The Healthy Noms

  • Home
  • The Healthy Noms
Call Contact the business

The Healthy Noms The Healthy Noms është dedikuar për edukimin dhe këshillimin nutritiv të pacientëve.

🍉 Everyday Nutrition | Issue 01Shalqiri është një nga frutat më të dashura të verës, por përfitimet e tij shkojnë përtej...
16/07/2026

🍉 Everyday Nutrition | Issue 01

Shalqiri është një nga frutat më të dashura të verës, por përfitimet e tij shkojnë përtej freskisë dhe shijes.

Me mbi 90% ujë, ai kontribuon në hidratimin e organizmit dhe është burim i likopenit, një antioksidant që ndihmon në mbrojtjen e qelizave nga stresi oksidativ.

📚 Nutrition Insight

Një detaj që shpesh kalon pa u vënë re është se shalqiri përmban citrulinë, një aminoacid që në organizëm shndërrohet në argininë. Arginina merr pjesë në prodhimin e oksidit nitrik, një molekulë që ndihmon në relaksimin e enëve të gjakut dhe qarkullimin normal të gjakut.

🌱 Po farat?

Shumica i hedhin, por farat e shalqirit janë të ngrënshme. Kur piqen, ato përmbajnë proteina, yndyra të pangopura dhe minerale si magnezi, zinku dhe hekuri.

💡 Në këtë postim do të gjeni gjithashtu:
✔️ Një ide të thjeshtë për ta konsumuar.
✔️ Si të zgjidhni një shalqi të mirë.
✔️ Si ta ruani që të mbetet i freskët për më gjatë.

🤍 Qëllimi i serisë Everyday Nutrition është t’ju ndihmojë të bëni zgjedhje më të informuara për ushqimet që konsumoni çdo ditë.

💬 Cilin frut dëshironi të shihni në edicionin e radhës? 🍑🥒🍅

🦷 MYTH OR FACT?“Dhëmbët duhen larë menjëherë pas çdo vakti.”❌ MYTH (jo gjithmonë).Larja e dhëmbëve është një nga zakonet...
14/07/2026

🦷 MYTH OR FACT?

“Dhëmbët duhen larë menjëherë pas çdo vakti.”

❌ MYTH (jo gjithmonë).

Larja e dhëmbëve është një nga zakonet më të rëndësishme për shëndetin oral, por koha kur i lani mund të ketë po aq rëndësi sa vetë larja.

Pas konsumimit të ushqimeve ose pijeve acidike, rekomandohet të mos nxitoheni me furçën e dhëmbëve. Në vend të kësaj, mund të shpëlani gojën me ujë dhe të prisni pak para larjes.

📚 Clinical Pearl

Ky rekomandim bazohet në udhëzimet e organizatave ndërkombëtare të stomatologjisë dhe synon të mbrojë smaltin pas ekspozimit ndaj acideve. Nuk vlen për çdo vakt, por është veçanërisht i rëndësishëm pas ushqimeve dhe pijeve me aciditet të lartë.

Ndonjëherë, në kujdesin oral, koha është po aq e rëndësishme sa rutina. 🤍

💬 Sa kohë mendoni se rekomandohet të prisni para se të lani dhëmbët pas një pijeje ose ushqimi acidik?

👇 Shkruajeni përgjigjen në komente. Përgjigjen do ta zbulojmë në postimin e radhës.

📖 Nutrition × Oral Health | Issue 03

🦷 “Zero sheqer” nuk do të thotë gjithmonë “zero rrezik”.Etiketa “zero sheqer” shpesh krijon përshtypjen se një produkt ë...
14/07/2026

🦷 “Zero sheqer” nuk do të thotë gjithmonë “zero rrezik”.

Etiketa “zero sheqer” shpesh krijon përshtypjen se një produkt është plotësisht i padëmshëm për dhëmbët. Megjithatë, shëndeti oral nuk varet vetëm nga prania ose mungesa e sheqerit.

Një produkt mund të mos favorizojë zhvillimin e kariesit, por nëse është mjaftueshëm acidik, mund të kontribuojë në erozionin dentar – një proces ku smalti humbet minerale me kalimin e kohës.

🧪 Një fakt interesant: Smalti është indi më i fortë në trupin e njeriut, por pasi humbet si pasojë e erozionit, nuk rigjenerohet natyrshëm.

Kjo nuk do të thotë se duhet të shmangni çdo produkt acidik. Qëllimi është të kuptoni se edhe mënyra dhe shpeshtësia e konsumit kanë rëndësi, jo vetëm etiketa në paketim.

