23/09/2026
لو فيني اشرح قصة تعبي بالعيادة لكل شخص بيشوفها وبيشوف انا كيف وصلت لهون
في مناسبات متل عيد و راس سنة ما اقدر كون فيها ب قوتي لان مشتغلة قبلن ل تخلص طاقتي
رغم شغلنا مانو اسعافي بس مافي طفل ولا حدا تعب غير انزل لعنده لو قد ماكنت تعبانة
بعمري ما خذلت حدا ب اي استشارة ضمن اي مجال وبساعد ب كل الاختصاصات
مافيني شوف حدا منكن تعبان غير قلبي بيحس فيه
ومافيني غير انبسط معكن كانكن حدا من عيلتي
بس تكونو حاطين موعد وشوف مانكن بحاجة الشغل من قلبي بلغي مالي قلب اطمع فيكن
لو فيني اشرحلكن شو بحط طاقة وجهد ل جيب المادة المطلوبة و اتاكد انها احسن نوع و ما غش رغم موجود خيارات الغش ب سلاسة فظيعة ضمن السوق
كمية التفاصيل يلي ما برضا حدا غيري يشتغلا و ورا كل مريض بدي اتاكد انه كلشي منيح وبدي عيد تسجيل الكاميرات ل اعرف واتاكد انه شربتو قهوة انه تدللتو انه كلو كان منيح
مافيني اعتبر حدا مرور الكرام مر من عندي ، ممنوع تشوب وممنوع تبرد وممنوع تطلع زعلان
كمية المشاعر ل العيادة و ل شغلي مابعمري بتوقع في شي بالدنيا ينافسها
حلمت كتير اني ضل اكبر و اتوسع ب هاد الشغل ل تزيد قدرتي عالعطاء
انا يلي بلشت ب عيادة ٢٥ متر بدون اي رفاهيات 🤍 انا ليوم عم اكبر ويكبر قلبي معكن مع عدد السنين
مابعرف وين منكون بعد كذا سنة ، بس اذا الله بيحبني رح كون معكن وبيناتكن ل قدم اكتر واكتر ب اكتر مكان بحبو بالدنيا ل الكن يلي كلكن اهلي
بحبكن
