𝓾𝓮) တွေ တစ်ခုနဲ့တစ်ခု တွယ်ဆက်ဖို့ ကြားခံတွယ်ဆက်တစ်သျှူး (𝓒𝓸𝓷𝓷𝓮𝓬𝓽𝓲𝓿𝓮 𝓣𝓲𝓼𝓼𝓾𝓮) အနေနဲ့ ဆောင်ရွက်ပါတယ်။ ဥပမာ အရေပြားနဲ့ အောက်ခံတစ်သျှူးတွေနဲ့ တွယ်ဆက်ပေးတာ၊ အရိုးတွေအဆစ်တွေနဲ့ ကြွက်သားတွေကို တွယ်ဆက်ပေးတာတွေမှာ အသုံးပြုပါတယ်။

ကျွန်တော်တို့လူအပါအဝင် နို့တိုက်သတ္တဝါအားလုံးရဲ့ခန္ဓာကိုယ်တွင်းမှာရှိတဲ့ ပရိုတင်းဓာတ်စုစုပေါင်း
အလေးချိန်ရဲ့ ၂၅% ကနေ ၃၅% ဟာ ကော်လာဂျင်တွေဖြစ်ပါတယ်။ ဒါ့ကြောင့် ကော်လာဂျင်ဆိုတာ ခန္ဓာကိုယ်ထဲက ပရိုတင်းပုံစံမျိုးစုံရှိတဲ့အထဲမှာ ပမာဏ အများဆုံးပုံစံလို့ ဆိုရပါမယ်။ အဲ့ဒီပရိုတင်းတွေရဲ့ အခြေခံယူနစ်ကတော့ အမိုင်နိုအက်ဆစ် (𝓐𝓶𝓲𝓷𝓸 𝓐𝓬𝓲𝓭𝓼) တွေဖြစ်ပြီး ကြိုးမျှင်လိုအရှည်ကြီး ဖြစ်ပါတယ်။ 𝓣𝓻𝓲𝓹𝓵𝓮 𝓱𝓮𝓵𝓲𝔁 ပုံစံဖြစ်ပြီး အဓိပ္ပာယ်ဟာ ကြိုးမျှင်သုံးချောင်းကို ကျစ်ထားတဲ့ ပုံသဏ္ဌာန်ဖြစ်လို့ အလွန်ပဲ ခိုင်ခံ့ပါတယ်။ သူ့ကို 𝓒𝓸𝓵𝓵𝓪𝓰𝓮𝓷 𝓱𝓮𝓵𝓲𝔁 လို့လည်းခေါ်ပါတယ်။

ကော်လာဂျင်တွေဟာ အခြားမော်လီကျူးတွေနဲ့ ပေါင်းစပ်ပြီး မာခြင်း၊ ပျော့ခြင်းကိုဖြစ်စေပါတယ်။ ဥပမာ ကယ်လ်စီယမ် (𝓒𝓪𝓵𝓬𝓲𝓾𝓶) နဲ့ပေါင်းရင် အရိုးတွေဖြစ်ပြီး မာကျောပါတယ်။ အလပ်စတင် (𝓔𝓵𝓪𝓼𝓽𝓲𝓷)၊ မဂ္ဂနီးစ် (𝓜𝓪𝓷𝓰𝓪𝓷𝓮𝓼𝓮)၊ ကြေးနီ (𝓒𝓸𝓹𝓹𝓮𝓻) တို့နဲ့ပေါင်းစပ်ရင် ခိုင်ခံ့တဲ့အရွတ် (𝓣𝓮𝓷𝓭𝓸𝓷) တွေ ဖြစ်အောင် တည်ဆောက်ပေးပါတယ်။ ပရိုတီယိုဂလိုက်ကင် (𝓟𝓻𝓸𝓽𝓮𝓸𝓰𝓵𝔂𝓬𝓪𝓷) တွေနဲ့ပေါင်းစပ်ရင် ဒဏ်ခံနိုင်တဲ့ အရိုးနု (𝓒𝓪𝓻𝓽𝓲𝓵𝓪𝓰𝓮) တွေဖြစ်အောင် တည်ဆောက်ပေးပါတယ်။ ဒါကြောင့် ကော်လာဂျင်ဆိုတာ ခန္ဓာကိုယ်အတွက် အလွန်ပဲအရေးပါတဲ့ ဓာတ်ပစ္စည်းတစ်ခုလို့ ဆိုချင်ပါတယ်။

ဒေါက်တာခင်မောင်လွင် (FAME)

Dr.Win Home Medical Service

11/05/2026

01/01/2026

23/05/2025

19/11/2024

11/11/2024

10/11/2024

10/11/2024

Address

Website

Alerts

Shortcuts

Share

Category

Listing takedown request