Nutrinex

23/08/2026

දියවැඩියාව ආපසු හැරවීම

දියවැඩියාව පාලනය කර යථා තත්ත්වයට පත්කිරීම (Reversing diabetes) යනු අනුමානවලින් කළ හැකි දෙයක් නොවේ — එය පරීක්ෂා කර සොයාගත යුතු රහස් පරීක්ෂක කාර්යයකි.

දියවැඩියාව "යථා තත්ත්වයට පත්කිරීමට" උත්සාහ කිරීමට පෙර, රෝගියාට ඉන්සියුලින් ප්‍රතිරෝධය

(Insulin Resistance - දෙවන වර්ගයේ දියවැඩියාව ඇති කරන ප්‍රධාන දෝෂය)
තිබේද යන්න සහ එම දෝෂය කොතරම් බලවත්ද යන්න අප පරීක්ෂා කළ යුතුය.
ඉන්සියුලින් ප්‍රතිරෝධය යනු මුරණ්ඩු දොරටුපාලකයෙකු වැනිය:
ඔබේ ඉන්සියුලින් විනීතව දොරට තට්ටු කරයි,
නමුත් ඔබේ පේශි සහ අක්මා සෛල පවසන්නේ,
"කණගාටුයි මහත්මයා, අපි ඔබව අඳුනන්නේ නැහැ" කියාය.
එවිට සීනි ලේ තුළම ඉතිරි වන අතර,
රුධිර පරික්ශාවේ අගය (FBS) ඉහළ ගොස් අනතුරු අඟවන්නට පටන් ගනී.

ඉන්සියුලින් ප්‍රතිරෝධය පරීක්ෂා කිරීම වැදගත් වන්නේ ඇයි?
ඕනෑම ගැටලුවකට හේතුව අපි නොදන්නේ නම්, ගැටලුව විසඳන්නේ කෙසේද?
ඉන්සියුලින් ප්‍රතිරෝධය ප්‍රථමයෙන් හඳුනා නොගෙන දියවැඩියාව "යථා තත්ත්වයට පත්කිරීම" ගැන කතා කිරීම, බොනට් එක ඇර බලන්නේ නැතුව මග නැවතුන කාර් එන්ජිමක් හදන්න හදනවා වැනි වැඩකි.

දියවැඩියා ප්‍රතිකාරය ≠ ලේවල සීනි අඩු කිරීම පමණක් නොවේ.

ලේවල සීනි මට්ටමේ ඉලක්කම්වලට පමණක් ප්‍රතිකාර කිරීම යනු ගින්න නිවා දමන්නේ නැතුව ගිනි අනතුරු ඇඟවීමේ සංඥාව (Fire Alarm) ක්‍රියා විරහිත කිරීම වැනි දෙයකි.

දියවැඩියාව සැබවින්ම යථා තත්ත්වයට පත්කිරීමට නම්, අප පහත දෙකටම ප්‍රතිකාර කළ යුතුය:
1) සීනි මට්ටමට
2) සීනි මට්ටම ඉහළ යාමට හේතු වූ ඉන්සියුලින් ප්‍රතිරෝධයට.

🧪 පර්යේෂණවලින් කියැවෙන්නේ කුමක්ද?
දෙවන වර්ගයේ දියවැඩියාව ඇති පුද්ගලයින්ගෙන් 90-95% දක්වා ප්‍රමාණයකට ඉන්සියුලින් ප්‍රතිරෝධය පවතී – ඇමෙරිකානු දියවැඩියා සංගමය (American Diabetes Association), 2022
https://diabetesjournals.org/care/article/45/Supplement_2/S125/147347

ඉන්සියුලින් ප්‍රතිරෝධය මගින් දියවැඩියා තත්ත්වය උග්‍රවීම සහ සංකූලතා ඇතිවීම පිළිබඳ ප්‍රබල ලෙස පූර්ව නිගමනය කළ හැක – Shulman GI, J Clin Invest (2000)
https://www.jci.org/articles/view/10842

