HY Naturals

Call Directions

HY Naturals Contact information, map and directions, contact form, opening hours, services, ratings, photos, videos and announcements from HY Naturals, Cairo.

هاي ناتشورالز بتقدّم ليك روتين طبيعي وجمال أكيد ✨
منتجات مصنوعة بخامات سودانية طبيعية وآمنة، مصممة كروتين يومي يحافظ على صحة بشرتك، وبيساعدك تعالجي المسامات، حب الشباب، زيادة إفراز الدهون وعدم توحيد اللون ♡.
غير بدرة التشيبي لتطويل الشعر وكركارنا السمح ♡.

لاكتيك ولا جليكوليك؟ 🤔طيب بشرتك عايزة شنو بالضبط؟ 😂أخوان أولاد عم، الاتنين بساعدوا في التقشير وتوحيد لون البشرة، لكن ما ...
07/10/2026

لاكتيك ولا جليكوليك؟ 🤔
طيب بشرتك عايزة شنو بالضبط؟ 😂

أخوان أولاد عم، الاتنين بساعدوا في التقشير وتوحيد لون البشرة، لكن ما نفس الحاجة تماماً 👇🏽

🌸. الجليكوليك أسيد
ده لو دايرة تقشير قوي شوية، خصوصاً لو عندك:
• آثار حبوب وبقع
• ملمس خشن
• بهتان
• تصبغات سطحية

لكن عشان هو أقوى، ما معناهو نستخدمو كل يوم عشان انتي عايزة نتيجة أسرع..

كترة الاستخدام ممكن تهيّج البشرة و تعمل مشاكل أكتر..

🌸. اللاكتيك أسيد
ألطف شوية، وممكن يكون خيار مناسب لو بشرتك جافة أو حساسة شوية..

وعايزة تقشير من غير مشاكل..

بساعد في:
• تنعيم البشرة
• تحسين الملمس
• توحيد اللون تدريجياً
• والتقشير مع ترطيب

ما تقولي ياتو واحد أقوى؟

اسألي من البناسب بشرتك..

ولو محتارة بين الاتنين لسة.. اكتبي نوع بشرتك ومشكلتك في الكومنت عشان نوريكي 👇🏽

انتي اليوم كلو تتمسحي و تلبسي في الاكياس و تجربي في الكريمات 😂 و تجي الشمس في يومين بسسس تبوظ ليك العملتيهو دة كلو.. ح ن...
06/10/2026

انتي اليوم كلو تتمسحي و تلبسي في الاكياس و تجربي في الكريمات 😂 و تجي الشمس في يومين بسسس تبوظ ليك العملتيهو دة كلو..

ح نوريك وسايل حماية، ورينا عندك كم منها؟ 🥷..

1. تلبسي قلوفزين فوق بعض.. أيييوة تلبسي في كل يد 2 جونتي فوق بعض زيي عشان الشمس ما تلقى طريقة تحرقك 🤣

2. طبعا ح تشتري طاقية المصيف زي الفي الصورة دي، أو الكاب العادي لو ماف دي 😂😂..

و لو قدرتي تشيلي شمسية بكون احسن (شيلوها شلة انتي و صحباتك عشان التنمر الجماعي عرس 😂😂)..

3. النضارة الشمسية يا ماما،، تقلل الهالات و تحمي عيونك زاااتها..

4. الماسك، أو الكمامة، لو قدرتي تلبسيها بكون كويس، عشان تغطي الجزء التحت من الوش😂😂 لو بتعمل ليك ضيق نفس بلاش منها..

5. أكييد أكييد واقي الشمس يا عشوشة، SPF 50 على الأقل 💚..

و لو حصل و الشمس حرقتك،، عادي، سيروم العرديب للجسم بتاعنا يُصلح ما أفسده الآخرون يا عشوشة 😂🫶.. و بدون اثار كمان 😂

و لو عندك تكنيك بتعمليهيو و نافع معاك ورينا ليهو ♡ و اهم حاجة جبتي كم من 5 ؟ 😂😂

الهالات تحت العين ما سببها السهر بس 👀لو عندك هالات، مهم تعرفي إنو السواد تحت العين ممكن يكون عندو أكتر من سبب.. وما كل ا...
05/10/2026

الهالات تحت العين ما سببها السهر بس 👀

لو عندك هالات، مهم تعرفي إنو السواد تحت العين ممكن يكون عندو أكتر من سبب..

وما كل الهالات معناها إنو عندك تصبغات..

ممكن تكون بسبب:

🌻. العامل الوراثي
يعني في ناس بي طبعهم عندهم قابلية أكبر لظهور الهالات..

