What are the opening hours?

Monday 09:00 - 18:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

https://www.facebook.com/108159388499506/

Klinika Femen

Home
Albania
Tirana
Klinika Femen

Call Directions

Klinika “Femën” është një qendër mjekësore e specializuar për shëndetin riprodhues të grave dhe vajzave.

Klinika “Femën” e vendos gruan dhe vajzën në qendër të shërbimeve të saj mjekësore dhe estetike.

08/10/2026

Me këtë nismë kujdesi e mbështetjeje gjatë Tetorit Rozë, vijmë më pranë vajzave dhe grave duke mundësuar kontrolle gjinekologjike dhe mbështetje psikologjike falas.

Gjithashtu, ekografitë e gjirit do të ofrohen me çmim të reduktuar.

Këto shërbime do të jenë të vlefshme deri më 10 nëntor 2026

Ne mirëpresim, sidomos gra dhe vajza të cilat për arsye ekonomike, të problematikave familjare dhe të tjera shkaqeve madhore, nuk kanë patur mundësinë të kryejnë më parë kontrolle mjekësore.

Këshillimet psikologjike falas janë të hapura për gra dhe vajza që po përballen ose janë përballur me kancerin e gjirit, dhe personave të tyre të ngushtë të kujdesit.

Na kontaktoni paraprakisht për të caktuar takimin tuaj në numrin tonë të recepsionit:

📲 0674016070

Ju mirëpresim!

Oraret e klinikës: E hënë-E premte, ora 08:00-18:00

07/10/2026

Ka ende shumë gjëra për anatominë dhe kënaqësinë seksuale femërore për të cilat flitet shumë pak.

Dhe kur nuk e njohim mirë trupin tonë, është e lehtë të krijojmë pritshmëri të gabuara për seksin, eksitimin apo orgazmën, ose të mendojmë se diçka nuk shkon me ne vetëm sepse trupi ynë nuk reagon siç “duhet”.

Njohja e trupit na ndihmon të kuptojmë më mirë çfarë na sjell kënaqësi, të komunikojmë më hapur me partnerin dhe të dallojmë kur parehatia apo dhimbja meriton vëmendje.

Të flasim hapur për anatominë dhe kënaqësinë nuk e bën seksin më pak . E bën atë më të informuar, më të sigurt dhe më të shëndetshëm

23/09/2026

VJESHTË NË FEMËN 🍂
Kontrolle që kanë një arsye. Kujdes që ka një drejtim mjekësor.

Në Femën, paketat shëndetësore nuk janë thjesht një listë analizash apo ekzaminimesh me çmim promocional.

Ato janë ndërtuar për t’iu përgjigjur një moshe, faze të jetës, risku apo nevoje konkrete shëndetësore, duke kombinuar konsultën mjekësore me ekzaminimet dhe analizat e nevojshme.

Kontrolli Vjetor i Gruas
Për kontrollin rutinë gjinekologjik dhe depistimin periodik.

Femën 40+
Për gratë pas të 40-ave, kur shëndeti gjinekologjik, metabolik dhe hormonal kërkon një vlerësim më të gjerë.

Kontrolli Kardiovaskular
Për të vlerësuar zemrën dhe faktorët kryesorë të riskut kardiovaskular.

Kontrolli i Shëndetit Mashkullor
Për meshkujt seksualisht aktivë dhe adultët e rinj që duan të kontrollojnë shëndetin andrologjik dhe riprodhues.

Kontrolli i Fertilitetit Mashkullor
Për vlerësimin e fertilitetit, funksionit hormonal dhe aparatit riprodhues mashkullor.

Kontrolli i Zhvillimit dhe Shëndetit Hormonal të Djemve
Për të vlerësuar zhvillimin pubertal dhe problematikat hormonale apo të organeve gjenitale.

Kontrolli i Zhvillimit dhe Shëndetit Hormonal të Vajzave
Për ciklin menstrual, zhvillimin hormonal dhe problematika të adoleshencës, nga dismenorrea te ciklet e çrregullta apo shenjat e PCOS.

