Lanka Pharmacy - PVT Ltd

13/10/2026

Now available
6950/=
0718740001
0718740003
0112912732

22/09/2026

https://www.facebook.com/share/p/1Ffiezx56a/

මූත්‍රා එක්ක සීනි පිට වෙන අරුම පුදුම බෙහෙත් එකක් ගැන ඔයා අහලා තියනවාද කවදා හරි...

ඔන්න ඉතින් අද මම කතා කරන්න යන්නේ එහෙම බෙහෙත් එකක් ගැන.. ඒ තමයි Empagliflozin කියන ඖෂධ ය ගැන..

සමහර විට ඔයත් මේ ඖෂධ ය ලබා ගන්නවා ඇති... අපි අද ඒ ගැන දැන ගනිමු...

මොකද්ද මේ Empagliflozin කියන ඖෂධ ය..
SGLT2(Sodium glucose Co transporter 2) inhibitor කියන කාණ්ඩයට අයත් වටිනා ඖෂධ යක්..

වකුගඩු වලින් අපේ රුධිරය පෙරමේ ක්‍රියාවලිය වෙද්දි අයන වර්ග, glucose, protein වගේ ගොඩක් දේවල් ආපහු ශරීරයට උරා ගන්නවා...

අන්න එහෙම glucose උරා ගන්න මේ SGLT2 කියන ප්‍රෝටීන් එක උදවු වෙනවා..

Empagliflozin කියන ඖෂධ ය මගින් මේ SGLT2 කියන ප්‍රෝටීන එක inhibit කරනවා...

එතකොට ඉතින් වකුගඩු වලින් ආපහු glucose උරා ගන්න එක නතර වෙනවා... ආපහු glucose උරා ගන්නේ නැති උනාම ඒවා මුත්‍රා එක්ක පිටවෙලා යනවා...

(තේරුම් ගන්න පහසු වෙන්න සරලව තමයි ලිව්වේ.. වචන වල සමහර විට අඩු පාඩු ඇති)

මොනවටද මේ Empagliflozin දෙන්නේ..

1. ප්‍රධාන වශයෙන් දෙවන වර්ගයේ දියවැඩියාව ට ලබා දෙනව..

2. ඒ වගේම හොයාගෙන තියෙනව empagliflozin මගින් සීනි අඩු කරනවාට අමතරව හදවත නිරෝගී ව තබා ගන්න, හදවතේ රෝග අවදානම අඩු කරන්න මේ ඖෂධයට හැකියාව තියෙනව කියල

3. ඒ වගේම වකුගඩු රෝග ඇතිවීම අඩු කරන්න වගේම වකුගඩු ආරක්ෂා කිරිමේ හැකියාවක් මේ ඖෂධයට තියෙනව කියල...

ඉතින් අද වෙද්දි මේ දේවල් වලට වෛද්‍යවරුන් විසින් නිර්දේශ කරනවා මේ Empagliflozin කියන ඖෂධ ය..

මොනවද එන්න පුළුවන් අතුරු ආබාධ..?

■ මුත්‍රා පිටවීම වැඩි වීම සහ තිබහ.. මුත්‍රා සමග glucose පිට කරන නිසා මුත්‍රා පිටවන වාර ගනන වැඩි වෙන්න පුළුවන්.. ඒ නිසා ඒ සමගම තිබහ වැඩි වෙන්න පුළුවන්..

■ මුත්‍රා මාර්ගය ආශ්‍රිත ආසාදන.. මුත්‍රා සමග පිටවන glucose එකතු වීම නිසා පහසුවෙන් ආසාදන වලට ලක් වෙන්න පුළුවන්..

■ මුත්‍රා මාර්ගය තුවාල වීම.. Glucose එකතු වීම නිසා මුත්‍රා මාර්ගය පැලීම ට ලක් වීම, දැවිල්ල වගේ රෝග ලක්ෂණ එන්න පුළුවන්..

■ රුධිර සීනි මට්ටම තිබිය යුතු ප්‍රමාණයට වඩා අඩු වීම

ඔබට ලබා දෙන මාත්‍රාවක් වෛද්‍යවරයා විසින් තිරණය කරාවි..