🌻. التصبغات
زيادة صبغة الميلانين ممكن تخلي المنطقة أغمق..
و كمان ممكن يزيد مع الشمس أو بعد الالتهابات..

🌻. الجلد رقيق لدرجة الأوعية الدموية ظاهرة
الجلد تحت العين رقيق جدًا، فالأوعية الدموية ممكن تكون ظاهرة من تحته وتدي المنطقة لون أزرق أو بنفسجي..

🌻. الحساسية
الحكة بتخليك تفركي عيونك باستمرار، و دة ممكن يعمل ليك التهاب ويدخلك في تصبغ..

وبالتالي الهالات تبقى أوضح..

🌻. شكل المنطقة تحت العين
أحيانًا السواد البنشوفو ما بكون تصبغ أصلًا، بكون ظل ناتج من انخفاض تحت العين، أو انتفاخ في شكل المنطقة..

🌻. قلة النوم والإرهاق
ممكن يخلوا الهالات تظهر أكتر، لكن ما شرط يكونوا السبب الأساسي ( و احنا حاصرين مشاكل الهالات كلها في السبب دة بس)..

عشان كدة، ما كل الهالات بتتعالج بنفس الطريقة.

لو المشكلة تصبغ، التعامل معاها حيكون مختلف يعني ممكن تستخدمي كريم مخصص للتصبغات في المنكقة دي + واقي شمس..

لكـن لو السبب التهاب مثلاً، فلازم تعالجي سبب الالتهاب أول..

يعني قبل ما تشتري أي كريم للهالات، حاولي تعرفي السبب شنو..

لأن الكريم المناسب لنوع معين من الهالات، ممكن ما يعمل فرق كبير مع نوع تاني ..

و منطقة العيون خطرة جدا جدا، ما ينفع نستعمل فيها كريم ساي بدون استشارة طبيب..

و الـحصل استخدمت منكم كريم هالات و نفع معاها، يا ريت ما تبخـل على باقي أخواتها في الكومنتات 🤍👇🏻

نتكلـم عن الهالات ؟..
04/10/2026

نتكلـم عن الهالات ؟..

وقفي أي زول في الشـارع أسأليهو، قولي ليهـو جلد الوزة حلّه شـنو؟ ح يقـول ليك يوريا 10% أو أكتـر ♡..+ تقشير لطيـف.. و ترطي...
03/10/2026

وقفي أي زول في الشـارع أسأليهو، قولي ليهـو جلد الوزة حلّه شـنو؟

ح يقـول ليك يوريا 10% أو أكتـر ♡..+ تقشير لطيـف..

و ترطيب كتيـر..

و ما تدعكـي و لا تفركـي..

يعنـي باختصـــــــار، كل ما تستحمـي، أو كل ما جسنك يلمـس الموية..

تمسحـي من كريم صمـغ اللبـان بتاع الجسـم، لأنو فيهو يوريـا 10% و لاكتيك 2% و زبدة شيا ♡..

يعني جمع ليك اليوريـا و التقشير و الترطيب مع بعض و وفّر ليكِ ♡..

لو استعمليتهو و جلـد الوزة ما خفّ، وقتهـا ممكن نكتب لي، ك معاهو مقشير زي الجليكوليـك..

لكـن جربـي و ما ح تحتـاجي بإذن الرحمـن ♡♡♡♡..

لحـدي الآن بتفتشي في منتجات رهيبة لي جسمك و ما لاقية صاح؟ كم و عشرين سنة و ما قـادرة ترسي على حاجة لسـة؟ 🌝هي ما بالكتـرة...
02/10/2026

لحـدي الآن بتفتشي في منتجات رهيبة لي جسمك و ما لاقية صاح؟

كم و عشرين سنة و ما قـادرة ترسي على حاجة لسـة؟ 🌝

هي ما بالكتـرة يا عشوشة، منتجيـن رهيبين ممكـن يغنـوك عن باقي المنتجـات كلها..

آي قصدي منتجين حرفيييياً..

سيروم الجسم بتاع العرديب، العرديب رهيييب رهييب للجسم و دي حاجة ما بتغالطوا فيها اتنين..

لكن ما براهو، معاهو أزاليك أسيد و دة بوحد اللون و الآثار 💚..

و المرطب الرهيب الخطير باليوريا 10% و زبـدة الشيـا و حمض اللاكتيـك 💚..

برطب ترطيب عميييييييق..

المنتجيـن ديل بالجددد ممكن يغنوكِ عن أي منتج تاني لي جسمك..

