Alpha Diagnostic Durrës

06/10/2026

Dr. Spiridon Raptis – Urolog & Androlog me eksperiencë ndërkombëtare.
I specializuar në diagnostikimin dhe trajtimin e sëmundjeve të sistemit urinar dhe atij riprodhues mashkullor, Dr. Raptis sjell ekspertizë të thelluar dhe kujdes të personalizuar për pacientët.

🎓 Formimi i tij mjekësor:

-Studimet për mjekësi i përfundoi në Rumani në vitin 1996.
-Specializim në Urologji në Spitalin Universitar të Rios, Patra.
-Specializim i avancuar në Andrologji në Spitalin Universitar San Raffaele, Milano – një nga qendrat më prestigjioze europiane për shëndetin seksual dhe riprodhues.

🔍 Fushat e ekspertizës:

-Sëmundjet e prostatës (hiperplazi beninje, kancer)
-Disfunksion erektil dhe çrregullime seksuale
-Infertilitet mashkullor
-Inkontinencë urinare
-Gurë në veshka
-Procedura kirurgjikale minimalisht invazive

📅 Dr. Raptis do të jetë në dt 8 tetor në Klinikën Alpha Diagnostic.

❗ Rezervoni konsultën tuaj:
📞 +355 69 582 4444
📩 [email protected]

📍 Lagja 1, Rruga Taulantia, Durrës

02/10/2026

🎀 Tetori Rozë – një muaj për ndërgjegjësim, kujdes dhe parandalim.

Kanceri i gjirit është një nga sëmundjet më të shpeshta te gratë, por zbulimi i hershëm mund të bëjë një ndryshim të madh. Prandaj, kujdesi për shëndetin e gjirit nuk duhet të kufizohet vetëm në muajin tetor. 💗

✨ Mos e neglizho trupin tënd.
✨ Njih ndryshimet dhe shenjat që mund të shfaqen.
✨ Kryej kontrollet dhe ekzaminimet e rekomanduara sipas moshës dhe faktorëve të riskut.
✨ Konsultohu me mjekun nëse vëren diçka të pazakontë.

Tetori Rozë na kujton: kujdesu për veten, kontrollohu dhe mos e shty. 🌸

Për më shumë informacion na kontaktoni në :

📞+355 69 582 4444
📩[email protected]
📍Lagja 1, Rruga Taulantia

17/09/2026

17/09/2026

💇‍♀️ Rënia e flokëve nuk lidhet gjithmonë vetëm me flokët.

Rënia e shtuar e flokëve mund të shfaqet si pasojë e faktorëve të ndryshëm, përfshirë mungesat ushqyese, ndryshimet hormonale apo disa çrregullime të organizmit. Për këtë arsye, një vlerësim laboratorik mund të ndihmojë në identifikimin e disa prej faktorëve që mund të shoqërohen me rënien e flokëve.

🧪 Paketa jonë përfshin:

🔹 Gjak komplet (Hemogramë)
Jep informacion të përgjithshëm mbi qelizat e gjakut dhe ndihmon në vlerësimin e gjendjes hematologjike. Ndryshimet në hemogramë, përfshirë ato që lidhen me aneminë, mund të shoqërohen me rënie të flokëve.

🔹 Ferritinë
Tregon rezervat e hekurit në organizëm. Rezervat e ulëta të hekurit mund të jenë të lidhura me rënie të shtuar të flokëve, edhe në disa raste kur hemoglobina është ende brenda vlerave normale.

🔹 TSH
Është një nga analizat kryesore për vlerësimin e funksionit të tiroides. Çrregullimet e tiroides mund të ndikojnë në ciklin e rritjes së flokëve dhe të shkaktojnë rrallim ose rënie të tyre.

🔹 DHEA-S
Është një hormon androgjen i prodhuar kryesisht nga gjëndrat mbiveshkore. Vlerësimi i tij mund të jetë i dobishëm kur dyshohet për një komponent hormonal, veçanërisht në prani të simptomave të tjera të lidhura me androgjenët.

