https://helphealnursingcare.com/

HelpHeal Nursing Care, 160/11 A, Cemetery Road, Thalapathpitiya, Nugegoda (2026)

03/11/2026

👁️ දියවැඩියාව නිසා ඔබේ ඇස්වල පෙනීම අහිමි වෙන්න පුළුවන් බව දන්නවාද? ⚠️

--------------------------------

🩸 මොකක්ද මේ Diabetic Retinopathy?

දියවැඩියාව (Diabetes) කියන්නේ රුධිරයේ සීනි මට්ටම ඉහළ යන රෝග තත්ත්වයක්. දිගුකාලයක් රුධිරයේ සීනි මට්ටම නිසි ලෙස පාලනය නොවුණොත්, ඇසේ පිටුපස ඇති Retina (දෘෂ්ටි විතානය) ලෙස හඳුන්වන කොටසේ කුඩා රුධිර නාලවලට හානි සිදුවිය හැකියි.

මෙම තත්ත්වය Diabetic Retinopathy ලෙස හඳුන්වනවා.

--------------------------------

😟 මේ රෝගයේ භයානකම දේ මොකක්ද?

මුල් අවධියේදී කිසිදු රෝග ලක්ෂණයක් නොපෙන්වන්න පුළුවන්! ඒ නිසා පෙනීම සාමාන්‍ය වුණත් ඇස්වලට හානි සිදුවෙමින් තිබිය හැකියි.

--------------------------------

🔍 අවධානය යොමු කළ යුතු ලක්ෂණ

👁️ පෙනීම බොඳ වීම

⚫ ඇස් ඉදිරියේ කළු තිත් හෝ පාවෙන හැඩතල පෙනීම

🌫️ පෙනීමේ වෙනස්කම් ඇතිවීම

🚨 දරුණු අවස්ථාවල පෙනීම අඩුවීම හෝ අහිමි වීම

--------------------------------

⚠️ අවදානම වැඩි කරන කරුණු

🔸 දිගුකාලයක් දියවැඩියාව තිබීම

🔸 රුධිරයේ සීනි මට්ටම පාලනය නොවීම

🔸 අධි රුධිර පීඩනය

🔸 රුධිරයේ කොලෙස්ටරෝල් මට්ටම ඉහළ යාම

🔸 නිතිපතා ඇස් පරීක්ෂා නොකිරීම

--------------------------------

💙 ඔබේ පෙනීම ආරක්ෂා කරගන්නේ කොහොමද?

✅ වෛද්‍ය උපදෙස් අනුව රුධිරයේ සීනි මට්ටම පාලනය කරන්න.

✅ රුධිර පීඩනය සහ කොලෙස්ටරෝල් මට්ටම පාලනය කරන්න.

✅ රෝග ලක්ෂණ නොතිබුණත් නිතිපතා අක්ෂි වෛද්‍ය පරීක්ෂාවක් කරගන්න.

✅ අවශ්‍ය නම් වෛද්‍ය නිර්දේශය අනුව අක්ෂි ප්‍රතිකාර ලබාගන්න.

--------------------------------

🩺 ප්‍රතිකාර තිබෙනවාද?

ඔව්! රෝගයේ අවධිය අනුව අක්ෂි වෛද්‍යවරයා විසින් ඇසට ඖෂධ එන්නත් කිරීම, ලේසර් ප්‍රතිකාර හෝ ශල්‍යකර්ම නිර්දේශ කළ හැකියි. කලින් හඳුනාගැනීමෙන් පෙනීම ආරක්ෂා කරගැනීමට ඇති අවස්ථාව වැඩි කරගත හැකියි.

🚨 හදිසියේ පෙනීම අඩුවීම, පෙනීමේ තිරයක් වැටුණා වැනි හැඟීමක් හෝ අලුතින් බොහෝ කළු තිත් පෙනීම ඇති වුවහොත් වහාම අක්ෂි වෛද්‍ය ප්‍රතිකාර ලබාගන්න.

--------------------------------

💚 මතක තබාගන්න:
පෙනීමේ වෙනසක් දැනෙන තුරු බලා නොසිටින්න. දියවැඩියාව තිබෙනවා නම්, ඔබේ ඇස් පරීක්ෂා කරගැනීමත් ඔබේ සෞඛ්‍යයේම කොටසක්!

