28/10/2026
ਚੋਰੀ ਤਾਂ ਰਾਤ ਦੇ ਹਨੇਰੇ 'ਚ ਹੁੰਦੀ ਹੈ, ਪਰ ਜੋ ਮਾਨਸਾ ਵਿੱਚ ਭੰਮਾ ਵਾਲੇ ਮਾਮਲੇ 'ਚ ਹੋਇਆ, ਉਹ ਪੁਲਿਸ ਮੁਲਾਜ਼ਮਾਂ ਵੱਲੋਂ ਦਿਨ-ਦਿਹਾੜੇ ਮਾਰਿਆ ਗਿਆ ਡਾਕਾ ਹੈ!
ਇਹ ਕੋਈ ਮਾਨਸਾ ਜਾਂ ਭੰਮਾ ਵਿੱਚ ਪਹਿਲੀ ਘਟਨਾ ਨਹੀਂ ਹੈ। ਇਸ ਤੋਂ ਪਹਿਲਾਂ ਵੀ ਇਹਨਾਂ ਨੇ ਸਮਨਦੀਪ ਨੂੰ 'ਲਾਵਾਰਸ' ਕਹਿ ਕੇ ਫੂਕਿਆ, ਫਿਰ ਗੁਲਜ਼ਾਰ ਨੂੰ 'ਲਾਵਾਰਸ' ਦੱਸ ਕੇ ਫੂਕ ਦਿੱਤਾ ਅਤੇ ਅੱਜ ਵੀ ਇਹ ਉਹੀ ਕਾਰਾ ਕਰਨ ਚੱਲੇ ਸਨ!
ਜੋ ਤਸਵੀਰਾਂ ਅਤੇ ਵੀਡੀਓਜ਼ ਸਾਹਮਣੇ ਆਈਆਂ ਹਨ, ਉਨ੍ਹਾਂ ਵਿੱਚ ਸਾਫ਼ ਦਿਸ ਰਿਹਾ ਹੈ ਕਿ ਕਿਵੇਂ ਮੁਲਾਜ਼ਮ ਸਾਡੇ ਮੁੰਡਿਆਂ ਦੀਆਂ ਵੱਖੀਆਂ ਵਿੱਚ ਧੱਕੇ ਨਾਲ ਡੰਡੇ ਮਾਰ ਰਹੇ ਹਨ ਅਤੇ ਖਿੱਚ-ਖਿੱਚ ਕੇ ਲੈ ਕੇ ਜਾ ਰਹੇ ਹਨ। ਇਨ੍ਹਾਂ ਮੁਲਾਜ਼ਮਾਂ ਦੀਆਂ ਫੋਟੋਆਂ ਵੱਧ ਤੋਂ ਵੱਧ ਵਾਇਰਲ ਹੋਣੀਆਂ ਚਾਹੀਦੀਆਂ ਹਨ, ਤਾਂ ਜੋ ਇਨ੍ਹਾਂ ਨੂੰ ਥੋੜ੍ਹੀ ਬਹੁਤ ਸ਼ਰਮ ਆਵੇ।
ਅਸੀਂ ਅਕਸਰ ਕਹਿ ਦਿੰਦੇ ਹਾਂ ਕਿ "ਇਹ ਵੀ ਸਾਡੇ ਘਰਾਂ ਦੇ ਹੀ ਮੁੰਡੇ ਨੇ", ਪਰ ਇਹ ਕਾਹਦੇ ਸਾਡੇ ਘਰਾਂ ਦੇ ਨੇ? ਜੇ ਸਾਡੇ ਆਪਣੇ ਹੁੰਦੇ, ਤਾਂ ਕੀ ਸਾਡੇ ਹੀ ਧੀਆਂ-ਪੁੱਤਾਂ ਨਾਲ ਇਸ ਤਰ੍ਹਾਂ ਕੁੱਟਮਾਰ ਕਰਦੇ? ਸਾਡਾ ਹੀ ਨਮਕ ਖਾ ਕੇ ਉੱਥੇ ਹੀ ਹਰਾਮ ਕਰਦੇ ਨੇ। ਇਹ ਸਰਕਾਰਾਂ ਦੇ ਇੰਨੇ ਗੁਲਾਮ ਬਣ ਚੁੱਕੇ ਨੇ।
ਬਹੁਤ ਚੰਗਾ ਕੀਤਾ ਜੋ ਅੱਜ ਮਾਨਸਾ ਧਰਨੇ ਦੇ ਵਿੱਚੋਂ ਇਨ੍ਹਾਂ ਨੂੰ ਸਾਫ਼ ਕਹਿ ਦਿੱਤਾ ਗਿਆ ਕਿ ਹੁਣ ਇਹ ਧਰਨੇ ਵਿੱਚੋਂ ਲੰਗਰ ਨਹੀਂ ਛਕਣਗੇ! ਇੰਨੇ ਦਿਨਾਂ ਤੋਂ ਉੱਥੇ ਹੀ ਢਿੱਡ ਭਰ ਕੇ, ਸਾਡੇ ਹੀ ਮੁੰਡਿਆਂ 'ਤੇ ਲਾਠੀਆਂ ਵਰ੍ਹਾ ਰਹੇ ਸਨ।
ਜਿਹੜੇ ਲੋਕ ਲਿਖ ਰਹੇ ਨੇ ਕਿ "ਲਾਸ਼ ਚੋਰੀ ਕੀਤੀ", ਉਹ ਸੁਧਾਰ ਕਰਨ—ਚੋਰੀ ਲੁਕ ਕੇ ਹੁੰਦੀ ਹੈ, ਜੋ ਸਰੇਆਮ ਗੁੰਡਾਗਰਦੀ ਨਾਲ ਕੀਤਾ ਜਾਵੇ, ਉਹ ਡਾਕਾ ਹੁੰਦਾ ਹੈ!
