Dr.Amani.Kamal

13/10/2026

11/10/2026

مش كل Diet Plan من على النت يناسب حالتك، خصوصًا لو عندك Insulin Resistance! ⚠️

في برنامج الـ30 يوم، بنحدد النظام الغذائي المناسب لحالتك وتحاليلك واستجابة جسمك، بدل ما نطبق نظام واحد على الكل.

📲 لو عاوز تبدأ صح، ابعتلنا على الواتساب وهنبعتلك كل التفاصيل.

08/10/2026

⚠️ الجلسات الموضعية مش مناسبة لكل الحالات!!

ومش أي حالة ينفع نبدأ معاها جلسات، ومش أي جلسة هتجيب نفس النتيجة.

لو عندك زيادة وزن كبيرة، الأول بنشتغل على نزول الوزن، وبعدها نستهدف الدهون الموضعية.

لكن لو عندك دهون موضعية عنيدة، الجلسات ممكن تكون جزء من بلان متكاملة مع التغذية والمتابعة، والنتايج بتكون هايلة جدًا مع إضافة الميزوثيرابي.

فلو عندك دهون عنيدة في منطقة معينة ومش عارف هل الجلسات مناسبة ليك ولا لأ، ابعتلنا دلوقتي الواتساب واحجز استشارتك ⬇️

04/10/2026

بتجيلك نوبات شراهة للأكل ومهما حاولتي توقفي مش بتقدري؟ 🚨
فتاكلي كميات كبيرة في وقت قصير، وبعدها ييجي الندم والذنب… وتفضلي تسألي نفسك: "أنا ليه عملت كده؟"

🚫 طب ده Emotional Eating؟ ولا ممكن يكون Binge Eating؟
الفرق بينهم مهم… والأهم إن الحل مش دايمًا إنك تمنعي الأكل أكتر.

ولو محتاجة متخصص يساعدك تفهمي اللي بيحصل وتبدأي صح، ابعتيلنا دلوقتي على الواتساب واحجزي استشارتك ⬇️

01/10/2026

"جربت مونجارو وويجوفي وأدوية غيرها كتير… ومبقاش في أي حاجة مأثرة معايا خلاص."

دي جملة صدمتني بيها حالة جاتلي العيادة.

لو وزنك مش بينزل، دور على السبب بدل ما تجرب أدوية بشكل عشوائي 🚫
ولو محتاج أي مساعدة اكتبلنا في الكومنتات 👇

27/09/2026

🚫 المونجارو والأوزيمبيك بيسببوا العمى؟
لو بتاخد Mounjaro أو Ozempic، غالبًا شفت العنوان ده منتشر:
"حقن التخسيس بتسبب فقدان البصر!"
وطبيعي جدًا تقلق…
بس استنى قبل ما ترمي القلم من الشباك 😅 خلينا نفهم الحكاية.

الموضوع بدأ مع حالة نادرة اسمها NAION، وهي مشكلة بتحصل في العصب البصري بسبب نقص التروية، وممكن تسبب فقدان مفاجئ أو ضعف في جزء من النظر.

طيب إيه علاقة الأوزيمبيك؟ 🤔
الدراسات أشارت لاحتمال وجود علاقة بين Semaglutide، المادة الفعالة في Ozempic وWegovy، وبين NAION.

وبعد مراجعة البيانات، EMA صنفت NAION كأثر جانبي نادر جدًا للـSemaglutide، بحوالي حالة إضافية واحدة لكل 10,000 شخص-سنة.

❌طب والمونجارو؟ 💉
هنا حصلت اللخبطة.
دراسة في 2025 شملت مرضى Type 2 Diabetes قارنت مجموعة استخدمت Semaglutide أو Tirzepatide بمجموعة أخرى.

ظهر NAION في 35 شخص مقابل 19 شخص خلال سنتين.
لكن الدراسة جمعت Semaglutide وTirzepatide مع بعض.

يعني مينفعش نقول منها:
❌❌ "المونجارو بيسبب العمى."
لأنها لا تثبت إن Tirzepatide هو السبب وحده.
وكمان المرضى عندهم Type 2 Diabetes، والسكري والسمنة نفسهم ممكن يكون ليهم دور في زيادة مخاطر مشاكل الأوعية والعصب البصري.

