Psychotherapist / Eman Barakat

09/11/2026

سلسله 30 فيديو
الفيديو 23
اضطراب القلق العام
Psychotherapist / Eman Barakat
010 70318198

09/11/2026

🚨 إزاي تكوني أم أولادك يحترموكي ويسمعوا كلامك من غير زعيق ولا ضرب ولا تهديد؟!
لطلب استشارتك مجانا لمده ربع ساعه ارسال رساله علي رسائل الصفحه Psychotherapist / Eman Barakat
010 70318198

كل أم نفسها أولادها يسمعوا كلامها، ويحترموا وجودها، وينفذوا طلباتها من غير جدال مستمر أو عناد أو صراخ.

لكن هل تعرفي إن احترام أولادك ليكي مش بييجي بالخوف منك، وإن الطاعة الحقيقية مش معناها إن الطفل ينفذ الأوامر لمجرد إنه خايف من العقاب؟!

إليكِ 10 قواعد تساعدك تكوني أم قوية ومحبوبة وكلمتها مسموعة:

1️⃣ كوني حازمة مش عصبية.
في فرق كبير بين الأم الحازمة والأم العصبية. الحزم معناه إن عندك قواعد واضحة وثابتة، لكن من غير صراخ أو إهانة أو انفعال.

2️⃣ خلي كلامك قليل وواضح.
متكرريش نفس الأمر عشر مرات، ومتدخليش في محاضرات طويلة. اطلبي من طفلك بهدوء ووضوح، وتابعي تنفيذ طلبك.

3️⃣ متتراجعيش عن قراراتك بسهولة.
لو حطيتي قاعدة أو وعدتي بعقاب مناسب، التزمي بيه. التناقض في القرارات بيخلي الطفل يختبر حدودك باستمرار.

4️⃣ اسمعيه عشان يسمعك.
ادي لطفلك فرصة يعبر عن رأيه ومشاعره، حتى لو مختلف معاكي. الطفل اللي بيحس إن صوته مسموع بيكون أكثر استعدادًا يسمع كلامك.

5️⃣ احترميه عشان يحترمك.
متسخريش منه، ومتقلليش من شأنه، ومتكسريش كرامته قدام الآخرين. الاحترام بيتعلمه الطفل من الطريقة اللي بتعامليه بيها.

6️⃣ متستخدميش التهديد والضرب.
الخوف ممكن يخلي الطفل ينفذ أوامرك مؤقتًا، لكنه مش هيبني احترام حقيقي، وممكن يحوله لطفل عنيد أو كداب أو ضعيف الشخصية.

7️⃣ امدحي السلوك الجيد.
لما يسمع كلامك أو يلتزم باتفاق، اشكريه وامدحي تصرفه. اهتمي بالسلوك الإيجابي زي ما بتركزي على الأخطاء.

8️⃣ خصصي وقتًا يوميًا لأولادك.
اتكلمي معاهم، والعبي معاهم، وشاركيهم اهتماماتهم. العلاقة القوية بين الأم وأولادها بتخلي توجيهها وتأثيرها أكبر.

9️⃣ كوني قدوة ليهم.
متطلبيش منهم الهدوء وإنتِ بتصرخي، ولا الصدق وإنتِ بتكذبي، ولا الاحترام وإنتِ بتقللي من احترام الآخرين. أولادك بيتعلموا من أفعالك أكتر من كلامك.

🔟 اديهم الاختيار في الحدود المسموح بيها.
بدل ما تقولي: لازم تلبس دلوقتي! قولي: تحب تلبس التيشيرت الأزرق ولا الأحمر؟ كده بتعلميه الاستقلالية، وفي نفس الوقت بتحافظي على حدودك.

❤️ وأخيرًا.. خليكي فاكرة:

هدفك مش إن أولادك يخافوا منك ويسكتوا لما تتكلمي، لكن إنهم يحترموكي ويثقوا فيكي ويرجعوا ليكي وقت ما يحتاجوا نصيحة أو مساعدة.

كوني أم حنونة في مشاعرك، قوية في قراراتك، عادلة في تعاملك، وثابتة في مبادئك.

فالطفل اللي بيحترم أمه مش بالضرورة هو الطفل اللي عمره ما بيعترض، لكنه الطفل اللي اتعلم يختلف بأدب، ويسمع ويتحاور، ويلتزم بالحدود.

🌷 الأم الناجحة مش اللي صوتها أعلى من أولادها.. الأم الناجحة هي اللي تأثيرها أكبر من صوتها.

09/11/2026

لطلب استشارتك مجانا لمده ربع ساعه ارسال رساله علي رسائل الصفحه Psychotherapist / Eman Barakat

من أول يوم نزلت فيه تدريب مستشفى الخانكة وكل مرة كنت بقرر أكتب نص أوثق الحدث، إلا أني بكل مرة كنت أشعر بالعجز ولا ينطلق لساني.

