كرسي في أول صف

10/02/2024

"مابيعرفش يجامل..
ممكن بنت متوسطة الجمال..يقول: لا..أنا مش هاقول لها انت جميلة أوي..انت متوسطة الجمال..
واحد مستواه على أده..نجح وجاب 75%..نقول له: مبروك..
يقول: لا..مش مبروك ولا حاجة..
واحدة مليانة شوية..يقول لها: انتي تخينة..آه انتي تخينة..دي الحقيقة..
_________________
يقعد يفكر 5 سنين يهاجر ولا مايهاجرش..
أتجوز ولا ما أتجوزش..
اعمل البيزينيس ده ولا ما أعملوش..
________________
الفطار والعشا هم هم بقى لهم 15 سنة..
لبسه مابيغيروش
________________
عنده مشكلة في التخلص من الأشياء البالية..
جاب بوتاجاز جديد..يحتفظ بالقديم..يقول لك: ما يمكن البوتاجاز الجديد يبوظ فنحتاج قطعة غيار من القديم..
_________________
بيفسخ خطوبات كتير جداً..لأنه عايز مواصفات وتوافق 100%..وده مش موجود..
مافيش مرونة..جاد للغاية ورسمي..وش بلاستيك كده..مابيحبش العاطفيين ومابيحبش يعبر عن عواطفه
مرءوس مريح جداً..بيتفانى في الشغل وبيسعى للكمال..(وغالباً مع ذلك النجاح لا يتناسب مع ده)..ورئيس وأب متعب أوي..بيتعب جداً مرءوسيه وأولاده من كتر الوسوسة في الشغل وفي البيت والضغط على اللي تحت سلطته..
___________________________________________
"الشخصية الوسواسية"
نتعامل معاه ازاي؟ هل فيه علاج؟ وازاي نربي أولادنا لتجنب ده؟
يتعاش معاه ولا مايتعاشش معاه..
____________________________________________
الحلقة كاملة على بودكاست: كرسي في أول صف..
مع د. نادر عطاالله..استشاري الطب النفسي...
______________________________________________
الروابط في التعليقات..

09/02/2024

“يتعاش معاه..مايتعاشش معاه !!!
الوسواسي والاعتمادية والتجنبي.."
—————
في الحلقة الأولى من هذه السلسلة، استعرضنا مع الدكتور نادر عطاالله..استشاري الطب النفسي 3 أنواع من اضطرابات الشخصية:
النرجسية والسيكوباتية والحدية..
في هذه الحلقة (الثانية) نستكمل رحلتنا مع 3 أنواع أخرى من الاضطرابات: الشخصية الوسواسية والشخصية الإعتمادية والشخصية التجنبية..
أسباب هذه الاضطرابات وكيف نكتشفها وكيف نتعامل معها وما إذا كان لها علاج..
والسؤال الأهم: إذا كان لنا حبيب أو زوج أو قريب أو صديق أو زميل مصاب بواحد من هذه الاضطرابات..يتعاش معاه ولا مايتعاشش معاه؟
———————-
روابط الحلقة في التعليقات..

05/02/2024

"الوسواسي والإعتمادية والتجنبي" يتعاش معاهم ولا مايتعاشش معاهم؟!
حلقة جديدة مع الدكتور نادر عطا الله..استشاري الطب النفسي - كندا..
موعدنا الخميس 8 فبراير ان شاء الله
________________________________
اللي فاتته الحلقة الأولى (النرجسي والسيكوباتي والحدية)..ممكن يسمعها في الروابط اللي هاحطها في التعليقات لحد ما ييجي ميعاد الحلقة التانية إن شاء الله..
_________________________________
د. نادر عطا الله له قناة رائعة على اليوتيوب..ثرية بفيديوهات وكورسات نفسية مجانية..
_______
تحياتي للجميع..

