Laborator Intermedica, krijuar në qershor të vitit 1996, është një ndër laboratorët më të mëdhenj në Shqipëri, duke qenë i pari në llojin e tij i cili i është nënshtruar kushteve të akreditimit nga Qendra Kombëtare e Cilësisë dhe Akreditimit të Institucioneve Shëndetësore në Shqipëri. Ne kemi një partneritet strategjik me një numër laboratorësh prestigjozë jashtë vendit si Mayo Clinic dhe Ariosa Diagnostics në SHBA, In Vitro Lab, Bio Atriki dhe InterGenetics në Greqi si dhe një sërë bashkëpunimesh me laboratorët brenda vendit. Në Laboratorin Intermedica janë të instaluara aparatura dhe autoanalizatorë të kompanive Roche dhe Sysmex, që janë më të njohurat në fushën e ekzaminimeve laboratorike in-vitro dhe që përdorin teknologjinë më të fundit. Me moton “Modern diagnostics for optimal therapy decisions”, ne mbetemi simbol i inovacionit dhe implementimit të analizave më të fundit, duke qënë edhe laboratori i parë që mundëson diagnostikimin molekular të alergjisë nëpërmjet punimit të testeve specifike të alergologjisë molekulare.
