Health Science Institute of RCAF

Call Directions

Health Science Institute of RCAF Official page of Health Science Institute of R.C.A.F

វិទ្យាស្ថានវិទ្យាសាស្ត្រសុខាភិបាលកងយោធពលខេមរភូមិន្ទជាគ្រឹះស្ថានរបស់រដ្ឋដែលមាន បទពិសោធន៍គ្រាប់គ្រាន់ក្នុងការបណ្តុះបណ្តាលគ្រូពេទ្យព្យាបាលថែទាំវេជ្ជសាស្ត្រនិងឱសថការីចាប់តាំងពីឆ្នាំ១៩៧៩រហូតមក

នាយទាហាននៃវិទ្យាស្ថានវិទ្យាសាស្រ្តសុខាភិបាល ខ.ភ.ម ចូលរួមវគ្គបណ្តុះបណ្តាល «អ្នកវាយតម្លៃគុណភាពកម្មវិធី ADN» រៀបចំដោយក្រសួង...
25/10/2026

នាយទាហាននៃវិទ្យាស្ថានវិទ្យាសាស្រ្តសុខាភិបាល ខ.ភ.ម ចូលរួមវគ្គបណ្តុះបណ្តាល «អ្នកវាយតម្លៃគុណភាពកម្មវិធី ADN» រៀបចំដោយក្រសួងសុខាភិបាល និង GIZ
————————————

រាជធានីភ្នំពេញ៖ ចាប់ពីថ្ងៃទី១៩ ដល់ថ្ងៃទី២៣ ខែតុលា ឆ្នាំ២០២៦ នាយទាហានចំនួន ៣រូប តំណាងវិទ្យាស្ថានវិទ្យាសាស្ត្រសុខាភិបាល កងយោធពលខេមរភូមិន្ទ (វ.វ.ស.) ដែលដឹកនាំដោយឧត្តមសេនីយ៍ត្រី វេជ្ជបណ្ឌិតឯកទេស ឃឹម អូណែត នាយករងវិទ្យាស្ថាន បានចូលរួមវគ្គបណ្តុះបណ្តាលជា «អ្នកវាយតម្លៃគុណភាព (Surveyor)» សម្រាប់កម្មវិធីបណ្តុះបណ្តាលថ្នាក់បរិញ្ញាបត្ររងគិលានុបដ្ឋាក (ADN) នៅអគារសាយន្ត។

វគ្គបណ្តុះបណ្តាលនេះរៀបចំឡើងក្រោមកិច្ចសហប្រតិបត្តិការរវាងក្រសួងសុខាភិបាល និងអង្គការ GIZ ដោយមានសិក្ខាកាម មកពីគ្រឹះស្ថានបណ្តុះបណ្តាលវិទ្យាសាស្ត្រសុខាភិបាលសាធារណៈចំនួន ៦។ ក្រោមការបង្ហាត់បង្ហាញពីសាស្ត្រាចារ្យជំនាញជនជាតិឥណ្ឌូណេស៊ីចំនួន ២រូប សិក្ខាកាមបានពង្រឹងសមត្ថភាពលើការអនុវត្តវាយតម្លៃសាកល្បង (Mock-up assessment) និងការពិនិត្យភស្តុតាងស្របតាមស្តង់ដាក្រសួងសុខាភិបាល ដែលផ្អែកលើ ៩សូចនាករ និង ៥១សូចនាករគាំទ្រ សម្រាប់កំណត់ការទទួលស្គាល់គុណភាពជា ៣ កម្រិត (ពេញលេញ ៥ឆ្នាំ, បណ្តោះអាសន្ន ៣ឆ្នាំ និងកម្រិតបេក្ខភាព)។

បន្ទាប់ពីបញ្ចប់វគ្គទី១ នេះ សិក្ខាកាមទាំងអស់នឹងបន្តចូលរួមវគ្គទី២ ចាប់ពីថ្ងៃទី៣០ ខែវិច្ឆិកា ដល់ថ្ងៃទី៤ ខែធ្នូ ឆ្នាំ២០២៦ ដើម្បីចុះអនុវត្តការវាយតម្លៃផ្ទាល់ (On-site assessment) នៅតាមគ្រឹះស្ថានគោលដៅជាក់ស្តែង។