01/02/2024

هانتكلم عن فريضة معظمنا ناسيينها، ومعظمنا مابيمارسهاش..
مع إنها فريضة دينية وإنسانية ووطنية..
فريضة لقوا ان 96% من اللي بيمارسوها بيبقوا أسعد، و68% من اللي بيمارسوها بيتمتعوا بصحة أفضل،
و73% منهم عندهم شعور بالرضا أكتر،
و58% منهم بيناموا أحسن،
واحتمالات ضبط ضغط الدم عندهم بتوصل ل40%..تصدقوا؟!!!
دي خلاصة أكتر من 40 بحث ودراسة عن الفريضة دي..من أكبر المؤسسات العلمية..زي مثلاً جامعة كارنيجي ميلون والإتحاد الأمريكي للطب النفسي..
ياللا بينا..نقعد على كرسي في أول صف في حلقة جديدة عن موضوع يهمنا كلنا.
————————-
روابط الحلقة في التعليقات…

31/01/2024

"الفريضة المنسية"..غداً إن شاء الله..حلقة جديدة

28/01/2024

"ناوي تهج على فين؟"
ده عنوان سلسلة حلقات بودكاست: كرسي في أول صف...الشهر الجاي بإذن الله..
في كل حلقة..هانتكلم عن مزايا وعيوب الهجرة لبلد أو أكتر..وطرق السفر لها..
وهانستضيف خبرات المهاجرين لأمريكا وكندا وبريطانيا وأوروبا وأستراليا والخليج وافريقيا وآسيا وأمريكا الجنوبية..
وهانقارن الإختيارات دي كلها ببعضها......................
اللي حابب يسمع عن بلد معينة تحديداً أو عنده استفسارات خاصة بيها..يقدر يبعت ده في التعليقات أو في رسالة خاصة...
واللي حابب يساعد بمعلوماته أو خبراته وعايز يشارك في الحلقات..برضه يقدر يكتب ده في تعليق أو يبعت رسالة خاصة..

26/01/2024

60 حلقة بحمد الله حتى الآن...من بودكاست: "كرسي في أول صف"..
على مدى 16 شهراً..
تم الإستماع لها قرابة ال300 ألف مرة في 80 دولة..
أتمنى أنها كانت عند حسن ظنكم إذا كنتم من روادها، ويشرفني أن تنضموا للمشتركين بها إذا لم تكونوا بعد من مستمعيها..وأرحب بكل مقترحاتكم للإرتقاء بها أكثر..أو بالإكثار من موضوعات معينة والإقلال من أخرى...
________________
هذه قائمة بالحلقات الستين لمن يهمه أن يسمعها..وفي التعليقات روابط منصات الإستماع:
(اللي مش عارف يوصل لأي حلقة من الحلقات...ممكن يكتب في التعليقات وأجيب له الروابط الخاصة بها)..)
_________________
حلقات تاريخية:
_________________
- نوستالجيا المصريين..ذكريات سبعين سنة..(حلقتان)
- شقلباض..حكايات التاريخ والتاريخ البديل: ولي النعم (محمد علي باشا)..مع البروفيسور د. خالد فهمي..أستاذ تاريخ مصر الحديث..
- الحضارة المفقودة - مع المهندس أحمد عدلي..
- حدوتة الفلوس والدين والسلطة..
- حدوتتنا من الدهب للدولار..
- قصة فلسطين (4 حلقات عربية ومثلها انجليزية)..
- حرب السلايف وصراع الأحذية..
- آلة الزمن: 22 يوليو 1952..
_____________________
حلقات دينية:
________________
- ختمة فاهمة (10 حلقات)..مع الدكتور سيد نجم..أستاذ التفسير وعلوم القرآن..
______________________
حلقات صحية وطبية:
_____________________
- إدمانات - مع الدكتور نادر عطالله..إستشاري الطب النفسي..
- ألترا بروسيسد..الأكل فيه سمٌ قاتلُ..
- السرطان: أنقذ نفسك ومن تحب..البروفيسور د. طارق الضوي..
- افتحوا لنا الباب- حوار الإكتئاب والإنتحار مع البروفيسور د. عصام الخواجة..
- الأوضة فيها فيل.. (مشاكل العلاقة الجنسية في الزواج)..مع د. آية البحقيري..
- الموت المفاجىء: أربعة خبراء يفسرون الغموض ويشرحون كيفية الإنقاذ..(د.ولاء عادل أستاذ أمراض القلب - د. محمد حمدي أستاذ المخ والأعصاب - د. أحمد دهشان استشاري المخ والأعصاب - د. محمد الشلقامي استشاري طب الطوارىء..)
- الجرثومة الخارقة.. Superbug
- الإنسة نوفوتص بتعمل ايه بالليل؟
- العامود المفقود..معاناة الرعاية الصحية..
- فضيحة التطعيمات ومرض التوحد..
- تطعيمات الأطفال: الأسئلة المهمة..
__________________
حلقات علمية:
__________________
- حرب التشيبس
- جينوبيا 2038
- شقيقي الذي ابتلعته..
__________________
حلقات إجتماعية:
__________________
- يتعاش معاه..مايتعاشش معاه..(النرجسي والحدية والسيكوباتي)..مع د. نادر عطالله....استشاري الطب النفسي..
- مش ملزمة..مش ملزم..مع د. عاطف رفاعي..أستاذ علوم القرآن..
- من السكن والمودة لمحاكم الإسرة..مع د. عاطف رفاعي..
- اشتباكات زوجية..مع د. عاطف رفاعي..
- مناظرة النسوية (حلقتان)..
-الفرجة على جريمة قتل..
- اتيكيت كيس الكشري وأغرب 10 اتيكيتات..
__________________
في الأماكن والسفر:
__________________
- مصر الجديدة..الحب كله..
- في عشق المكان والإنسان: الإسكندرية..مع المهندس محمود صقر..
- أمريكا التي لا تعرفها (حلقتان)..مع السيدة إيمان عبدول..
_________________
حلقات رياضية:
______________
- كأس العالم: أربع قصص وراء الدموع والأفراح..
- تجربتي في مونديال قطر: ما قيل وما وجدت...
- حصاد المونديال (قطر 2022)..مع المحلل الرياضي أحمد يماني..
_____________________
حلقات متنوعة:
______________________
- حكايات الكول سنتر..
- ايه اللي هايحصل في 2023؟ (3 حلقات)
________________

