21/10/2026
علاش بعض النساء ينوضلهم الشعر في الذقن، وما يروحش حتى بعدما يديروا حمية ويتسڤموا الهرمونات؟ 🤔
🔹 أولًا، علاش يظهر الشعر؟
السبب غالبًا هو تأثير الهرمونات الذكورية (الأندروجينات) على بصيلات الشعر. في حالة تكيس المبايض (SOPK)، تقدر هاذ الهرمونات تكون مرتفعة وتحفّز نمو شعر سميك وغامق في الذقن والشارب. بصح حتى لو التحاليل عادية، بعض النساء تكون بصيلات الشعر عندهم حساسة أكثر للأندروجينات، بالإضافة إلى دور الوراثة وأسباب أخرى.
🔹 ثانيًا، علاش ما يروحش بعدما تتسڤم الهرمونات؟
لأن تنظيم الهرمونات بالحمية ونمط الحياة يقدر يساعد على تقليل التحفيز الهرموني لنمو الشعر، بصح ما يضمنش اختفاء الشعر اللي ولى سميك وغامق من قبل. بصيلات الشعر تكون استجابت للتأثير الهرموني، ولهذا يقدر الشعر يبقى حتى مع تحسّن الدورة والتحاليل.
🔹 واش هو الحل؟
لازم نفرّقوا بين علاج السبب الهرموني وإزالة الشعر الموجود:
* الحمية ونمط الحياة يساعدوا في تحسين الحالة الهرمونية، خاصة مع تكيس المبايض.
* الليزر يقدر ينقص كثافة الشعر، خاصة الشعر الغامق والسميك.
* التحليل الكهربائي (Électrolyse) يقدر يزيل الشعر بشكل دائم على مستوى البصيلات المعالَجة، وهو خيار مهم خاصة لشعر الذقن.
