What are the opening hours?

Monday 10am - 5pm Tuesday 10am - 5pm Wednesday 10am - 5pm Thursday 10am - 5pm Friday 10am - 5pm Saturday 10am - 5pm

http://www.arogyakeralam.gov.in/

National Health Mission Alappuzha, Kottaram Building, Genaral Hospital Compound, Alleppey (2026)

17/10/2026

കാൻസർ, ലെപ്രസി, എയ്‌ഡ്‌സ്‌ രോഗികൾക്കുള്ള
പ്രതിമാസ പെൻഷൻ 1000 രൂപയിൽ നിന്ന് 2000 രൂപയായി വർധിപ്പിച്ചു.

17/10/2026

വള്ളിക്കുന്നം ഫാമിലി ഹെൽത്ത് സെന്ററിൽ സംഘടിപ്പിച്ച ഹാഫ് ബർത്ത് ഡേ പരിപാടി ബ്ലോക്ക് മെഡിക്കൽ ഓഫീസർ ഡോ. ആനന്ദ് ഉദ്ഘാടനം ചെയ്തു. ഡോ. ലൈജു (DPM), പഞ്ചായത്ത് പ്രസിഡന്റ്, വൈസ് പ്രസിഡന്റ്ആരോഗ്യകമ്മിറ്റി സ്റ്റാൻഡിങ് ചെയർമാൻ എന്നിവർ ചടങ്ങിൽ പങ്കെടുത്തു.

23 കുഞ്ഞുങ്ങളും അമ്മമാരും പരിപാടിയിൽ പങ്കെടുത്തു. അമ്മമാർക്ക് പൂരകാഹാരത്തെക്കുറിച്ച് ബോധവത്കരണ ക്ലാസ് നൽകി. കുഞ്ഞുങ്ങളുടെ വളർച്ച, വികാസം, ശരീര അളവുകൾ, പ്രതിരോധ കുത്തിവയ്പ്പുകളുടെ നില എന്നിവ വിലയിരുത്തി സമഗ്ര ആരോഗ്യ പരിശോധന നടത്തി.ആരോഗ്യപ്രവർത്തകർ തയ്യാറാക്കിയ പോഷകാഹാര ബോധവത്കരണ ചാർട്ടുകളും പോഷകസമൃദ്ധമായ ഭക്ഷണങ്ങളുടെ പ്രദർശനവും പരിപാടിയുടെ ഭാഗമായി സംഘടിപ്പിച്ചു.

16/10/2026

ഉണ്ണിയൂട്ട്. .FHC വള്ളികുന്നം

അരവയസ്സിൻ്റെ ആഘോഷം....അറിവിൻ്റെ ആഘോഷമാക്കുന്നു...

2 വയസ്സുവരെ മുലയൂട്ടൽ തുടരുക, പൂരകാഹാരം നൽകുമ്പോൾ ശ്രദ്ധിക്കേണ്ട ശുചിത്വശീലങ്ങൾ, പോഷകസമ്പുഷ്ടമാക്കു ന്നതിനുള്ള മാർഗ്ഗങ്ങൾ, കുഞ്ഞിൻ്റെ വളർച്ചയും വികാസവും...ഇവയെക്കുറിച്ച് അമ്മമാർക്ക് അവബോധം നൽകുന്ന ഉണ്ണിയൂട്ട് .

14/10/2026

സന്തോഷത്തോടെ പഠിക്കട്ടെ....

കുട്ടികളുടെ മാനസികാരോഗ്യം സുരക്ഷിതമാക്കി, കുട്ടിക്ക് പരമാവധി എത്തിച്ചേരാൻ കഴിയുന്ന പഠന മികവ്/പഠനം നേട്ടം സാധ്യമാക്കാൻ പരിശ്രമിക്കുമ്പോൾ മാനസികാരോഗ്യം നിലനിർത്താനും മെച്ചപ്പെടാനുമുള്ള ചുറ്റുപാടുകൾ നമ്മൾ ഉറപ്പാക്കേണ്ടതുണ്ട്. പഠന പ്രവർത്തനങ്ങളുമായി ബന്ധപ്പെട്ട് മാനസികാരോഗ്യം ഉറപ്പാക്കുന്നതിൽ അധ്യാപകർക്കും രക്ഷിതാക്കൾക്കും സഹപാഠികൾക്കും ചുറ്റുപാടുകൾക്കും പങ്കുണ്ട്.

