11/10/2026
অসমৰ লোক-সংস্কৃতিৰ অন্যতম অংগ বিয়ানামৰ সংৰক্ষণ আৰু প্ৰসাৰৰ উদ্দেশ্যেৰে আজি নলবাৰীৰ বৰাজৰাৰ বাসন্তীখোলাত এখন সুন্দৰ বিয়ানাম প্ৰতিযোগিতাৰ আয়োজন কৰা হয়। এই গাম্ভীৰ্যপূৰ্ণ অনুষ্ঠানটিত বিশিষ্ট অতিথি হিচাপে আমন্ত্ৰণ জনোৱা হৈছিল সন্মানীয় ড° স্বাগতা বৈশ্য মেমক। অনুষ্ঠানস্থলীত উপস্থিত হোৱাৰ লগে লগে তেখেতক আয়োজক সমিতি আৰু ৰাইজৰ তৰফৰ পৰা উষ্ম আদৰণি আৰু বিশেষভাৱে সম্বৰ্ধনা জ্ঞাপন কৰা হয়। পৰৱৰ্তী সময়ত তেখেতে বিয়ানামৰ তাৎপৰ্য আৰু অসমীয়া সমাজ জীৱনত ইয়াৰ প্ৰভাৱ সম্পৰ্কে এক অতি সুন্দৰ আৰু মনোগ্ৰাহী ভাষণ প্ৰদান কৰে। তেখেতে নিজৰ ভাষণত আমাৰ নৱপ্ৰজন্মৰ মাজত নিজৰ লোক-সংস্কৃতি, পৰম্পৰা আৰু শিপাডাল জীয়াই ৰখাৰ লগতে ইয়াক সংৰক্ষণ কৰাৰ ক্ষেত্ৰত আমাৰ সকলোৰে যি দায়িত্ব আছে, সেই বিষয়ে বিশেষভাৱে সোঁৱৰাই দিয়ে। তেখেতৰ এই প্ৰেৰণাদায়ক উপস্থিতিয়ে আজিৰ অনুষ্ঠানটিৰ সৌন্দৰ্য আৰু অধিক বৃদ্ধি কৰে।
