09/05/2026
40 нас гэдэг их сонин нас.
Өөрийгөө залуу ч юм шиг, хөгшин ч юм шиг мэдэрнэ. Ажил амьдралын ачаа хамгийн их ирдэг үе. Машин, гэр бүл, мөнгө, карьер, асуудал гээд бүхнийг нуруун дээрээ үүрч яваа үе.
Гэхдээ яг энэ үед хүний биед хамгийн чимээгүй, хамгийн аюултай өөрчлөлт эхэлдэг.
Булчин алдагдаж эхэлдэг.
Энэ зураг дээр харагдаж байгаа хоёр булчин бол зүгээр “том жижиг”-ийн ялгаа биш. Зүүн талынх нь нягт, амьд, хүчтэй булчин юм. Харин баруун талынх нь насжилт, хөдөлгөөний дутагдал, суугаа амьдрал, стрессийн нөлөөгөөр аажмаар чанараа алдаж буй булчин аж.
Хамгийн аймшигтай нь — энэ өөрчлөлт гаднаасаа тэр бүр анзаарагддаггүй. Харахад том булчинтай, нүүр дүүрэн хэвээр байдаг боловч булчингийн дотоод бүтцэд ийм хүчтэй өөрчлөлт ороод эхэлчихсэн байдаг.
Хүн өөрийгөө “гайгүй ээ” л гэж боддог. Гэтэл:
• шат өгсөхөд амьсгаа өөр болчихсон,
• өвдөг дуугардаг,
• нуруу чилдэг,
• амархан унадаг,
• босохдоо тулдаг,
• олигтой гүйж чадахгүй,
• хүч байдаг ч тэсрэлт байхгүй болсон байдаг. Бүр "нөгөө ажилдаа" ч чадвар муутай болох нь бий.
Айкидогоор хичээллэдэг хүмүүс энэ ялгааг хамгийн сайн мэдэрдэг.
Залуудаа хүч бяраар ааглаж хийдэг байсан хөдөлгөөнүүд нас ахих тусам “биеийн чанар”-аар шийдэгдэж эхэлдэг. Balance, posture, breathing, center, reaction — бүгд булчингийн бодит чанартай холбоотой.
Айкидод нэг үнэн байдаг:
• хүчтэй байх чухал биш,
харин биеэ удирдаж чаддаг байх чухал юм.
Гэхдээ биеэ удирдана гэдэг өөрөө булчин шаарддаг.
• Зөөлөн атлаа тогтвортой core булчин.
• Уян атлаа хүчтэй хөл.
• Тэнцвэрээ алдахгүй нуруу.
• Амьсгаатай хамт ажилладаг хөдөлгөөн.
Энэ бүхэн дасгалгүйгээр бий болохгүй ээ.
30 наснаас хойш хүн жил бүр булчингийнхаа тодорхой хэсгийг алддаг гэдэг нь шинжлэх ухаанаар батлагдсан зүйл. Хөдөлгөөнгүй бол тэр алдагдал улам хурдан болдог. Ялангуяа хүч, реакц, тэсрэлт хариуцдаг fast-twitch muscle fiber-ууд хамгийн түрүүнд алга болдог.
Тийм болохоор л зарим хүмүүс нас ахих тусам:
• илүү амархан ядардаг,
• илүү ууртай болдог,
• илүү хөшүүн,
• илүү эмзэг болдог.