🩺 HELPHEAL NURSING CARE
Wings for a new hope! ✨️🪽

📞 011 2870898 | 070 3012898 | 077 488 2898
📧 [email protected]
🌐 www.helphealnursingcare.com

01/11/2026

🎓💙 අද දින රාජ්‍ය සේවයට බඳවා ගනු ලබන නවක හෙද හෙදියන්ට අපගේ උණුසුම් සුබපැතුම්! 💙

රෝගී ජීවිත සුවපත් කිරීමේ උතුම් අරමුණ පෙරදැරි කරගෙන, කරුණාවෙන් හා කැපවීමෙන් පිරුණු හෙද සේවයේ නව ගමනක් ආරම්භ කරන ඔබ සැමට සාර්ථකත්වයෙන් පිරි අනාගතයකට හෘදයාංගම සුබපැතුම් එක් කරමු. ❤️🩺

ඔබේ දෑතින් රෝගීන්ට සුවයත්, ඔබේ වදනින් සිතට සැනසීමත්, ඔබේ කැපවීමෙන් සමාජයට යහපතත් උදා වේවා!

--------------------------------------

Our warmest congratulations to the newly recruited nurses joining the public service today!

As you begin a new journey in the noble profession of nursing, guided by the mission of healing lives and filled with compassion and dedication, we extend our heartfelt wishes for a future full of success.

May your hands bring healing to patients, your words bring comfort to their hearts, and your dedication bring goodness to society!

💙 HELPHEAL Nursing Care
Wings for a New Hope

#හෙදසේවය

29/10/2026

🩹 Stoma Care අවශ්‍යද? 💙

ඔබේ ආදරණීයයාටත් Stoma එකක් දමා තිබෙනවාද? නිවසේදී නිසි ලෙස Stoma Care කරන්නේ කොහොමද කියලා ඔබට ගැටලුවක්ද?

රෝගියාගේ සුවපහසුව, සමේ ආරක්ෂාව සහ පිරිසිදුකම වෙනුවෙන් නිසි Stoma Care ඉතා වැදගත්.

🏡 HELPHEAL NURSING CARE වෙතින් දැන් Stoma Care සේවාවත්! 🩺❤️

අපගේ සේවාවන් අතරට,

🩹 Stoma අවට සම පිරිසිදු කිරීම හා රැකබලා ගැනීම
🩹 Stoma Pouch (බෑගය) මාරු කිරීම සඳහා සහාය
🩹 බෑගය හිස් කිරීම හා නිසි ලෙස පවත්වාගෙන යාම පිළිබඳ උපදෙස්
🩹 රෝගියාට සහ පවුලේ සාමාජිකයන්ට අවශ්‍ය මඟපෙන්වීම

ඇතුළත් වේ.

💙 ඔබේ නිවසේදීම, ඔබේ ආදරණීයයන් වෙනුවෙන් සැලකිලිමත් හෙද සත්කාරයක් ලබාගැනීමට අප හා සම්බන්ධ වන්න.

🩺 HELPHEAL NURSING CARE
Wings for a new hope! ✨️🪽

📞 070 301 2898 | 011 287 0898 | 077 488 2898
📧 [email protected]
🌐 www.helphealnursingcare.com

27/10/2026

මුත්‍රා බටයක් භාවිතා කරන රෝගියෙකුට නිසි සත්කාරය ලබාදීම ඉතාම වැදගත්. ඒ ඇයි දන්නවාද? 🤔💙

🔹 මුත්‍රා මාර්ගයේ ආසාදන අවදානම අඩු කරගැනීමට උපකාරී වේ.

🔹 කැතීටරය අවහිර වීම සහ මුත්‍රා කාන්දු වීම වැනි ගැටලු හඳුනාගැනීමට උපකාරී වේ.

🔹 රෝගියාගේ පිරිසිදුකම සහ සුවපහසුව පවත්වා ගැනීමට වැදගත් වේ.

🔹 කැතීටරය නිවැරදිව ක්‍රියාත්මක වන බව සහතික කරගැනීමට උපකාරී වේ.

-----------------------------------

💚 මේ සත්කාරය ලබාගන්න රෝහලටම යන්න ඕනෙද?

