Dr. Mostafa Abdelaal

Call Directions Contact the business

Dr. Mostafa Abdelaal اخصائي التغذية السابق للفريق الاول لكرة القدم بنادي سموحة ⚽️ والفريق الاول لكرة السلة بنادي الاتحاد السكندري 🏀

تغذية صحية.. أداء أفضل.. ومستقبل رياضي أقوي 🏆فخور بالبطلة چودي أحمد إبراهيم، لاعبة نادي البنك الأهلي، بعد تحقيقها 3 ميدا...
01/11/2026

تغذية صحية.. أداء أفضل.. ومستقبل رياضي أقوي 🏆

فخور بالبطلة چودي أحمد إبراهيم، لاعبة نادي البنك الأهلي، بعد تحقيقها 3 ميداليات برونزية في بطولة منطقة الخماسي الحديث:

🥉 المركز الثالث في الجري.
🥉 المركز الثالث في سباق 50 متر فردي.
🥉 المركز الثالث في سباق 100 متر فردي.

وراء كل إنجاز رياضي مجهود والتزام، ومن أهم عوامل تطوير أداء البطل التغذية الرياضية المناسبة لسنه واحتياجاته التدريبية.

تغذية الأطفال والناشئين مش بس لتحسين الأداء، لكنها كمان أساسية لدعم النمو، وتوفير الطاقة، وتحسين الاستشفاء، والوقاية من نقص العناصر الغذائية.

❤️ رسالة لكل أب وأم: الاهتمام بتغذية ابنك هو استثمار في صحته ونموه ومستقبله الرياضي.

📩 ابنك بيمارس رياضة وعايز تساعده يطور مستواه ويحصل على التغذية المناسبة لسنّه وتدريباته؟
ابعتلي رسالة بكلمة «بطل» وابدأ معاه الخطوة الصح.

ألف مبروك يا چودي، ومنها لإنجازات أكبر ان شاء الله 🙏
#تغذيةالرياضيين
#تغذية
‏

من التدريب والمجهود إلى منصات التتويج 🥇🥈لما التغذية تكون جزء من خطة إعداد البطل، كل تفصيلة بتفرق في رحلته نحو تحقيق أفضل...
25/10/2026

من التدريب والمجهود إلى منصات التتويج 🥇🥈

لما التغذية تكون جزء من خطة إعداد البطل، كل تفصيلة بتفرق في رحلته نحو تحقيق أفضل أداء ممكن 💪

فخور بإنجاز البطل مهند محمد رجب، لاعب نادي فاروس، في بطولة الجمهورية الصيفية للسباحة بالزعانف، وتحقيقه:

🥇 المركز الأول على مستوى الجمهورية في سباق 200 متر بالزعانف المزدوجة.

🥈 المركز الثاني على مستوى الجمهورية في سباق 400 متر بالزعانف المزدوجة.

خلال متابعتي لمهند، اشتغلنا على تنظيم نظامه الغذائي بما يتناسب مع طبيعة تدريباته واحتياجاته، مع تقييم مدى احتياجه للمكملات الغذائية واختيار المناسب منها.

لأن تغذية الرياضي مش مجرد أكل صحي، لكنها خطة محسوبة بتراعي احتياجات الطاقة، وتوقيت الوجبات، والتعافي، ومتطلبات كل رياضة. 🎯

ابنك بيلعب سباحة أو بيمارس رياضة بشكل منتظم؟ 🏊‍♂️⚽🏀

التغذية المناسبة لسنّه، وحجم تدريبه، وهدفه الرياضي ممكن تكون خطوة مهمة في رحلته لتطوير مستواه.

📩 ابعتلي رسالة بكلمة «بطل» علشان تعرف إزاي نقدر نساعد ابنك بخطة تغذية رياضية مناسبة لاحتياجاته وأهدافه.

ألف مبروك يا مهند، وبالتوفيق في البطولات الجاية! ❤️🏆

#سباحة
#تغذية
#تغذيةرياضيين


22/10/2026

لو إنت من الرياضيين اللي دايما بيحسوا بحرقان في عضلاتهم أثناء السباقات أو الماتشات، يبقى الفيديو ده ليك !

تعالوا الأول نعرف ليه بيحصل حرقان في العضلات أثناء التمارين عالية الشدة، زي السبرنتات مثلا .