ඉන්සියුලින් ප්‍රතිරෝධය අඩු කිරීම මගින් දියවැඩියාව සුව වීමේ (Remission) අනුපාතය ඉහළ යයි – DiRECT Trial (2018)
https://www.thelancet.com/journals/lancet/article/PIIS0140-6736(17)33102-1/fulltext

ජීවන රටාවේ වෙනස්කම් මගින් ඉන්සියුලින් සංවේදීතාව (Insulin Sensitivity) සැලකිය යුතු ලෙස වැඩිදියුණු වේ – Look AHEAD Trial
https://www.ncbi.nlm.nih.gov/pmc/articles/PMC5606825/

ඔබට අවශ්‍ය වන්නේ "FaceBook ක්‍රමයට රිවර්ස්" නොව, සැබෑ ලෙසම දියවැඩියාවෙන් මිදී යථා තත්ත්වයට පත්වීමට නම් — ඔබ ඉන්සියුලින් ප්‍රතිරෝධය මැන බැලිය යුතු අතර ඊට ප්‍රතිකාර කළ යුතුය.

Nutrinex හිදී මෙන්, ව්‍යුහගත වෛද්‍ය පෝෂණ ප්‍රතිකාර (Medical Nutrition Therapy) +
සායනික ව්‍යායාම ප්‍රතිකාර (Clinical Exercise Therapy) +
ජීවන රටා චිකිත්සාව (Intensive Lifestyle Therapy)
මගින් මෙම දියවැඩියාව නැමති ගින්න නිවා දමා, එය නැවත පැමිණීම නතර කළ හැක්කේ එවිටය.

23/08/2026

දියවැඩියාව සහ සාකොපීනියා (Sarcopenia):

ශක්තිමත් මාංශ පේශි ඇතුළතින්ම දුර්වල වීම.
බොහෝ දෙනෙක් සිතන්නේ දියවැඩියාව බලපාන්නේ රුධිරයේ සීනි මට්ටමට පමණක් බවයි.
නමුත් සැබවින්ම, දියවැඩියාව යනු මාංශ පේශිවලටද හානි පමුණුවන රෝගයකි.
මෙයට පැහැදිලිම උදාහරණයක් වන්නේ කොන්දේ ගැඹුරින් පිහිටා ඇති 'සෝආස්' (psoas) නම් මාංශ පේශියයි.
නීරෝගී පුද්ගලයෙකුගේ මෙම මාංශ පේශිය සාමාන්‍යයෙන් මැණික් කටුව තරම් ඝනකම්ය.
එය අපට කෙළින් සිටගැනීමට, ඇවිදීමට සහ නිවැරදි ඉරියව් පවත්වා ගැනීමට උපකාරී වේ.
නමුත් කාලයක් තිස්සේ පවතින දියවැඩියාව නිසා, මෙම මාංශ පේශියම හැකිලී ඇඟිල්ලක් තරම් සිහින් විය හැක.
මෙලෙස සිදුවන බයානක මාංශ පේශි ක්ෂය වීම 'සාකොපීනියා' (Sarcopenia) ලෙස හැඳින්වේ.

දියවැඩියාව නිසා සාකොපීනියා තත්ත්වය ඇතිවන්නේ ඇයි?
දියවැඩියා රෝගීන්ගේ මාංශ පේශි ක්ෂය වීම කෙරෙහි ප්‍රධාන හේතු 3ක් බලපායි:
1. ඉන්සියුලින් ප්‍රතිරෝධීතාව (Insulin resistance) – ශක්තිය ගොඩනැගීම සඳහා මාංශ පේශිවලට සීනි නිසි ලෙස භාවිත කිරීමට නොහැකි වීම.

2. දීර්ඝකාලීන ප්‍රදාහය (Chronic inflammation) – නිශ්ශබ්දව මාංශ පේශි පටක විනාශ කර දැමීම.

3. ශාරීරික අක්‍රියතාව (Physical inactivity) – මාංශ පේශි තවත් වේගයෙන් දුර්වල කිරීම.

