31/07/2026
સુરસાગર ડેરી વઢવાણ કેટલફીડ પ્લાન્ટ, પાટડી (યુનિટ-3) ખાતે કર્મચારીશ્રી નન્નાભાઈ પી. કોળીપટેલનો ભાવભર્યો વિદાય સમારંભ
સુરસાગર ડેરી વઢવાણના કેટલફીડ પ્લાન્ટ, પાટડી (યુનિટ-3) ખાતે ફરજ બજાવતા કર્મચારીશ્રી નન્નાભાઈ પી. કોળીપટેલ આજરોજ તા. ૩૧-૦૭-૨૦૨૬ના રોજ વયમર્યાદાના કારણે નિવૃત્ત થતાં તેમના સન્માનમાં ભાવભર્યો વિદાય સમારંભ યોજાયો.શ્રી નન્નાભાઈ વર્ષ ૨૦૧૭થી સુરસાગર ડેરી પરિવાર સાથે જોડાયેલા હતા. આ પ્રસંગે તેમની દૂધ સંઘ સાથેની સેવાયાત્રાની અનેક સંસ્મરણોને તાજા કરવામાં આવ્યા હતા. ઉપસ્થિત સૌએ તેમની નિષ્ઠાપૂર્વકની સેવા, સમયપાલન, સરળ સ્વભાવ અને કાર્ય પ્રત્યેની સમર્પિત ભાવનાની પ્રશંસા કરી હતી.
આ કાર્યક્રમમાં દૂધ સંઘના માનનીય એમ.ડી.શ્રી ગુરદીતસિંઘ સાહેબ,વિવિધ વિભાગોના અધિકારીઓ તથા કર્મચારીઓ મોટી સંખ્યામાં ઉપસ્થિત રહ્યા હતા. સૌએ શ્રી નન્નાભાઈને શાલ અને સ્મૃતિચિહ્ન અર્પણ કરી સન્માનપૂર્વક વિદાય આપી તથા તેમના સ્વસ્થ, સુખમય અને આનંદમય નિવૃત્ત જીવન માટે હાર્દિક શુભેચ્છાઓ પાઠવી હતી.
