Debark General Hospital

16/10/2026

የደባርቅ ጠቅላላ ሆስፒታል የህክምና አገልግሎት ጥራትን ለማሻሻል ያለሙ ሁለት የQuality Improvement ፕሮጀክቶችን አስተወወቀ።
(​ደባርቅ 6/2/18)
በደባርቅ ጠቅላላ ሆስፒታል የኳሊቲ ዲፓርትመንት አስተባባሪነት የህክምና አገልግሎት አሰጣጥን ይበልጥ ለማቀላጠፍና ጥራቱን ለማሳደግ ያለሙ ሁለት የጥራት ማሻሻያ (Quality Improvement) ፕሮጀክቶች ተቀርፀው ለውይይት ቀረቡ።
​በመድረኩ ላይ የቀረቡት ፕሮጀክቶች በዋናነት በሆስፒታሉ የሜዲካል ዋርድ (የተኝቶ ህክምና) እና በእናቶች ህክምና ክፍል አገልግሎት አሰጣጥ ላይ ትኩረት ያደረጉ ናቸው።
​በዚህም መሰረት ​በተኝቶ ህክምና ክፍል፡ የሜዲካል ዋርድ አስተባባሪው አቶ አራጋው ሳልዬ የተኝቶ ህክምና የሚከታተሉ ታካሚዎችን የምኝታ ቆይታ ማሳጠር የሚያስችልና አገልግሎቱን ህመምተኛ ተኮር የሚያደርግ የጥራት ማሻሻያ ፕሮጀክት አቅርበዋል።
​በእናቶች ህክምና ክፍል፡ የእናቶች ህክምና አገልግሎት ኦፊሰሩ አቶ ጌታው ጤና ወላድ እናቶች እንደወለዱ ወዲያውኑ የቤተሰብ ምጣኔ አገልግሎት የሚያገኙበትን፤ በተለይም የረዥም ጊዜ የእርግዝና መከላከያ ዘዴዎችን በስፋት እንዲጠቀሙ የሚያስችል ፕሮጀክት አቅርበዋል።
​የመድረኩ አስተባባሪና የኳሊቲ ዲፓርትመንት ኃላፊ አቶ ደምሴ አዳሙ በቀረቡት ፕሮጀክቶች ላይ በሰጡት አስተያየት፤ የቀረቡት የጥራት ማሻሻያ ሀሳቦች በተግባር ላይ ሲውሉ የጎላ ለውጥ የሚያመጡ መሆናቸውን ጠቅሰው፣ ፕሮጀክቶቹ በተቀመጠላቸው የድርጊት መርሃ ግብርና የጊዜ ሰሌዳ መሰረት በጥብቅ እንዲፈፀሙ አሳስበዋል። የመድረኩ ተሳታፊዎች ገንቢ አስተያየቶችን ሰጥተዋል።
​የደባርቅ ጠቅላላ ሆስፒታል ዋና ስራ አስኪያጅ አቶ አለአምላክ ተስፋ በበኩላቸው፤ የቀረቡት ፕሮጀክቶች የታካሚዎችን እንግልቶና የእናቶችን ሞት የሚቀንሱና በርካታ ክፍተቶችን የሚሞሉ ችግር ፈች ስራዎች መሆናቸውን ገልፀዋል። አክለውም ፕሮጀክቶቹ ሙሉ በሙሉ ተተግብረው ግባቸውን እንዲመቱ ሆስፒታሉ አስፈላጊውን ድጋፍ ሁሉ የሚያደርግ መሆኑንና ለባለሙያዎችም አስፈላጊው ስልጠና እንደሚሰጥ አረጋግጠዋል።