විද්‍යාත්මක අධ්‍යයනයන්ගෙන් පැහැදිලිවම පෙනී යන්නේ දියවැඩියාව ඇති පුද්ගලයින්ට සාකොපීනියා තත්ත්වය සහ ආබාධිතභාවය ඇතිවීමේ වැඩි අවදානමක් පවතින බවයි.

(මූලාශ්‍රය: https://pmc.ncbi.nlm.nih.gov/articles/PMC10239259/ )

සෝආස් (psoas) මාංශ පේශි ප්‍රදේශය ඇසුරින් කරන ලද CT-Scan පරීක්ෂණ මගින් තහවුරු වී ඇත්තේ, සෝආස් මාංශ පේශියේ ප්‍රමාණය කුඩා වීම, ශරීරයේ දුර්වලතාවයට සහ ආයු කාලය අඩුවීමට ඍජුවම සම්බන්ධ වන බවයි.
(මූලාශ්‍රය: https://link.springer.com/article/10.1186/s12885-024-12524-y)

මෙය එතරම් බරපතල වන්නේ ඇයි?

සාකොපීනියා තත්ත්වය නිසා පහත සඳහන් ගැටලු ඇතිවේ:
1) ශරීරයේ දුර්වලතාවය සහ අධික වෙහෙසකාරී බව
2) ඇද වැටීම් සහ අස්ථි බිඳී යාම්
කොන්දේ කැක්කුම සහ චලනය වීමේ අපහසුතා
3)වේගයෙන් වයසට යාම සහ හෘද රෝග අවදානම ඉහළ යාම
4)ඖෂධ ලබා ගත්තද රුධිරයේ සීනි මට්ටම පාලනය කිරීමට අපහසු වීම.

'Nutrinex Diabetes Clinic මගින් සාකොපීනියා තත්ත්වය නැවත යථා තත්ත්වයට පත් කරන්නේ කෙසේද?
Nutrinex හිදී, අප ප්‍රතිකාර කරන්නේ සීනි මට්ටමේ අගයට පමණක් නොව, රෝගයේ මූලික හේතුවටයි.
මෙම ප්‍රධාන හේතු 3 ඉලක්ක කර ගනිමින් අපි සාකොපීනියා තත්ත්වය නැවත යථා තත්ත්වයට පත් කරමු:

1) වෛද්‍ය පෝෂණ චිකිත්සාව (Medical Nutrition Therapy) – ඉන්සියුලින් ප්‍රතිරෝධීතාව නිවැරදි කිරීමට
2) සායනික ව්‍යායාම චිකිත්සාව (Clinical Exercise Therapy) – ක්ෂය වූ මාංශ පේශි සුරක්ෂිතව නැවත ගොඩනැගීමට
3) වෛද්‍ය උපදෙස් මත සිදුවන ජීවන රටා වෙනස්කම් (Doctor-led Lifestyle Modification) – ශරීරයේ ප්‍රදාහය සහ අක්‍රියතාව අඩු කිරීමට
නිවැරදි පෝෂණය, ශක්තිය වර්ධනය කරන ව්‍යායාම සහ වෛද්‍ය අධීක්ෂණය හමුවේ, "ඇඟිල්ලක් තරම් සිහින් වූ" මාංශ පේශි පවා නැවත ශක්තිමත්ව වර්ධනය කළ හැක.
Nutrinex Diabetes Clinic යනු දියවැඩියාව පාලනය කරන ස්තානයක් පමණක් නොවේ — අපි ඔබේ ශක්තිය, සක්‍රියතාව සහ ජීවිතය නැවත ලබා දෙන්නෙමු.

Diabetes and sarcopenia are emerging as serious public health issues. Sarcopenia, an age-related disorder characterized by loss of skeletal muscle mass and function, is recognized as a new complication in elderly patients with type 2 diabetes ...

24/04/2026

Hypertension can be Reversed!
Contact Nutrinex Hypertension Clinic

hypertension

01/01/2026