17/01/2024

الآن.."ولي النعم..محمد علي باشا" - حكايات التاريخ والتاريخ البديل..واستضافة البروفيسور د.خالد فهمي..متاحة على المنصات...
______________________________
الروابط في التعليقات..

14/01/2024

الأربعاء 17 يناير إن شاء الله..موعدنا مع الجزء الثاني من "ولي النعم - محمد علي باشا"..حكايات التاريخ والتاريخ البديل...
واستضافة للبروفيسور د. خالد فهمي..ليجيب على أسئلة مهمة..نتبين منها لماذا أخذ تاريخ مصر الحديث مساره الحالي، وما إذا كان من الممكن أن يسلك مساراً بديلاً..
في شقلباض تاريخ...نتعلم من العوار الذي حدث، لنتجنبه مستقبلاً..

04/01/2024

تستضيف هذه الحلقة البروفيسور د. خالد فهمي أستاذ التاريخ..المتخصص في تاريخ مصر الحديث ومؤلف كتاب “كل رجال الباشا” ، وهو بصدد إصدار كتابه الجديد عن محمد علي باشا “ولي النعم"..
—————-
تبدأ الحلقة بالإحتلال البريطاني لمصر في يوليو سنة 1882 والذي استمر ل74 سنة تالية..
وكيف كانت حالة الجيش المصري تدعو للرثاء في هذه المرحلة، على الرغم من أنه كان من أقوى جيوش العالم، وله صولات وجولات من الجزيرة العربية شرقاً لليونان غرباً قبلها بأربعين سنة فقط..
حتى أنه غزا الدولة العثمانية في عقر دارها ووصل لمسافة 200 كيلو متر فقط من عاصمتها..
—————-
إنطلاقاً من هذه النقطة، نخوض في رحلة استيعاب لتاريخ “ولي النعم” في حكم مصر، ومن ثم أطروحات تاريخ بديل كان من الممكن أن يغير تاريخ مصر والمنطقة كلها للأفضل إذا كانت البلاد قد أديرت بشكلٍ يتوافق ويتصالح مع مصالح الشعب والبلاد…
لا جموح وشطحات ومصالح حاكم يدير البلاد بوصفها عزبته الخاصة..
———-
شكر خاص لبيمن إميل وريم هلال على المشاركة بالأداء التمثيلي..
————
روابط الإستماع للبودكاست في التعليقات..