16/10/2026

15/10/2026

"እኛ የምንረካው ህዝባችን ጥራት ያለው የህክምና አገልግሎት ሲያገኝ ነው። ደባርቅ ጠቅላላ ሆስፒታል ከጊዜ ወደ ጊዜ እየተሻሻለ ለለውጥ እየሰራ ያለ ሆስፒታል ነው። ከዚህ በላይ በመስራት የህዝባችንን የጤና አገልግሎት በፍትሃዊነት ተደራሽ ለማድረግ፣ በተሻለ ጥራት ለማገልገል መስራት አለብን።" የደባርቅ ጠቅላላ ሆስፒታል ስራ አመራር ቦርድ ዋና ሰብሳቢ አቶ ደጀን ግርማው።
የደባርቅ ጠቅላላ ሆስፒታል ስራ አመራር ቦርድ የ2019 ዓ.ም የመጀመሪያው ሩብ ዓመት መደበኛ ስብሰባውን በዛሬው ዕለት አካሂዷል።
ስብሰባውን የሆስፒታሉ ዋና ስራ አስኪያጅ አቶ አለአምላክ ተስፋ የቦርድ አባላትን የእንኳን ደህና መጣችሁ መልዕክት አስተላልፈዋል።
የዞኑ ጤና መምሪያ አቶ በቀለ ይትባርክ ስለሆስፒታሉ የአገልግሎት ተልዕኮ አብራርተው የሆስፒታሉ ቦርድ ከዚህ ተልዕኮው አንፃር ተግባሩን እንዲወጣ ስብሰባውን በይፋ እንዲከፍቱ በአዲስ የተሰየሙትን የቦርዱን ዋና ሰብሳቢ እና የሰ/ጎንደር ዞን ዋና አስተዳዳሪ አቶ ደጀን ግርማው ን የጋበዙ ሲሆን የቦርዱ ዋና ሰብሳቢ ሆስፒታሉ ለሰሜን ጎንደር ህዝብ እየሰጠ ያለውን ሰፊ አገልግሎት ጠቅሰው ይህን የህይወት አድን ተልዕኮውን እንዲያሳካ የሁሉም ባለድርሻ አካላት ሰፊ እገዛ እንደሚፈልግ አብራርተው የሆስፒታሉን አገልግሎት አሰጣጥ ለማዘመን የሆስፒታሉ ቦርድ ትልቅ ድርሻ ስላለው ቦርዱ ወቅቱን ጠብቆ ውይይት እያደረገ የሆስፒታሉን ስራ ማሳለጥ እና ችግሮችን መፍታት እንዳለበት ገልፀው የዕለቱን ስብሰባ በይፋ ከፍተዋል።
የሆስፒታሉ ዋና ስራ አስኪያጅ አቶ አለአምላክ ለቦርዱ አባላትና ለተሰብሳቢዎች የቦርዱን TOR፣ ተግባርና ኃላፊነት አቅርበው፣ የሆስፒታሉን ዕቅድ አፈፃፀም ሪፖርት በማቅረብ የ2019 በጀት ዓመት ጥቅል በጀት በቦርዱ እንዲፀድቅ አቅርበዋል።
የቦርዱ ዋና ሰብሳቢ አቶ ደጀን ግርማው እና ም/ሰብሳቢው አቶ ጌትነት ፀጋዬ ተሰብሳቢዎችን አወያይተዋል።
ከተሰብሳቢዎች ተቋሙን የሚቀይሩ የተለያዩ ሐሳቦች፣ አስተያየቶች እና ጥያቄዎች የተነሱ ሲሆን ከስራ አስኪያጁና ከቦርዱ ሰብሳቢዎች ሰፊ ማብራሪያና የስራ አቅጣጫ ሰጥተዋል።
በመጨረሻም ቦርዱ የ2018 በጀት ዓመት ስራ አፈፃፀምን በማፅደቅ፣ የ2019 በጀት ዓመትን የበጀት ዕቅድ በማፅደቅ ውይይቱ ተቋጭቷል።

