24/07/2026
မြန်မာ့ DNA
အမေက အမြဲပြောတယ်..."ဘာစားစား ထမင်းလေးနဲ့စားမှ ရင်အေးတယ်နော်..." တဲ့။
အစတုန်းကတော့ "ဟုတ်ကဲ့ အမေ" လို့ပဲ ပြန်ဖြေလိုက်တာ။ ဒါပေမယ့် အဲဒီစကားက မသိမသာ စိတ်ထဲမှာ အမြစ်တွယ်သွားတာထင်တယ်။
ဒီနေ့ Steak စားဖို့ သွားတော့ Menu ကိုကြည့်ပြီး Steak တစ်ပွဲရွေး၊ Side dish တွေရှိတာလည်း မြင်တယ်။ Fries လည်းပါတယ် mushroom soup လည်းပါတယ်။
ဒါပေမယ့် Order မှာတဲ့အချိန်...ပါးစပ်က အလိုလိုထွက်သွားတာက...
"ထမင်းတစ်ပွဲ..." 🤣
Order ပြီးမှ ကိုယ့်ကိုယ်ကိုယ် ပြန်စဉ်းစားမိတယ်..."ဟင်... Steak နဲ့လည်း ထမင်းတွဲစားလား?" 😂
အဲဒီအချိန်မှာပဲ အမေပြောခဲ့တဲ့စကားလေးကို သတိရပြီး ရယ်မိတော့တယ်။
တကယ်တော့ အမေတွေက သားသမီးတွေ ဗိုက်ပြည့်ဖို့၊ အားရှိဖို့ပဲ စဉ်းစားကြတာ။ သူတို့အတွက်တော့ ထမင်းစားပြီးမှ ဗိုက်ပြည့်သလို ခံစားရတာ။ အဲဒီစေတနာလေးက ဆုတို့ရဲ့ အကျင့်တစ်ခု၊ အိမ်ရဲ့အရသာတစ်ခု ဖြစ်သွားတယ်။
အခုတော့ Steak စားရင်တောင် ထမင်းမပါရင် တစ်ခုခုလိုနေသလို ခံစားရတယ်။ မုန့်ဟင်းခါးနဲ့ အုန်းနို့ခေါက်ဆွဲဆို ပြောမနေနဲ့တော့ ...။ အမေ့အမြဲ အာ့လိုလေး ပြောပြီးကျွေးတော့ အကျင့်ဖြစ်သွားတာလား၊ မြန်မာလူမျိုး DNA က မဖျောက်နိုင်တာလားတော့ မသိဘူး။ 😆
ဒါပေမယ့် သေချာတာတစ်ခုက...ကမ္ဘာဘယ်နေရာရောက်ရောက်၊ ဘယ်လောက် အစားအစာတွေ စားရစားရ... မြန်မာတစ်ယောက်ရဲ့နှလုံးသားထဲမှာတော့ "ထမင်းလေးနဲ့မှ ရင်အေးတယ်" ဆိုတဲ့ အမေ့စကားက အမြဲရှိနေဦးမှာပါ။ ❤️🍚
ထမင်းကြိုက်သော🥰❤️
24.07.2026
#အမေ့စကား
#မြန်မာ့DNA
#အတွေး
#မိဘ