01/01/2024

الخميس القادم بإذن الله..مع البروفيسور الدكتور خالد فهمي..أستاذ تاريخ مصر الحديث..والحلقة الأولي في "حكايات التاريخ والتاريخ البديل" عن:
"ولي النعم (محمد علي باشا)"
الدكتور خالد معروف لكل من سمع عن أو قرأ كتاب " كل رجال الباشا "..وهو الآن بصدد إصدار كتابه الجديد "ولي النعم " عن دار الشروق..
___________________
إنتظرونا الخميس 4 يناير 2024 إن شاء الله مع "شقلباض تاريخ"

01/01/2024

هي هاتبقى سنة كبيسة صحيح…لكن إن شاء الله تبقى أجمل وأسعد وأنجح و أحن وألطف من اللي قبلها…لكل واحدة وكل واحد فينا..وللأمة كلها..
وتحية خاصة للأصدقاء مواليد ٢٩ فبراير.. هاتحتفلوا لأول مرة من ٤ سنين في تاريخ ميلادكم المظبوط..٢٠٢٤ كبيسة على الظلمة..جميلة للغلابة بإذن الله

30/12/2023

جماهير سلتيك الاسكتلندي اتمنعت من المباريات قرابة الشهرين ..بسبب دعمهم لفلسطين..
امبارح انتهى الحظر..
مشهد احتفالهم بالعودة للمباريات في أول تعليق

21/12/2023

ماذا قال د. عبد الوهاب المسيري؟
ماذا قال د. جمال حمدان؟
ماذا قال د. مصطفى محمود؟
ماذا قال د. محمد عمارة؟
ماذا قال أبو اللغويات اليهودي نوّم تشومسكي؟
ماذا قال عالم السياسة اليهودي نورمان فنكلستين؟
ماذا قال الحاخام ديفيد فيلدمان؟
ماذا قال الصحفي الإسرائيلي جدعون ليفي ؟
ماذا يقول الشباب الأمريكي هذه الأيام ؟
عن اسرائيل والصهيونية ....أصلها ومستقبلها وكيف ننتصر عليها وكيف نواجه المتآمرين معها ودور كل منا..
—————-
ما هي حكاية ريتشيل كوري وقصة أسطول الحرية ؟
ماذا قال أهل غزة وماذا قالت الأرقام الموثقة عن أحوال القطاع حتى يوم ٧ أكتوبر ٢٠٢٣؟
ماذا قدمت غزة على مدى ١٦ سنة من الحصار ؟ وقبلها سنوات من الكفاح والبطولة ؟
ماذ ا حدث في سنوات الملحمة الغزاوية؟
———————
استمعوا للحلقة الأخيرة من " قصة فلسطين"..
———
الروابط في التعليقات..

20/12/2023

"سنوات الملحمة الغزاوية": الحلقة الرابعة والأخيرة من "قصة فلسطين"؟؟غداً إن شاء الله..

12/12/2023

الحلقة الرابعة والأخيرة من
The story of Palestine
متاحة الآن:
Years of the Gazan epic
2000 - 2023
————————

It is the finale of this series, telling about years of the Gazan epic, from 2000 until the 7th of October 2023. From the second intifada through the 16 year unprecedented inhumane siege against international laws. The story of Rachel Corrie, the American activist martyred in defend of the Palestinians and the attacks of IDF on the Freedom flotilla which tried to break the blockade are told. The wars on Gaza and its miserable conditions up till the 7th of October 2023 in documented numbers are detailed. The episode and the whole series ends with the eye opener views of some eminent Jewish and even honest Israeli figures, in addition to the insights of common western individuals with alert conscience, who could learn, think and act in line with their human feelings and fair wise judgement.

07/10/2022

اتيكيت كيس الكشري وأغرب 10 اتيكيتات...
على بودكاست: كرسي في أول صف..

