Faten fawaz

Home
Lebanon
Beirut
Faten fawaz

Call Directions Website Contact the business

Contact information, map and directions, contact form, opening hours, services, ratings, photos, videos and announcements from Faten fawaz, Nutritionist, Beirut.

Faten Fawaz | Weight Loss | تخسيس 20 كيلو 🔥
بساعد النساء 24–54 ينزلوا +20kg دهون بدون حرمان
🍽️ نظام بيعالج الجوع، النهم، وكسر ثبات الوزن
🏆 18 سنة خبرة | +100,000 تحوّل حقيقي

30/10/2026

حل واحد للكل مستحيل 😌

29/10/2026

يمكن أصعب علاقة منشتغل عليها بحياتنا هي علاقتنا مع حالنا.

وهيدا بالضبط جزء كبير من الشغل اللي منعمله سوا بمجتمع Stronger Her.

لأنه الموضوع مش بس وزن، ولا بس أكل، ولا حتى عادات صحية.

الموضوع كمان كيف منشوف حالنا، كيف منحكي مع حالنا، وليش أوقات منربط قيمتنا بشكل جسمنا أو بإنجازاتنا أو بموافقة الآخرين علينا.

وأنا كمان بعدني عم بشتغل على حالي بهالمواضيع.
وعم بتعلّم، متلكن تماماً.

لأنه فينا نحب حالنا اليوم، ونختار نتغيّر بنفس الوقت. ❤️

مين كمان بيعرف هالإحساس؟

27/10/2026

أنا أخصائية تغذية من أكتر من 18 سنة... بس آخر شي بدي أعطيكي ياه هو دايت جديد!

لأنه بعد كل هالسنين، اكتشفت إن السؤال مش بس «شو عم تاكلي؟»

السؤال كمان: ليش بتاكلي وإنت مش جوعانة؟ ليش كل مرة بتبلشي وبتوقفي؟ وليش بتعرفي شو لازم تعملي، بس مش عم تقدري تكمّلي؟

أكيد الأكل مهم لخسارة الوزن. بس إذا ما اشتغلنا على العادات والمشاعر والأفكار اللي عم ترجعك كل مرة لنفس النقطة، شو رح يغيّر جدول أكل جديد؟

أنا ما بدي إنك تلتزمي معي 3 أشهر وبعدين ترجعي من أول وجديد.

بدي تفهمي جسمك، تثقي بحالك، وتتعلمي كيف تعتني بنفسك حتى بالأيام اللي مش كل شي فيها Perfect.

وهيدا أساس Stronger Her Method ❤️

مش بس نغيّر شو بتاكلي... نغيّر الطريقة اللي عم تعيشي فيها علاقتك مع الأكل وجسمك.

إذا عندك 15–20 كيلو أو أكتر بدك تخسريهن، وجاهزة تشتغلي على تغيير حقيقي من الداخل للخارج، قدّمي على Stronger Her عبر الdm.

26/10/2026

كم مرة بعد بدك تخسري نفس الـ20 كيلو؟

كل مرة بتبلشي دايت جديد، بتنزلّي شوي، وبترجعي لنفس النقطة... أو حتى لوزن أعلى.

وكل مرة بتقولي: هالمرة رح التزم أكتر.

بس يمكن مش ناقصك التزام أكتر.
يمكن ناقصك طريقة مختلفة.

بعد أكتر من 18 سنة كأخصائية تغذية، بعرف إن المشكلة مش دايما بنقص المعلومات أو الإرادة.

لأن خسارة الوزن مش بس شو بتاكلي.
هي كمان كيف بتتعاملي مع الجوع، الـCravings، التوتر، والعادات اللي بترجعك كل مرة لنفس النقطة.

لهيك عملت Stronger Her Method 💪

برنامج متابعة لمدة 6 أشهر، منشتغل فيه على خسارة الدهون، الحفاظ على العضلات، وتغيير علاقتك مع الأكل، من دون حرمان أو عد سعرات.

إذا عندك 15–20 كيلو أو أكتر بدك تخسريهن، وتعبتي من إنك ترجعي تبلشي من الصفر، وجاهزة تستثمري بحالك وتشتغلي على تغيير حقيقي...

اكتبي STRONGER بالتعليقات، وببعتلك التفاصيل لنشوف إذا البرنامج مناسب إلك.

22/10/2026

صار عمرك فوق الـ40، وفجأة الدهون قررت تستقر بمنطقة البطن؟ 😅

مش بالضرورة لأنك عم تاكلي أكتر! التغيرات الهرمونية، خسارة الكتلة العضلية، والتوتر ممكن يلعبوا دور.

إذا بدك تعرفي كيف تهتمي بجسمك بعد الـ35، اكتبي 40 بالتعليقات ليوصلك دليل الـ35+ مجاناً.

وكمان فتحنا الـPriority List لمجموعة نوفمبر من Stronger Her Method للنساء اللي جاهزات يشتغلوا على تغيير حقيقي ومستدام.

15/10/2026

أنا شاطرة بشغلي، بس definitely مش شاطرة بكل شي 😂
وبعمر 41، صرت مرتاحة أكتر إني اعترف بهالشي.
مش لازم نكون perfect بكل شي.
وبصراحة، أوقات بضحك على حالي من قلبي 😂
يلا خبريني، شو الشغلة اللي إنت فاشلة فيها فشل ذريع؟
بدي إقرأ اعترافاتكن 😂

13/10/2026

بعرف شو لازم آكل... بس ما عم بقدر التزم."