අවශ්‍ය සත්කාරය සඳහා සෑම විටම රෝහලට යාම අපහසු විය හැකියි. විශේෂයෙන්ම වැඩිහිටි, ඇඳේ සිටින හෝ ගමන් කිරීමට අපහසු රෝගීන්ට එය තවත් අභියෝගයක්.

ඒ නිසාම HelpHeal Nursing Care මඟින් ඔබේ අවශ්‍යතාව අනුව නිවසට පැමිණ වෘත්තීයමය හෙද සත්කාර සේවා ලබාගැනීමට ඔබට සහාය විය හැකියි. 🏡💙

👩‍⚕️ ඔබේ ආදරණීයයන්ගේ සත්කාරය ගැන සැලකිලිමත් වන ඔබට සහයක් වීමට අප සූදානම් !

අමතන්න :

📞 070 301 2898 | 011 287 0898 | 077 488 2898

📧 [email protected]
🌐 www.helphealnursingcare.com

💚 HelpHeal Nursing Care
Wings for a New Hope!

25/10/2026

🙏🌕 පින්බර වප් පුර පසළොස්වක පොහොය දිනයක් වේවා! 🪷

වප් පුර පසළොස්වක පොහොය දිනය බෞද්ධ ඉතිහාසයේ සුවිශේෂී සිදුවීම් රැසක් සිහිපත් කරන උතුම් දිනයකි.

🪷 වප් පොහොය දිනයේ ආගමික වැදගත්කම :

🔹 තව්තිසා දෙව්ලොවදී මාතෘ දිව්‍යරාජයාට අභිධර්මය දේශනා කිරීමෙන් අනතුරුව බුදුරජාණන් වහන්සේ සංකස්ස නුවරට වැඩම කර දේවාවරෝහණය සිදු කිරීම.

🔹 සැරියුත් මහරහතන් වහන්සේ මහා ප්‍රඥාවන්තයන් අතර අගතැන්පත් තනතුරට පත් කිරීම.

🔹 මෛත්‍රී බෝසතාණන් වහන්සේ ගෞතම බුද්ධ ශාසනයේ පැවිදි බවට පත්වීම.

🔹 ශ්‍රී මහා බෝධීන් වහන්සේ ශ්‍රී ලංකාවට වැඩම කරවීම සඳහා දූත පිරිසක් දඹදිවට පිටත් කර හැරීම.

🔹 වස් පවාරණය සිදු වන අතර, වස් කාලය අවසානයත් සමඟ කඨින චීවර පූජා සමය ආරම්භ වීම.

මෙවන් උතුම් සිදුවීම් සිහිපත් කරමින්, දාන, ශීල, භාවනා ආදී පින්කම්වල නිරත වෙමින් මෛත්‍රිය, කරුණාව සහ ප්‍රඥාව ජීවිතයට ළං කරගැනීමට මෙම පොහොය දිනය අපට මඟ පෙන්වයි.

සියලු සිත් සතන් සැනසේවා! මෛත්‍රිය හා කරුණාව පිරි සමාජයක් ගොඩනැඟීමට අපි සැවොම කැපවෙමු. 🙏🤍

💚 HelpHeal Nursing Care වෙතින් ඔබ සැමට පින්බර වප් පුර පසළොස්වක පොහොය දිනයක් වේවා!

-------------------------------

🙏🌕 Wishing You a Blessed Vap Full Moon Poya Day! 🪷

Vap Full Moon Poya Day commemorates several significant events in Buddhist history and holds great religious importance for Buddhists.

🪷 Religious Significance of Vap Poya

🔹 The Buddha's descent to Sankassa after preaching the Abhidhamma to His mother, who had been reborn in the celestial realm of Tavatimsa.

🔹 The appointment of Arahant Sariputta as the foremost among the Buddha's disciples in wisdom.

🔹 The ordination of Bodhisattva Maitreya during the dispensation of Gautama Buddha.

🔹 The dispatch of a delegation to India by King Devanampiya Tissa to arrange for the arrival of the Sacred Sri Maha Bodhi Tree in Sri Lanka.

🔹 The observance of the conclusion of the Buddhist rainy retreat (Vas), followed by the beginning of the Katina robe offering season.