طب نعمل إيه؟ 🚨
مش معنى الكلام ده إنك توقف العلاج من نفسك.
السمنة نفسها ممكن تسبب أو تزيد خطر أمراض زي Type 2 Diabetes، ارتفاع ضغط الدم، أمراض القلب، الكبد الدهني ومشاكل المفاصل؛ وعشان كده استخدام حقن بديل التكميم بالنسبة لبعض المرضى مش رفاهية.

🔴 لكن لو بتاخد الدواء وظهر:
🔸 فقدان مفاجئ في النظر، خصوصًا في عين واحدة
🔸 تدهور سريع ومفاجئ في الرؤية
🔸 جزء من مجال النظر اختفى أو بقى مش واضح
كلم دكتورك فورًا وروح لطبيب عيون للتقييم.

◀️ ولو عندك أي أسئلة عن حقن بديل التكميم سيبهالنا في الكومنتات ⬇️

22/09/2026

من نتائج أبطالنا في Diamond Clinic 🤍
—-------------------
📍 فروع Diamond Clinic:

📌 المعادي
📞 01030330313
📌 التجمع الخامس
📞 01003077226

17/09/2026

لو فاكرة إن الماغنيسيوم مجرد مكمل بتاخديه قبل النوم عشان يساعدك تنامي أحسن؟
الحقيقة إن كده إحنا بنظلم الماغنيسيوم شوية… خصوصًا لو بتعملي دايت وهدفك تخسي👌

الماغنيسيوم هو أساس شغل جسمك وجهازك العصبي، وتقريبًا بيدي الأورد لجسمك عشان يبدأ يحرق الدهون، وكمان له علاقة بوظيفة العضلات وحساسية الإنسولين.

استني بس قبل ما تجري تشتري علبتين مكملات من الصيدلية، كمّلي قراية الأول عشان نفهم براحة😂

إمتى نقول إنك محتاجة تاخدي ماغنيسيوم من المكملات؟
⬅️ لو بتشربي قهوة زي المية، أو بتاكلي حلويات من غير رحمة، أو تحت Stress طول الوقت، أو بتعرقي كتير بسبب الجيم أو شغل متعب، خصوصًا ل الأكل مش موفّر الاحتياجات الأساسية من الماغنيسيوم.

استني بس، متتسرعيش… أنا عارفة إن كلهم بينطبقوا عليكي 😂

بس هنا في نقطة مهمة جدًا لازم أنبّهك ليها:
الزيادة في الماغنيسيوم مش معناها فوايد أكتر، بالعكس 🚫
الخطر الحقيقي هو الزيادة اللي بتحصل من غير ما تحسي.
بصي يا ستي…
✔️ الجرعة اليومية الموصى بها للبالغين من إجمالي الماغنيسيوم هي حوالي 310–320 mg للستات و400–420 mg للرجالة
✔️ والحد الأقصى للماغنيسيوم من Supplements والأدوية بس هو 350 mg يوميًا للبالغين، وده مش شامل الماغنيسيوم اللي بناخده من الأكل.
✔️ ولو في مشكلة في الكلى الجرعات دي بتقل طبعاً؛ لأن الكلى هي المسؤولة عن التخلص من الماغنيسيوم الزيادة.

كمان لازم ناخد بالنا ونحسب الماغنيسيوم اللي بيدخل جسمك واللي بيكون مستخبي في أدوية كتير زي Supplement بتاخديه قبل النوم، أو في ملينات أو في Antacid للحموضة، أو في Multivitamin.
لإن الـHypermagnesemia بتسبب هبوط في الضغط والسكر واضطراب في ضربات القلب، وفي بعض الحالات توقف عضلة قلب (Cardiac Arrest) 🫣

وفي حالات تم تسجيلها فعلًا من Severe Hypermagnesemia.

فالماغنيسيوم مهم جدًا…
لكن المهم تعرفي إنتي محتاجه قد إيه وبتاخديه منين، وهل فعلًا محتاجه مكملات ولا لأ 👌

وأهم حاجة، بلاش نستهون بأي Supplement ونمشي ورا السوشيال ميديا من غير ما نفهم أو نستشير الدكاترة.
ولو عندك أي أسئلة، اكتبلنا في الكومنتات ⬇️