Somali ICU & ER Development Hub

Directions Website

Somali ICU & ER Development Hub Contact information, map and directions, contact form, opening hours, services, ratings, photos, videos and announcements from Somali ICU & ER Development Hub, Medical and health, Five star Road, Nairobi.

Himiladeena
Inaan kor u qaadno tayada iyo badbaadada adeegyada degdegga iyo daryeelka adag (ICU) ee Soomaaliya annagoo taageerayna kalkaaliyeyaasha iyo bahda caafimaadka ee badbaadiya nolosha bukaanada maalin kasta.

Alxamdulilah waxaa inoo gabagaboobay tababarkii koobnaa ee muhiimka ahaa kuna saabsanaa sida loo bad baadiyo loona ogaad...
30/09/2026

Alxamdulilah waxaa inoo gabagaboobay tababarkii koobnaa ee muhiimka ahaa kuna saabsanaa sida loo bad baadiyo loona ogaado bukaan xaalad adag galay, waxaana rajeynaa inaan wax badan kala faaidnay inta soo xaadirtay. Waxaana inoo soo socda tababaro kale oo muhiim ah inshalah.
Somali International University - SIU

Qibradaada waa inaad la wadaagtaa oo aad ku celisaa ardayda soo baxaysa, si loo hurimariyo adeegyada caafimaadka ee Soom...
27/09/2026

Qibradaada waa inaad la wadaagtaa oo aad ku celisaa ardayda soo baxaysa, si loo hurimariyo adeegyada caafimaadka ee Soomaaliya.

----------------📢 CILMI-BAARIS CUSUB📢------------------------Waxaan ku faraxsanahay inaan idinla wadaago maqaalkeyga cus...
11/09/2026

----------------📢 CILMI-BAARIS CUSUB📢------------------------
Waxaan ku faraxsanahay inaan idinla wadaago maqaalkeyga cusub ee lagu daabacay joornaalka Nursing: Research and Reviews.
Cinwaanka maqaalka:
Nurse Attrition and Health System Stability in Somalia: A Narrative Health Systems Commentary
Maqaalkani wuxuu ka hadlayaa ka-tagista xirfadda iyo shaqada kalkaaliyenimada iyo saameynta ay ku leedahay xasilloonida nidaamka caafimaadka Soomaaliya.
Maqaalka wuxuu muujinayaa:
Dhibaatada ugu weyn: Kalkaaliyeyaal badan waxay shaqada uga tagaan mushahar yar, shaqo aan degganayn, culays shaqo, amni-darro shaqo (Job security la'aan), iyo fursado horumarineed oo yar.
Sababta ay muhiim u tahay: Marka kalkaaliyeyaal badan shaqada ka tagaan, tayada iyo joogtaynta adeegyada caafimaadka way daciifaan.
Arrimaha kale ee saameeya: Nidaaminta xirfadda oo daciif ah, badbaadada goobta shaqada, shaqaalaha oo aan si siman uga howl galin miyiga iyo magaalooyinka, iyo hijrada dibadda (tahriibka).
Maaxa loo baahan yahay oo xal ah: Mushahar iyo shaqo-degganaansho wanaagsan leh, ilaalinta badbaadada kalkaaliyeyaasha, waddooyin cad oo shaqo-koboc iyo hurumarin ah, iyo dhiirrigelin lagu taageerayo shaqaalaha.
💡 Fariinta ugu weyn: Ka-tagista kalkaaliyenmadu ma aha oo keliya go’aan shaqsiyeed; waa arrin saameyn toos ah ku leh awoodda iyo xasilloonida nidaamka caafimaadka Soomaaliya.
📚 Joornaalka: Nursing: Research and Reviews
🌍 Wuxuu ku jiraa: Web of Science (WoS) — ESCI, Emerging Sources Citation Index
📊 JIF 2025: 1.8
🏅 Quartile: Q3
🔓 Nooca maqaalka: Open Access Commentary
✍️ Qoraaga: Abdishakur Mohamud Hassan Hidigow
🏥 Dr. Sumait Hospital & SIMAD University, Mogadishu, Somalia
DOI: 10.2147/NRR.S616039
📖 Maqaalka oo dhameystiran: https://doi.org/10.2147/NRR.S616039
Waxaan rajeynayaa in maqaalkani uu wax kusoo kordhiyo qeybna ka geysto doodda ku saabsan sida shaqada loogu hayn karo kalkaaliyeyaasha, loona xoojin karo shaqaalaha caafimaadka, loona dhisi karo nidaam caafimaad oo adag waddankeena Soomaaliya.
hospital See less

-----------------------📢 CILMI BAARIS CUSUB 📢---------------------------Waxaan ku faraxsanahay inaan idinla wadaago maqa...
04/09/2026

-----------------------📢 CILMI BAARIS CUSUB 📢---------------------------
Waxaan ku faraxsanahay inaan idinla wadaago maqaalkeyga cusub ee lagu daabacay joornaalka Critical Care ee Springer Nature.
Cinwaanka maqaalka:
The Missing Middle in War and Disaster Critical Care: Stabilization, Referral, and Hospital Pre-Alert in Conflict-Affected Somalia
Maqaalkani wuxuu diiradda saarayaa meel muhiim ah oo ka maqan daryeelka bukaanka halista ah ee xaaladaha dagaalka iyo masiibooyinka Soomaaliya: xasilinta bukaanka, gudbinta, iyo in isbitaalka horay loo sii wargeliyo ka hor inta uusan bukaanku imaan.