This sacred day reminds us to follow the teachings of the Buddha through generosity, moral discipline, meditation, loving-kindness, and compassion.

May the teachings of the Buddha inspire us to lead meaningful lives filled with kindness, wisdom, and peace. 🙏🤍

💚 HelpHeal Nursing Care wishes you all a peaceful and meritorious Vap Full Moon Poya Day!

#වප්පොහොය

21/10/2026

🏡💙 ඔබේ ආදරණීයයන්ට නිවසේදීම වෘත්තීය හෙද සත්කාරයක් ! 💙🩺

රෝහල්ගතව සිට නිවසට පැමිණි පසුත්, තුවාලයක් සුව වන තුරුත්, වයස්ගත වූ ආදරණීයයන් රැකබලා ගැනීමේදීත් නිසි හෙද සත්කාරය ඉතා වැදගත් වේ.

HELPHEAL NURSING CARE සමඟින් ඔබේ ආදරණීයයන්ට නිවසේදීම අවශ්‍ය හෙද සත්කාර සේවාවන් ලබාගැනීමට දැන් ඔබටත් පුළුවන්.

🏡 නිවසේදී අප ලබාදෙන හෙද සත්කාර සේවා :

🩹 තුවාල සත්කාරය – තුවාල පිරිසිදු කිරීම සහ Dressing කිරීම.

👵 වැඩිහිටි සත්කාරය – වයස්ගත පුද්ගලයන් රැකබලා ගැනීම.

🛏️ ඇඳට සීමා වූ රෝගීන්ගේ සත්කාරය – දෛනික අවශ්‍යතා සඳහා සහාය වීම.

🏥 ශල්‍යකර්මවලින් පසු සත්කාරය – නිවසේදී සුවය ලබන රෝගීන් රැකබලා ගැනීම.

💊 ඖෂධ ලබාගැනීමේදී සහාය වීම – නියමිත ඖෂධ නිවැරදිව ලබාගැනීමට සහාය වීම.

🩺 රුධිර පීඩනය හා රුධිර සීනි පරීක්ෂාව

🧴 පුද්ගලික සනීපාරක්ෂක සත්කාරය – රෝගීන්ගේ දෛනික පිරිසිදුකම පවත්වා ගැනීමට සහාය වීම.

🩹 Pressure sore සත්කාරය – දිගුකාලීනව ඇඳේ සිටින රෝගීන්ගේ පීඩන තුවාල සඳහා සත්කාරය.

🚻 කැතීටර් සත්කාරය – අවශ්‍යතාව අනුව සුදුසුකම් ලත් වෘත්තිකයන් විසින්.

🥣 ආහාර ගැනීමේදී සහාය වීම – රෝගියාගේ අවශ්‍යතාව අනුව.

🌙 දිවා සහ රාත්‍රී හෙද සත්කාර සේවා – අවශ්‍යතාව අනුව කාලසීමාවක් සඳහා රෝගියා රැකබලා ගැනීම.

❤️ ඔබේ ආදරණීයයන්ට අවශ්‍ය වන්නේ නිසි සත්කාරය පමණක් නොව, ආදරය, කරුණාව සහ ආරක්ෂාවයි.

HELPHEAL NURSING CARE
Wings for a new hope! ✨🪽

📞 අදම අප අමතන්න!

☎️ 0112870898
☎️ 0774882898
☎️ 0703012898

📧 [email protected]
🌐 www.helphealnursingcare.com

💙 ඔබේ ආදරණීයයන්ගේ සුවපහසුව වෙනුවෙන් අපි ඔබ සමඟයි!

19/10/2026

🩸 ඔබේ රුධිර නාල ඇතුළේ නිහඬව සිදුවන මේ වෙනස ගැන ඔබ දන්නවාද?

අපේ ශරීරයේ සෑම අවයවයකටම ඔක්සිජන් සහ පෝෂ්‍ය පදාර්ථ රැගෙන යන්නේ රුධිරයයි. නමුත් කාලයත් සමඟ රුධිර නාලවල බිත්ති තුළ මේදමය ද්‍රව්‍ය තැන්පත් වීමෙන් රුධිරය ගලා යන මාර්ගය පටු විය හැකි බව ඔබ දන්නවාද? 😮
මෙම තත්ත්වය Atherosclerosis ලෙස හඳුන්වනවා.