15/10/2026

የደባርቅ ጠቅላላ ሆስፒታል ስራ አመራር ቦርድ በደባርቅ ጠቅላላ ሆስፒታል ውስጥ አገልግሎት እየሰጠ የሚገኘውን የአንድ ማዕከል አገልግሎት One Stop Center ን አገልግሎት አሰጣጡን እና አደረጃጀቱን በአካል ተገኝተው ጎበኙ።
የሆስፒታሉ ስራ አመራር ቦርድ በሰብሳቢው የሰ/ጎንደር ዞን ዋና አስተዳዳሪ በሆኑት በክቡር አቶ ደጀን ግርማው እየተመራ በሆስፒታሉ ዋና ስራ አስኪያጅ አስጎብኝነት የሆስፒታሉ ማኔጅመንት አባላት በተገኙበት የአንድ ማዕከል አገልግሎት One Stop Center ን አገልግሎትን ጎብኝተዋል። ማዕከሉ በ2018 በጀት ዓመት ከ118 በላይ ፆታዊ ጥቃት የደረሰባቸውን ሴቶችን አገልግሎት የሰጠ መሆኑን የሆስፒታሉ ዋና ስራ አስኪያጅ አቶ አለአምላክ ተስፋ ገልፀዋል።

15/10/2026

የደባርቅ ጠቅላላ ሆስፒታል ስራ አመራር ቦርድ የ2019 ዓ.ም የመጀመሪያው ሩብ ዓመት መደበኛ ስብሰባውን እያካሄደ ነው።

የሆስፒታሉ ስራ አመራር ቦርድ በሰብሳቢው የሰ/ጎንደር ዞን ዋና አስተዳዳሪ በሆኑት በክቡር አቶ ደጀን ግርማው እየተመራ በሆስፒታሉ ዋና ስራ አስኪያጅ አስጎብኝነት ሙሉ ሆስፒታሉን የጎበኙ ሲሆን በተለይም ሆስፒታሉ ከደባርቅ ዩንቨርስቲ Debark University /ደባርቅ ዩኒቨርሲቲ/official ጋር በመተባበር እየሰራቸው ያለውን የዲጅታላይዜሽ ስራ፣ ለደባርቅ ጠቅላላ ሆስፒታል የተፈቀደለትን የ CT Scan ማሽን ስራ የሚጀምርበት ግንባታ ጨረር እንዳያሳልፍ በጡብ ድንጋይ የደባርቅ ዩንቨርስቲ እያሰራው የሚገኘው ግንባታ ጉብኝት ተደርጎበታል። በዚህ ዩንቨርሲቲው እና ሆስፒታሉ ተቀራርበው በመስራት ሆስፒታሉን ዲጂታላይዝድ ለማድረግ እና የ CT Scan ምርመራ ለማስጀመር እየተሰራ ያለው ግንባታ የህዝባችንን የዘመናት ጥያቄ የሚመልስ መሆኑ በሆስፒታሉ የማኔጅመንት አባላትና በቦርዱ አባለት የተገለፀ ሲሆን ለዚህ በጎ ተግባሩ የደባርቅ ዩንቨርስቲ ትልቅ ምስጋና ቀርቦለታል።

ለዩንቨርስቲው ፕሬዚዳንት ዶክተር አስማማው ዘገዬ፣ ም/ፕሬዚዳንት ዶክተር ጋሻው ግስሙ፣ ም/ፕሬዚዳንት ዶክተር አንተነህ አግዘው እና ለዩንቨርስቲው የማኔጅመንት አባላት የደባርቅ ሆስፒታልን ጥያቄ ተቀብለው ሆስፒታሉን ለመለወጥ እና የማህበረሰቡን የ CT Scan ምርመራ አገልግሎት ማግኘት የዘመናት ጥያቄ ምላሽ እንዲያገኝ ዩንቨርሲቲው በማህበረሰብ አገልግሎት ሆስፒታሉን አካቶ ለወሰነው ወርቃማ ውሳኔ በሆስፒታሉ እና በተገልጋዩ ማህበረሰብ ስም ምስጋና እናቀርባለን።