03/10/2022

على بودكاست: كرسي في أول صف
يوم الخميس 6 أكتوبر 2022..
روابط الإستماع في التعليقات

25/09/2022

05/11/2020

حماية الأطفال من الإلتهاب السحائي

حماية الأطفال من الإلتهاب السحائي

02/11/2020

Covidians & Covidology

Facts, common sense and simple science you can understand.
Not recommended for conspiracy theorists and Trumpians

01/11/2020

https://www.amazon.com/Covidians-Covidology-understand-recommended-conspiracy-ebook/dp/B08L9FCWMJ/ref=redir_mobile_desktop?ie=UTF8&qid=1602919939&ref_=tmm_kin_title_0&sr=1-2&fbclid=IwAR11i5cdP4vby9Xm_Oa81ja0-xWMkqRHxNFtyvEQnlK2EfIAignvLuGBjO8

29/09/2020

هاحكي لكم شوية حكايات كده عن عالم ماعشتوهوش:...................................................................................................
* في تاريخ أسبانيا..سنة اسمها سنة الخنق...
دي سنة 1613 تحديداً...ليه سموها كده؟
لأن انتشر فيها وباء لمرض الدفتيريا..مرض الدفتيريا بيتسبب في تكون غشاء يغطي حلق المصاب..ويخنقه لحد ما يموت...
مرض الدفتيريا بقى نادر أوى نتيجة تطعيم الدفتيريا اللي الأطفال بياخدوه في السنة الأولى بعد الولادة...
لكن في برشلونه في أسبانيا برضه... سنة 2015 اتوفى طفل عمره 6 سنين بالدفتيريا لأن أهله رفضوا يطعموه..دي كانت أول وفاة بالدفتيريا في أسبانيا من سنة 1986
لما اتسألوا ليه رفضتوا تطعموه؟ قالوا: الندم قاتلنا لأننا صدقنا المواقع والفيديوهات اللي ضد التطعيم على الانترنت..............................................................
* جيلي والأجيال السابقة لجيلي يفتكروا انهم وهم صغيرين كانوا بيتطعموا تطعيم عبارة عن شرطة كده في الفخد..ماحدش دلوقتى بياخد التطعيم ده..
ليه؟
لأن التطعيم ده بتاع مرض الجدري (غير الجديري المائى)...
مرض الجدري اختفى دلوقتى من على وجه الأرض..بسبب التطعيم...فماعدناش محتاجين نتطعم ضده تاني..
وده أحد انجازات الطب الحديث...
لأن الجدري ده كان مرض فظيع..قتل 500 مليون في ال100 سنة السابقة على إختفائه..نسبة الوفيات بتاعته كان 30% وكان مسئول عن تلت حالات العمى في العالم..تاريخياً قتل 6 ملوك............................................................
* الأجيال الحالية برضه محظوظة بتطعيم الإلتهاب الكبدي ب..اللي بيتاخد دلوقتى مباشرة بعد الولادة..لكن الأجيال الأكبر ماكانش عندهم الحظ ده..فيروس بي كان منتشر زيه زي فيروس سي..وأسهل بكتير في العدوى...وأعنف في مضاعفاته.. اللي بييجي لهم التهاب كبدي ب..(اللي ممكن يكون عن طريق أى ابرة ملوثة أو موس أو اتصال جنسي أو أدوات مش متعقمة كويس)25% منهم بيموتوا اما بتليف في الكبد أو سرطان الكبد..................................................
وانا طبيب امتياز فى مستشفى الدمرداش كان عندنا طفل رضيع على تنفس صناعي..والسبب شلل الأطفال..ده كان آخر طفل مصاب بشلل أطفال أشوفه..بنتكلم في 25 سنة دلوقتى..
والسبب ان ده كان آخر طفل مصاب بالمرض أشوفه هو تطعيم شلل الأطفال..
المرض اختفى من مصر من 14 سنة..
لكن آلاف الناس من اللي بتشوفوهم حواليكم مصابين بإعاقات دول ضحايا شلل الأطفال...
المرض ده هو اللي أدى لاختراع التنفس الصناعي..هو اللي أدى لاختراع الرعاية المركزة..هو اللي أدى لاختراع العلاج الطبيعي والتأهيلي الحديث................................................
تطعيم الحصبة أدى لتقليل نسبة الوفيات من المرض بنسبة 80%..
في سنة 1980...2.4 مليون شخص اتوفوا من الحصبة..(يعني أكتر من ضعف وفيات وباء الكورونا الحالي)..
بفضل التطعيم العدد ده قل ل73 ألف في السنة فقط بحلول سنة 2014..
لكن للأسف التطعيم ده اللي بيتاخد في نهاية السنة الأولى في حقنة واحدة مع تطعيم الحصبة الألماني والغدة النكفية كان سىء الحظ أنه وقع في ايدين 2 نصابين...
النصاب الأولانى دكتور بريطاني اسمه اندرو ويكفيلد..زور بحثين ضد التطعيم..واحد بيدعي انه بيتسبب في مرض كرونز...والتاني ادعى انه يتسبب في مرض التوحد..
ونجح في نشر أبحاثه في دوريات طبية مرموقة للأسف..قبل ما يُكتشف التزوير وتتسحب الأبحاث ويتوقف عن مزاولة المهنة...
لكن برضه للأسف كان الوقت متأخر...كلامه انتشر ومازال مسمع لحد دلوقتى في مواقع وفيديوهات بير السلم على النت...
النصاب التاني اسمه ستيفان لانكا..وده حاجه آخر مناخوليا..بيدعي ان مافيش حاجه اسمها ايدز وانه كمان مافيش حاجه اسمها حصبة...وعمل رهان انه هايدفع 100 الف يورو للي يثبت ان فيه فيروس بيسبب الحصبة ومقاساته كام..جه خبير الماني اسمه ديفيد باردنز قبل التحدي وأثبت له وجود الفيروس وحجمه وجرجره في المحكمة علشان يدفع ال100 الف..وكسب القضية..وطبعا الأخ لانكا عمل فيها أهبل وشرشح في المحكمة: اللي يلاقي عندى حاجه ياخدها..وشغال استئنافات وطعون من ساعتها..

