Sinocare Myanmar

Call Directions Website Contact the business

Sinocare Myanmar The Leading Diabetes Digital Management Expert in the World(全球领先的糖尿病数字管理专家)
https://bhoneshweyimin.com

Sinocare Myanmar Page လေးကို 2017 September လမှာ စတင်တည်ထောင်ခဲ့ပါတယ်။ ဆီးချို၊ သွေးချိုဝေဒနာရှင်များအတွက် ကျန်းမာရေး အသိပညာ၊ ဗဟုသုတများအား ဝေဝေဆာဆာဖြင့် အများအကျိုးရှိအောင် ဝေမျှသွားမှာဖြစ်ပါတယ်ရှင့်။ စာပေများကို ရေးသားမျှဝေတဲ့နေရာမှာ ဆီးချိုသွေးချိုရောဂါအကြောင်းကို တကယ်နားလည်တတ်ကျွမ်းသော အထူးကုဆရာဝန်ကြီးများကိုယ်တိုင် ရေးသားထားသော၊ သတင်းအချက်အလက်များ တိကျမှန်ကန်သော စာများကိုသာ မူရင်းရေးသော စာရေးဆရာကို Credit ပေးပြီးတင်ပြသွားမှာဖြစ်ပါတယ်။
2017 November လဆန်းလောက်မှာတော့ Sinocare Myanmar ရဲ ့ Product ဖြစ်တဲ့ Safe-Accu Glucometer (ဆီးချိုသွေးချိုတိုင်းစက်) ကို စျေးကွက်အတွင်း စတင်ဖြန့်ချိပေးမှာ ဖြစ်ပါတယ်။
ဆီးချိုသွေးချိုတိုင်းစက်ထုတ်လုပ်ဖြန့်ချိမှုတွင် ကမ္ဘာ့နံပါတ် (၆) အဆင့်ရှိပြီး အာရှအကြီးမားဆုံးဖြစ်သော Sinocare Co-operation မှ တင်သွင်းထားသည့် ဆီးချိုသွေးချိုတိုင်းစက်ကို " ဘုန်းရွှေရည်မင်း ကုမ္ပဏီလီမိတက်" မှ မိဘပြည်သူများလက်သို့ အရောက်ပို့ဆောင်ရင်း၊ ကျန်းမာရေး ဗဟုသုတများကို ဆက်လက်ဝေမျှပေးသွားမှာ ဖြစ်ပါတယ်ရှင့်။
အားလုံးပဲ ကာယ၊ စိတ္တ နှစ်ဖြာသောသုခနှင့် ပြည့်စုံ၍ ကျန်းမာကြပါစေကြောင်း Sinocare Myanmar မိသားစုမှ ဆုတောင်းမေတ္တာပို့သအပ်ပါတယ်ရှင့်။

ဆီးချိုရောဂါယုံတမ်းစကားများ*****************************အချိုတွေအများကြီးစားရင် ဆီးချို၊သွေးချို ဖြစ်လိမ့်မယ် ဆိုတာမျိုး...
19/10/2026

ဆီးချိုရောဂါယုံတမ်းစကားများ
*****************************
အချိုတွေအများကြီးစားရင် ဆီးချို၊သွေးချို ဖြစ်လိမ့်မယ် ဆိုတာမျိုး ကြားဖူးပါလား။ ဆီးချိုဖြစ်ရင် ကိုယ်စားချင်တာတွေတစ်ခု မှမစားရတော့ဘူး ဆိုတာမျိုးရော ပြောလေ့ရှိကြတယ်မလား။ ဒါတွေအားလုံးဟာ မမှန်ပါဘူး။ တကယ်တော့ ဆီးချို ရောဂါနဲ့ ပတ်သက်ပြီး ယုံတမ်းစကားတွေ အများကြီးပြောနေကြတာတွေဟာ နည်းနည်းလွဲနေပါတယ်။

ဆီးချိုရှိတဲ့သူတွေမှာ ဘယ်လိုယုံတမ်းစကားလေးတွေ ပြောလေ့ရှိလဲဆိုတာကို လေ့လာလိုက်ရအောင်ပါ။

(၁) အချိုတွေအစားများတာဟာ ဆီးချို ရောဂါဖြစ်လေ..
မဖြစ်ပါဘူး။ ဆီးချိုဖြစ်တယ်ဆိုတာ ကိုယ်စားလိုက်တဲ့ အစားစာတွေကိ စွမ်းအင်အဖြစ်ပြောင်းတဲ့နေရာမှာ ချို့ယွင်းတာကြောင့် ဖြစ်ပါတယ်။

(၂) ဆီးချိုမတက်အောင် ဘာမှမစားဘဲ နေတာကောင်းလား။
မကောင်းပါဘူး။ ဆီးချိုဖောက်လိုက်တိုင်း သုံးရာကျော်၊ လေးရာကျော်ဖြစ်နေတဲ့ လူနာတွေဟာ ဒီလိုဆီးချိုမတက်အောင် ဆိုပြီး အစာမစားတော့တာတွေ လုပ်တာ တွေ့ရပါတယ်။ ဒါဟာအရမ်းကြောက်ဖို့ ကောင်းပါတယ်။ သူတို့ဟာ ဆီးချိုကျ ဆေး ပုံမှန်သောက်ရ၊ ထိုးရတာတွေရှိတဲ့ အတွက်အစားသာမစားထားရင်သွေးတွင်း သကြားဓာတ်တွေ တဟုန်ထိုးကျဆင်း သွားပြီး Hypoglycemia ကြောင့် ရင်တုန်တာ၊ ချွေးစေးထွက်တာ၊ ခြေဖျား လက်ဖျားတွေအေးစက်လာတာတွေ၊ မူးမေ့တာတွေ ဖြစ်လာပါလိမ့်မယ်။

(၃)ကာဗိုဟိုက်ဒရိတ်ဓာတ်တွေကို ဆီးချိုသမားတွေ မစားသင့်ဘူး။
ကာဗိုဟိုက်ဒရိတ်ဟာ ကျွန်မတို့ခန္ဓာကိုယ် ရဲ့ စွမ်းအင်အရင်းမြစ်ပါပဲ။ ဒါကြောင့် ဆီးချိုသမားပဲဖြစ်ဖြစ်၊ ပုံမှန်လူပဲဖြစ်ဖြစ် ကာဗိုဟိုက်ဒရိတ်ဓာတ်ကို လိုပါတယ်။ ဒါပေမယ့် သွေးတွင်းသကြားဓာတ်ပမာဏ အပေါ်လည်း သက်ရောက်မှုရှိပြန်တဲ့ တွက် တစ်နေ့ကို ကာဗိုဟိုက်ဒရိတ် ဘယ်လောက်စားမယ်ဆိုတာ ကန့်သတ် ထားရပါမယ်။ အစေ့အနှံနဲ့ အသီးတွေက ရတဲ့ကာဗိုဟိုက်ဒရိတ်က အချိုဓာတ်ကဲတဲ့ ကာဗိုဟိုက်ဒရိတ်တွေထက် ပိုသင့်တော်ပါတယ်။