Kthehemi të Shëndetshëm në Shkollë
Për kontrollin bazë të rritjes, zhvillimit dhe shëndetit të përgjithshëm të fëmijëve.

Rikthim në Ekuilibër
Për ata që duan të kuptojnë më mirë gjendjen e tyre emocionale dhe të nisin një proces të strukturuar psikologjik.

Ribalanco Metabolizmin
Për gratë dhe burrat që duan të punojnë mbi peshën, energjinë, metabolizmin dhe zakonet ushqimore me një plan të personalizuar.

Sepse një kontroll ka vlerë kur nuk bëhet thjesht “për të bërë analiza”, por për të kuptuar shëndetin tuaj dhe çfarë duhet bërë më tej.

📍 Klinika Femën
📩 Na kontaktoni në DM ose në 📲 0674016070 për të zgjedhur paketën që i përshtatet nevojave tuaja dhe për të rezervuar vizitën.

Paketa për vajzat përfshin edhe mbështetje psikologjike sipas rastit, ndërsa ajo nutricionale parashikon 20% zbritje për analizat laboratorike të rekomanduara.

Ju mirëpresim! 🤗

05/08/2026

Instinkti i parë i një të porsalinduri nuk është vetëm të ushqehet. Ai kërkon afërsinë, ngrohtësinë dhe sigurinë që gjen tek nëna.

Gjidhënia është shumë më tepër se ushqim. Ajo ushqen zhvillimin, forcon lidhjen mes nënës dhe foshnjës dhe i jep të porsalindurit një fillim të sigurt në jetë.

Çdo rrugëtim është i ndryshëm. Për disa nëna, gjidhënia vjen natyrshëm. Për të tjera, kërkon kohë, praktikë dhe mbështetje. Të dyja janë normale.

Këtë Javë Botërore të Gjidhënies, kujtojmë se çdo nënë meriton mbështetje, mirëkuptim dhe kujdes në çdo hap të këtij rrugëtimi.

01/08/2026

Menopauza nuk është vetëm një ndryshim hormonal. Është një tranzicion biologjik që prek shumë sisteme të organizmit.

Sot dimë se rënia e estrogjenit ndikon në shëndetin kardiovaskular, metabolik, skeletor, njohës, urogjenital dhe emocional. Për këtë arsye, kujdesi modern në menopauzë nuk kufizohet në trajtimin e simptomave, por bazohet në parandalim, zbulim të hershëm dhe vlerësim të individualizuar të rrezikut.

Në Femën, ne e shohim menopauzën si një mundësi për të investuar në shëndetin e gruas për dekadat që vijnë. Kujdesi ynë ndërtohet mbi gjashtë shtylla: zemrën, metabolizmin, kockat dhe muskujt, trurin, shëndetin urogjenital dhe seksual, si edhe mirëqenien emocionale.

Sepse qëllimi nuk është vetëm të jetojmë më gjatë, por të jetojmë më mirë.

Rezervo konsultën tënde në 0674016070

31/07/2026

Për shumë vite, infeksionet urinare të përsëritura gjatë perimenopauzës dhe menopauzës janë trajtuar si episode të izoluara. Por te shumë gra, ato janë shenjë e një problemi më të thellë: sindromit genitourinar të menopauzës, i shkaktuar nga rënia e estrogjenit.

Kjo është arsyeja pse trajtimi nuk duhet të fokusohet vetëm te eliminimi i bakterit, por edhe te rikthimi i mbrojtjes natyrale të traktit urogjenital kur mungesa e estrogjenit është shkaku kryesor. Në këto raste, estrogjeni vaginal lokal mund të luajë një rol të rëndësishëm në parandalimin e rikthimit të infeksioneve.

Studime të fundit po tregojnë gjithnjë e më shumë se kjo qasje lidhet jo vetëm me më pak infeksione urinare, por edhe me një rrezik më të ulët për komplikacione serioze. Kjo nuk do të thotë se estrogjeni vaginal është i përshtatshëm për çdo grua, por nënvizon rëndësinë e vendosjes së diagnozës së duhur.