15/10/2026

የቅጥር ማስታወቂያ
ለሜዲካል ራዲዮሎጂ ቴክኖሎጂ ፕሮፌሽናል

15/10/2026

ኢሞሪ ዩንቨርስቲ ከጎንደር ዩንቨርስቲ ሆስፒታል ጋር በመተባበር የተዘጋጀ የህክምና የድጋፍ ቡድን በደባርቅ ጠቅላላ ሆስፒታል በመገኘት በእናቶችና የጨቅላ ህፃናት፣ ባዮሜዲካል፣ DHIS2 ዳታ ትራክ እና በህክምና ጥራት ቁጥጥር ላይ መሰረት ያደረገ ድጋፋዊ ግብኝት ሰጥተዋል።
የድጋፍ ቡድኑ በማዋለጃ፣ በጨቅላ ህፃናት፣ በህክምና መሳሪያዎች ጥገና ማዕከል፣ በጤና መረጃ፣ በህክምና ጥራትና ቁጥጥር ክፍሎች ከሚሰሩ ሙያተኞች ጋር እየተሰሩ ያሉ ስራዎችን በማየት ጥሩ እየተሰሩ ያሉት ተጠናክረው እንዲቀጥሉ፣ መሻሻል የሚገባቸው እንዲስተካከሉ ምክረ ሐሳብ ሰጥተዋል። በመጨረሻም የሚመለከታቸው ባለሙያዎች እና ኃላፊዎች በተገኙበት ጥቅል የድጋፍ ሪፖርትና ግብረ መልስ አቅርበዋል።
የድጋፍ ቡድኑ በደባርቅ ጠቅላላ ሆስፒታል ውስጥ አገልግሎት እየሰጠ የሚገኘውን የአንድ ማዕከል አገልግሎት ONE STOP CENTER በመጎብኘት እየተሰጠ ባለው አገልግሎት እና ማዕከሉ የተደራጀበትን መንገድ አድንቀዋል።

11/10/2026

የአማራ ብሔራዊ ክልላዊ መንግስት ጤና ቢሮ ሃላፊ የተከበሩ አቶ አብዱልከሪም መንግስቱ በደብረ ብርሃን ከተማ እየተካሄደ በሚገኘው የ2018 ዓ/ም የዜጎች የክረምት የበጎ ፈቃድ አገልግሎት ማጠናቀቂያ እና የ2019 ዓ/ም የበጋ የበጎ ፈቃድ አገልግሎት ማስጀመሪያ መርሐ ግብር ላይ ተገኝተው ካስተላለፉት መልዕክት በጥቂቱ፦

** የበጎ ፈቃድ ስራ ማለት ያለውን ማካፈል ብቻ ሳይሆን፣ ጊዜን፣ እውቀትን እና ጉልበትን ለዜጎችና ለሀገር ግንባታ ማዋል ጭምር ነው። በጋራ ጥረታችን ትላልቅ ማህበራዊ እና ኢኮኖሚያዊ ፈተናዎችን መሻገር እንችላለን።