(၄) ကာဗိုဟိုက်ဒရိတ်လျော့စားပြီး ပရိုတင်းများများစားမယ်။
ကစီဓာတ်က သွေးတွင်းသကြားဓာတ်ကို တက်စေတာကြောင့် ကာဗိုဟိုက်ဒရိတ် လျော့စားပြီး ပရိုတင်းများများစားမယ် ဆိုရင် ကိုယ်စားတဲ့အသားဓာတ်ကိုလည်း ဂရုပြုဖို့လိုပါလိမ့်မယ်။ ပြည့်ဝဆီတွေ၊ ကိုလက်စထရောတွေများနေတဲ့ အသည်းတွေဖြစ်နေမယ်ဆိုရင် နှလုံးနဲ့ သွေးကြောရောဂါတွေပါ ဖြစ်လာနိုင်တာ မို့ ဆရာဝန်ကိုသေချာမေးမြန်းပြီး စားတာ ကောင်းပါတယ်။ အသား၊ အသီးအရွက် နဲ့ ထမင်းကို ပုံစံပန်းကန်လေးနဲ့ အချိုးချ စားတာက ဆီးချိုသမားတွေအတွက် ပိုသင့်လျော်ပါတယ်။

(၅) စားချင်သလောက်စား၊ ပြီးရင် ဆေးပြန် သောက်လို့ရတယ်။
ဆီးချိုကျဆေး သောက်နေ၊ ထိုးနေတယ် ဆိုတာ ကိုယ်ကြိုက်တာစားလို့ရအောင် မဟုတ်ပါဘူး။ ဆီးချိုတွေဆောင့်တက်မှ ဆေးတွေတိုးသောက်တာကလည်း ကောင်းကျိုးမရှိပါဘူး။ အမြင်အာရုံနဲ့ ကျောက်ကပ်တွေကိုလည်း ထိခိုက်စေပါ တယ်။ တချို့ဆေးတွေဟာ ဆရာဝန်ညွှန် ကြားထားတဲ့ ပမာဏအတိုင်းသောက်တာက သက်ရောက်မှုကောင်းစေတာမို့ ကိုယ့် သဘောနဲ့ ကိုယ်အတိုးအလျော့မလုပ်ဘဲ မေးမြန်းတိုင်ပင်သင့်ပါတယ်။

(၆) ကိုယ်ကြိုက်တဲ့အစားစာတွေကို စွန့်လွှတ်ရတော့မလား။
လုံးဝစွန့်လွှတ်ဖို့တော့ မလိုပါဘူး။ အစားစာချက်ပြုတ်ပြင်ဆင်တဲ့နေရာမှာ အပြောင်းအလဲနည်းနည်းလုပ်ပြီး စားလို့ ရပါတယ်။ အချိုလျော့တာမျိုး၊ ဆီးချိုသမားအတွက် ထုတ်ထားတဲ့သကြားတွေ သုံးတာမျိုး၊ ရေခဲမုန့် နှစ်ဇွန်းစားနေကျဆိုရင် တစ်ဇွန်းလောက်လျော့လိုက်တာမျိုးတို့ လုပ်ပါ။

(၇) ဆီးချိုသမားတွေစားဖို့ အိမ်ကလူတွေ က သီးသန့်ချက်ပြုတ်ပြင်ဆင်ပေးရတယ်။
တကယ်က မလိုပါဘူး။ ဆီးချိုသမားတွေ စားရတဲ့အစားစာပုံစံဆိုတာ လူတိုင်းစားရ မယ့် ကျန်းမာရေးနဲ့ညီညွတ်တဲ့ အစားစာ မျိုးပါပဲ။ အသီးအရွက်များများ၊ အသား ဓာတ်တော်သင့်ရုံနဲ့ ထမင်းနည်းနည်းပေါ့။

ဆီးချိုရှိတဲ့သူတွေမှာ ဆီးချိုကို နိုင်အောင်ထိန်းချုပ်တဲ့နေရာမှာ ကိုယ်ထင်တာကိုယ်လုပ်နေလို့တော့ မရပါဘူး။ အစားအသောက်၊အနေအထိုင်ဆင်ခြင်၊ ဆေးသောက်စရာရှိရင်သောက် ၊ လေ့ကျင့်ခန်းပုံမှန်လုပ်၊ ကျန်းမာရေးစစ်ဆေးမှုပုံမှန်လုပ်၊ ဆရာဝန်နှင့် ရက်ချိန်းပုံမှန်ပြခြင်းဖြင့် အသက်ရှည်ကျန်းမာစွာ နေထိုင်နိုင်ကြပါစေရှင့်။

😊 ဆီးချိုသွေးချိုဝေဒနာရှင်များအတွက် အခုလိုမျိုး အဖိုးထိုက်တန်လှတဲ့ စာပေများကို နေ့စဉ်ပုံမှန်ဖတ်ရှုခွင့်ရလိုပါက ကျွန်မတို့ရဲ့💙 Sinocare Myanmar 💙Page လေးကို Like & Follow လုပ်ထားဖို့ ၊ See First လုပ်ထားဖို့ မမေ့ပါနဲ့ရှင့်။😊
❣️အသိပညာဝေမျှခြင်းဟာလည်း ကုသိုလ်ဒါနတစ်မျိုးဖြစ်တဲ့အတွက် ဒီ Post လေးဟာ စာဖတ်သူတို့ အတွက် အကျိုးတစ်စုံတရာ ရရှိခဲ့မယ်ဆိုရင် Like & Share လုပ်ရင်းကုသိုလ်ယူနိုင်ပါတယ်ရှင့်။❣️
🙏 ကိုယ်စိတ်နှစ်ပါးကျန်းမာရွှင်လန်းကြပါစေရှင် 🙏
🍀 အထက်ပါအကြောင်းအရာများကို ရေးသားသော ဒေါက်တာစိမ့်အား လေးစားစွာဖြင့် Credit ပေးပါသည်။ 🍀.
Sinocare Myanmar

Bhone Shwe Yi Min Co.,Ltd
ဆီးချိုသွေးတိုးသုတများ
#ဆီးချိုတိုင်းစက် #ဆီးချိုသွေးချို #ဆီးချို #သွေးချို #ဆီးချိုသွေးချိုတိုင်းစက်
#ဆီးချိုတိုင်းစက် #ဆီးချိုသွေးချို #ဆီးချို #သွေးချို
#အလုပ်လျှောက်ထားရန်
**********************
Viber : 09444011925
Messenger: Bhone Shwe Yi Min HR
#အလုပ် #အလုပ်အကိုင် #ဝန်ထမ်း

ကော်ဖီကြိုက်တဲ့ ဆီးချိုသမားများ ဘယ်လိုကော်ဖီရွေးချယ်သောက်သင့်လဲ❓☕ ဆီးချိုသမားတွေဟာ သာမာန်လူတွေလိုပဲ ကော်ဖီသောက်နိုင်ပါတယ...
17/10/2026