حافظي علـى لونك و البسي جونتات و انتي طالعة، اعملـي عروكة مرتيـن، ف الأسبوع..

و اتمس، حي بالسيروم و الكريـم ديل و أنسـي أي حاجـة تانية 💚💚💚..

تقريـبا كدة كلكم عارفين الجليكوليـك أسيد رهيب قدر شنـو 🙈💚.. رهابتو ما بخـتلفوا عليها اتنيـن.. احنـا بس عاوزيـن نوريـك لو...
01/10/2026

تقريـبا كدة كلكم عارفين الجليكوليـك أسيد رهيب قدر شنـو 🙈💚..

رهابتو ما بخـتلفوا عليها اتنيـن.. احنـا بس عاوزيـن نوريـك لو عندك منو عبـوة، ممكـن تستخـدميها في شنو 😅 خاصـة أنو زودنا التركيـز فيهو و عملناهو 7%

عدي معاي و ما تغلطـي

- طبـعاً أكيــد لتقشير الوش ( الآثـار و البقع)، و الرقبـة معاهو..

- و كمـــان الاندر ارم ( الإبط)، واظبي عليهو مع مرطب و شوفي الفرق براك بإذن الله♡..

- المفاصـل المعذباك و مجهجهاك..

- الركب و الأكـواع..

- بين الفخذيـن مع مرطب كويس..

- و ممكن تحطي منو في كريـم الجسـم بتااعك ♡..

حرفيـاً جوكـر يبنـات، و بشتغل علـى حاجـات كتيرة..

بنضضضف الجسم و بنزّل الجلـد الميّـت..

لازم لازم لازم يكـون في روتينـك ♡..

الليـلة ما ح نقول ليك اكتبي مهتمة ف الكومنتات، ح نخت ليـك رقم الطلب على طول لأنو الجلايكوليك معروف سلفـاً ♡..

كل ما تكبـري يا عشوشـة، جسمك ما بقـدر يصنّـع كولاجين زي الأوّل.. و الخلايـا برضو ما بتتجـدّد زي الأوّل.. دة غيـر أنو خلا...
30/09/2026

كل ما تكبـري يا عشوشـة، جسمك ما بقـدر يصنّـع كولاجين زي الأوّل..

و الخلايـا برضو ما بتتجـدّد زي الأوّل..

دة غيـر أنو خلاص وشـك تعب من الشمـس و الغبـار و السخانة..

بتظهـر ليك شوييـة خطوط على حبببـة تجاعيد كدة..

فـ لمـن انتي تستعملـي كريـم أو سيروم فيهو رتنول، البحصـل شنو؟

قالـوا أنو بحفـز الجسـم يصنّـع الكولاجين، و كمان بسـرّع تجديـد الخلايـا..

لكـن محتاج زمن، مااا تستعجلي، من أسابيع لي شهـور..

تبديـهو تدريجيّـاً و تزوّدي شويـة شويـة كل مرة..

نقط من سيـروم اكسير الجمال على وشـك و هو ناشف باللـيل..

مع واقـي الشـمس بالصبـاح، ح يعملـوا يغيير واضـح بإذن الله 🤍..

لو عنـدك تجاعيـد أو خطوط بدت تظهـر ليك في بشرتك..

وريـني نوع بشرتـك ف الكومنتـات، أوريك تبدي بي كم مرة ف الأسبوع 💚👇🏻

الفي الـصورة دي ما تصبغات عاديـة، دي حاجـة اسمها [ أوكرو - نوزيز Ochronosis].. دي تصبـغات شبه دائمة بتحصـل لمـن تستخـدم...
29/09/2026

الفي الـصورة دي ما تصبغات عاديـة، دي حاجـة اسمها [ أوكرو - نوزيز Ochronosis]..

دي تصبـغات شبه دائمة بتحصـل لمـن تستخـدمي منتجـات تفتيـح فيها هيدروكينـون تركيـزو عالي، أو لفتـرة طويلـة..

لونـها ممكن يكـون أسود/ بنـي رمادي/ أزرق / رمادي
و غالبـا بتظهـر في الوش..

و هي عبـارة عن مادة صبغية بتترسـب في طبقـات الجلـد العميقة، و علاجـها صعب جـداً جـداً..

الحاجـة المخيفـة، أنـو ما الا تستسخـدمي تراكيـز عالية من الهيدروكينون عشان تظهـر ليكي..

لالالالالا حتتتى التراكيـز العاديـة ( 4%) لو استخدمتيـها فترة طويلـة ممكن تعمل ليـك الأكرونوزيز..