مافيش أى جهة علمية محترمة بتقر ان التطعيم بيسبب توحد أو كرونز..لكن الخرافات والدجل مازالوا منتشرين..وفي التعليقات صورة بتوضح لكم تضاعف عدد حالات الحصبة للأسف عدة مرات في الولايات المتحدة بسبب امتناع الأهالي المخابيل عن تطعيم أولادهم..خصوصاً في ال4 سنين الأخيرة..عصر انتشار المخابيل هناك على كل الأصعدة والمستويات................................................
طبعاً فيه حكايات شبيهة عن باقي التطعيمات كلها: الدرن - الحصبة الألماني - الحمى الشوكية وغيرها...
أحدث التطعيمات اللي بيتجه العالم كله لها دلوقتى تطعيم المراهقين ضد فيروس الورم الحليمي اللي بيسبب سرطان عنق الرحم..وفي الطريق ان شاء الله قريباً تطعيمات ضد الايدز والملاريا ويسبقهم طبعا الكورونا.....................................................
لكن هل فعلاً التطعيمات آمنة بنسبة 100%؟
الحقيقة مافيش أى حاجه في الدنيا آمنة بنسبة 100%...
عبور الشارع مش آمن بنسبة 100%..زى ما قعدتك في بيتك مش آمنة بنسبة 100%..
الموضوع مسألة توازن بين النفع الغالب والضرر المحتمل..
25% من اللي بيتطعموا بتحصل لهم حرارة خفيفة او التهاب مكان الحقنة..
ودى أكثر الأعراض الجانبية شيوعاً..
فيه آثار جانبية أشد زى التشنجات مثلا..احتمال حدوثها 1 في ال14 ألف..
حساسية شديدة خطيرة دي بتحصل واحد في المليون..
فيه كلام ان نسبة الالمونيوم في التطعيمات محتاجة المزيد من الدراسات...
هل ده يقارن بالمصايب والكوارث والبلاوى اللى فوق..اللى بتسببها الأمراض في حالة عدم التطعيم؟
لأ طبعا..............
علشان كده مافيش لا جهة لها وزنها ولا دكتور محترم ولا نص دكتور ولا ربع دكتور هاينصحك ماتطعمش أولادك..
لو قابلك حد ينصحك ضد التطعيم اسكعه على قفاه..لأنه يا اما حمار يا اما نصاب زي أخينا اندرو ويكفيلد أو أخينا ستيفان لانكا..