ကော်ဖီကြိုက်တဲ့ ဆီးချိုသမားများ ဘယ်လိုကော်ဖီရွေးချယ်သောက်သင့်လဲ❓
☕ ဆီးချိုသမားတွေဟာ သာမာန်လူတွေလိုပဲ ကော်ဖီသောက်နိုင်ပါတယ်။
☕ သကြားမပါတဲ့ ကော်ဖီမည်း (Black Coffee with no sugar) နှင့် သကြားဓာတ်လျှော့ချထားတဲ့ ကော်ဖီ (Diet Coffee) တို့ကို သောက်သုံးနိုင်ပါတယ်။
☕ သို့မဟုတ် ကော်ဖီမှုန့်အစစ်နဲ့ နှပ်ထားတဲ့ အရည်ထဲမှာ သကြားတု (zero calorie sweetener) တစ်ထုပ် သို့မဟုတ် သကြားညိုတစ်ခဲ နှင့် အဆီထုတ်ပြီးသားနွားနို့ (နို့မှုန့်မဟုတ်ပါ) Skimmed Milk ကိုရောစပ်၍ သောက်သုံးနိုင်ပါတယ်။
☕အသင့်သောက်သုံးနိုင်တဲ့ ကော်ဖီမစ် ခေါ် Instant Coffeemix (3 in 1) သို့မဟုတ် (2 in 1) ကော်ဖီမစ်များကို လုံးဝ မသောက်သုံးသင့်ပါ။
☕ ထို ကော်ဖီမစ် များတွင်ပါဝင်သော Creamer ဆိုတာဟာ နို့ထွက်ပစ္စည်းမဟုတ်သော နို့မှုန့်များဖြစ်ပြီး ဟင်းရွက်ဆီ သို့မဟုတ် စားအုန်းဆီတွေ ပါဝင်ပါတယ်။
☕နှလုံး၊ သွေးကြော၊ ကျောက်ကပ်၊ အသည်းနှင့် အာရုံကြောစနစ်ကို ဥပဒ်ဖြစ်စေသောကြောင့် ရှောင်ကြဉ်သင့်ပါတယ်။

ဆီးချိုဝေဒနာရှင်များအတွက် အခုလိုမျိုး အဖိုးထိုက်တန်လှတဲ့ စာပေများကို နေ့စဉ်ပုံမှန်ဖတ်ရှုခွင့်ရလိုပါက ကျွန်မတို့ရဲ့💙 Sinocare Myanmar 💙Page လေးကို Like & Follow လုပ်ထားဖို့ ၊ See First လုပ်ထားဖို့ မမေ့ပါနဲ့ရှင့်။😊
❣️အသိပညာဝေမျှခြင်းဟာလည်း ကုသိုလ်ဒါနတစ်မျိုးဖြစ်တဲ့အတွက် ဒီ Post လေးဟာ စာဖတ်သူတို့ အတွက် အကျိုးတစ်စုံတစ်ရာ ရရှိခဲ့မယ်ဆိုရင် Like & Share လုပ်ရင်းကုသိုလ်ယူနိုင်ပါတယ်ရှင့်။❣️
🙏ကိုယ်စိတ်နှစ်ပါးကျန်းမာရွှင်လန်းကြပါစေရှင်🙏
🍀 အထက်ပါအကြောင်းအရာများကို ဒေါက်တာစိုးခိုင် ရေးသားထားသော ဆီးချိုရောဂါနှင့် နေထိုင်ခြင်း နှင့် အမေးအဖြေ စာအုပ်မှ ကောက်နုတ်ဖော်ပြထားသောကြောင့် လေးစားစွာဖြင့် Credit ပေးပါသည်ရှင့်။🍀
Sinocare Myanmar

Bhone Shwe Yi Min Co.,Ltd
ဆီးချိုသွေးတိုးသုတများ

#ဆီးချိုတိုင်းစက် #ဆီးချိုသွေးချို #ဆီးချို #သွေးချို #ဆီးချိုသွေးချိုတိုင်းစက်


#ဆီးချိုတိုင်းစက် #ဆီးချိုသွေးချို #ဆီးချို #သွေးချို

#အလုပ်လျှောက်ထားရန်
**********************
Viber : 09444011925
Messenger: Bhone Shwe Yi Min HR

#အလုပ် #အလုပ်အကိုင် #ဝန်ထမ်း

🎗️အခမဲ့ ဆီးချိုသွေးချို စစ်ဆေးပေးခြင်း အစီအစဉ်🎗️🎗️ ပြည်သူ့ကျန်းမာရေးစောင့်ရှောက်ခြင်း လုပ်ငန်းစဉ်တွင် အုတ်တစ်ချပ် သဲတစ်ပ...
17/10/2026

🎗️အခမဲ့ ဆီးချိုသွေးချို စစ်ဆေးပေးခြင်း အစီအစဉ်🎗️

🎗️ ပြည်သူ့ကျန်းမာရေးစောင့်ရှောက်ခြင်း လုပ်ငန်းစဉ်တွင် အုတ်တစ်ချပ် သဲတစ်ပွင့်အနေဖြင့် ပါဝင်ရန်အလို့ငှာ မိဘပြည်သူများအတွက် ဆီးချိုသွေးချို အခမဲ့ စစ်ဆေးပေးခြင်း အစီအစဉ်ကို

🔹မန္တလာသီရိဘောလုံးကွင်း မန္တလေးမြို့တွင် 17.10.2026 (စနေနေ့) ၌

Sinocare Myanmar မှ တာဝန်ယူပြုလုပ်ပေးခဲ့တာ ဖြစ်ပါတယ်။

🎗️Safe AQ UG Meter လေးများဖြင့် ‌ဆီးချို‌သွေးချိုစစ်ပေးခြင်း၊ Uric acid စစ်ပေးခြင်းကို အခမဲ့ပြုလုပ်ပေးခဲ့သော ပုံရိပ်လေးများအား မျှဝေပေးလိုက်ပါတယ်။

🥰နောင်ထပ်ပြုလုပ်မဲ့ အစီအစဉ်များတွင် ပါဝင်နိုင်ဖို့ နှင့် ဆီးချိုသွေးချိုဆိုင်ရာ ဗဟုသုတများစွာ သိရှိနိုင်စေရန် ♥️ Sinocare Myanmar ♥️ page လေးကို Like & Follow လုပ်ပြီး စောင့်ကြည့်ပေးပါရှင့်။

ကျန်းမာခြင်းသုခနှင့် ပြည့်စုံကြပါစေ။🙏
Sinocare Myanmar
Bhone Shwe Yi Min Co.,Ltd

#ဆီးချိုလူနာတိုင်းနဲ့အမြဲအတူရှိနေသောSinocare


#ဆီးချိုတိုင်းစက် #ဆီးချိုသွေးချိုတိုင်းစက် #ဆီးချို

#အလုပ်လျှောက်ထားရန်
**********************
Viber : 09444011925
Messenger: Bhone Shwe Yi Min HR