രക്ഷിതാക്കളുടെ സ്വാധീനത്തെ കുറിച്ച് പരാമർശിക്കുന്ന പോസ്റ്ററുകൾ ഉൾക്കൊള്ളിക്കുന്നു .

14/10/2026

സ്കൂൾ വിദ്യാർത്ഥികളുടെ മാനസികാരോഗ്യ സംരക്ഷണത്തിന് സംസ്ഥാന വ്യാപകമായി നടപ്പാക്കുന്ന 'സന്തോഷമായി പഠിക്കാം' ക്യാമ്പയിൻ ജില്ലയിൽ നടപ്പാക്കുന്നതുമായി ബന്ധപ്പെട്ട് ആലോചനയോഗം കലക്ടറേറ്റിൽ ചേർന്നു.

സംസ്ഥാന ആരോഗ്യ കുടുംബ ക്ഷേമ വകുപ്പ് മന്ത്രിയുടെ നേതൃത്വത്തിൽ നടപ്പാക്കുന്ന ക്യാമ്പയിൻ ആരോഗ്യം, വനിത ശിശുക്ഷേമ, വിദ്യാഭ്യാസ വകുപ്പുകൾക്കൊപ്പം കുടുംബശ്രീയും ഇതര സ്ഥാപനങ്ങളും ചേർന്ന് സംയുക്തമായാണ് നടപ്പാക്കുന്നത്. സർക്കാർ സ്കൂളുകളാണ് മുഖ്യ ഗുണഭോക്താക്കൾ. പദ്ധതിയുടെ രണ്ടാംഘട്ടത്തിൽ സ്വകാര്യ സ്കൂളുകളെയും ഉൾപ്പെടുത്തും. ആത്മഹത്യ പ്രവണത, അക്കാദമിക് സമ്മർദ്ദം, ലഹരിവിപത്ത് എന്നിവ ചെറുക്കുന്നതോടൊപ്പം വിദ്യാർത്ഥികൾക്ക് മാനസിക പിന്തുണ ഉറപ്പാക്കാനും പദ്ധതി ലക്ഷ്യമിടുന്നു. ജില്ലയിലെ വിവിധ ആരോഗ്യ സംവിധാനങ്ങളുടെ മാനസികാരോഗ്യ പദ്ധതികൾ ഇതിനായി ഒറ്റ കുടക്കീഴിൽ കൊണ്ടുവരും.

