19/10/2026
Një mesazh nga stafi i Sekreteve të Natyrës ❤️
Në këto ditë të vështira, duam të ndajmë me ju jo vetëm solidaritetin tonë, por edhe një pjesë të realitetit tonë si staf dhe si njerëz.
Themeluesja jonë, Eriona Xhaferaj, u detyrua të largohej nga Shqipëria në vitin 2018 bashkë me vajzat e saj drejt Kanadas për shkak të vështirësive me të cilat të përball vendi ynë. Edhe pse sot jeton në Kanada, lidhja e saj me Shqipërinë dhe me punën që ka ndërtuar këtu mbetet e fortë.
Disa prej vajzave të stafit tonë kanë qenë të pranishme në protest që nga dita 1, ndërsa të gjitha kemi shprehur mbështetjen dhe solidaritetin tonë në mënyrën tonë.
Sekretet e Natyrës është më shumë se një markë. Është puna dhe burimi i të ardhurave për disa vajza dhe familjet e tyre. Prandaj, edhe pse na duket e vështirë të vazhdojmë publikimet e zakonshme në këtë situatë, kemi përgjegjësi që nuk mund t’i lëmë pezull.
Të vazhdosh të punosh nuk do të thotë të jesh indiferent ndaj asaj që po ndodh. Do të thotë të mbash përgjegjësitë ndaj njerëzve që varen prej teje.
Do të vazhdojmë të punojmë, pa harruar atë që po përjeton vendi ynë, me shpresën që zëri i qytetarëve të dëgjohet dhe të vijnë ditë më të mira për Shqipërinë.
Me solidaritet dhe shpresë. ❤️
Stafi i Sekreteve të Natyrës