_______________________

🔍 මේ තැන්පතු ඇතිවෙන්නේ කොහොමද?

රුධිර නාලවල බිත්ති තුළ කොලෙස්ටරෝල්, මේද සහ වෙනත් ද්‍රව්‍ය එකතු වී Plaque (තැන්පතු තට්ටුවක්) සෑදිය හැකියි.
කාලයත් සමඟ මෙම තැන්පතු විශාල වීමෙන් රුධිර නාල පටු විය හැකියි. සමහර අවස්ථාවල තැන්පතුවක් කැඩී එම ස්ථානයේ රුධිර කැටියක් ඇති විය හැකි අතර, එමඟින් රුධිර ගමනාගමනය හදිසියේ අවහිර විය හැකියි.

⚠️ ශරීරයේ කොතැනක ඇතිවුණත් අවදානම් විය හැකියි!

🫀 හෘදයට රුධිරය සපයන නාලවල ඇති වුවහොත් හෘදයාබාධයක් ඇතිවීමේ අවදානම වැඩි විය හැකියි.

🧠 මොළයට රුධිරය සපයන නාලවල ඇති වුවහොත් Stroke (ආඝාතය) ඇතිවීමේ අවදානම වැඩි විය හැකියි.

🦵 කකුල්වලට රුධිරය සපයන නාලවල ඇති වුවහොත් ඇවිදින විට කකුල්වල වේදනාව, පාදවල තුවාල සුව වීමට ප්‍රමාද වීම වැනි ගැටලු ඇතිවිය හැකියි.

_______________________

😨 භයානකම දේ මොකක්ද?

මුල් අවධියේදී බොහෝ දෙනෙකුට පැහැදිලි රෝග ලක්ෂණ නොතිබිය හැකියි.

ඒ නිසා “මට කිසිම අසනීපයක් නැහැ” කියලා හිතුවත්, රුධිර නාලවල තැන්පතු නැහැ කියලා සහතික වෙන්න බැහැ.
_______________________

🩺 අවදානම වැඩි කරන කරුණු මොනවාද?

🔸 LDL (නරක කොලෙස්ටරෝල්) මට්ටම ඉහළ යාම
🔸 දුම්පානය
🔸 අධි රුධිර පීඩනය
🔸 දියවැඩියාව
🔸 අධික බර
🔸 ව්‍යායාම අඩු ජීවන රටාව
🔸 පවුලේ හෘද රෝග පිළිබඳ ඉතිහාසයක් තිබීම

_______________________

💚 රුධිර නාල සෞඛ්‍යය රැකගන්නේ කොහොමද?

✅ එළවළු, පලතුරු සහ තන්තු බහුල ආහාර වැඩිපුර ගන්න.

✅ සංතෘප්ත මේද සහ ට්‍රාන්ස් මේද බහුල ආහාර සීමා කරන්න.

✅ ඔබට ගැළපෙන පරිදි නිතිපතා ශාරීරික ක්‍රියාකාරකම්වල යෙදෙන්න.

✅ දුම්පානයෙන් වළකින්න.

✅ රුධිර පීඩනය, රුධිර සීනි සහ කොලෙස්ටරෝල් මට්ටම් පරීක්ෂා කරගන්න.

✅ වෛද්‍යවරයා නිර්දේශ කළ ඖෂධ නිසි පරිදි භාවිත කරන්න.

මතක තබාගන්න:

කොලෙස්ටරෝල් මට්ටම පාලනය කිරීම වැදගත් වුවත්, ඒ සඳහා ආහාර පාලනය පමණක් ප්‍රමාණවත් නොවිය හැකියි. ඇතැම් අයට ඖෂධ ප්‍රතිකාරද අවශ්‍ය වෙනවා.
_______________________

🚨 මේ ලක්ෂණ ඇති වුණොත් වහාම රෝහලට යන්න!