សកម្មភាពចុះកម្មសិក្សារបស់និស្សិតឱសថសាស្ត្រឆ្នាំទី២ ឆមាសទី២ តាមមន្ទីរពេទ្យនានា ស្របតាមកម្មវិធីសិក្សាថ្នាក់ជាតិថ្មី ។_____...
20/10/2026

សកម្មភាពចុះកម្មសិក្សារបស់និស្សិតឱសថសាស្ត្រឆ្នាំទី២ ឆមាសទី២ តាមមន្ទីរពេទ្យនានា ស្របតាមកម្មវិធីសិក្សាថ្នាក់ជាតិថ្មី ។
_________
ថ្ងៃអង្គារ ទី២០ ខែតុលា ឆ្នាំ២០២៦ ÷មហាវិទ្យាល័យឱសថសាស្ត្រ នៃវិទ្យាស្ថានវិទ្យាសាស្ត្រសុខាភិបាល ខ.ភ.ម. បានរៀបចំសកម្មភាពចុះកម្មសិក្សារបស់និស្សិតនៅតាមមន្ទីរពេទ្យនានា ដោយផ្តោតលើការអនុវត្ត និងការសិក្សាស្វែងយល់ក្នុងមុខវិជ្ជាមន្ទីរពិសោធន៍វេជ្ជសាស្ត្រសំខាន់ៗ ស្របតាមកម្មវិធីសិក្សាថ្នាក់ជាតិថ្មី។
🔬 មុខវិជ្ជាដែលផ្តោតក្នុងកម្មសិក្សា រួមមាន៖
▪️ Virology — វិទ្យាសាស្ត្រសិក្សាអំពីវីរុស
▪️ Parasitology — ប៉ារ៉ាស៊ីតវិទ្យា
▪️ Bacteriology — បាក់តេរីវិទ្យា
▪️ Microbiology — មីក្រូជីវវិទ្យា
▪️ Clinical Biochemistry (Biochimie clinique) — ជីវគីមីគ្លីនិក
▪️ Serology and Immunology — សេរ៉ូមវិទ្យា និងប្រព័ន្ធភាពស៊ាំវិទ្យា

តាមរយៈកម្មសិក្សានេះ និស្សិតទទួលបានឱកាសភ្ជាប់ចំណេះដឹងទ្រឹស្តីទៅនឹងការអនុវត្តជាក់ស្តែង ស្វែងយល់ពីគោលការណ៍នៃការធ្វើតេស្តមន្ទីរពិសោធន៍ ការវិភាគសំណាកជីវសាស្ត្រ ការយល់ដឹងអំពីភ្នាក់ងារបង្កជំងឺ និងការបកស្រាយលទ្ធផលតេស្តដែលពាក់ព័ន្ធនឹងការធ្វើរោគវិនិច្ឆ័យ។
បទពិសោធន៍ជាក់ស្តែងនេះរួមចំណែកដល់ការពង្រឹងចំណេះដឹង ជំនាញអនុវត្ត ការគិតវិភាគ ការអនុវត្តគោលការណ៍សុវត្ថិភាពជីវសាស្ត្រ និងការអភិវឌ្ឍសមត្ថភាពវិជ្ជាជីវៈរបស់និស្សិត ដើម្បីឆ្លើយតបទៅនឹងតម្រូវការនៃវិស័យសុខាភិបាល។

ជាចុងបញ្ចប់មហាវិទ្យាល័យឱសថសាស្ត្រ នៃវិទ្យាស្ថានវិទ្យាសាស្ត្រសុខាភិបាល ខ.ភ.ម. សូមថ្លែងអំណរគុណចំពោះថ្នាក់ដឹកនាំ និងក្រុមការងារមន្ទីរពេទ្យទាំងអស់ដែលបានសហការ និងគាំទ្រដល់ការបណ្តុះបណ្តាលធនធានមនុស្សក្នុងវិស័យសុខាភិបាល។