#အလုပ် #အလုပ်အကိုင် #ဝန်ထမ်း

တော်တော်များများ သိချင်နေကြတဲ့ ...ဆီးချိုသွေးချိုရောဂါနှင့် အိပ်မပျော်ခြင်းဟာ ဆက်စပ်ပါသလား။👩‍⚕️ဆီးချိုသွေးချိုဝေဒနာရှင် ...
16/10/2026

တော်တော်များများ သိချင်နေကြတဲ့ ...
ဆီးချိုသွေးချိုရောဂါနှင့် အိပ်မပျော်ခြင်းဟာ ဆက်စပ်ပါသလား။

👩‍⚕️ဆီးချိုသွေးချိုဝေဒနာရှင် တော်တော်များများက ညဘက်ကောင်းကောင်းအိပ်မပျော်ဘဲ မနက်မိုးလင်းရင် နုံးချိနေတာမျိုးခံစားရတတ်ပါတယ်။ ဒီလိုဖြစ်ရခြင်းဟာ ဆီးချိုသွေးချိုကြောင့်ပဲလား ဒါမှမဟုတ် စိတ်ဖိစီးမှုများလို့လားလို့ဒွိဟဖြစ်နေရင် ဒီဆောင်းပါးလေးဖတ်ကြည့်လိုက်ရအောင်နော်။

👩‍⚕️အိပ်မပျော်တာဟာ ရောဂါခံထွေထွေထူးထူးမရှိဘဲ အိပ်မပျော်တာ (Primary insomnia) ကြောင့်ဖြစ်နိုင်သလို ရောဂါအခံတစ်ခုခုကြောင့် အိပ်မပျော်တာ (Secondary insomnia) လည်းဖြစ်နိုင်ပါတယ်။ အမျိုးအစား(၂)ဆီးချိုဝေဒနာရှင် ၅၀ရာခိုင်နှုန်းလောက်ဟာ အိပ်ရေးမဝတာ၊ အိပ်မပျော်တာခံစားနေရပြီး ထိုသို့အိပ်မပျော်ခြင်းဟာ ဆီးချိုရောဂါနဲ့ တိုက်ရိုက်ဆက်စပ်မှုရှိနေပါတယ်။ ဘယ်လိုဆက်စပ်နေလဲကြည့်လိုက်ရအောင်နော်။

၁) သွေးတွင်းသကြားဓာတ် မငြိမ်သက်ခြင်းကြောင့် (သွေးတွင်းသကြားဓာတ် မြင့်တက်နေခြင်း hyperglycemia ကြောင့်ဖြစ်နိုင်သလို သွေးတွင်းသကြားဓာတ် ပုံမှန်ထက်ကျနေခြင်း hypoglycemia ကြောင့်လည်း) ဖြစ်နိုင်ပါတယ်။

၂) ရောဂါရဲ့နောက်ဆက်တွဲတွေဖြစ်တဲ့ စိုးရိမ်ပူပန်ခြင်း၊ စိတ်ဓာတ်ကျခြင်းစတာတွေကြောင့်။

၃) သွေးတွင်းသကြားဓာတ်များနေတဲ့အချိန်မှာ ကျောက်ကပ်က ဆီးသွားစွန့်ထုတ်ခြင်းဖြင့် ထိန်းညှိနေရတဲ့အတွက် ညဘက်မှာ ဆီးခဏခဏထသွားနေရတဲ့အခါ။

၄) သွေးထဲမှာ အချိုဓာတ်များနေရင် ခေါင်းကိုက်တာ၊ ရေခဏခဏဆာတာနဲ့ နုံးချိတာတွေ ခံစားရတဲ့အတွက် တော်တော်နဲ့အိပ်မပျော်တာ။

၅) အစာမစားဘဲ နာရီပေါင်းများစွာကြာတဲ့အခါ ဒါမှမဟုတ် ဆီးချိုဆေး သေချာမထိန်းညှိဘဲ သောက်တဲ့အခါမှာ သွေးတွင်းအချိုဓာတ် ပုံမှန်ထက်ကျတဲ့အတွက် ညဘက်တွေမှာ အိပ်မက်ဆိုးမက်ပြီး နိုးလာမယ်၊ နိုးလာတဲ့အခါမှာ လက်တွေခြေတွေ တုန်နေမယ်၊ ချွေးတွေ တအားထွက်နေမယ်၊ ဂဏှာမငြိမ်ဖြစ်နေမယ် စသည်ဖြင့် ဆက်စပ်မှု ရှိနိုင်ပါတယ်။

👩‍⚕️နောက်ပြီး ဆီးချိုရောဂါနှင့်အိပ်မပျော်ခြင်းဟာ အပြန်အလှန်ဆက်စပ်မှုလည်းရှိပါသေးတယ်။ ဆီးချိုရောဂါကြောင့် အိပ်မပျော်သလို အိပ်ရေးမဝခြင်း၊ အိပ်မပျော်ခြင်းကြောင့်လည်း ဆီးချိုရောဂါကို ပိုဆိုးစေပါတယ်။

💁လေ့လာတွေ့ရှိမှုချက်များအရ အိပ်စက်ချိန် ၆ နာရီအောက်နှင့် ၈ နာရီအထက်ရှိတဲ့ ဆီးချိုဝေဒနာရှင်တွေရဲ့ လေးပုံတစ်ပုံမှာ သွေးတွင်းအချိုဓာတ် မြင့်တက်နေတာကို တွေ့ရှိခဲ့ရပါတယ်။

👩‍⚕️အိပ်ရေးပျက်ခြင်းကြောင့် ဆီးချိုရောဂါရှိသူများသာမက ရောဂါမရှိသူများမှာလည်း သွေးတွင်းအချိုဓာတ်ကိုမြှင့်တက်စေပါတယ်။ ဒီလိုဖြစ်ရတဲ့အကြောင်းအရင်းကို သေချာမသိသေးပေမယ့် အိပ်မပျော်တဲ့အခါ အင်ဆူလင် (insulin) ရဲ့ လုပ်ငန်းဆောင်တာကို အနှောင့်အယှက်ဖြစ်စေပြီး သွေးတွင်းသကြားဓာတ်မြှင့်တက်လာစေခြင်းနဲ့ အိပ်ရေးမဝခြင်းကြောင့် ဖြစ်ပေါ်လာတဲ့ စိတ်ဖိစီးမှုတွေကြောင့်လို့ ယူဆကြပါတယ်။