Empagliflozin ලබා ගන්න ඔබ දැනුවත් වෙන්න ඕන කොහොමද...

● මුත්‍රා සමග සිනි ඉවත් කරන නිසා වැඩිපුර වතුර පානය කරන්න...

● මුත්‍රා මාර්ගය පිරිසිදුව තබා ගන්න.. මුත්‍රා කිරීමෙන් පසු හොඳින් පිරිසුදු කරන්න.. නැතිනම් සිනි එකතු වි ආසාදන ඇති වෙන්න පුළුවන්..

● උදෑසන කෑමත් සමග ලබා ගැනීම වඩාත් සුදුසුයි..

● රුධිර සීනි මට්ටම අඩු වී ඇති බවට හැගෙන ලක්ෂණ මතු වෙන්න පුළුවන් නිසා සිනි සහිත කුඩා ආහාරය ක් ළඟ තබා ගන්න

● සැත්කමක් කිරීමට ඇත්නම් ඔබ empagliflozin ලබා ගන්නා බව වෛද්‍යවරයාට දැනුම් දෙන්න..

● වෛද්‍ය උපදෙස් නැතිව ඔයාගෙ හිතු මනාපයට ඖෂධ ය නතර කරන්න එපා..

එහෙනම් අලුත් ලිපියකින් හමු වෙමු..

Like කරලා, comment කරලා share කරන්න..

Rasika Gamage,
SLMC Registered Pharmacist,
Bsc (UOJ), Certificate of efficiency as Pharmacist (CMCC)

02/09/2026

01. ​හෘදයාබාධ - විශේෂයෙන්ම හෘද පේශියේ පහළ කොටසේ ඇතිවන හෘදයාබාධ වලදී වේදනාව හටගන්නේ පපුව මැදින් හෝ උදරයේ ඉහළ කොටසෙනි. හුස්ම ගැනීමේ අපහසුව, දහඩිය දැමීම සහ වමනය වැනි ලක්ෂණ ද මීට එක්විය හැකි අතර, මෙය සාමාන්‍ය පපුව දැවිල්ලක් හෝ අජීර්ණයක් ලෙස රෝගීන් බොහෝවිට වරදවා වටහා ගනී.

02. ​ආමාශයික පිළිකා - පිළිකා තත්වයක මුල් අවධියේදී පෙන්නුම් කරන්නේ ද ආමාශයේ දැවිල්ල, සුළු ආහාර ප්‍රමාණයක් ගත් විගස බඩ පිරුණු ස්වභාවයක් දැනීම, බඩ පුරවා දැමීම සහ අජීර්ණය වැනි සාමාන්‍ය ගැස්ට්‍රයිටිස් ලක්ෂණ පමණි.

03. ​අග්න්‍යාශයේ ප්‍රදාහය සහ පිළිකා - අග්න්‍යාශයේ ඇතිවන උග්‍ර ආසාදන හෝ පිළිකා තත්වයන් නිසා උදරයේ ඉහළ මැද කොටසේ දැඩි වේදනාවක් හටගනී. මෙම වේදනාව බොහෝවිට පිටුපසට (කොන්ද දෙසට) විහිදී යන අතර, මෙයද ගැස්ට්‍රයිටිස් ලෙස රැවටිය හැක.

04. ​අන්නසෝත්‍ර පිළිකා - උගුරේ සහ පපුව ප්‍රදේශයේ දැවිල්ල, ආහාර ගිලීමේ අපහසුව සහ කෑම අරුචිය මෙහි ප්‍රධාන ලක්ෂණ වන අතර, රෝගීන් මෙය සාමාන්‍ය අම්ල පිත්ත තත්වයක් යැයි සිතා නොසලකා හරී.

05. ​පිත්තාශයේ ගල් සහ උග්‍ර ප්‍රදාහය - පිත්තාශයේ ගල් සිරවීම නිසා උදරයේ ඉහළ දකුණු පසින් හෝ මැදින් හටගන්නා වේදනාව, ඔක්කාරය සහ වමනය සමඟ ඇතිවන විට එය තදබල ගැස්ට්‍රයිටිස් තත්වයක් ලෙස පෙනී යා හැක.