#មហាវិទ្យាល័យឱសថសាស្ត្រ #វិទ្យាស្ថានវិទ្យាសាស្ត្រសុខាភិបាលខភម #កម្មសិក្សាមន្ទីរពិសោធន៍

សូមបួងសួងដល់វត្ថុស័ក្តិសិទ្ធិក្នុងលោក តាមបីបាច់ថែរក្សា និងប្រសិទ្ធពរជ័យ សិរីមង្គល បវរមហាប្រសើរ ជូនចំពោះ សម្តេចមហាបវរធិបត...
20/10/2026

សូមបួងសួងដល់វត្ថុស័ក្តិសិទ្ធិក្នុងលោក តាមបីបាច់ថែរក្សា និងប្រសិទ្ធពរជ័យ សិរីមង្គល បវរមហាប្រសើរ ជូនចំពោះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា

ក្នុងឱកាសដ៏នក្ខត្តឫក្សចម្រើនជន្មាយុគម្រប់ ៤៩ឆ្នាំ ឈានចូល ៥០ឆ្នាំ

សូមគោរពជូនពរ សម្តេចមហាបវរធិបតី បានប្រកបដោយ សុខភាពល្អ បរិបូរណ៍ កម្លាំងពលំមាំមួន បញ្ញាញាណភ្លឺថ្លា អាយុយឺនយូរ ដើម្បីបន្តដឹកនាំ អភិវឌ្ឍន៍ប្រទេសជាតិ រក្សាការពារសន្តិភាព និងភាពសម្បូរសប្បាយ ក៏ ដូចជាបន្តបេសកកម្មដ៏ឧត្តុង្គឧត្តម ទទួលបានជោគជ័យ ត្រចះត្រចង់ថ្មីៗ បន្ថែមទៀត ជូនជាត មាតុភូមិ។

សូមគោរពជូនពរពី ឧត្តមសេនីយ៍ឯកសាស្ត្រាចារ្យ នឹម មាលា និងលោកជំទាវ ព្រមទាំងនាយនាហាន នាយទាហានរង ពលទាហាន នៃវិទ្យាស្ថានវិទ្យាសាស្ត្រសុខាភិបាល ខ.ភ.ម

បទបញ្ជាសម្រាប់បេក្ខជនប្រឡងថ្នាក់ជាតិចូលរៀនថ្នាក់ឆ្នាំសិក្សាមូលដ្ឋាន សម្រាប់កម្រិតបរិញ្ញាបត្រ និងថ្នាក់ឆ្នាំទី១ សម្រាប់កម...
20/10/2026

បទបញ្ជាសម្រាប់បេក្ខជនប្រឡងថ្នាក់ជាតិចូលរៀនថ្នាក់ឆ្នាំសិក្សាមូលដ្ឋាន សម្រាប់កម្រិតបរិញ្ញាបត្រ និងថ្នាក់ឆ្នាំទី១ សម្រាប់កម្រិតបរិញ្ញាបត្ររង នៅតាមគ្រឹះស្ថានបណ្តុះបណ្តាលក្នុងវិស័យសុខាភិបាល

សេចក្តីជូនដំណឹងបន្ថែមស្តីពីការផ្លាស់ប្តូរកាលបរិច្ឆេទនៃការប្រឡង និងការទទួលពាក្យនៃការប្រឡងថ្នាក់ជាតិ ចូលរៀន ថ្នាក់ឆ្នាំសិក...
20/10/2026

សេចក្តីជូនដំណឹងបន្ថែមស្តីពីការផ្លាស់ប្តូរកាលបរិច្ឆេទនៃការប្រឡង និងការទទួលពាក្យនៃការប្រឡងថ្នាក់ជាតិ ចូលរៀន ថ្នាក់ឆ្នាំសិក្សាមូលដ្ឋាន សម្រាប់កម្រិតបរិញ្ញាបត្រ និងថ្នាក់ឆ្នាំទី១ សម្រាប់កម្រិតបរិញ្ញាបត្ររង