Mos trajtoni vetëm episodin. Kërkoni edhe shkakun.

Rezervo konsultën tënde në 0674016070

31/07/2026

Lindja natyrale është një përvojë unike dhe çdo grua e përjeton ndryshe. Megjithatë, ka disa gjëra që shumë gra nuk i presin derisa t’i përjetojnë vetë.

Të dini se çfarë mund të ndodhë gjatë dhe menjëherë pas lindjes nuk duhet t’ju frikësojë. Përkundrazi, informacioni i saktë mund t’ju ndihmojë të ndiheni më të përgatitura, më të qeta dhe më të sigurta për atë që ju pret.

Nëse keni pyetje rreth shtatzënisë, lindjes apo periudhës pas lindjes, mos hezitoni të konsultoheni me gjinekologun ose maminë tuaj. Përgatitja fillon me informacion të besueshëm.

Rezervo konsultën tënde në 0674016070

14/05/2026

Perimenopauza nuk fillon papritur dhe shpesh nuk njihet menjëherë.

Është një periudhë tranzicioni që mund të zgjasë disa vite, ku funksioni i vezoreve fillon të ndryshojë gradualisht. Nivelet e estrogjenit dhe progesteronit nuk bien menjëherë, ato luhaten në mënyrë të paqëndrueshme, dhe pikërisht kjo luhatje është ajo që krijon shumicën e simptomave.

Cikli mund të bëhet i çrregullt, më i shkurtër ose më i gjatë.
Gjumi shpesh ndërpritet, edhe pa një arsye të qartë.
Ndryshimet e humorit, ankthi apo ndjesia që “diçka nuk është në rregull” janë shumë të zakonshme.
Trupi fillon të reagojë ndryshe ndaj ushqimit, stresit dhe ritmit të jetës.

Shumë gra i kalojnë këto ndryshime duke menduar se janë thjesht lodhje, stres apo pjesë e përditshmërisë.
Por në shumë raste, bëhet fjalë për një fazë hormonale që ka logjikën e saj biologjike.

Ajo që bën diferencën është kuptimi i këtij procesi dhe vlerësimi i duhur në momentin e duhur.

Çfarë rekomandojmë:
– vlerësim i historikut të ciklit dhe simptomave
– analizë hormonale sipas fazës dhe moshës
– mbështetje e stilit të jetesës (gjumi, ushqimi, stresi)
– trajtim i personalizuar kur është i nevojshëm

Perimenopauza nuk është një problem për t’u “duruar”, por një fazë që mund të menaxhohet me qartësi dhe kujdes të duhur.

Rezervo konsultën tënde në 0674016070

13/05/2026

Infertiliteti prek miliona njerëz në heshtje.
Shpesh shoqërohet me faj, turp, presion dhe këshilla të pavendosura mbi trupin dhe emocionet e dikujt.

Por infertiliteti është një gjendje mjekësore komplekse, që mund të lidhet me shumë faktorë biologjikë, hormonalë, gjenetikë apo të stilit të jetesës dhe nuk është diçka që “zgjidhet” thjesht duke u qetësuar.

Ky rrugëtim prek gra dhe burra njëkohësisht.
Dhe mbi të gjitha, prek njerëz që shpesh ndihen vetëm në një dhimbje që nuk flitet mjaftueshëm.

Kujdesi, vlerësimi i hershëm dhe mbështetja e duhur mund të bëjnë diferencë reale.

Sepse askush nuk duhet ta përjetojë infertilitetin në heshtje.

Rezervo konsultën tënde në 0674016070

10/05/2026

A duhez të vaksinojmë fëmijët me qëllim që të parandalojmë rreziqet nga infektimi i mëvonshëm me HPV?

Address

Blv ‘Zogu I Parë’
Tirana

Opening Hours

Monday	09:00 - 18:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00

Telephone

+355672008370

Website

facebook.com

Alerts

Be the first to know and let us send you an email when Klinika Femen posts news and promotions. Your email address will not be used for any other purpose, and you can unsubscribe at any time.