Si loo badbaadiyo bukaanka waa in la maraa tallaabooyinka cilmi baaristu soo jeedisay

Tallaabooyinka fudud ee daryeelka bukaanka goob kasta

1. Qiimee bukaanka
Si degdeg ah u hubi bukaanka oo ogaaw dhibaatada ugu weyn.
2. Xasili bukaanka
Sii daryeelka aasaasiga ah ee degdegga ah si xaaladdiisa loo xasiliyo.
3. Codso caawimaad
La xiriir isbitaalka ama xarunta gudbinta sida ugu dhaqsaha badan.
4. Diyaari gudbinta
Diyaari bukaanka, dukumentiyada, iyo gaadiidka si gudbintu u noqoto mid ammaan ah.
5. Isbitaalka horay u sii wargeli
U sheeg isbitaalka xaaladda bukaanka ka hor inta uusan imaan, si kooxda caafimaadku ugu sii diyaar garowdo.
💡 Fariinta ugu weyn: Bukaanka halista ah ma aha oo keliya in ambalaas lagu qaado. Waxaa muhiim ah in marka h**e la qiimeeyo, la xasiliyo, si ammaan ah loo gudbiyo, isla markaana isbitaalka horay loo sii wargeliyo. Tani waxay yareyn kartaa dib-u-dhaca daryeelka waxayna hagaajin kartaa badbaadada bukaanka.
📚 Joornaalka: Critical Care
📅 La daabacay: 27 August 2026
🔓 Open Access: Haa — maqaalka oo dhan waa bilaash
🏅 Quartile: Q1
📊 SJR 2025: 3
🌍 Indexed in: Web of Science iyo Scopus
📖 Collection: Critical Care in War and Disaster Areas
✍️ Qoraaga: Abdishakur Mohamud Hassan Hidigow
🏥 Dr. Sumait Hospital, SIMAD University, Mogadishu, Somalia
🔗 DOI: 10.1007/s13054-026-05245-0
📖 Maqaalka oo dhan: https://doi.org/10.1007/s13054-026-05245-0
Waxaan rajeynayaa in maqaalkaan uu gacan ka geysto horumarinta daryeelka degdegga ah iyo critical care-ka Soomaaliya, gaar ahaan xaaladaha dagaalka, masiibooyinka, iyo meelaha kheyraadku xaddidan yahay.

---------------------------------Cilmi-baaris Cusub-----------------------------Laga bilaabo Badbaadada ICU ilaa Soo-kab...
28/08/2026

---------------------------------Cilmi-baaris Cusub----------------------------
-
Laga bilaabo Badbaadada ICU ilaa Soo-kabashada: Qaab Daryeel Guri oo Kalkaaliso Hoggaaminayso, kuna Habboon Soomaaliya kadib Xanuun Halis ah
Waxaan ku faraxsanahay inaan idinla wadaago faalladayda cilmiyeed ee cusub, oo lagu daabacay Journal of Healthcare Leadership.
Dhibaatada: Bukaanno badan oo ICU-ga ka badbaada waxay guriga ku laabtaan iyagoo weli qaba tabar-darro, dhibaato neefsasho, baahi daawo, nafaqo-xumo, daryeel dhaawac, walbahaar, iyo dabagal caafimaad oo yar.
Xalka la soo jeediyay: Qaab fudud oo kalkaalisadu hoggaaminayso, kaas oo isku xira isbitaalka, kalkaaliyeyaasha, shaqaalaha caafimaadka bulshada, bukaanka, iyo qoyska.
Tallaabooyinka fudud ee qaabka:
Ka hor bixitaanka isbitaalka: Bukaanka waa la qiimeeyaa, qorshe daryeel guri ayaa loo diyaariyaa, qoyska-na waa la baraa.
Wicitaan h**e: Kalkaalisadu waxay bukaanka la xiriirtaa 48–72 saacadood gudahood si ay xaaladdiisa u hubiso.
Booqasho guri: Kalkaaliso ama shaqaale caafimaad bulsho ayaa booqan kara bukaanka marka loo baahdo.
Taageero joogto ah: Waxaa la sii wadaa dabagalka, wacyigelinta, taageerada daawooyinka, nafaqada, iyo xalinta dhibaatooyinka.
Gudbin haddii loo baahdo: Haddii calaamado halis ah ama dhibaato cusub la arko, bukaanka si degdeg ah ayaa loogu gudbiyaa xarun caafimaad ama isbitaal.
Maxay muhiim u tahay? Ka badbaadidda ICU-ga ma aha dhammaadka safarka. Bukaanku wuxuu sidoo kale u baahan yahay soo-kabasho ammaan ah kadib marka uu guriga ku laabto.
Ujeeddadu waa in daryeelka kadib ICU-ga laga dhigo mid fudud, la awoodi karo, la hirgelin karo, kuna habboon Soomaaliya iyo dalalka kale ee kheyraadkoodu yar yahay.
Joornaalka: Journal of Healthcare Leadership
Daabicid: Dove Medical Press Ltd oo qeyb ka ah Taylor & Francis Group
Nooca maqaalka: Commentary
Tayada: SJR 2025: 1.1 — Q1
Qoraaga: Abdishakur Mohamud Hassan Hidigow.
📖 Halkan ka Akhri Maqaalka oo Dhammeystiran — Waa Open Access:
DOI: 10.2147/JHL.S625931
Maqaalka oo dhan: https://doi.org/10.2147/JHL.S625931

Address

Five Star Road
Nairobi
59154

Website

,

Alerts

Be the first to know and let us send you an email when Somali ICU & ER Development Hub posts news and promotions. Your email address will not be used for any other purpose, and you can unsubscribe at any time.

Shortcuts

Share

Category