👩‍⚕️ဒီလိုနဲ့ မုန့်လုံးစက္ကူကပ်သလိုပဲ ဆီးချိုဝေဒနာရှင်တွေဟာ အိပ်ရေးပျက်တဲ့အခါမှာ မနက်စောစော ဖောက်စစ်ရမယ့်အချိုဓာတ် (fasting glucose) ကို မစစ်မိတာမျိုးတွေ၊ လေ့ကျင့်ခန်း မှန်မှန်မလုပ်နိုင်တာတွေ နဲ့ စိတ်ဖိစီးမှုတွေ ဖြစ်လာပြီး ရောဂါပိုဆိုးလာသလို နေ့စဥ်စွမ်းဆောင်ရည်တွေလည်း ကျလာနိုင်ပါတယ်။

👉နောက်ပြီး ဆီးချိုဝေဒနာရှင်တွေ အိပ်မပျော်ရတဲ့ နောက်ထပ် အဓိကအကြောင်းရင်း ( ၂ ) ရပ်ကတော့ Restless Legs Syndrome (RLS) နှင့် Obstructive Sleep Apnea (OSA) တို့ကြောင့် ဖြစ်ပါတယ်။

၁) Restless Legs Syndrome (RLS)

အမျိုးအစား ( ၂ ) ဆီးချိုဝေဒနာရှင် ၅ ယောက်မှာ ၁ ယောက်က ညဘက်အိပ်ခါနီးကျရင် ခြေထောက်ထုံကျဥ်ပြီး တစ်ခါတစ်ရံ မီးစနဲ့ထိုးသလို ပူတာကြောင့် အိပ်မရဖြစ်တတ်ပါတယ်။
ဒီလိုဖြစ်ရတာဟာ ဆီးချိုရောဂါနောက်ဆက်တွဲကြောင့် လက်ဖျားခြေဖျားက အာရုံကြောတွေ ပျက်စီးလို့ဖြစ်ပြီး ကြာလာရင် ပိုဆိုးလာတတ်လို့ ဆရာဝန်နဲ့တိုင်ပင်ကုသသင့်ပါတယ်။

၂) Obstructive Sleep Apnea (OSA)

အမျိုးအစား ( ၂ ) ဆီးချိုဝေဒနာရှင် ၄ ယောက်မှာ ၁ ယောက်ကတော့ ညဘက်အိပ်နေရင်း ဟောက်တာ၊ ခဏတာအသက်ရှုရပ်သွားလို့ ဝူးဝူးဝါးဝါးဖြစ်တာမျိုး ဖြစ်တတ်ပါတယ်။ ဒီလိုဖြစ်နေရင် မိမိကိုယ်တိုင် သတိမထားမိဘဲ မိမိဘေးမှာအိပ်နေတဲ့မိသားစုဝင်ကပဲ သတိထားမိတတ်ပါတယ်။ တစ်ညလုံးမှာ ဒီလိုမကြာခဏဖြစ်ပြီး မိမိကိုယ်တိုင်တောင် သတိမထားမိပဲ ခဏတာနှိုးနှိုးလာတဲ့အတွက် အိပ်ရေးအပြည့်အဝမရပဲ မနက်မိုးလင်းရင်နုံးနေတာ၊ အိပ်ရေးမဝသလို ခံစားရတာ ဖြစ်နေတတ်ပါတယ်။ ဒီလို မကြာခဏဖြစ်နေရင် အသက်အန္တရာယ်ရှိနိုင်လို့ ဆရာဝန်နဲ့ ဆွေးနွေးတိုင်ပင်ဖို့ လိုအပ်ပါတယ်။

👉အိပ်ရေးပျက်တာ၊ အိပ်မပျော်တာကိုဘယ်လိုဖြေရှင်းကြမလဲ။
ဆီးချိုဝေဒနာရှင်တွေ အိပ်မပျော်ရခြင်းရဲ့ အကြောင်းရင်းတွေ သိပြီဆိုတော့ မိမိကိုယ်ကိုယ် ဆန်းစစ်ပြီး ဖြစ်ရတဲ့အကြောင်းအရင်းတွေကို ရှောင်ရှားလိုက်ရင် ပုံမှန်အတိုင်း ပြည့်ဝတဲ့အိပ်စက်ခြင်းကို ပြန်လည်ရရှိစေမှာပါ။

၁) အဓိက က သွေးတွင်းသကြားဓာတ် မြင့်တက်လို့ဖြစ်တာဖြစ်တဲ့အတွက် သွေးတွင်းသကြားဓာတ်ကို နေ့စဥ် နေထိုင်စားသောက်မှုပုံစံနဲ့တကွ ဆေးကိုသေချာစွာ ထိန်းညှိခြင်းဖြင့် ပုံမှန်ဖြစ်အောင် ပြုလုပ်ရပါမယ်။

၂) အိပ်ခါနီး အိပ်စက်ခြင်းကိုနှောင့်ယှက်တဲ့ လေ့ကျင့်ခန်းပြင်းပြင်းထန်ထန်လုပ်တာ၊ အရက်၊ ဝိုင်၊ ကော်ဖီသောက် စတာမျိုးတွေရှောင်ရှားရပါမယ်။

၃) နေ့စဥ်အိပ်ရာဝင်ချိန်ကို ပုံသေ သတ်မှတ်ပြီး သတ်မှတ်ထားတဲ့အချိန်အတိုင်းအိပ်ရာဝင်ဖို့လိုပါမယ်။

၄) အိပ်ယာကိုသန့်သန့်ရှင်းရှင်းထားပြီး ဖုန်း၊ Laptop စတဲ့ electronic ပစ္စည်းတွေကို ဘေးမှာထားပြီး အိပ်တာမျိုးတွေ ရှောင်ကြဉ် ရပါမယ်။

၅) အိပ်ပျော်ခြင်းကို အားပေးတဲ့နွားနို့ပူပူလေးသောက်တာမျိုးတွေ၊ နေ့ခင်းဘက်မှာ ပုံမှန်လေ့ကျင့်ခန်း လုပ်တာမျိုးတွေ၊ မအိပ်ခင် ရေနွေးနွေးလေးချိုးပြီး အိပ်တာမျိုးတွေ ပြုလုပ်ပေးလို့ရပါတယ်။

၆) လိုအပ်ရင် ဆရာဝန်နဲ့တိုင်ပင်ပြီး အိပ်ပျော်ခြင်းကိုအားပေးတဲ့ Melatonin ဟော်မုန်းဆေးကို သောက်လို့ရပါတယ်။ Alprazolam တို့၊ Diazepam တို့လို အိပ်ဆေးတွေကတော့ မလိုအပ် ဘဲ သောက်ရင် ရေရှည်မှာအန္တရာယ်ဖြစ်စေနိုင်လို့ ဆရာဝန်ညွှန်ကြားချက်မပါဘဲ လုံးဝမသောက်သင့်ပါ။ ဆရာဝန်ညွှန်ကြားချက် မပါရင်လည်း ဝယ်ယူလို့မရပါ။

ကဲ ဒါဆိုရင် ဆီးချိုဝေဒနာရှင်များလည်း မိမိတို့အိပ်စက်ခြင်းကို အနှောင့်အယှက်ပေးနေတဲ့ အကြောင်းအရာတွေကို ဖယ်ရှားနိုင်ပြီလို့မျှော်လင့်ပါတယ်။