** አንድ ማህበረሰብ ሊያድግ እና ሊበለጽግ የሚችለው በመንግሥት እና በመደበኛ የሥራ መዋቅር ብቻ ሳይሆን፣ በእያንዳንዳችን ቅን ልቦና እና የበጎ ፈቃድ አገልግሎት ጭምር ነው።

** በጎ ፈቃደኝነት የጊዜ፣ የዕውቀት እና የጉልበት ስጦታ ብቻ አይደለም፤ ይልቁንም የሰው ልጅ ለወገኑ ያለው ፍቅር ማሳያ እና የደግነት መግለጫ ነው።

** ሀገር የምትገነባውና ማህበረሰባችን የሚለወጠው ዜጎች ለወገናቸው ሲደርሱና እርስ በርስ ሲደጋገፉ ነው።

** የበጎ ፈቃድ አገልግሎት የህብረተሰባችንን ትስስር የሚያጠናክር፣ ችግሮችን በህብረት እንድንፈታ የሚያስችለን ታላቅ እሴታችን ነው።

** ዛሬም እንደ ትናንቱ ችግር ውስጥ ያሉ ወገኖቻችንን ለመደገፍ፣ አካባቢያችንን ለመንከባከብ እና አብሮነታችንን ለማጠናከር የበጎ ፈቃድ ማዕበልን መቀላቀል የሁላችንም ኃላፊነት ነው።

** ዛሬ የተሰበሰብነው ስለ መደበኛ የሥራችን ብቻ ለመወያየት አይደለም፤ ይልቁንም ከሥራችን ባሻገር ለማህበረሰባችን በበጎ ፈቃደኝነት ስለምናበረክተው አሻራ ለመነጋገር ነው።

** እኛም በቢሯችን ደረጃ ያለንን እውቀት፣ ልምድ እና ጉልበት በማስተባበር ለማህበረሰባችን አወንታዊ ለውጥ ለማምጣት ትልቅ ኃላፊነት እና ወደ ስራ ገብተናል ።

** በመሆኑም በሚቀጥሉት የበጋ ወራቶች በሚካሄደው የበጎ ፈቃድ አገልግሎት መርሃ-ግብር ላይ ሁላችሁም በንቃት እንድትሳተፉ እና ሙያዊ እንዲሁም ግላዊ አስተዋጽኦችሁን እንድታበረክቱ ጥሪዬን አስተላልፋለሁ።

** አንድ ሆነን የምናደርገው ትንሽ በጎ ሥራ፣ የብዙዎችን ሕይወት መቀየር እና የተሻለች ነገን መገንባት ይችላል!

** በጎ ፈቃደኝነት ለራስ እርካታ፣ ለወገን ድጋፍ ነው! ዛሬውኑ የበጎ ፈቃድ አገልግሎት ተካፋይ በመሆን ማህበራዊ ኃላፊነታችንን እንወጣ!

09/10/2026

የደባርቅ ጠቅላላ ሆስፒታል የመስከረም ወር የሥራ አፈጻጸም ግምገማ አካሄደ
29/01/19 ደባርቅ
የደባርቅ ጠቅላላ ሆስፒታል የአገልግሎት አሰጣጡን ጥራት ለማረጋገጥና ተቋማዊ አሰራሩን ለማጠናከር የሚያስችለውን ወርሃዊ የሥራ አፈጻጸም ግምገማ (PMT) የስራ ክፍል አስተባባሪዎች እና ሙያተኞች በተገኙበት አካሂዷል።
​በመድረኩ ላይ የቀረበው የመስከረም ወር የሥራ ሪፖርት በአቶ ሐዋርያት ማሙዬ የቀረበ ሲሆን ​ሪፖርቱን መነሻ በማድረግ የሆስፒታሉ ዋና ሥራ አስኪያጅ አቶ አለአምላክ ተስፋ እና ሜዲካል ዳይሬክተሩ ዶክተር ፍቃዴ አማረ ከሙያተኞችና ከክፍል ኃላፊዎች ጋር ሰፊ ውይይት አድርገዋል። በውይይቱ ወቅትም በወሩ ውስጥ የታዩ ጠንካራ አፈፃፀም ያላቸው ተግባራት ተጠናክረው እንዲቀጥሉና በግምገማው የታዩ ደካማ አፈጻጸሞች ደግሞ በምን መልኩ መታረም እንዳለባቸው የጋራ መግባባት ላይ ተደርሷል።
​የመድረኩ ተሳታፊዎች በበኩላቸው በሥራ ሂደት ላይ የሚያጋጥሟቸውን ተግዳሮቶች በማንሳት ጥያቄዎችንና የመፍትሔ ሐሳቦችን ያቀረቡ ሲሆን፣ ለአስተያየቶቹም በአወያዮቹ በኩል ዝርዝር ምላሽና ማብራሪያ ተሰጥቷል።
​በመጨረሻም የሆስፒታሉ አመራሮች በቀጣይ የሥራ ጊዜያት የህክምና አገልግሎቱን ይበልጥ ቀልጣፋና ተደራሽ ለማድረግ የሚያስችሉ ግልጽ የሥራ አቅጣጫዎችን በማስቀመጥ መርሃ ግብሩን አጠናቀዋል።