23/09/2026
✨️أوقات الواحد مش بيكون مستني غير كلمة حلوة…
مش عشان تعبه يترد، ولا عشان حد يحس إنه عمل حاجة عظيمة… بس عشان يحس إن اللي عمله وصل واتقدّر. 🤍
ورا كل أكلة بتطلع من مطبخ صغير، فيه وقت وتعب ووقفة وحرص على كل تفصيلة… وفيه حد بيحط من قلبه قبل إيده، وبيتقي ربنا في رزقه وفي كل حاجة بيقدمها.
يمكن الأكلة توصل على السفرة في طبق حلو، ومحدش يعرف الحكاية اللي وراها…
بس صاحبها يعرف… وربنا يعرف أكتر.
وعشان كده بنفضل نكمّل، ونحب شغلنا، ونحط فيه من قلبنا…
وندعي ربنا دايمًا يرزقنا بالناس الطيبين، الهينين اللينين، السهلين، اللي يقدّروا ويفهموا، ويحسّوا بالحب اللي اتحط في كل لقمة. 🤍
مش كل سعر غالي… ومش كل تعب بيتشاف.
بس الكلمة الحلوة عمرها ما كانت غالية. ❤