أثناء التمارين عالية الشدة، العضلات بتحتاج طاقة بسرعة كبيرة، والجسم بيعتمد على أنظمة مختلفة لإنتاج الطاقة، من ضمنها نظام الطاقة اللاهوائي، اللي بيساعد على تكسير الجلوكوز والجليكوجين لإنتاج الطاقة بسرعة.

وخلال المجهود ده، بيزيد إنتاج اللاكتات، وبتحصل تغيرات في البيئة الكيميائية داخل العضلات، بما فيها زيادة تركيز أيونات الهيدروجين، وده بيساهم في زيادة حموضة العضلة، وبيشارك في الإحساس بالحرقان والتعب أثناء المجهود عالي الشدة.

وواحد من أفضل المكملات الغذائية اللي ممكن تستخدمها هو البيتا ألانين؛ لأنه بيزوّد مادة اسمها الكارنوسين داخل العضلات، والمسؤولة عن معادلة حموضة العضلات اثناء تمارين عالية الشدة، وده ممكن يساعدك تتمرن لفترة أطول وبيقلل الشعور بالاجهاد.

ازاي نستخدمه ؟

أفضل طريقة لاستخدام البيتا ألانين هي إنك تبدأ تاخده قبل البطولة أو المنافسة بمدة لا تقل عن شهر، والجرعة بتكون تقريبًا من 4 لـ 6 جم يوميًا، متقسمة على أربع جرعات علي مدار اليوم.

⚠️ تحذيرات

ولو حسيت بوخز أو تنميل في الوجه أو الأطراف بعد تناول البيتا ألانين، فده عرض جانبي معروف للمكمل اسمه Paresthesia، وغالبًا بيكون مرتبط بحجم الجرعة الواحدة. وساعتها، ممكن تقلل الجرعة في المرة الواحدة أو تستخدم نوع ممتد المفعول لتقليل الأعراض. ولو الأعراض شديدة أو مستمرة، يبقى الأفضل إنك توقف استخدامه.

تابعوني الفترة الجاية، هتكلم عن باقي المكملات الغذائية الآمنة اللي ممكن تساعد في تحسين أدائك الرياضي.
#مكملات
#تغذيةالرياضيين


11/10/2026

عايز السبرينت بتاعك يبقى أسرع، والـ Jump بتاعك يبقى أعلى، وتحسّن الـ Strength عندك وتزوّد الكتلة العضلية، فالكرياتين مونوهيدرات ممكن يكون من أفضل المكملات اللي تساعدك تحقق ده.

ليه ناخد كرياتين؟

الكرياتين بيتخزن في العضلات في صورة كرياتين وكرياتين فوسفات، وكرياتين فوسفات بيساعد العضلة إنها تعيد تكوين الـ ATP بسرعة أثناء التمارين عالية الشدة، زي الـ Sprint والـ Jump وتمارين القوة والقدرة الانفجارية.

وعشان كده، الكرياتين مونوهيدرات هو أكتر نوع من الكرياتين عليه أبحاث علمية، وممكن يساعد في تحسين القوة والأداء في التمارين عالية الشدة، ومع تمارين المقاومة ممكن يساعد كمان في زيادة الكتلة العضلية.

إزاي نستخدمه؟

الجرعة المعتادة بتكون من 3 لـ 5 جرام يوميًا.

لكن لو محتاج توصل لتشبّع العضلات بشكل أسرع، ممكن تعمل Loading Phase، ودي بتكون حوالي 20 جرام يوميًا، مقسّمة على 4 جرعات، لمدة من 5 لـ 7 أيام. وبعدها، بترجع لجرعة الـ Maintenance، اللي بتكون من 3 لـ 5 جرام يوميًا.

ويُفضّل ناخد الكرياتين مع وجبة غنية بالنشويات أو مع عصير فريش، لأن ده ممكن يساعد على امتصاص الكرياتين داخل العضلات بشكل أسرع مقارنةً بتناوله مع المياه فقط.

ومهم جدًا نشرب كميات كافية من المياه أثناء تناول الكرياتين، خصوصًا إنه بيزوّد تخزين المياه داخل العضلات، وده ممكن ينعكس بشكل إيجابي على الأداء الرياضي.