❤️ පපුවේ තදවීමක් හෝ වේදනාවක්

🫁 හදිසි හුස්ම ගැනීමේ අපහසුතාවක්

🧠 මුහුණේ එක් පැත්තක් දුර්වල වීම, අතක් දුර්වල වීම හෝ කතා කිරීමේ අපහසුතාවක්
මේවා හෘදයාබාධයක හෝ Stroke එකක අනතුරු ඇඟවීම් විය හැකියි. හදිසි අවස්ථාවකදී ලක්ෂණ නැතිවන තුරු බලා නොසිට හදිසි වෛද්‍ය සහාය ලබාගන්න.

💙 ඔබේ රුධිර නාලවල සෞඛ්‍යය ගැන අදම අවධානය යොමු කරන්න. ඔබේ හදවත වෙනුවෙන් අද ගන්නා හොඳ තීරණයක් හෙට ඔබේ ජීවිතය ආරක්ෂා කිරීමට උපකාරී විය හැකියි.

🩺 HELPHEAL NURSING CARE
Wings for a new hope! ✨️🪽

📞 011 2870898 | 070 3012898 | 077 488 2898
📧 [email protected]
🌐 www.helphealnursingcare.com⁠�

16/10/2026

🧠 මොකක්ද මේ කුඩා අංශභාගය?

TIA – “Mini Stroke” ගැන ඔබ දැනගෙන සිටියාද?

සමහර වෙලාවට කෙනෙකුට හදිසියේම කතා කරගන්න බැරිවීම, අතක් දුර්වල වීම, පෙනීම වෙනස් වීම වගේ ලක්ෂණ ඇතිවෙලා… විනාඩි කිහිපයකින් හෝ පැය කිහිපයකින් ඒවා සම්පූර්ණයෙන්ම නැතිවෙන්න පුළුවන්.

“දැන් හොඳයිනේ… ඒ නිසා ප්‍රශ්නයක් නැහැ” කියලා හිතන්න එපා. ⚠️

ඒක TIA (Transient Ischemic Attack) එකක් විය හැකියි.

🔍 TIA කියන්නේ මොකක්ද?

TIA එකකදී මොළයේ කොටසකට රුධිරය ගලා යාම තාවකාලිකව අඩාල වීමක් සිදුවෙනවා.

Stroke එකක් වගේම ලක්ෂණ ඇතිවිය හැකි නමුත්, TIA එකකදී ඒ ලක්ෂණ සාමාන්‍යයෙන් ඉක්මනින් නැතිවෙයි.

🚨 TIA එකකදී ඇතිවිය හැකි ලක්ෂණ

🗣️ හදිසියේ කතා කිරීමට අපහසු වීම
💪 එක් අතක් හෝ පාදයක් දුර්වල වීම / හිරිවැටීම
👁️ හදිසි පෙනීමේ වෙනසක්
🚶 ඇවිදීමේදී සමබරතාව නැතිවීම / කරකැවිල්ල
🙂 මුහුණේ එක් පැත්තක් දුර්වල වීම
🧠 හදිසි මනස අවුල් වීම හෝ තේරුම් ගැනීමේ අපහසුතාව

⚠️ “දැන් හොඳයි” කියලා ගෙදර ඉන්න එපා!

TIA එකක් ඉදිරියේ ඇති විය හැකි Stroke එකක් පිළිබඳ අනතුරු ඇඟවීමක් විය හැකියි.

ඒ නිසා ලක්ෂණ නැතිවුණත් වහාම වෛද්‍ය ප්‍රතිකාර ලබාගැනීම වැදගත්. රෝහලේදී වෛද්‍යවරයාට අවශ්‍ය පරීක්ෂණ සිදු කර, Stroke අවදානම සහ හේතුව තක්සේරු කළ හැකියි.

❤️ මතක තබාගන්න:
ලක්ෂණ නැතිවුණා කියලා අවදානම නැතිවෙන්නේ නැහැ. ඒ නිසා මෙවන් ලක්ෂණ ඇති වූ වහාම රෝහල්ගත වීම වැදගත්.

🩺 HELPHEAL NURSING CARE
Wings for a new hope! ✨️🪽

📞 011 2870898 | 070 3012898 | 077 488 2898
📧 [email protected]
🌐 www.helphealnursingcare.com

15/10/2026

🦋 තයිරොයිඩ් ග්‍රන්ථිය විශාල වීම (Goiter/ගලගණ්ඩය) ගැන ඔබ දැනුවත්ද?