ဆီးချိုဝေဒနာရှင်တွေ ကောင်းမွန်စွာ အိပ်စက်နိုင်ပြီး အကျိုးတစ်ခုခုရရှိသွားမယ်လို့ မျှော်လင့်ပါတယ်ရှင့်။

ဆီးချိုသွေးချိုဝေဒနာရှင်များအတွက် အခုလိုမျိုး အဖိုးထိုက်တန်လှတဲ့ စာပေများကို နေ့စဉ်ပုံမှန်ဖတ်ရှုခွင့်ရလိုပါက ကျွန်မတို့ရဲ့ 💙Sinocare Myanmar💙Page လေးကို Like & Follow လုပ်ထားဖို့ ၊ See First လုပ်ထားလို့ရပါတယ်ရှင့်😊

❣️အသိပညာဝေမျှခြင်းဟာလည်း ကုသိုလ်ဒါနတစ်မျိုးဖြစ်တဲ့အတွက် ဒီ Post လေးဟာ စာဖတ်သူတို့ အတွက် အကျိုးတစ်စုံတစ်ရာ ရရှိခဲ့မယ်ဆိုရင် Like & Share ရင်းကုသိုလ်ယူနိုင်ပါတယ်ရှင့်။❣️
🙏ကိုယ်စိတ်နှစ်ပါးကျန်းမာရွှင်လန်းကြပါစေရှင်🙏
🍀အထက်ပါအကြောင်းအရာများကို ရေးသားပါသော Author : Dr. Hsu Nandar Aung လေးစားစွာဖြင့် Credit ပေးပါသည်ရှင့်။🍀
Sinocare Myanmar

Bhone Shwe Yi Min Co.,Ltd

ဆီးချိုသွေးတိုးသုတများ


#ဆီးချိုတိုင်းစက် #ဆီးချိုသွေးချို #ဆီးချို #သွေးချို

#အလုပ်လျှောက်ထားရန်
**********************
Viber : 09444011925
Messenger: Bhone Shwe Yi Min HR

#အလုပ် #အလုပ်အကိုင် #ဝန်ထမ်း

🕐ဆီးချိုကို ပိုမို နားလည်နိုင်ဖို့ အချိန်ရောက်လာပါပြီ။✨သွေးချိုအခြေအနေကို ပိုမိုသိရှိနားလည်ပြီး ကိုယ့်ကျန်းမာရေးကို ပိုမ...
16/10/2026

🕐ဆီးချိုကို ပိုမို နားလည်နိုင်ဖို့ အချိန်ရောက်လာပါပြီ။

✨သွေးချိုအခြေအနေကို ပိုမိုသိရှိနားလည်ပြီး ကိုယ့်ကျန်းမာရေးကို ပိုမိုဂရုစိုက်လိုက်ပါ။

💹ဆီးချိုရှိသူတွေအတွက် နေ့စဉ်သွေးချိုအခြေအနေကို စောင့်ကြည့်ခြင်းဟာ ကျန်းမာရေးစီမံခန့်ခွဲမှုရဲ့ အရေးကြီးတဲ့ အစိတ်အပိုင်းတစ်ခုပါ။

✨ iCan CGM နဲ့ သွေးချိုအခြေအနေကို စောင့်ကြည့်ဖို့ ပိုမိုအဆင်ပြေတဲ့ နည်းလမ်းတစ်ခုကို လေ့လာလိုက်ပါ။

💙 သွေးချိုအချက်အလက်များကို စောင့်ကြည့်နိုင်ခြင်း
📱 တွဲဖက်အသုံးပြုနိုင်သော ဖုန်းမှတစ်ဆင့် အချက်အလက်များ ကြည့်ရှုနိုင်ခြင်း
🩺 မိမိရဲ့ သွေးချိုစီမံခန့်ခွဲမှုအတွက် ပိုမိုသိရှိနားလည်နိုင်ခြင်း

✅iCan ဟာ ၂၄ နာရီလုံး သွေးတွင်းသကြားဓာတ်ကို သိရှိနေနိုင်တာဖြစ်တဲ့အတွက် ပုံမှန်ဆီးချိုတိုင်းစက်တွေနဲ့တိုင်းတာထက် ပိုပြီး ဆီးချိုကို ထိန်းချုပ်ရာမှာ သာလွန်တဲ့ ကျန်းမာရေးကို အကျိုးရှိစေတဲ့ နည်းပညာအသစ်၊ ထုတ်ကုန်အသစ် ဖြစ်ပါတယ်။

✅CGM ကို ဆီးချိုအတွက် စမ်းသုံးကြည့်ချင်တယ်ဆို Sinocare က ထုတ်လုပ်ထားတဲ့ Sioncare ican i6 CGM စက်လေးရှိပါတယ်။ ရေစိုခံ၊ အဖြေတိကျ၊ ၁၅ ရက်ကြာရှည်ခံ၊ လွယ်လွယ်ကူကူ အသုံးပြုနိုင်၊ ဈေးနှုန်းချိုသာသော Sinocare CGM စက်လေးများကို Sinocare Myanmar မှာ ရရှိနေပြီဖြစ်ပါတယ်။

✅ဆီးချိုအဖြေကို အချိန်တိုင်းသိနေနိုင်ဖို့ လက်ထိပ်ကို သွေးခဏတိုင်းဖောက်နေရသော ဆီးချိုသမားများအတွက် iCan က ပိုအဆင်ပြေနိုင်ပါတယ်။

ကိုယ့်အတွက် သင့်တော်မယ့် CGM စနစ်ကို ရွေးချယ်ဖို့ ဒီနေ့ပဲ စတင်လေ့လာလိုက်ပါ။

📩 iCan CGM ဈေးနှုန်းနဲ့ ဝယ်ယူရရှိနိုင်မှုကို သိချင်ရင် Messenger သို့ Comment မှာ “iCan” လို့ ပို့ထားလိုက်ပါ။

ဒီလအတွက် Promotion အနေနဲ့ ၁လစာ ၂လုံး မှာယူပါက 5% discount ရှိပါတယ်ရှင့်

☎️ဆက်သွယ်စုံစမ်းရန်☎️

Customer Service – 09 266 166 237

Sinocare Myanmar

Bhone Shwe Yi Min Co.,Ltd


#ဆီးချိုတိုင်းစက် #ဆီးချိုသွေးချို #ဆီးချို #သွေးချို
#ကျန်းမာရေးစောင့်ရှောက်မှု

"ဆီးချိုလူနာနှင့် ကိုယ်လက်လှုပ်ရှားမှု"ဆီးချိုလူနာများအတွက် ကိုယ်ကာယလှုပ်ရှားမှုပြုလုပ်ရန်အကြံပြုချက်များ၁။ အသက် (၁၈) နှ...
15/10/2026

"ဆီးချိုလူနာနှင့် ကိုယ်လက်လှုပ်ရှားမှု"