25/09/2020

تم ارسال الايميل الاسبوعي للسادة الاعزاء اصدقاء الموقع

21/09/2020

متى يظهر التطعيم وما هو سعره المتوقع؟

متى يظهر التطعيم وما هو سعره المتوقع؟

إذا نحينا جانباً التطعيم الروسي والتطعيم الصيني لعدم وجود شفافية كاملة في المعلومات المنشورة...

21/09/2020

الإيميل الأسبوعي...
تم إرساله لجميع مشتركي الموقع...

18/09/2020

خبر ايلي ليلي السار لمرضى المنزل

خبر ايلي ليلي السار لمرضى المنزل..

بالأمس أعلنت شركة ايلي ليلي خبراً ساراً نتمنى أن تثبت مصداقيته بشكلٍ نهائي... وايلي ليلي شركة أدوية أمريكية...

18/09/2020

علم الطبيب يتناسب عكسيا مع عدد الادوية التي يصفها للمريض..
الدكتور اللي يرص لك ٥-٦ ادوية لعلاج مرض واحد.. اعرف انه مش عارف عندك ايه وايه علاجه..

15/09/2020

ماذا حدث للمريض الذي أوقفت بسببه تجارب تطعيم أكسفورد -أسترا؟

ماذا حدث للمريض الذى أوقفت بسببه تجارب تطعيم أكسفورد-أسترا؟

بالأمس قرر فريق تطعيم أكسفورد -أسترا استئناف تجارب اللقاح مرة أخرى بعد التشاور مع الجهات الصحية المختصة..مما...

15/09/2020

فيه تقرير حلو عن اليوتيوبر رقم 1 في كل دولة من دول العالم..تحديداً في 187 دولة..
والتقرير كاتب المحتوى اللي بيقدمه كل واحد من اليوتيوبرز دول...وعنده كام مشترك والمبالغ اللي بيكسبها من اليوتيوب..
اليوتيوبر الأول على مستوى العالم من حيث عدد المشتركين هو بيو داي باي..سويدي بس مقره في بريطانيا وعنده 106 مليون مشترك..وعمره 30 سنة..بفارق شاسع عن المركز التاني: الطفلة ناستيا الروسية ومقرها في أمريكا..وعندها النص تقريباً: 56 مليون مشترك..
لكن على الرغم من كده..ناستيا بتدخل فلوس أد بيو 7 مرات:
دخل الطفلة ناستيا من اليوتيوب 7 مليون و730 ألف دولار شهرياً = 124 مليون جنيه مصري في الشهر..
أما بيو فدخله فقط مليون و160 ألف دولار = حوالي 19 مليون مصري شهرياً..............................................................................
دخل اليوتيوبرز بييجي منين؟
1- الإعلانات
2- عقود الرعاية مع الشركات المعلنة..
3- نسبة من اشتراكات المشاهدين اللي بيدفعوا لليوتيوب علشان يتفرجوا على محتوى خالي من الإعلانات..
4- بعض اليوتيوبرز لهم منتجاتهم الخاصة بيهم وبيبيعوها على قنواتهم.............................................................................
يهمني في التقرير بعد كده نقطتين.............................................................................
النقطة الأولى ان فيه يوتيوبر عربي واخد المركز الأول على العالم في الفئة بتاعته...
خبير الحيوانات الفلسطيني جمال العمواسي الأول على العالم في الفيديوهات الخاصة ب"الطبيعة"..وفيديوهاته متصورة في البيئة الفلسطينية..وبيكسب منها 89 ألف دولار = مليون ونصف مليون جنيه مصري تقريباً شهريا..........................................................................
النقطة التانية..انه زي ما هو متوقع فيديوهات التسلية والترفيه هي الأكثر انتشاراً وشهرة في العالم..واخدة المركز الأول في 72 دولة..ثم فيديوهات الألعاب واخدة المركز الأول في 25 دولة...........................................................................
بالنسبة لمصر..المركز الاول لعائلة أحمد حسن..عندهم 5.5 مليون مشترك ودخلهم 218 ألف دولار =3.5 مليون جنيه مصري شهرياً........................................
التقرير كاملاً...في أول تعليق..