07/10/2026
هاوێنەی ترایفۆکاڵ Trifocal (سێ-دووری / عەدەسەی زیرەک)
یەکێکە لە پێشکەوتووترین و گرانبەهاترین جۆرەکانی هاوێنە (عەدەسە) کە دوای لابردنی ئاوی سپی لەناو چاودا دادەنرێت، لەناو خەڵکدا بە "عەدەسەی زیرەک" ناسراوە و باشترین بژاردەیە بۆ ئەو کەسانەی دەیانەوێت بەتەواوی لە چاویلکە ڕزگاریان بێت.
تایبەتمەندییە سەرەکییەکانی:
ڕوونی بینین: بینینێکی زۆر ڕوونت پێ دەبەخشێت بۆ سێ مەودای جیاواز؛ مەودای دوور (وەک شۆفێریکردن و تەلەفزیۆن)، مەودای مامناوەند (وەک کۆمپیوتەر و داشبۆردی ئۆتۆمبێل)، وە لە هەمووی گرنگتر مەودای نزیک (وەک سەیرکردنی مۆبایل، خوێندنەوەی کتێب و قورئان).
سەربەخۆیی تەواوەتی: تا ڕێژەیەکی زۆر بەرز (٩٠٪ بۆ ٩٥٪) لە ژیانی ڕۆژانەدا لە بەکارهێنانی هەموو جۆرە چاویلکەیەک (چاویلکەی دوور و چاویلکەی خوێندنەوە) ڕزگارت دەکات.
خاڵی لاواز (ئەوەی پێویستە بیزانیت):
بەهۆی ئەوەی ڕووناکی دابەش دەبێت بۆ سێ مەودای جیاواز، لەوانەیە لە کاتی شۆفێری شەواندا هەست بە (هالە - بڵاوبوونەوەی ڕووناکی) بکەیت لە دەوری گڵۆپی ئۆتۆمبێلەکانی بەرامبەرت، هەرچەندە دوای چەند مانگێک مێشک لەگەڵی ڕادێت. هەروەها ئەم عەدەسەیە مەرجە کە تۆڕەی چاوت سەدا سەد تەندروست بێت بۆ ئەوەی دابنرێت، وە تێچووەکەشی بەراورد بە جۆرەکانی تر زیاترە.
--
بۆ دیاریکردنی کاتی پشکنین و ڕاوێژی پسپۆڕی:
07700640606 / 07500640606
سلێمانی - شاری پزیشکی ئەنوەر شێخە - سەنتەری برایت ئای