ගෙල ප්‍රදේශයේ ඉදිමීමක් දක්නට ලැබෙනවාද? එය තයිරොයිඩ් ග්‍රන්ථිය විශාල වීමේ ලක්ෂණයක් විය හැකියි. 💚

━━━━━━━━━━━━━━━
🩺 ගලගණ්ඩය යනු කුමක්ද?

තයිරොයිඩ් ග්‍රන්ථිය යන ගෙලෙහි ඉදිරිපස පිහිටා ඇති, ශරීරයේ පරිවෘත්තීය ක්‍රියාවලිය ඇතුළු වැදගත් කාර්යයන් පාලනය කරන හෝමෝන නිපදවන ග්‍රන්ථියකි. මෙම ග්‍රන්ථිය සාමාන්‍ය ප්‍රමාණයට වඩා විශාල වීම ගලගණ්ඩය ලෙස හඳුන්වයි.

━━━━━━━━━━━━━━━

🔍 ගලගණ්ඩය ඇතිවීමට හේතු

🔹 අයඩින් ඌනතාවය
🔹 තයිරොයිඩ් ග්‍රන්ථියේ ක්‍රියාකාරීත්වයේ වෙනස්කම්
🔹 Hashimoto’s thyroiditis වැනි ස්වයංප්‍රතිශක්තිකරණ රෝග
🔹 Graves’ disease වැනි තත්ත්ව
🔹 තයිරොයිඩ් ග්‍රන්ථියේ ගැටිති ඇතිවීම

━━━━━━━━━━━━━━━

⚠️ හඳුනාගත හැකි ලක්ෂණ

🔸 ගෙලෙහි ඉදිරිපස ඉදිමීමක් හෝ ගැටිත්තක් ඇතිවීම
🔸 ගිලීමේ අපහසුතාව
🔸 හුස්ම ගැනීමේ අපහසුතාව
🔸 කටහඬ වෙනස් වීම හෝ ගොරෝසු වීම
🔸 උගුරේ තදවීමක් දැනීම
🔸 සමහර අවස්ථාවල බර අඩුවීම හෝ වැඩිවීම
🔸 හෘද ස්පන්දනය වේගවත් වීම හෝ අධික වෙහෙස දැනීම

📌 වැදගත්: සමහර පුද්ගලයන්ට ගලගණ්ඩය තිබුණත් පැහැදිලි ලක්ෂණ නොතිබිය හැකියි.

━━━━━━━━━━━━━━━
🩺 ගලගණ්ඩය හඳුනාගන්නේ කෙසේද?

✔️ වෛද්‍ය පරීක්ෂාව
✔️ තයිරොයිඩ් හෝමෝන පරීක්ෂණ (TSH, T3, T4)
✔️ තයිරොයිඩ් අල්ට්‍රාසවුන්ඩ් පරීක්ෂණය
✔️ අවශ්‍යතාව අනුව වෙනත් පරීක්ෂණ

━━━━━━━━━━━━━━━

💊 ප්‍රතිකාර තිබෙනවාද?

ගලගණ්ඩය සඳහා ප්‍රතිකාර තීරණය කරන්නේ එයට හේතුව, ප්‍රමාණය සහ තයිරොයිඩ් ග්‍රන්ථියේ ක්‍රියාකාරීත්වය අනුවයි.

🔹 වෛද්‍ය අධීක්ෂණය යටතේ නිරීක්ෂණය කිරීම
🔹 අවශ්‍ය නම් ඖෂධ ලබාදීම
🔹 ඇතැම් අවස්ථාවල ශල්‍යකර්මයක් සිදු කිරීම

⚠️ වෛද්‍ය උපදෙස් නොමැතිව අයඩින් අතිරේක හෝ තයිරොයිඩ් ඖෂධ භාවිත නොකරන්න.

🚨 ගෙලේ ඉදිමීමක් සමඟ හුස්ම ගැනීමේ හෝ ගිලීමේ අපහසුතාවක් තිබේ නම් වහාම වෛද්‍ය ප්‍රතිකාර ලබාගන්න.

💚 ඔබේ සෞඛ්‍යය ගැන සැලකිලිමත් වන්න. රෝග ලක්ෂණ නොසලකා හරින්න එපා!