إلى أن تذكرت ذاك اليوم بأحد مرات التدريب، وأنا قاعدة مع الحالة بتاعتي بعد ما إديته بريك لقيت صوت قرآن جاي من بعيد، وأقسم بمن أحل القسم أنه من أجمل وأعذب الأصوات اللي سمعتها بحياتي!

وفجأة لقيته مريض آخر ولقيته جاي وقعد يتكلم معايا، وقعد يقولي بتحبي نصر الدين طوبار؟ قلتله اه جدًّا قعد يقولي ابتهالات وصوته وهو بيقول:
"موقظًا بالنور أجفان الحياة
الضُّحى من نور من؟
والنَّدى من فيض من؟"

وبعد ما خلص قص عليا ما تيسر من القرآن، وفجأة مريض آخر شاب بالعشرينات من عمره لا يدري ما يدور بالعالم حوله، جه وقالي كأنه طفل صغير أنا كمان عايز أقرأ قرآن قلتله ياريت سمعنا، وقرأ ما تيسر من سورة مريم بالتجويد والأحكام.

جه بعدها صاحب أعذب صوت وقالي عايز أقولك حاجة يا بنتي والله العظيم إحنا مش مجانين، إحنا غلابة اللي برا كانوا السبب أننا نيجي هنا.

الحقيقة المُرة أن كل مريض بالمستشفى هو ذهاني والأغلب منفصل تمام الانفصال عن واقعنا، بعضهم يعاني من الوساوس والهلاوس، والخوف، والقلق، الخوف من أي شيء، يَرون ويتعاملون مع حاجات غير موجودة وغير مرئية أو مسموعة بينما هي تجبرهم على الحياة بطريقتها.

كل هؤلاء اجتمعوا بحاجة واحدة بالرغم من عدم أهليتهم؛ وهو أن كثير منهم ويكاد يكون أغلبهم متذكرين طفولتهم وقسوة أهاليهم وقت الطفولة، متذكرين الظلم اللي أصابهم، الخذلان، والغدر، وطيبتهم اللي اتقابلت بكل هذا الكره حتى فقد أحبابنا عقولهم، وضاقت عليهم الأرض بما رحبت، وكان آخر حل تلجأ له عقولهم المسكينة أن تنفصل عن هذا الواقع المرير وتنسج له عالمًا يكون هو بطله ولا يخسر فيه أمانه وصدقه.

بداية كل مريض نفسي تبدأ من أب وأم وأخوة وأصدقاء، تبدأ من مقارنات مستمرة وعدم احتواء.

كان المريض المسكين يخبرني أبويا شديد وقاسي عليا بس هو بيحبني وعايز يقويني، كان المسكين بكل كلمة يبرر أفعال أهله ويقولي بحبهم والله بحبهم وهم بيحبوني أوي.

أطفالكم أمانة ستُسألون عنها، صدقوهم، احضنوهم، على الأقل ملجأ لهم من هذا الظلم.

نسأل الله السلامة، وأن يعفو عنهم ويرزقهم أجر البلاء.
اللهم إنا نعوذ بك من البرص والجنون والجُذام، ومن سيء الأسقام.

07/09/2026

«مساء الخير / صباح الخير على أحلى متابعين 🌸
فترة جديدة وبدايات أحلى ان شاء الله.. راجعة لكم بكل طاقة إيجابية وحماس عشان نبدأ رحلة جديدة من الوعي، التطور، والسلام النفسي مع بعض ✨
حبه أعلن إن جدول الجلسات الفردية (أونلاين) بقى متاح من تاني، ولو حابة تبدئي خطوة جديدة في طريقك لتغيير الافكار والمشاعراللي تعباكي
او مش عارفه تتعاملي مع ولادك و عاوزه تفهمي طبيعه شخصيتهم او مش عارفه تتعاملي مع شريك حياتك محتاجه مساحه امنه تفضفضي وتلاقي فيها توجيه صح.. تقدري تحجزي جلستك من خلال رسائل الصفحة 📩
استنوا مني كمان فيديوهات ولايفات جديدة الفترة الجاية هنتكلم فيها عن حاجات كتير بتهمنا.. شاركوني في الكومنتات أكتر موضوع حابين نتكلم فيه الأول؟ 👇❤️»

@متابعين

23/06/2026

17/06/2026

#اعراض القلق العام Psychotherapist / Eman Barakat

06/06/2026

#عنتيل الشرقيه
ناقوس خطر لكل اسره.
Psychotherapist / Eman Barakat

04/05/2026

#انوع #العلاج #للاكتئاب #اكسبلور @أبرز المعجبين Psychotherapist / Eman Barakat

03/05/2026

#اسباب #الاكتئاب #النفسي Psychotherapist / Eman Barakat @أبرز المعجبين

03/05/2026

#الاكتئاب #اكسبلور #طب #نفسي Psychotherapist / Eman Barakat