إيه التحذيرات اللي لازم ناخد بالنا منها؟

الكرياتين ممكن يسبب عند بعض الأشخاص أعراض زي الانتفاخ أو اضطرابات المعدة، وده بيكون غالبا مع الجرعات الكبيرة، ومن الافضل وقتها ان احنا نقلل الجرعة او نوقف استخدام المكمل.

ولو عندك أي مرض أو مشكلة في وظائف الكلى، يبقى لازم تستشير الطبيب قبل استخدام الكرياتين.

تابعوني إن شاء الله الفترة الجاية، لأننا هنتكلم عن باقي المكملات الغذائية الامنة اللي ممكن تساعد علي تحسين الاداء الرياضي.
#كرياتين
#تغذيةالرياضيين
#مكملات


04/10/2026

عمرك سألت نفسك إيه اللي الرياضيين بيشربوه قبل السباق أو الماتش عشان يحسنوا أداءهم؟

واحد من أشهر الحاجات اللي بيستخدمها الرياضيين هو الكافيين.

الكافيين بيقلل الشعور بالاجهاد وبيخليك تتمرن لفترات اطول وبيحسن التركيز والقدرات الذهنية وكمان بيساعد في حرق الدهون عن طريق استخدامها كمصدر للطاقة اثناء التمرين.

الكافيين موجود بشكل طبيعي في القهوة وموجود كمان في مشروبات الطاقة و المكملات الغذائية الي بتحتوي علي الكافيين الي غالبا بتتاخد قبل التمارين والمباريات.

الدراسات اثبتت ان افضل جرعة لتناول الكافيين من ٣-٦ مجم لكل كجم من وزن الجسم وطبعا الجرعة بتختلف من كل شخص لاخر علي حسب مدي حساسيته لمادة الكافيين وتكسرها في جسمه.

لو بنتكلم علي القهوة مثلا تتراوح كمية الكافيين فيها على حوالي من ٦٠-١٨٠ مجم تقريبا وممكن اكتر علي حسب الكمية ونوع البن المستخدم. يعني لو واحد وزنه ٧٠ كيلو ممكن ياخد من ٢٠٠-٤٠٠ مجم من الكافيين قبل التمرين بحوالي نص ساعة عشان يحسن الاداء الرياضي وطبعا زي ما قولنا قبل كده ممكن كمان كمية اقل من ديه وتحسن الاداء وده بيبقي علي حسب كل واحد ومدي حساسيته لمادة الكافيين.

اخر حاجة حاول تبعد عن تناول اي مشروبات تحتوي علي الكافيين قبل النوم بحوالي ٨-١٠ ساعات عشان متتسببلكش في ارق. ولو حسيت بصداع او سرعة في ضربات القلب او توتر يبقي كده انت استهلكت كمية كبيرة منها.

من الافضل طبعا انك تاخد المكملات الغذائية تحت اشراف اخصائي تغذية الرياضيين عشان تتأكد من المكمل انه امن وخالي من اي مواد محظورة.

تحذير هام ⚠️ ‼️ الكافيين ومشروبات الطاقة غير مناسبة للأطفال.

تابعوني ان شاء الله الفترة القادمة حتكلم عن باقي المكملات الغذائية الامنة والي ممكن تحسن الاداء الرياضي.
#تغذيةالرياضيين
#مكملات
#كافيين


19/09/2026

⚠️ اختيار المكمل الغذائي بعشوائية ممكن يوقف مسيرتك الرياضية!

لو أنت رياضي محترف، أو دكتور فريق، أو مدرب، أو أي شخص بيشتغل مع لاعب محترف، مهم جدًا تتأكد إن المكمل الغذائي اللي اللاعب بيستخدمه آمن ومناسب للرياضيين الخاضعين لاختبارات المنشطات.

لأن بعض المكملات ممكن تكون ملوثة بمواد محظورة رياضيًا، حتى لو المادة دي مش مكتوبة على العبوة، وده ممكن يعرض اللاعب لمشكلة في اختبارات المنشطات ويؤثر بشكل كبير على مسيرته الرياضية.

طيب، إزاي نختار المكمل الغذائي بشكل أكثر أمانًا؟

أول حاجة: لازم نراجع مكونات المكمل، ونتأكد إنها لا تحتوي على أي مادة محظورة طبقًا لـ قائمة WADA الحالية للمواد والطرق المحظورة.

