18/07/2026
✨ الحمد لله على نجاح دورة اخري من سلسلة كورسات Refill & Relax للتدريب العملي علي حقن الفيلر والبوتوكس – Hands On ✨
بعد كل كورس، أكتر حاجة بتسعدني هي آراء الدكاترة وانطباعاتهم الجميلة، لأنها بتأكدلي إن الشغف اللي بحطه في التعليم والتدريب بيوصل فعلًا، وإن كل ساعة مجهود وتجهيز وتدريب بتنعكس على مستوى وثقة الأطباء المشاركين.
*️⃣ التعليم والتدريب بالنسبة لي مش مجرد جزء من شغلي، لكنه شغف حقيقي ورحلة مستمرة بدأت من سنين وما زالت بتكبر يوم بعد يوم، وأجمل إحساس هو لما أشوف طبيب أو طبيبة خارجين من الكورس بثقة أكبر، ومهارة أعلى، وفهم أعمق للتعامل مع حالات الفيلر والبوتوكس بشكل علمي وآمن.
*️⃣ كل الشكر والتقدير لأستاذي ومعلمي الدكتور سامح النعماني، أستاذ جراحة التجميل بالقصر العيني،
Prof. Dr. Sameh El Noamani
العالم الكبير والأستاذ المتميز الفذ، اللي ليا الشرف إني بدأت معاه رحلة الكورسات دي من سنة 2019، رحلة نفتخر بيها كلنا، وقدرنا خلالها بفضل ربنا ندرب أكتر من 600 دكتور ودكتورة لحد دلوقتي.
*️⃣ شكرًا لكل دكتور ودكتورة حطوا ثقتهم فينا، ولكل كلمة تقدير ودعم سمعناها على مدار السنين اللي فاتت. الكلمات دي كانت ولسه الدافع الحقيقي اللي بيشجعنا نكمل ونقدم مستوى تدريبي يليق بزمايلنا الأطباء.
*️⃣ فخور جدًا باللي حققناه لحد النهارده، ومتحمس أكتر للي جاي بإذن الله. الرحلة لسه مستمرة، والشغف لسه زي ما هو ويمكن أكبر.
*️⃣ العلم رسالة، والتدريب مسؤولية، والنجاح الحقيقي إنك تسيب أثر طيب في رحلة زميل نحو التميز و تكون سبب في خطوة مهمة من خطوات نجاحه. 🤍🙏🏻
Dr. Haitham Samy
Specialist of Dermatology and Aesthetic Medicine
