03/07/2024
فن التعامل مع الأطفال 🤌
√ شيليه وسكتيه وراضيه لما يعيط .. مش هياخد عالشيل ولاحاجه .. هياخد عالحنيه
√ الحضن والبوسه بتاعة كل يوم مش دلع زايد .. دي احتياجات زي الاكل والشرب بالظبط ..
√ احترمي مشاعره في صغره .. هيراعي مشاعرك لما يكبر
√اللي يقولك مبتنرفزش ومبتعصبش ع ولادي بيكذب عليكي .. انتي انسان مش روبوت بس هنحاول نفصل كل الضغوط في وجود الولاد قدر الامكان واستعيني بالله ❤️
√ قبل مترفضي طلب او تفرضي عقاب اتاكدي انك هتقدري تنفذيه .. عشان متنزليش من نظره
√العقاب لازم يناسب عمره ومناسب لحجم غلطته .. وقبل منعاقب نفهمه الصح مره واتنين
√ لو بتتكلمو وطبقة صوته علت عليكي انهي الحوار فورا واظهريله زعلك عشان ميتعودش ع كده
√ لو عايزه تعلمي طفلك حاجه متقوليش نصايح كتير .. ابدأي بنفسك هيقلدك تلقائي 👍🏼
√ اديله مساحة امان ف البيت متحسسيهوش انك مراقباه وف نفس الوقت متغفليش عنه
√عمره ما هيبطل عصبيه طول ماحنا بنجادله وقت عصبيته .. اوقات التجاهل افضل حل
√التربيه مش سهله .. ومهما تعبتي واجتهدتي فالنتيجه دي بتاعة ربنا .. وانتي بتربي ادعي ربنا كتير يسدد خطاكي ويوفقك في اصعب مسئوليه ف حياتك
الموضوع محتاج سعي و توفيق كبير من ربنا ❤️