នៅតាមគ្រឹះស្ថានបណ្តុះបណ្តាលវិស័យសុខាភិបាល ឆ្នាំសិក្សា ២០២៦-២០២៧

៙សាររំលែកទុក្ខគណៈគ្រប់គ្រងនៃវិទ្យាស្ថានវិទ្យាសាស្ត្រសុខាភិបាល ខ.ភ.ម សូមចូលរួមរំលែកទុក្ខដ៏ក្រៀមក្រំជាមួយក្រុមគ្រួសារនៃសពន...
19/10/2026

៙សាររំលែកទុក្ខ
គណៈគ្រប់គ្រងនៃវិទ្យាស្ថានវិទ្យាសាស្ត្រសុខាភិបាល ខ.ភ.ម សូមចូលរួមរំលែកទុក្ខដ៏ក្រៀមក្រំជាមួយក្រុមគ្រួសារនៃសពនិស្សិត កា ប៊ីឡា ជានិស្សិតថ្នាក់វេជ្ជសាស្ត្រជំនាន់ទី១២ ឆ្នាំទី៦ នៃវិទ្យាស្ថានវិទ្យាសាស្ត្រសុខាភិបាលនៃកងយោធពលខេមរភូមិន្ទ ដែលបានទទួលមរណភាពដោយគ្រោះថ្នាក់ចរាចរ កាលពីព្រឹកថ្ងៃអាទិត្យ ទី១៨ ខែតុលា ឆ្នាំ២០២៦ វេលាម៉ោង ៤:១០នាទី សូមវិញ្ញាណក្ខន្ធរបស់ប្អូនបានបដិសន្ធិក្នុងសុគតិភពកុំបីឃ្លៀងឃ្លាតឡើយ៕

វិទ្យាស្ថានវិទ្យាសាស្ត្រសុខាភិបាល ខ.ភ.ម

ព្រឹកថ្ងៃចន្ទ ៨កើត ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៩ ខែតុលា ឆ្នាំ២០២៦ នៅវិទ្យាស្ថានវិទ្យាសាស្រ្តសុខាភ...
19/10/2026

ព្រឹកថ្ងៃចន្ទ ៨កើត ខែអស្សុជ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៩ ខែតុលា ឆ្នាំ២០២៦ នៅវិទ្យាស្ថានវិទ្យាសាស្រ្តសុខាភិបាល ខ.ភ.ម រៀបចំពិធីគោរពទង់ជាតិ និងសំណេះសំណាល ជាមួយនាយទាហាន នាយទាហានរង និងពលទាហានទាំងអស់ ក្រោមអធិបតីដ៏ខ្ពង់ខ្ពស់របស់ ឯកឧត្តម ឧត្តមសេនីយ៍ឯកសាស្រ្តាចារ្យ នឹម មាលា នាយកវិទ្យាស្ថានវិទ្យាសាស្រ្តសុខាភិបាល ខ.ភ.ម។

✨ ពិធីការពារសារណាបញ្ចប់ការសិក្សារបស់និស្សិតថ្នាក់បរិញ្ញាបត្រគិលានុបដ្ឋាក ជំនាន់ទី១ ✨==========📍 ទីតាំង៖ វិទ្យាស្ថានវិទ្យ...
18/10/2026

✨ ពិធីការពារសារណាបញ្ចប់ការសិក្សារបស់និស្សិតថ្នាក់បរិញ្ញាបត្រគិលានុបដ្ឋាក ជំនាន់ទី១ ✨
==========
📍 ទីតាំង៖ វិទ្យាស្ថានវិទ្យាសាស្ត្រសុខាភិបាល ខ.ភ.ម (វ.វ.ស) — សាលសារណា (បន្ទប់តាមាន់តូច)
📅 កាលបរិច្ឆេទ៖ ព្រឹកថ្ងៃពុធ ទី១៤​ ខែតុលា​ ឆ្នាំ២០២៦​ មហាវិទ្យាល័យថែទាំវេជ្ជសាស្ត្រ-អមវេជ្ជសាស្ត្រ នៃវិទ្យាស្ថានវិទ្យាសាស្ត្រសុខាភិបាលកងយោធពលខេមរភូមិន្ទ បានរៀបចំកម្មវិធីការពារសារណាបញ្ចប់ការសិក្សាជូនដល់និស្សិតថ្នាក់បរិញ្ញាបត្រគិលានុបដ្ឋាក ជំនាន់ទី១ ចំនួន ០២ក្រុម។