💡 Këshilla praktike:
✔️ Preferoni t’i konsumoni pijet acidike gjatë vakteve dhe jo me gllënjka të vogla gjatë gjithë ditës.
✔️ Pas tyre, zgjidhni ujin për të ndihmuar në shpëlarjen e gojës.
✔️ Prisni rreth 30 minuta para se të lani dhëmbët pas një pijeje shumë acidike.

🤍 Kujdesi për dhëmbët nuk fillon vetëm me furçën e dhëmbëve, por edhe me zgjedhjet që bëjmë në përditshmëri.

💬 Cili ishte detaji që ju habiti më shumë në këtë postim?

📖 Nutrition × Oral Health | Issue 02

🦷 Nutrition × Oral Health | Issue 01A ka rëndësi vetëm sasia e sheqerit? Jo. Ka rëndësi edhe sa shpesh e konsumojmë.Sa h...
13/07/2026

🦷 Nutrition × Oral Health | Issue 01

A ka rëndësi vetëm sasia e sheqerit? Jo. Ka rëndësi edhe sa shpesh e konsumojmë.

Sa herë që konsumojmë ushqime ose pije me karbohidrate të fermentueshme (jo vetëm ëmbëlsira), bakteret në pllakën dentare i metabolizojnë ato dhe prodhojnë acide. Kjo ul përkohësisht pH-në në sipërfaqen e dhëmbit. Nëse këto ekspozime përsëriten shpesh gjatë ditës, smalti ka më pak kohë të remineralizohet dhe rreziku për karies rritet.

📌 Kjo është arsyeja pse frekuenca e konsumit shpesh ka po aq rëndësi sa sasia totale e sheqerit.

Disa këshilla praktike:
✔️ Konsumoni ëmbëlsirat, nëse zgjidhni t’i konsumoni, gjatë vakteve kryesore dhe jo duke ngrënë vazhdimisht gjatë ditës.
✔️ Pas ushqimit, preferoni ujin si pijen kryesore.
✔️ Mbani një rutinë të rregullt të higjienës orale dhe kontrolleve periodike.

Si nutricioniste/dietologe dhe higjieniste dentare, besoj se shëndeti oral fillon edhe në pjatën tonë. Bashkëpunimi mes nutricionit dhe stomatologjisë na ndihmon të parandalojmë probleme, jo vetëm t’i trajtojmë ato.

Ruaje këtë postim dhe dërgoja dikujt që mendon se rëndësi ka vetëm sa sheqer konsumon.

🌾 Fibrat, të vogla në sasi, të mëdha në ndikimZakonisht fibrat na asociojnë vetëm me tretjen, por roli i tyre në organiz...
10/07/2026

🌾 Fibrat, të vogla në sasi, të mëdha në ndikim

Zakonisht fibrat na asociojnë vetëm me tretjen, por roli i tyre në organizëm shkon shumë më tej.

Fibrat ushqimore janë pjesë e bimëve që trupi ynë nuk i tretë plotësisht, por ato luajnë një rol të rëndësishëm në shëndetin tonë të përditshëm.

Ato ndihmojnë në:
✔️ Përmirësimin e tretjes dhe rregullimin e jashtëqitjes
✔️ Mbajtjen e niveleve të sheqerit në gjak më të qëndrueshme
✔️ Mbështetjen e shëndetit të zemrës dhe kontrollin e kolesterolit
✔️ Rritjen e ngopjes dhe menaxhimin e peshës

Burime të mira natyrore të fibrave janë:
🌾 Tërshëra
🌱 Farat chia dhe të lirit
🥦 Brokoli
🫘 Bishtajoret
🍎 Frutat
🥕 Perimet

Një këshillë e rëndësishme: rriteni konsumimin e fibrave gradualisht dhe shoqërojeni gjithmonë me mjaftueshëm ujë për të mbështetur funksionimin normal të zorrëve.

Ruaje këtë postim si një kujtesë të vogël për ta bërë pjatën tënde më të pasur me fibra.

Nutrition Notes 03

Elektrolitet, më shumë se thjesht hidratim 💧Kur dëgjojmë fjalën elektrolite, shumica mendojnë menjëherë për sportistët. ...
10/07/2026

Elektrolitet, më shumë se thjesht hidratim 💧

Kur dëgjojmë fjalën elektrolite, shumica mendojnë menjëherë për sportistët. Në të vërtetë, ato janë minerale që çdo organizëm i përdor çdo ditë për të funksionuar normalisht.

