د. أيمن فؤاد - استشاري الطب النفسي - Dr. Ayman Fouad
د. أيمن فؤاد أبو العز
- استشاري الطب النفسي وعلاج الإدمان
- مدرس مساعد بكلية الطب جامعة الأزهر - استشاري الطب النفسي بعيادات د. حمودة للطب النفسي
01/06/2024
لكي أكون انسان جيد... يجب ألا أخطيء مطلقا ❌
حتى الإنسان الجيد يخطيء أحيانا ✅
صحح معتقداتك
09/05/2024
في البداية مهم نعرف ان عملية التعليم دي مش بسيطة زي مابعضنا بيتخيل.. لكنها بتشمل جوانب كتير تخص الطفل.. علي سبيل المثال الجانب النفسي (افكار و مشاعر و سلوكيات و رغبات) و الجانب الصحي و البيئة المحيطة في البيت و المدرسة... كل العوامل دي ممكن تأثر على مستوى الطفل الدراسي... طيب ايه اهم الاسباب؟؟
- المشاكل الصحية...زي مثلا اضطرابات الغدة الدرقية... ضعف السمع او النظر... الأنيميا... أو أمراض مزمنة زي الربو الشعبي او الثلاثيميا
- نقص ذكاء الطفل عن المعدل الطبيعي... وده بيخلي الطفل بطيء التعلم و بيتاخر شوية عن زمايله
- فرط الحركة و تشتت الانتباه... بيخلي الطفل صعب يركز في تلقي المعلومة و بالتالي مابيحصلش كويس
- صعوبات التعلم... وفيها بيكون الطفل انتباهه كويس و ذكاؤه كويس لكن عنده مشكلة في القراءة او الكتابة او الحساب تحديدا
- اضطرابات المزاج زي القلق و الاكتئاب.. بياثروا على التركيز و بالتالي التحصيل الدراسي
- مشاكل البيئة المحيطة زي ان جو المدرسة نفسه يكون منفر للطلاب بسبب تعرضهم للتنمر من زمايلهم او التعنيف القاسي من المدرسين.
و طبعا العلاج بيكون بمعرفة السبب و التعامل معاه
09/05/2024
واحدة من اصعب التجارب اللي ممكن تمر على أي حد هي نوبة الهلع... عادة الشخص بيكون قبلها طبيعي و كويس و فجاة تبدأ معاه نوبة من صعوبة التنفس و الشعور بالاختناق و سرعة ضربات القلب و رعشة في الجسم و عرق غزير... ممكن ييجي معاه شعور انه بيموت او فاقد السيطرة على نفسه... عادة المريض وقتها بيروح لطواريء اي مستشفى برغم ان النوبة بتنتهي لوحدها بعد عدة دقائق و ممكن تطول شوية.... المريض مابيكونش وقتها عارف دي ايه و بالتالي بيتخض اكتر و مممن يروح يكشف تخصصات قلب او صدرية و بتكون فحوصاته سليمة تماما.... لو الموضوع اتطور بيبدا المريض يكون مشغول بين النوبات و بعضها بفكرة تكرار النوبات و ياتري هتيجي تاني امتى و هتعدي علي خير ولا لأ... و بيخاف يقعد لوحده و ممكن كمان يرفض الخروج من البيت خوفا من انها تجيله في الشارع.