غالبـاً بتظهـر في الخدين، الجبهـة، حوليـن الفم، حول العيـون..

بتشبه التصبـغات العاديـة أو الكـلف ( عشـان كدة في البدايـة صعـب تعرفيها بسهولة و تعالجيـها).. بكن بتختلف منها إنو اللون مائل للأزرق أو الرمادي + ملمس البشرة بيكون سميك وخشن

للأسـف ممكن تستمـر معاك حتـى لو وقفتي الكريـم المعيـن دة..

و للأسـف غاالبـاً بتقـاوم العلاج و ما بتتعالـج بسهولة

بتبقـى أقرب للمرض المزمـن.. الما بـروح نهائي

فـ هل العنـدك دي تصبـغات عاديـة؟ و لا أكرونوزيز؟

و هل يا عشوشـة في الحيـاة، ما يستحـق أنو تشوّهي نفسـك عشانـه؟؟؟

علاج التصـبغات بيتـم في خطوتيـن..[ أخيـراً اتكلمنـا عنهم 😁].. 🌼. الأولـى : ترميـملانو حاجـز البشـرة غالباً بقى هلكـان،...
28/09/2026

علاج التصـبغات بيتـم في خطوتيـن..[ أخيـراً اتكلمنـا عنهم 😁]..

🌼. الأولـى : ترميـم
لانو حاجـز البشـرة غالباً بقى هلكـان، خاصـة لو كان السبب كريم حـار و ما معروف..

_ نوقف الكريـم الحار أول حاجـة، و نحاول نوقـف أي كريـم بنستخـدمه، و المقشـرات و الاكرتيـن و غيـرو ..

_ نستخـدم صابونـة طبية ما فيهـا ريحة..
[ البنـات البستخـدمو غسولنـا بتاع صمـغ اللبان، ممكن يواصلوا فيهو عادي..
لكن البستخـدموت غسـول العرديب، يستبدلـوه عشـان فيهو نسبـة تقشـير بسيطـة]..

_ تستخـدمي كريم ترطيب و ترميـم [ كريمـات السيكـا، البانثينـول و البيبانثيـن، أو اسألي الصيدلـي من كريم ترميـم مناسـب]..

يعنـي توقفي الكريم + صابونـة طبيـة + كريـم ترميـم

🌼. الخطـوة التانيـة : العلاج نفسـو

بعد الجلـد اتعافـى خلاص، ممكن تبـدي
_ بمقشـرات الألفـا و البيتـا هيدروكسـي
_ و الريتينويـدات زي الأكرتيـن أو الماربليـن و غيرهم..

_ الأزاليـك أسيد و النياسينمايـد برضو ممكن تدخليهـم إذا ميزانيتـك بتسمـح♡..

_ مواد التفتيـح زي الهيدروكينـون ما بتستخـدميها إلا باستشارة الطبيـب ♡..

🌼. في حاجـة لااااازم و حتـماً و لابد إنك تستخدميهـا في كل المراحـل دي، ألا و هي واقـي الشمس

لازم لازم لازم، لأنو خطـوة أساسية جداً جداً جداً في علاج التصبـغات..

و آخـر حاجة عايـزة أقولها أنو خطوة الترميـم بتختلـف من زول للتانـي، ممكن تحتاجيهـا و ممكن ما تحتاجيـها، حسـب راي الدكتـور..

كمـان المقشـرات و الريتينويـدات ما تستخدميـهم مع بعض، عندهـم طريقة استخـدام معينـ، برضـو الدكتـور أو الصيدلـي ح يوريـك ليها ♡..

فلـو انتي بتعاني فعليّـاً من التصبغـات، و بالجـد عايزة تبـدي رحلـة العلاج.. و مستعـدة نفسيّـاً و ماديّـاً..

اتواصلـ/ي مع الصيدلانيـة د. هاجـر يحيـى ح تمشي معاكـم خطـوة بخطـوة، و ح تدلك للعلاج المناسـب لحالتك..

سـواء من منتجات هـاي ناتشـورالـز أو غيره، [ و الاستشـارة مجانيـة بالتأكيـد]..

و لـو بتعرفي زول تعـب من التصبغـات تاقيـهو برضو في البوسـت دة♡..

للتواصـل مع الدكتـورة https://wa.me/249990262611

Address

Cairo

Telephone

+249990262611

Website

Alerts

Be the first to know and let us send you an email when HY Naturals posts news and promotions. Your email address will not be used for any other purpose, and you can unsubscribe at any time.

Shortcuts

Share