تاني حاجة: مش معنى إن المكمل مكتوب عليه “Creatine” أو “Whey Protein” إنه بالضرورة آمن للرياضيين. لأن بعض المكملات ممكن تكون ملوثة بمواد محظورة وغير مذكورة على الملصق.

علشان كده، الأفضل نختار المكملات اللي عليها علامة اعتماد من جهة مستقلة متخصصة في فحص المكملات الرياضية، وأشهرهم NSF Certified for Sport أو Informed Choice، لأن المنتجات دي بتخضع لاختبارات للمواد المحظورة رياضيًا، مع وجود رقابة على جودة المنتج والتصنيع.

وأخيرًا: لو بتشتري المكمل الغذائي من مصر، اتأكد إنه مسجل لدى الهيئة القومية لسلامة الغذاء (NFSA) ويحمل رقم تسجيل الهيئة.

لكن خلي بالك: تسجيل المنتج لدى NFSA لا يعني إنه معتمد من ناحية مكافحة المنشطات أو إنه خضع لاختبارات WADA للمواد المحظورة.

والأهم، اللاعب يفضل دائمًا مسؤول عن المواد الموجودة في جسمه، لذلك اختيار المكملات لازم يتم بحذر شديد وتحت إشراف متخصص في التغذية الرياضية.

تابعوني إن شاء الله، هتكلم الفترة الجاية عن أنواع المكملات الغذائية اللي لها أدلة علمية على تحسين الأداء الرياضي، وإزاي نختارها بشكل آمن.
#تغذيةالرياضيين
#مكملات
#منشطات


“بعد أكتر من سنتين بعيد عن المنافسات… يرجع ويحقق 3 ميداليات في بطولة الجمهورية!”أسر أيمن الكيكي، لاعب نادي سبورتنج، شارك...
17/09/2026

“بعد أكتر من سنتين بعيد عن المنافسات… يرجع ويحقق 3 ميداليات في بطولة الجمهورية!”

أسر أيمن الكيكي، لاعب نادي سبورتنج، شارك في بطولة الجمهورية للجمباز الفني – درجة أولى رجال،

وحقق:

🥈 المركز الثاني في منافسات الفرق مع فريق سبورتنج

🥈 المركز الثاني على جهاز الحركات الأرضية

🥈 المركز الثاني على جهاز حصان القفز

وفخور إني كنت جزء من تجهيز اللاعب قبل البطولة، من خلال تصميم نظام غذائي مناسب له خلال فترة التمرينات والبطولة، وتحديد المكملات الغذائية المناسبة له بهدف دعم وتحسين الأداء الرياضي، مع الحرص على اختيار مكملات آمنة وخالية من أي مواد محظورة.

مبروك لأسر على الـ3 ميداليات 🥈🥈🥈، وبالتوفيق في كل ما هو قادم بإذن الله
#تغذيةرياضيين
#تغذيةرياضية
#جمباز

12/09/2026

كتير من أولياء الأمور بيبقوا محتارين: نحط إيه لأولادنا في لانش بوكس المدرسة؟ 🎒🍱

للأسف، مع ضيق الوقت، كتير من الأهالي بيلجأوا للأكل الجاهز واللحوم المصنعة زي السوسيس والبرجر واللانشون. لكن الافراط في تناول اللحوم المصنعة ممكن يأثر بشكل سلبي على التركيز والنمو عند الاطفال وعلشان كده من الأفضل نقللها قدر الإمكان.

طيب، إزاي نعمل لانش بوكس صحي وسهل ومش محتاج وقت طويل؟

ممكن نستخدم عيش تورتيلا كامل الحبة، ونضيف مصدر بروتين زي فصوص الرومي المدخن او صدور الفراخ المشوية، وممكن نعملهم ناجتس أو ستريبس في الـAir Fryer أو في الفرن. وكمان ممكن نضيف ملعقة من صوص الطماطم، وجبنة موزاريلا، ونعمل بيتزا تورتيلا صحية وسريعة، وطعمها كمان هيكون محبب للأطفال. 🍕

ومتنسوش نضيف الخضروات والفواكه للانش بوكس، زي الطماطم، الخيار، الفلفل الملون، والعنب والموز وغيرها، علشان نوفر للطفل مجموعة متنوعة من العناصر الغذائية.

ولو محتاجين أفكار أكتر للانش بوكس، اكتبوا “لانش بوكس” في الكومنت وأنا هبعتلكم أفكار أكتر.