نوبات الهلع عادة بتيجي مع اضطرابات نفسية زي الاكتئاب و القلق و الضغوط المزمنة.. لكن لو اتطورت بالانشغال طول الوقت بالنوبات و ترقبها بتبقى اضطراب مستقل اسمه اضطراب الهلع
العلاج بيكون مزيج من العلاج الدوائي و جلسات العلاج النفسي و بتختفي تماما بإذن الله
03/05/2024
السؤال ده مابيعديش يوم إلا ولازم حد يسأله.... بقت شكوى منتشرة جدا و في كل الأعمار... الفكرة ان اجابة السؤال ده مش سهلة أبدا لأن الأسباب اللي بتأثر على التركيز و الذاكرة كتير جدا ودي اشهر الأسباب 👇🏻 :
الضغوط الحياتية وخصوصا لو مزمنة - اضطرابات المزاج زي القلق و الاكتئاب - الارق و قلة النوم - اضطراب فرط الحركة و تشتت الانتباه - الغذاء غير الصحي و اللي بيسبب نقص فيتامينات معينة - الأنيميا - اسباب هرمونية زي زيادة أو نقص نشاط الغدة الدرقية - بعض الأدوية - أمراض الشيخوخة
غير ان التركيز ممكن يتأثر مع كتر المشتتات حوالينا.. سواء داخلية زي الالم الجسدي - الجوع - المشاعر السلبية... أو مشتتات خارجية زي الأصوات العالية أو الموبايل
و بالتالي بجرد معرفة السبب بيبدأ العلاج
03/05/2024
يعني ايه وسواس قهري؟ يعني أفكار مزعجة عمالة تتكر في دماغك بدون توقف و بتسببلك قلق شديد جدا... و في معظم الأحيان بتخليك تعمل أفعال معينة علشان تقلل القلق ده... و له اشكال كتير....يعني ممكن قلق من التلوث و ده يخليك تحاول تغسل ايدك او ملابسك باستمرار ... ممكن قلق من عدم قفل الباب مثلا فتفضل رايح جاي تتأكد علشان تطمن بس مابتطمنش من مرة ولا و اتنين ... و ممكن وساوس دينية متعلقة بالوضوء أو الصلاة او قبول الأعمال او في العقيدة و بالتالي بتكرر الوضوء و الصلاة كتير.... ممكن وساوس بتقولك انك لازم تعد حاجات معينة او تكرر فعل ما عدد مرات معينة.... ولو ماعملتش كده تحس انك مش مرتاح... و ممكن تيجيلك أفكار وسواسية انك هتأذي حد عزيز عليك
أيا كان نوع الوسواس فهو في الآخر نفس الاضطراب... و بيحتاج للعلاج الدوائي و العلاج النفسي مع بعض
02/05/2024
فرط الحركة و تشتت الانتباه بيسبب صعوبة في التعامل مع الطفل بالنسبة للوالدين... و ده لان الطفل بيكون كثير الحركة و مايعرفش يلعب بهدوء و بالتالي ما بيكونش أصدقاء بسهولة.. و بيكون مندفع و ممكن يعرض نفسه لخطورة. ... كمان مستواه الدراسي بيتأثر طبعا بسبب تشتت الانتباه و النسيان الكتير و عدم قدرته انه ينظم وقته و المهام المطلوبة منه
الاضطراب ده اضطراب نمائي... يعني لازم يظهر لاول مرة تحت سن 12 سنة... و نسبة منهم بتكمل معاها الأعراض لبعد البلوغ بس عادة في الكبار بيقل فرط الحركة و تستمر اعراض التشتت و الاندفاعية و عدم القدرة على تنظيم المهام
02/05/2024
اضطراب الاكتئاب الجسيم بيختلف تماما عن مجرد الشعور بالحزن... ده اضطراب بيشمل المزاج الحزين و فقد الاستمتاع و اختلال النوم و الشهية للأكل و نقص القدرة على بذل مجهود و نقص التركيز و كثرة النسيان... ممكن كمان يصاحب بشعور بفقد القيمة او الذنب او حتى التفكير في الموت... العلاج الدوائي وغير الدوائي بيساعدوا جدا في علاجه.. لذلك مش المفروض ان مريض الاكتئاب يستمر في معاناته... وده لأن صحتنا النفسية اولوية
21/04/2024
ناس كتير مابتكونش عارفة بالظبط ايه الشكوى اللي بيتعامل معاها تخصص الطب النفسي و بالتالي بتضيع وقت و مجهود في زيارة تخصصات أخرى بدون فايدة حقيقية... لذلك جمعنالكم اشهر الشكاوى اللي يقدر يساعدك فيها الطبيب النفسي المتخصص
Address
المعادي : 149 شارع النصر/ميدان الجزائر/أمام مطعم حمزة الدور الثالث/مصر الجديدة : 13 تقاطع شارع مراد مع شارع قايتباي/ميدان الإسماعيلية
Be the first to know and let us send you an email when د. أيمن فؤاد - استشاري الطب النفسي - Dr. Ayman Fouad posts news and promotions. Your email address will not be used for any other purpose, and you can unsubscribe at any time.