Elektrolitet kryesore janë:
💧 Natriumi
🍌 Kaliumi
🥬 Magnezi
🥛 Kalciumi

Ato ndihmojnë në:
✔️ Ruajtjen e ekuilibrit të lëngjeve në organizëm
✔️ Funksionimin normal të muskujve
✔️ Transmetimin e impulseve nervore
✔️ Mbështetjen e funksioneve normale të organizmit

Mund të humben në sasi më të mëdha gjatë:
☀️ Vapës së madhe
🏃 Aktivitetit fizik me djersitje intensive
🤒 Diarresë ose të vjellave

Në shumicën e rasteve, një dietë e balancuar dhe hidratimi i mirë janë të mjaftueshme për t’i zëvendësuar. Suplementet ose pijet me elektrolite nuk janë të nevojshme për çdo person dhe as për përdorim të përditshëm.

Ruaje këtë postim që ta kesh si kujtesë gjatë ditëve të nxehta.

Nutrition Notes #02

Shumë njerëz i ngatërrojnë, por probiotikët dhe prebiotikët kanë role të ndryshme dhe plotësojnë njëri-tjetrin.🦠 Probiot...
09/07/2026

Shumë njerëz i ngatërrojnë, por probiotikët dhe prebiotikët kanë role të ndryshme dhe plotësojnë njëri-tjetrin.

🦠 Probiotikët janë mikroorganizma të gjallë (“bakteret e mira”) që, kur konsumohen në sasi të mjaftueshme, mund të mbështesin ekuilibrin e mikrobiomës së zorrëve.

🌾 Prebiotikët janë fibra që nuk treten nga organizmi ynë, por shërbejnë si ushqim për këto baktere të dobishme, duke ndihmuar në rritjen dhe aktivitetin e tyre.

Burime të mira të probiotikëve:
• Kos natyral me kultura të gjalla
• Kefir
• Lakër e fermentuar

Burime të mira të prebiotikëve:
• Hudhër
• Qepë
• Banane (sidomos pak të papjekura)
• Tërshërë
• Asparagus
• Bishtajore

Kur kombinohen në një dietë të balancuar, ato ndihmojnë në mbështetjen e shëndetit të zorrëve, tretjes dhe funksionit normal të sistemit imunitar.

Ruaje këtë postim për herën tjetër kur të planifikosh blerjet. 🤍

🔥 Nga 121 kg ➜ 103 kg | Transformim që flet vetë! 💪Nuk ka sekrete, ka vetëm përkushtim, disiplinë dhe vazhdimësi. ✅ -18 ...
08/07/2026

🔥 Nga 121 kg ➜ 103 kg | Transformim që flet vetë! 💪

Nuk ka sekrete, ka vetëm përkushtim, disiplinë dhe vazhdimësi.

✅ -18 kg
🥗 Ushqyerje e personalizuar
📈 Ndryshim i stilit të jetesës
💚 Rezultate të qëndrueshme

Çdo hap i vogël të afron më shumë me versionin më të mirë të vetes!

📩 Na kontakto për një plan ushqimor të përshtatur për ty.

📲 +383 45 886 761

📉Nga 122 kg në 103 kg për 3 muaj, ndryshimi në peshë pasqyrohet në shëndet!Shpesh herë fokusohemi vetëm tek ajo që shohi...
09/06/2026

📉Nga 122 kg në 103 kg për 3 muaj, ndryshimi në peshë pasqyrohet në shëndet!

Shpesh herë fokusohemi vetëm tek ajo që shohim në pasqyrë, por transformimi i vërtetë ndodh brenda organizmit. Shikoni se si rënia prej 19 kg e pacientit ka sjellë një përmirësim drastik në analizat e tij laboratorike: 

✅Insulina: Nga një vlerë alarmante prej 35.88 u rikthye në normën perfekte prej 9.29! 

✅Trigliceridet: Nga vlerat e larta 5.03 në vetëm 1.14! 

✅Vitamina D: Nga pamjaftueshmëria 19.82 në nivele optimale 37.77 ! 

Ky është rezultati i disiplinës, ushqimit të duhur dhe udhëzimit të saktë. Shëndeti nuk është thjesht një numër në peshore, është jetëgjatësi! 👏💪

🔴 Shega ndihmon qarkullimin e gjakut🧠 Përmirëson kujtesën & fokusin❤️ Ka më shumë antioksidantë se çaji jeshil🔥 Natyrale...
07/01/2026

🔴 Shega ndihmon qarkullimin e gjakut
🧠 Përmirëson kujtesën & fokusin
❤️ Ka më shumë antioksidantë se çaji jeshil
🔥 Natyrale & e fuqishme

Address

Bulevardi Dëshmorët E Kombit, Prishtina

10000

Telephone

+38345886761

Website

Alerts

Be the first to know and let us send you an email when The Healthy Noms posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Healthy Noms:

Shortcuts

  • Want your business to be the top-listed health & beauty business?

Share