15/10/2026
பெண்ணுக்கு பெண் தான் எதிரி என்பார்கள். ஆனால் உடம்பு கூடிய பெண்ணுக்கு சிறிசிலிருந்து பல்லுப்போன பாட்டன், பாட்டி கூட வில்லர்கள் தான். ஏதோ அக்கறை இருப்பது போல் பேசுவார்கள், அன்போடு பேசுவார்கள், நகைச்சுவையாக பேசுவதாக சொல்வார்கள்.. அதன் வலி?
பக்கத்து வீட்டு வயசான அம்மா கேட்பா..."என்ன புள்ள தெளிஞ்சிக்கிட்டே போகுது... மாப்பிள்ள எடுக்குறது கஷ்டம் தான் என்ன? கொஞ்சம் யோசிச்சக்கங்க" என்பாள்... ஏதோ அக்கறையோடு கேட்பது போல் இருக்கும், அதைக் கேட்கின்ற நம் அம்மா, அப்பா மனசு வலியில் தைத்து முகம் வெறும் புன்னகை ஒன்றை மட்டும் கொடுக்கும்.. என்னவோ கேட்பளின் மகளோ, சந்ததியோ உடம்பு பெருக்கமாட்டார்கள் என்ற நெனப்பு அவக்கு.
குழந்தை பெற்ற தாய் சற்று உடம்பு போட்டிருப்பாள்...."என்னடி குழந்தைக்கும் சேர்த்து நீயே சாப்பிடுறாய் போல .... பகிடியாத்தான் கேட்பாள் தோழி... ஆனால் வலிக்கும். ஏதோ அவள் நாளை பிள்ளை பெற்று உடம்பு பெருத்திடமாட்டாள் என்ற தைரியம்.
அக்கா, தங்கை - ஒருத்தி ஒல்லியாகவும், இன்னொருத்தி உடம்பாகவும் இருந்து விடக் கூடாது... நன்கு தெரிந்திருந்தும் அக்காவை தங்கையா என்று கேட்பதும், தங்கையை அக்காவா என்று கேட்டும் சங்கடப்படுத்துவார்கள் சில புத்திசாலிகள். உங்கட வயது என்ன என்று கேட்பார்கள்? வயதைச் சொன்னதும் "பாக்குறதுக்கு அப்படி தெரியவே இல்ல... பெரிய ஆள் மாதிரி இருக்கீங்க என்று சொல்லி நாசூக்காக ஊசி குத்தும் சிலர்.
"இவள் இப்படி உடம்பா இருக்கிறதால தான்... அவள்ட புருஷன் இன்னொருத்திய தேடிப் போயிருப்பான் "
என்று நா கூசாமல் கதைக்கும் மெத்தப் படித்த அறிவாளிகள் சிலர்.. சில வேளை பேசுபவன் 10 மாத கர்ப்பிணி போல இருந்து அவன் மனைவி இதே மாதிரி யோசித்து விட்டால்?.. உண்மையில் ஆத்திரம் வருகின்றது.
இது மாதிரி இன்னும் எவ்வளவோ அடுக்கிக் கொண்டு போகலாம். இதை வாழ்க்கையின் ஏதோ ஒரு கட்டத்தில் பெண்கள் அனுபவித்துக் கொண்டு தான் தன் வாழ்நாளைக் கடக்கிறார்கள். இதை உடைத்து வெளியே வர முயற்சியெடுக்கும் பெண்கள் ஒரு சிலர் தான். அவ்வாறான ஒரு பெண் தான் நீங்கள் போட்டோவில் பார்ப்பது.
ஒரு நாள் ஒரு அழைப்பு.. "நான் எடையைக் குறைக்க வேண்டும்" என்றாள். நாங்கள் நிச்சயமாக உங்களுக்கு உதவ முடியும் என்றோம். "எவ்வளவு காலம் எடுக்கும் என்று கேட்டாள்"... இந்தக் கேள்வி ஒன்றும் எங்களுக்கு புதிதல்ல. எல்லோரும் ஒரே நாளில் நினைப்பது நடந்து விட வேண்டும் என எதிர்பார்ப்பார்கள். நாங்கள் அனைவருக்கும் திடமாகச் சொல்லும் ஒரே பதில் "உங்கள் ஆரோக்கியம் தான் எங்களுக்கு முக்கியம், ஆரோக்கியமாக படிப்படியாக குறைப்போம், அவ்வாறு குறைக்கும் போது தான் குறைத்ததை மீண்டும் அதிகரிக்காது பேண முடியும், குறைப்பதல்ல - குறைப்பதை வாழ்நாள் முழுவதும் பேணுவதே முக்கியம், அதற்கு சரியான வழிகாட்டல் அவசியம், அதை எங்களால் நிச்சயமாகத் தர முடியும் " என உறுதியாக கூறினோம்.
"இல்லை. நான் அனேகமானவற்றை முயற்சி செய்து விட்டேன், விரைவாகக் குறைக்கலாம், என்றார்கள், சாப்பாட்டுக் கட்டுப்பாடு தேவையில்லை என்றார்கள், ஒன்றிலும் பலன் கூடவில்லை. அதனால் ஒரு முடிவோடு தான் வந்து இருக்கிறேன் என்று சொல்லி இணைந்து கொண்டாள்.
இவ்வளவு வெய்ட் இருக்கிறாளே, நன்றாக சாப்பிடுவாளோ என்று எண்ணும் ஜென்மங்களுக்கு - அதிகம் சாப்பிடுவதால் தான் உடல் பெருக்கின்றது என்பது எல்லோருக்கும் பொருந்தாது. அவளுக்கு மருத்துவப் பிரச்சினை ஒன்று இருந்தது. அதனால் தான் அவள் உடல் அதிகரித்திருந்தாள்.
ஆரம்பித்தாள்... சில மாதங்கள் விரைவாகக் குறைந்தது, இன்னும் சில மாதங்கள் சிறிதளவே குறைந்தது, தட்டிக் கொடுத்தோம்... முயற்சியைத் தொடர்ந்தாள். ஒரு வருடங்கள் தொடர்ந்தது, 35 கிலோ குறைத்து விட்டாள். எடை குறைவது என்பது எல்லோருக்கும் ஒரே மாதிரியாக இருக்காது சிலர் விரைவாகக் குறைவர்.. சிலர் மெதுவாகக் குறைவர் .... இதை ஏற்றுக் கொள்ளாதவரை வெற்றி கிட்டாது.
அவளை நாம் மதிக்கிறோம். உடல் ரீதியாகவும், உளரீதியாகவும் அவள் பல மேடு பள்ளங்களை தாண்டி வந்திருக்கிறாள். எங்களைப் பொறுத்தவரை அவள் அனைத்துப் பெண்களுக்கும் ஒரு Role Model.
உங்கள் கருத்துக்களை பதிவிடுங்கள், இவளது பதிவு பலருக்கு உற்சாகம் தரும், எனவே Share பண்ணுங்கள்.