ဆီးချိုလူနာများအတွက် ကိုယ်ကာယလှုပ်ရှားမှုပြုလုပ်ရန်အကြံပြုချက်များ

၁။ အသက် (၁၈) နှစ်အထက်ရှိသူ လူလတ်ပိုင်း အရွယ်ရောက်ပြီးသူတိုင်း တစ်ပတ်လျှင်မိနစ် (၁၅၀) အနည်းဆုံး
(တစ်နေ့လျှင်အနည်းဆုံး မိနစ် (၃၀)၊ တစ်ပတ်လျှင် (၅)
ရက်နှုန်းဖြင့်) ပြင်းထန်မှုအသင့်အတင့်ရှိသောလေ့ကျင့်ခန်းတစ်မျိုးမျိုးကိုပြုလုပ်သင့်သည်။ ဥပမာ -
လမ်းမြန်မြန်လျှောက်ခြင်း၊ ရေကူးခြင်း၊ စက်ဘီးစီးခြင်း။
အပြင်းအထန်လှုပ်ရှားမှုများသောအေရိုးဗစ်လေ့ကျင့်ခန်းများပြုလုပ်လျှင်တစ်ပတ်လျှင် (၇၅)
မိနစ်ရှိလျှင်လုံလောက်ပါသည်။
ကြွက်သားများ သန်မာစေရန်အလေးဖြင့်လေ့ကျင့်ခန်း ပြုလုပ်ခြင်းကိုတစ်ပတ်လျှင် (၂)
ကြိမ်အနည်းဆုံးထည့်သွင်းပြုလုပ်သင့်သည်။

၂။ အသက် (၆၅) နှစ်အထက်ကြီးသူများ သို့မဟုတ်ကိုယ်ကာယမသန်စွမ်းမှုတစ်ခုခုရှိသူများသည်ဖြစ်နိုင်လျှင်အထက်ပါအကြံပြုချက်အတိုင်း ကိုယ်ကာယလှုပ်ရှားနိုင်သည်။
မဖြစ်နိုင်လျှင်မိမိ၏ နေ့စဉ်နေထိုင်မှုဘဝတွင် လှုပ်ရှားမှုအချိန်အား
များနိုင်သမျှများများဖြင့်သွက်သွက်လက်လက်တက်တက် ကြွကြွ နေထိုင်လှုပ်ရှားသင့်သည်။

၃။ လုပ်ငန်းခွင်အတွင်း ထိုင်နေရချိန်များသူများ (ဥပမာ-ကွန်ပျူတာနှင့်အလုပ်လုပ်ရသူများ )၊
တီဗွီထိုင်ကြည့်သူများသည်မိနစ် (၉၀) နှင့်အထက်တစ်ဆက်တည်း ထိုင်ကြည့်မည့်အစား
ကြားဖြတ်၍မတ်တပ်ရပ်ခြင်း၊ လမ်းလျှောက်ခြင်းများစသည့်ကိုယ်လက်လှုပ်ရှားမှုများ
ထည့်သွင်း၍ကြားဖြတ်ပြုလုပ်သင့်သည်။

၄။ အသက် (၁၈) နှစ်အောက်ကလေးသူငယ်များကိုလည်း
ကိုယ်လက်လှုပ်ရှားလေ့ကျင့်ခန်းပြုလုပ်ရန်အားပေးသင့်သည်။ တစ်နေ့လျှင်အနည်းဆုံး မိနစ် (၆၀)
ကိုယ်ကာယလေ့ကျင့်ခန်းပြုလုပ်သင့်သည်။ ကိုယ်ကာယလှုပ်ရှားမှုပြင်းထန်သောအေရိုးဗစ်လေ့ကျင့်ခန်း၊ ကြွက်သားသန်မာစေရန်အလေးဖြင့်လေ့ကျင့်ခန်းနှင့်အရိုးသန်မာစေမည့်လေ့ကျင့်ခန်းများကိုတစ်ပတ်လျှင်အနည်းဆုံး (၃) ရက်လေ့ကျင့် ခန်းပြုလုပ်စေသင့်သည်
ဆီးချိုသွေးချိုဝေဒနာရှင်များအတွက် အခုလိုမျိုး အဖိုးထိုက်တန်လှတဲ့ စာပေများကို နေ့စဉ်ပုံမှန်ဖတ်ရှုခွင့်ရလိုပါက ကျွန်မတို့ရဲ့💙 Sinocare Myanmar 💙Page လေးကို Like & Follow လုပ်ထားဖို့ ၊ See First လုပ်ထားလို့ရပါတယ်ရှင့်😊

❣️အသိပညာဝေမျှခြင်းဟာလည်း ကုသိုလ်ဒါနတစ်မျိုးဖြစ်တဲ့အတွက် ဒီ Post လေးဟာ စာဖတ်သူတို့ အတွက် အကျိုးတစ်စုံတစ်ရာ ရရှိခဲ့မယ်ဆိုရင် Like & Share လုပ်ရင်းကုသိုလ်ယူနိုင်ပါတယ်ရှင့်။❣️
🙏ကိုယ်စိတ်နှစ်ပါးကျန်းမာရွှင်လန်းကြပါစေရှင်🙏
Sinocare Myanmar

Bhone Shwe Yi Min Co.,Ltd
ဆီးချိုသွေးတိုးသုတများ


#ဆီးချိုတိုင်းစက် #ဆီးချိုသွေးချို #ဆီးချို #သွေးချို

#အလုပ်လျှောက်ထားရန်
**********************
Viber : 09444011925
Messenger: Bhone Shwe Yi Min HR

#အလုပ် #အလုပ်အကိုင် #ဝန်ထမ်း

"ဆီးချိုသွေးချို အခမဲ့ စစ်ဆေးပေးခြင်း အစီအစဉ်(မန္တလေးမြို့)"☑🥰 ပြည်သူ့ကျန်းမာရေးစောင့်ရှောက်ခြင်း လုပ်ငန်းစဉ်တွင် အုတ်တစ...
15/10/2026

"ဆီးချိုသွေးချို အခမဲ့ စစ်ဆေးပေးခြင်း အစီအစဉ်(မန္တလေးမြို့)"☑

🥰 ပြည်သူ့ကျန်းမာရေးစောင့်ရှောက်ခြင်း လုပ်ငန်းစဉ်တွင် အုတ်တစ်ချပ် သဲတစ်ပွင့်အနေဖြင့် ပါဝင်ရန်အလို့ငှာ မန္တလေးမြို့မှ မိဘပြည်သူများအတွက် ဆီးချိုသွေးချို အခမဲ့ စစ်ဆေးပေးခြင်း အစီအစဉ်ကို အောက်ဖော်ပြပါ အချိန်ဇယားအတိုင်း Sinocare Myanmar မှ တာဝန်ယူပြုလုပ်ပေးသွားမှာ ဖြစ်ပါတယ်။