ജില്ലയിൽ പദ്ധതിയുടെ ആദ്യ ഘട്ടമെന്ന നിലയിൽ 11 വിദ്യാഭ്യാസ ഉപജില്ലകളിലും സ്കൂൾ അധ്യാപകർക്കായി വെബിനാർ സംഘടിപ്പിക്കും. 14 മുതൽ 17 വരെയാണ് വെബിനാറുകൾ സംഘടിപ്പിക്കുന്നത്. തുടർന്ന് ഓരോ ഉപവിദ്യാഭ്യാസ ജില്ലയിലും വിവിധ പദ്ധതികളുടെ ഭാഗമായി പ്രവർത്തിക്കുന്ന കൗൺസിലർമാർ, അധ്യാപകർ എന്നിവർക്കായി പ്രത്യേക പരിശീലനം ഒരുക്കും. പ്രവർത്തന ഏകോപനത്തിന് ഉപവിദ്യാഭ്യാസ ജില്ലാതലത്തിൽ വാട്സ്ആപ്പ് ഗ്രൂപ്പുകൾ രൂപീകരിക്കും. കുട്ടികൾക്ക് മാനസിക പിന്തുണ ഉറപ്പാക്കാൻ സ്കൂളുകളിൽ മെന്റൽ ഹെൽത്ത് ക്ലബ് രൂപീകരിക്കും. വിവിധ കൗൺസിലർമാരുടെ പ്രവർത്തന അവലോകനത്തിനും സ്കൂൾ തലങ്ങളിൽ പദ്ധതി വിപുലീകരണത്തിനും പിടിഎ യോഗങ്ങൾ നിശ്ചിത ഇടവേളകളിൽ സംഘടിപ്പിക്കണം. ആരോഗ്യവകുപ്പിൽ നിന്ന് മാനസികാരോഗ്യ വിദഗ്ധരുടെ സേവനവും ഉറപ്പാക്കും. കുട്ടികളുടെ മാനസികാരോഗ്യം മെച്ചപ്പെടുത്താനുള്ള പ്രവർത്തനങ്ങളിൽ രക്ഷിതാക്കളുടെ പങ്കാളിത്തം ഉറപ്പാക്കാൻ കുടുംബശ്രീയുടെ കമ്മ്യൂണിറ്റി കോർഡിനേറ്റർമാരുടെ സേവനം പ്രയോജനപ്പെടുത്താനും യോഗത്തിൽ തീരുമാനമായി.
എഡിഎം സി പ്രേംജി യോഗത്തിൽ അധ്യക്ഷനായി.
ഡെപ്യൂട്ടി ജില്ലാ മെഡിക്കൽ ഓഫീസർ കെ അനൂപ്, വിവിധ വകുപ്പുകളിലെ ഉദ്യോഗസ്ഥർ തുടങ്ങിയവർ പങ്കെടുത്തു.

13/10/2026

"സന്തോഷത്തോടെ പഠിക്കാം"

വിദ്യാർത്ഥികളുടെ മാനസികാരോഗ്യം ഉറപ്പാക്കാനായി കേരള സർക്കാരും ആരോഗ്യവകുപ്പും ചേർന്ന് ഒക്ടോബർ 12 മുതൽ 17 വരെ സ്കൂൾതലത്തിൽ മാസികാരോഗ്യം ഉറപ്പാക്കുന്ന തരത്തിൽ കൗൺസിലിംഗും വിവിധ പ്രവർത്തനങ്ങളും സംഘടിപ്പിക്കുന്നു...

കുഞ്ഞുമനസ്സുകൾ പതറാതെ നോക്കാം സന്തോഷവും സൗഹൃദവും ആത്മവിശ്വാസവും പഠനത്തിനൊപ്പം വളർത്താം.....

12/10/2026

*സന്തോഷത്തോടെ പഠിക്കാം* വിദ്യാർത്ഥികളുടെ മാനസികാരോഗ്യത്തിന് സംസ്ഥാനവ്യാപക ക്യാമ്പയിൻ

_ഒക്ടോബർ 12 മുതൽ 17 വരെ സർക്കാർ സ്കൂളുകളിൽ ബോധവത്കരണവും കൗൺസലിംഗും_

വിദ്യാർത്ഥികളുടെ മാനസികാരോഗ്യസംരക്ഷണത്തിനും സന്തോഷകരമായ പഠനാന്തരീക്ഷം ഒരുക്കുന്നതിനുമായി “സന്തോഷത്തോടെ പഠിക്കാം” എന്ന പേരിൽ സംസ്ഥാനവ്യാപക ബോധവത്കരണ ക്യാമ്പയിൻ സംഘടിപ്പികുന്നു. വിദ്യാഭ്യാസ വകുപ്പിന്റെ സഹകരണത്തോടെ ലോക മാനസികാരോഗ്യദിനാചരണത്തിന്റെ ഭാഗമായി ഒക്ടോബർ 12 മുതൽ 17 വരെ സംസ്ഥാനത്തെ സർക്കാർ സ്കൂളുകളിലും സർക്കാർ നിയന്ത്രണത്തിലുള്ള വിദ്യാഭ്യാസ സ്ഥാപനങ്ങളിലുമാണ് വിവിധ പരിപാടികൾ സംഘടിപ്പിക്കുന്നത്.