🔎​ និស្សិតទាំង ២ក្រុម បានធ្វើការស្រាវជ្រាវ និងការពារលើប្រធានបទយ៉ាងមានសារៈសំខាន់ចំនួន២ផ្សេងៗគ្នារួមមាន៖
១. «ការសិក្សាពីចំណេះដឹង និងការប្រព្រឹត្តរបស់ប្រជាជនទាក់ទងនឹងជំងឺទឹកនោមផ្អែម នៅភូមិត្រពាំងអញ្ចាញ៦ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ឆ្នាំ២០២៥-២០២៦»។
២. «ការសិក្សាអំពីចំណេះដឹង និងការអនុវត្តរបស់ម្តាយពីរបៀបថែទាំ កុមារពេលមានក្តៅខ្លួន នៅមន្ទីរពេទ្យកុមារជាតិ​ ក្នុងឆ្នាំ២០២៥-២០២៦»។
📌​ គួរបញ្ជាក់ផងដែរថា សារណារបស់និស្សិតទាំង ២ក្រុមខាងលើ ត្រូវបានដឹកនាំ និងសម្របសម្រួលការរៀបចំដោយ លោកអនុបណ្ឌិត​ អាន​ ដាយុទ្ធ។ ក្នុងដំណើរការការពារសារណានេះ ក៏មានការអញ្ជើញចូលរួមពី លោកសាស្ត្រាចារ្យជំនួយ ចាន់ ថារិទ្ធ ជាប្រធានគណៈមេប្រយោគ និងលោកវេជ្ជបណ្ឌិតឯកទេស ឃឹម អូណែត ជាសមាជិកគណៈកម្មការ ដើម្បីពិនិត្យ វាយតម្លៃ និងផ្តល់អនុសាសន៍។
📌 ការធ្វើសារណាស្រាវជ្រាវ គឺជាលក្ខខណ្ឌតម្រូវដ៏ចាំបាច់បំផុតនៅក្នុងកម្មវិធីសិក្សារបស់ក្រសួងសុខាភិបាល សម្រាប់និស្សិតថ្នាក់បរិញ្ញាបត្រគ្រប់រូប ក្នុងការបញ្ចប់ការសិក្សាដោយជោគជ័យ ក៏ដូចជាទទួលបានសិទ្ធិអនុញ្ញាតចូលរួមក្នុងការប្រឡងបញ្ចប់ការសិក្សាថ្នាក់ជាតិ។
សូមជូនពរប្អូនៗនិស្សិតទាំងអស់ ទទួលបានលទ្ធផលជោគជ័យជ័យដ៏ត្រចះត្រចង់ និងក្លាយជាគិលានុបដ្ឋាកដ៏មានសមត្ថភាព និងគុណធម៌ ក្នុងការបម្រើសេវាសុខាភិបាលជូនប្រជាពលរដ្ឋកម្ពុជា។

14/10/2026

គណ:កម្មាធិការប្រឡងថ្នាក់ជាតិសម្រេច លើកពេលប្រឡងបរិញ្ញាប័ត្រទៅថ្ងៃទី7-8 ខែវិច្ឆិកា ឆ្នាំ2026 វិញ និងការប្រឡងបរិញ្ញាប័ត្ររងទៅថ្ងៃទី19-20 ខែធ្នូ ឆ្នាំ2026 វិញ។

08/10/2026

កម្មវិធីប្រកួតប្រជែងវីដេអូ វ.វ.ស. ឆ្នាំ២០២៦ វគ្គផ្តាច់ព្រ័ត្រ

Address

National Road No 3, Kraing Daun Tey Village, Sangkat Chomchao, Khan Por Sen Chey
Phnom Penh
855

Telephone

+855316465777

Website

Alerts

Be the first to know and let us send you an email when Health Science Institute of RCAF posts news and promotions. Your email address will not be used for any other purpose, and you can unsubscribe at any time.

Shortcuts

Share