06. ​ආමාශයික තුවාල පුපුරා යාම (Perforated Peptic Ulcer) - දීර්ඝකාලීන ගැස්ට්‍රයිටිස් තත්වයක් නොසලකා හැරීමෙන් ආමාශයේ හෝ ග්‍රහණියේ තුවාල ඇති වී ඒවා පුපුරා යා හැක. මේ හරහා උදර කුහරය තුළට රුධිරය සහ ආමාශයික යුෂ කාන්දු වී දරුණු ආසාදන තත්වයක් ඇතිවීම ක්ෂණික මරණයකට වුවද හේතු විය හැක.

⚠️️ ​මෙම රෝග තත්වයන් ගැස්ට්‍රයිටිස් ලෙස රැවටීමට ප්‍රධාන හේතු 👇

🔴 ​රෝග ලක්ෂණ එකිනෙකට සමාන වීම - පපුව සහ උදරය ආශ්‍රිත දැවිල්ල, ඔක්කාරය, වමනය, බඩ පුරවා දැමීම සහ අජීර්ණය යන මූලික ලක්ෂණ ගැස්ට්‍රයිටිස් රෝගයට මෙන්ම ඉහත කී මාරාන්තික රෝග සියල්ලටම පාහේ පොදු වේ.
🔴 ​ස්නායු සැකැස්මේ ස්වභාවය - හෘදය, ආමාශය, අග්න්‍යාශය සහ පිත්තාශය යන අවයව පිහිටා ඇත්තේ එකිනෙකට ඉතා ආසන්නවය. මෙම ඉන්ද්‍රියන් වල සිට මොළයට වේදනාව පිළිබඳ සංඥා ගෙන යන ස්නායු මාර්ග එකිනෙක ඡේදනය වන බැවින්, වේදනාව හටගන්නා නිශ්චිත ඉන්ද්‍රිය කුමක්දැයි වෙන්කර හඳුනාගැනීම මොළයට අපහසු වේ. මේ නිසා හෘදයේ ඇතිවන වේදනාවක් ආමාශයෙන් එන වේදනාවක් ලෙස දැනිය හැක.
🔴 ​ඖෂධ මගින් ලැබෙන තාවකාලික සහනය - Antacids වැනි අම්ල නාශක ඖෂධ හෝ ගැස්ට්‍රයිටිස් සඳහා බහුලව භාවිත කරන පෙති වර්ග ලබාගැනීමේදී හෘදයාබාධ හෝ පිළිකා වැනි තත්වයන්ගේ මුල් අවධි වලදී පවා යම්තාක් දුරකට තාවකාලික සහනයක් ලැබිය හැක. මෙය රෝග නිශ්චය කිරීම ප්‍රමාද වීමට සහ රෝගියා තමන්ට ඇත්තේ ගැස්ට්‍රයිටිස් පමණක් යැයි ස්වයං නිගමනයකට පැමිණීමට ප්‍රධාන හේතුවක් වේ.

මෙවැනි රෝග තත්ව පිළිබඳ ඔබටත් අත්දැකීම් ඇත්නම් ඒවා පහළින් ලියන්න. මාරාන්තික රෝග හඳුනාගැනීමටත් රෝග ලක්ශන වෙන් කර හඳුනාගැනීමටත් තව කෙනෙකුට උදව්වක් වේවි.

06/08/2026

🔴 දිගටම තියෙන හිසරදය මිග්‍රේන් කියලා රැවටෙන්න එපා
⚠️️ඒක මොළයේ ලේ නහරයක් පිපිරෙන්න කලින් එන පෙර නිමිත්තක් වෙන්න පුලුවන්
👇මේ රෝග ලක්ශන ගැන අවධානයෙන් ඉන්න.

29/07/2026

28/06/2026

මෙහෙම බෙහෙත් බීවම තුවාල හොද වෙනවද ?