പഠനസമ്മർദ്ദം, പരീക്ഷാഭയം, ഉത്കണ്ഠ, ഒറ്റപ്പെടൽ തുടങ്ങിയ മാനസിക വെല്ലുവിളികൾ നേരിടുന്ന വിദ്യാർത്ഥികളെ നേരത്തെ തിരിച്ചറിഞ്ഞ് ആവശ്യമായ കൗൺസലിംഗും മാനസികാരോഗ്യ പിന്തുണയും തുടർപരിചരണവും ലഭ്യമാക്കുന്നതിനാണ് ക്യാമ്പയിനിൽ പ്രത്യേക പ്രാധാന്യം നൽകും.

വിദ്യാർത്ഥികൾക്കായി ബോധവത്കരണ ക്ലാസുകൾ, സംവാദങ്ങൾ, കൗൺസലിംഗ് സെഷനുകൾ, സർഗാത്മക പ്രവർത്തനങ്ങൾ എന്നിവ സംഘടിപ്പിക്കും. കുട്ടികളുടെ മാനസികാരോഗ്യം സംരക്ഷിക്കുന്നതിൽ അധ്യാപകരുടെയും രക്ഷിതാക്കളുടെയും പങ്ക് സംബന്ധിച്ചും പ്രത്യേക ബോധവത്കരണം നൽകും.

വിദ്യാർത്ഥികളെ ലഹരിയുടെ പിടിയിൽപ്പെടുന്നതിൽ നിന്ന് രക്ഷിക്കുന്നതിനും ലഹരി ഉപയോഗത്തിന്റെ ദൂഷ്യഫലങ്ങളെക്കുറിച്ച് ബോധവത്കരിക്കുന്നതിനും പ്രത്യേക പരിപാടികൾ സംഘടിപ്പിക്കും. തെറ്റായ കൂട്ടുകെട്ടുകളിലേക്കും വഴിതെറ്റിക്കുന്ന സാഹചര്യങ്ങളിലേക്കും കുട്ടികൾ എത്തിപ്പെടുന്നത് തടയുന്നതിനായി ആവശ്യമായ മാർഗനിർദേശവും കൗൺസലിംഗ് പിന്തുണയും ഉറപ്പാക്കും..

ഭിന്നശേഷി വിദ്യാർത്ഥികളുടെ പ്രത്യേക മാനസികാരോഗ്യ ആവശ്യങ്ങൾ പരിഗണിച്ച് അവർക്ക് അനുയോജ്യമായ മാനസികാരോഗ്യ പിന്തുണ, കൗൺസലിംഗ്, ബോധവത്കരണ പ്രവർത്തനങ്ങൾ എന്നിവ ഉറപ്പാക്കും.

മാനസികാരോഗ്യവുമായി ബന്ധപ്പെട്ട തെറ്റിദ്ധാരണകളും അപമാനബോധവും കുറയ്ക്കുന്നതിനായി വിദ്യാർത്ഥികൾ, അധ്യാപകർ, രക്ഷിതാക്കൾ എന്നിവരുടെ സജീവ പങ്കാളിത്തത്തോടെ ബോധവത്കരണ സന്ദേശങ്ങൾ പ്രചരിപ്പിക്കും.

National Health Mission Alappuzha

17/10/2026

17/10/2026

16/10/2026

14/10/2026

14/10/2026

13/10/2026

12/10/2026

Address

Opening Hours

Telephone

Website

Alerts

Contact The Business

Shortcuts

Share

Category

Listing takedown request

Monday	10am - 5pm
Tuesday	10am - 5pm
Wednesday	10am - 5pm
Thursday	10am - 5pm
Friday	10am - 5pm
Saturday	10am - 5pm