كم مرة قلتي هالجملة؟

بعد أكتر من 18 سنة بشغلي كأخصائية تغذية، صرت شوف إنه كتير نساء مش ناقصهن معلومات عن الأكل.

بيعرفوا شو هو البروتين، وشو الأكل المتوازن، وأهمية الحركة.

بس بين المعرفة والتطبيق، في حياة كاملة.

في تعب، ضغط، جوع، عادات قديمة، وأوقات علاقة مع الأكل مبنية على سنين من الحرمان.

وإذا كل مرة ما قدرتي تكملي، رجعتي لمتي حالك وبلشتي دايت أقسى، يمكن عم تعيدي نفس الدوامة.

خسارة الوزن مش بس إنك تعرفي شو تاكلي.

هي كمان إنك تتعلمي كيف تطبقي هالمعرفة بحياتك الحقيقية، حتى بالأيام اللي مش كل شي فيها ماشي متل ما بدك.

خبريني، شو أصعب شي بالنسبة إلك؟

إنك تعرفي شو لازم تعملي؟ أو إنك تقدري تكملي فيه؟

Follow me إذا بدك تخسري وزن من دون دايت وحرمان 🤍

11/10/2026

أول شي بعمله لما فوت عبيت ماما؟ بفتح البراد 😂

حتى لو مش جعانة.

بس فكرت قديه علاقتنا بالأكل مرتبطة بطفولتنا وببيوت أهلنا.

قديه ذكريات عنا حوالين السفرة، طبخة ماما، الحلويات، واللمة.

ومن نحنا وصغار، ممكن نكون تعلمنا نربط الأكل بالحب، بالاهتمام، بالمكافأة، وبالراحة.

ويمكن كرمال هيك، أوقات منلاقي حالنا عم ناكل أكتر ببيت أهلنا، حتى لو مش جعانين جسديا.

مش بالضرورة لأننا فقدنا السيطرة، بل لأن هالمكان بيحرّك فينا عادات وذكريات ومشاعر قديمة.

وأكيد مش كل أكل للمتعة هو emotional eating أو مشكلة لازم نصلحها.

بس إذا عم تلاحظي إنك بتاكلي تلقائيا من دون ما تنتبهي، جربي تسألي حالك: شو عم دور عليه هلأ؟

لأنه أوقات، حتى نغيّر علاقتنا بالأكل، بدنا نفهم من وين بلشت.

خبريني، إنت كمان أول ما بتفوتي عبيت أهلك بتفتحي البراد؟ 😂

09/10/2026

3 شغلات مستحيل إعملهن قبل غدا العيلة:

1. ما بجوّع حالي من الصبح
ما بوقف ترويقة كرمال وفّر للغدا. باكل طبيعي وبوصل عالغدا وأنا جعانة جوع طبيعي، مش ميتة من الجوع.

2. ما بقرر من قبل شو ممنوع عليي آكل
باكل بوعي، وببلش بالبروتين وبحرص آخد كمية كافية منه، بعدين باكل النشويات اللي بحبها وبستمتع فيها. وإذا في حلو، باكله بعد الوجبة.

ما في أكل ممنوع، بس في طريقة باكل فيها بتساعدني أشبع واستمتع بنفس الوقت.

3. ما بحضّر خطة تعويض لتاني نهار
ما في صيام إجباري، ولا رياضة عقاب، ولا حرمان يوم التنين. برجع لروتيني الطبيعي.

بعد أكتر من 18 سنة كأخصائية تغذية، تعلمت شغلة:

غدا العيلة مش هو اللي بيخرب خسارة الوزن. العادات اللي منعملها قبله وبعده هي اللي ممكن تصعّب علينا الطريق.

Follow me إذا بدك تخسري وزن بدون dieting أو restriction 🤍

09/10/2026

أنا بحسد نور ستارز... بس مش للسبب اللي ممكن تفكري فيه.

بحب الثقة اللي بتبين بحضورها، وجرأتها إنها تلبس وتتصور وتعيش حياتها من دون ما تخبي جسمها.

وبتعرفوا شو كمان؟

تعبنا من فكرة إن كل امرأة لازم تكون نحيفة كتير حتى تكون حلوة.

الجسم المليان حلو كمان. والجسم النحيف حلو.

مش كلنا لازم نوصل لنفس الشكل، ولا لازم نعتبر أجسام المشاهير هي المقياس اللي نقارن حالنا فيه.

وبفكر بقديه نساء مأجلين حياتهن لوقت يضعفوا.

بس إضعف رح إلبس هيدا الفستان. بس إضعف رح إتصور. بس إضعف رح إرتاح بحالي.

بس ليه؟

فيكي تحبي جسمك، تهتمي بصحتك، تخسري دهون وتبني عضلات إذا هيدا هدفك.

بس مش لازم تكون خسارة الوزن شرط حتى تسمحي لحالك تعيشي.

يمكن الشي اللي ناطرتيه مش النحف نفسه، بل الثقة والحرية والقبول اللي مفكرة إنه رح يعطيكي ياه.

وكل هول مش لازم يكونوا مكافأة بعد خسارة الوزن.

Follow me إذا بدك تخسري وزن من دون ما تخسري حالك بالطريق. 🤍

Address

Beirut

Telephone

+96170883443

Website

http://Www.fatenfawaz.com/

Alerts

Be the first to know and let us send you an email when Faten fawaz posts news and promotions. Your email address will not be used for any other purpose, and you can unsubscribe at any time.