✨ Rënia e flokëve mund të ketë më shumë se një shkak. Këto analiza ofrojnë një pikënisje për të vlerësuar disa nga faktorët më të rëndësishëm dhe, në varësi të rezultateve dhe simptomave, mjeku mund të rekomandojë ekzaminime të tjera.

12/09/2026

Këmbët e ënjtura nuk janë gjithmonë thjesht pasojë e lodhjes. 🦵

Edema është grumbullimi i tepërt i lëngjeve në inde dhe shfaqet më shpesh në këmbë, kyçe dhe shputa. Shkaqet mund të jenë të ndryshme, nga qëndrimi i gjatë ulur ose në këmbë dhe problemet e qarkullimit venoz, deri te çrregullimet e zemrës, veshkave apo mëlçisë. Edhe ndryshimet hormonale dhe disa medikamente mund të shkaktojnë mbajtje të lëngjeve.

Nëse ënjtja është e shpeshtë, e vazhdueshme ose shfaqet pa një shkak të qartë, mos e neglizhoni. Një vlerësim mjekësor mund të ndihmojë në identifikimin e shkakut.

01/09/2026

🔬 Shëndeti nuk është vetëm mungesa e simptomave.

Një kontroll laboratorik i përshtatur mund të ndihmojë në vlerësimin e funksionit të tiroides, metabolizmit, niveleve të vitaminave, inflamacionit, veshkave, mëlçisë dhe shëndetit kardiovaskular.

🩺 7 panele për një vlerësim më të plotë të organizmit.

Mos prisni që një shqetësim të shfaqet për të kontrolluar shëndetin tuaj.
Parandalimi fillon me informacionin e duhur.💙

28/08/2026

🎒 Çanta gati. Librat gati. Po shëndeti?

Rikthimi në shkollë është një moment i mirë për t’i kushtuar pak më shumë vëmendje shëndetit të fëmijës. Pas pushimeve, ndryshimi i rutinës, orarit të gjumit, ushqyerjes dhe ekspozimi ndaj ambienteve me shumë fëmijë mund të ndikojnë në mirëqenien e tyre. 🩺👧🏻👦🏻

Një kontroll rutinë dhe analizat e përshtatshme mund të ndihmojnë në vlerësimin e gjendjes së përgjithshme shëndetësore dhe në identifikimin e hershëm të disa problematikave, edhe kur fëmija nuk shfaq simptoma të qarta.

💙 Sepse një fillim i mbarë i vitit shkollor nuk ka të bëjë vetëm me çantën dhe librat, por edhe me kujdesin për shëndetin.

Në Alpha Diagnostic kemi përgatitur disa paketa analizash pediatrike, për t’ju ndihmuar ta nisni sezonin shkollor me më shumë kujdes dhe siguri.

05/08/2026

🦋 **Sa nga këto i besonit edhe ju?**

Kur bëhet fjalë për tiroiden, qarkullojnë shumë informacione që nuk janë gjithmonë të sakta. Kjo gjëndër e vogël luan një rol të rëndësishëm në funksionimin e organizmit, ndaj është e rëndësishme të mbështetemi te informacioni i saktë dhe te vlerësimi mjekësor, jo te mitet.

Simptoma si lodhja, ndryshimet në peshë, rënia e flokëve apo ndjeshmëria ndaj të ftohtit ose vapës mund të kenë shkaqe të ndryshme dhe nuk mjaftojnë për të vendosur një diagnozë. Vetëm konsultimi me mjekun dhe analizat e nevojshme mund të ndihmojnë në vlerësimin e funksionit të tiroides.

📌 Ruajeni këtë postim për ta lexuar sa herë të keni nevojë dhe ndajeni me dikë që mund ta gjejë të dobishëm.

📍 Alpha Diagnostic
Kujdesi për shëndetin fillon me informacionin e duhur.