━━━━━━━━━━━━━━━

💚 HelpHeal Nursing Care
Wings for a New Hope 🪽✨️

📞 දුරකථන:
011 287 0898
070 301 2898
077 488 2898

📧 Email: [email protected]
🌐 Website: www.helphealnursingcare.com

14/10/2026

💊 ඖෂධ භාවිතයේදී මේ කරුණු 8 ගැන දැනගන්න! 💚

ඔබ භාවිත කරන ඖෂධ නිවැරදිව ලබාගැනීම ඔබේ සෞඛ්‍යය ආරක්ෂා කරගැනීමට ඉතා වැදගත්. එසේම වැරදි ඖෂධ භාවිතය නිසා අනවශ්‍ය අතුරු ආබාධ සහ සෞඛ්‍ය ගැටලු ඇතිවිය හැකියි.

_______________________

🩺 ආරක්ෂිත ඖෂධ භාවිතය සඳහා අනුගමනය කළ යුතු කරුණු 8ක්

1️⃣ වෛද්‍ය උපදෙස් අනුව ඖෂධ ලබාගන්න. වෛද්‍යවරයා නිර්දේශ කළ ආකාරයට ඖෂධ භාවිත කරන්න.

2️⃣ නිවැරදි මාත්‍රාව ලබාගන්න. නිර්දේශිත මාත්‍රාවට වඩා වැඩියෙන් හෝ අඩුවෙන් ඖෂධ ලබාගැනීමෙන් වළකින්න.

3️⃣ නියමිත වේලාවට ඖෂධ ලබාගන්න. ඖෂධ ලබාගත යුතු වේලාව සහ වාර ගණන පිළිබඳ උපදෙස් පිළිපදින්න.

4️⃣ වෛද්‍ය උපදෙස් නොමැතිව ඖෂධ නතර නොකරන්න. රෝග ලක්ෂණ අඩු වුවත්, විශේෂයෙන් නියමිත ප්‍රතිකාර පාඨමාලාවක් සඳහා ලබාදුන් ඖෂධ, වෛද්‍ය උපදෙස් අනුව භාවිත කරන්න.

5️⃣ කල් ඉකුත් වීමේ දිනය පරීක්ෂා කරන්න. ඖෂධ භාවිත කිරීමට පෙර එහි කල් ඉකුත් වීමේ දිනය සහ ඇසුරුම පරීක්ෂා කරන්න.

6️⃣ ඔබේ ඖෂධ අන් අය සමඟ බෙදා නොගන්න. ඔබට නිර්දේශ කළ ඖෂධ වෙනත් අයෙකුට ලබාදීමෙන් වළකින්න.

7️⃣ ඖෂධ ආරක්ෂිතව ගබඩා කරන්න. ඇසුරුමේ සඳහන් උපදෙස් අනුව, දරුවන්ට ළඟාවිය නොහැකි ස්ථානයක ඖෂධ තබන්න.

8️⃣ සැකයක් ඇත්නම් සෞඛ්‍ය වෘත්තිකයෙකුගෙන් විමසන්න. ඖෂධ භාවිතය, මාත්‍රාව හෝ අතුරු ආබාධ පිළිබඳ ගැටලුවක් ඇත්නම් වෛද්‍යවරයෙකුගෙන් හෝ ඖෂධවේදියෙකුගෙන් උපදෙස් ලබාගන්න.

_______________________

⚠️ විශේෂයෙන් මතක තබාගන්න!

ඔබගේ අභිමතය පරිදි ඖෂධ මාත්‍රාව වෙනස් කිරීමෙන් වළකින්න. ඖෂධයක් ලබාගැනීමට අමතක වූ විට හෝ අතුරු ආබාධ ඇති වූ විට කළ යුතු දේ පිළිබඳ වෛද්‍යවරයෙකුගෙන් හෝ ඖෂධවේදියෙකුගෙන් උපදෙස් ලබාගන්න.

━━━━━━━━━━━━━━━━━━

💚 HelpHeal Nursing Care
Wings for a New Hope 🪽✨️

📞 011 287 0898 / 070 301 2898 / 077 488 2898

📧 [email protected]
🌐 www.helphealnursingcare.com