تابعوني إن شاء الله، هتكلم عن مواضيع كتير مهمة في تغذية الرياضيين، شكرا
#تغذيةالرياضيين
#لانشبوكس

01/09/2026

المتابعة أونلاين بتكون من خلال Zoom، مع متابعة مستمرة لمدة شهر عن طريق WhatsApp، وبيتم تصميم البرنامج الغذائي بناءًا على تقييم شامل للاعب، يشمل:

• نتائج قياس InBody.
• نتائج التحاليل الطبية المتاحة للاعب.
• عدد الوحدات التدريبية وشدة وحجم التدريب.
• العادات الغذائية الحالية.
• احتياجات اللاعب وأهدافه.
• ظروف ومواعيد التدريب والبطولات.
• تحديد انواع المكملات الغذائية الأمنة والمدعومة بالأبحاث العلمية لتحسين الأداء الرياضي.

📋 خطوات المتابعة

1️⃣ الجلسة الأولى – التقييم والتخطيط

بتتم من خلال Zoom، وفيها بنعمل تقييم غذائي شامل للاعب، وبنراجع العادات الغذائية، عدد الوحدات التدريبية، نتائج قياس الـInBody، والتحاليل الطبية المتاحة، بالإضافة إلى أهداف اللاعب واحتياجاته الغذائية.

بعد الجلسة، بيتم تصميم برنامج غذائي مفصل ومناسب لاحتياجات وظروف اللاعب.

2️⃣ المتابعة بعد أسبوعين

بعد أسبوعين، بيتم عمل جلسة متابعة عن طريق Zoom لمراجعة الالتزام والنتائج، ومراجعة قياسات الـInBody.

وبناءً على التقدم والنتائج، بنحدد إذا كان الأفضل الاستمرار على نفس البرنامج أو إجراء التعديلات اللازمة.

3️⃣ الجلسة النهائية

في نهاية فترة المتابعة، بيتم عمل جلسة أخيرة عن طريق Zoom لمراجعة النتائج النهائية والقياسات، وتقييم مدى تحقيق الأهداف، وتحديد الخطوات المناسبة للمرحلة القادمة.
#تغذيةرياضية
#تغذيةرياضيين

25/08/2026

لو ابنك رياضي وبتحس دايمًا إن تركيزه ضعيف، والاستشفاء العضلي عنده بطيء، مهم جدًا نتأكد إن نظامه الغذائي بيحتوي علي اوميجا 3 🐟

الأوميجا 3 مهمة جدًا للرياضيين، لأنها بتساعد في دعم الاستشفاء العضلي وبتقلل الالتهابات الناتجة عن التمرين، وكمان ليها دور مهم في صحة المخ والتركيز.

خلينا نشوف أهم الأطعمة الغنية بالدهون الصحية، وخصوصًا الأوميجا 3.

أولًا: الأسماك والمأكولات البحرية (EPA & DHA)

وعلى رأسها السلمون، الماكريل، السردين والرنجة ودي من أفضل المصادر الطبيعية للأوميجا 3.

لكن للأسف، معظم ولادنا مبيكلوش الانواع ديه.

ثانيًا: البذور والمكسرات (ALA)

زي بذور الكتان، بذور الشيا وعين الجمل، وممكن نضيفهم بسهولة لوجباتنا، زي الشوفان ، للزبادي أو للبان كيك.

ولو ابنك مش بياخد مصادر الأوميجا 3 بشكل كافي في وجباته، ساعتها بيحتاج ياخد مكمل غذائي يحتوي علي اوميجا 3 وبيتم تحديد النوع والجرعة تحت اشراف اخصائي التغذية.

تابعوني الفترة الجاية إن شاء الله، هتكلم عن مواضيع كتير مهمة في تغذية الرياضيين
#تغذيةالرياضيين
‏

Address

ابراج السرايا، برج ٣، امام جرين بلازا، سموحة
Alexandria

Opening Hours

Monday 5pm - 8pm
Wednesday 5pm - 8pm
Saturday 5pm - 8pm

Telephone

+201025479283

Website

Alerts

Be the first to know and let us send you an email when Dr. Mostafa Abdelaal posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dr. Mostafa Abdelaal:

Shortcuts

Share

Category

Nearby health & beauty businesses

Other Nutritionists in Alexandria

Show All