ရက်စွဲ >>> 17.10.2026 (စနေနေ့)

အချိန် >>> (6:00 am to 8:00 am) (မနက်ပိုင်း)

နေရာ >>> မန္တလာသီရိဘောလုံးကွင်း
68 လမ်း၊ 106*107 လမ်း ၊ မန္တလေးမြို့

👉မိမိအသိမိတ်ဆွေများအား ထပ်ဆင့်ဖိတ်ခေါ်ဖို့အတွက် Mention ခေါ်နိုင်ပါတယ်။ သို့မဟုတ် ဤ Post လေးကို အားလုံးသိအောင် Share လုပ်ခြင်းဖြင့် ကုသိုလ်ယူနိုင်ပါတယ်ရှင့်။
🙏ကျန်းမာခြင်းသုခနှင့် ပြည့်စုံကြပါစေ။🙏
Sinocare Myanmar
Bhone Shwe Yi Min Co.,Ltd

#ဆီးချိုလူနာတိုင်းနဲ့အမြဲအတူရှိနေသောsinocare
#ဆီးချိုသွေးချိုတိုင်းစက် #ဆီးချိုတိုင်းစက် #ဆီးချိုသွေးချို #ဆီးခ ျို

#အလုပ်လျှောက်ထားရန်
**********************
Viber : 09444011925
Messenger: Bhone Shwe Yi Min HR
#အလုပ် #အလုပ်အကိုင် #ဝန်ထမ်း

"ဆီးချိုလူနာတွေအတွက် ခြေထောက်ကျန်းမာရေး "---------------------------------------------------📢ယနေ့ခေတ်ရဲ့ နေ့စဥ်လူမှုပတ်ဝ...
14/10/2026

"ဆီးချိုလူနာတွေအတွက် ခြေထောက်ကျန်းမာရေး "
---------------------------------------------------
📢ယနေ့ခေတ်ရဲ့ နေ့စဥ်လူမှုပတ်ဝန်းကျင်မှာ ဆီးချိုတွေတက်ပြီး ခြေထောက်မှာအနာတွေဖြစ်တယ် ၊ ခြေထောက်ဖြတ်လိုက်ရတယ်
စသဖြင့် စိတ်မကောင်းစရာသတင်းများ အမြဲလိုလို ကြားနေရပါတယ်။
📎ဒါကြောင့် ဒီနေ့မှာတော့ ဆီးချိုသမားတွေအများစု ဂရုထားဖို့ အ‌ရေးကြီးဆုံးဖြစ်တဲ့ foot care (ခြေထောက် ဂရုစိုက်ဖို့) အကြောင်းကိုဆွေးနွေးပေးသွားမှာဖြစ်ပါတယ်။
◾️သာမန်လူများနဲ့မတူဘဲ ဆီးချိုသမားများအတွက်တော့ ခြေထောက်မှာ အနာသေးသေးလေးဖြစ်တာကအစ အလွန်အရေးကြီးပါတယ်။
အ‌ရေပြားယားယံတာ/ ဘုတွေပေါက်တာ မျိုးတွေကအစ အသေးစိတ်ဂရုစိုက် သင့်ပါတယ်။(ခြင်ကိုက်ဘု သေးသေးလေးကအစ ဂရုစိုက်ပါနော်)
◾️ဆီးချိုသမားဆိုတာ ခြင်ကိုက်တောင်မခံရဖို့ အထိ ဂရုစိုက်သင့်ပါတယ်နော်...................
◾️ဆီးချိုကိုကောင်းကောင်းမထိန်းနိုင်ဘဲကြာလာတဲ့အခါ အာရုံကြောများထိခိုက်ပြီး ခြေထောက်ထုံခြင်း၊ သွေးလည်ပတ်မှုအားနည်းလာခြင်း တို့ကြောင့် အနာများဖြစ်ခြင်း၊ ၄င်းအနာကို ထပ်ဆင့်ပိုးဝင်ခြင်းနှင့် အနာကျက်နှေးခြင်းတို့တွေက ဆီးချိုသမားတိုင်းလိုလို ကြုံတွေ့ရတတ်ပါတယ်။
◾️ဒါကြောင့်မို့ ကာကွယ်ခြင်းသည် ကုသခြင်းထက်ပိုမိုကောင်းမွန်တယ်ဆိုတဲ့အတိုင်း ဆီးချိုသမားများအနေနဲ့ foot care ကိုအလေးထားပေးဖို့လိုအပ်ပါတယ်။
📎ဒါဆို ဆီးချိုသမားများ self care ဘယ်လိုလုပ်ကြမလဲ?
◾️ပထမဆုံးအနေနဲ့က ဆရာဝန်ညွှန်ကြားထားတဲ့အတိုင်း ဆေးပုံမှန်သောက်ဖို့လိုအပ်ပါတယ်။
◾️Diet plan ကောင်းကောင်းရှိဖို့လည်းလိုအပ်တဲ့အပြင် မှတ်တမ်းစာအုပ်လေးထားရှိပြီး ညွှန်ကြားထားသည့်အတိုင်း ဆီးချိုမှန်မှန်စစ်ဖို့လဲလိုအပ်ပါတယ်။
◾️အဓိကအနေနဲ့က နေ့စဉ်နေ့တိုင်း မိမိရဲ့ခြေထောက်တွင်
-အရေကြည်ဖုများ ၊
-အသားမာများ၊
- ထိခိုက်ရှထားခြင်းများနှင့်
- ပုံမှန်မဟုတ်သော အရောင်ပြောင်းခြင်းများ ရှိ၊မရှိစစ်ဆေးပေးပါ။
◾️မိမိခြေထောက်ကို နေ့စဥ်သန့်စင်ဆေးကြောပေးပါ။
◾️ဆေးကြောပြီးလျှင်လည်း အထူးသဖြင့် ခြေချောင်းလေးများကြားထဲအထိ ခြောက်အောင်သေချာပြန်သုတ်ပေးပါ။
◾️အသားမာများကိုမိမိသဘောနဲ့ လက်သည်းညှပ်ဖြင့် ဖဲ့ခြင်း၊ ဖိနပ်မပါဘဲခြေဗလာဖြင့် လျှောက်သွားခြင်းများရှောင်ကြဥ်ပါ။
◾️မိမိခြေထောက်နှင့်သင့်တော်ပြီး သက်တောင့်သက်သာရှိသော ဖိနပ်ကို ရွေးချယ်ဝတ်ဆင်ပါ။
◾️ခြေထောက်တွင် ထိခိုက်ရှနာများရှိလျှင်လည်းမပေါ့ဆဘဲ သင့်တော်သောကုသမှုခံယူပါ။
◾️ခြေထောက်သွေးလည်ပတ်မှုအားကောင်းစေရန် ခြေချောင်းလေးများ လှုပ်ပေးခြင်းနှင့် သင့်တော်သော ကိုယ်လက်လှုပ်ရှားမှုများလည်း ပြုလုပ်သင့်ပါတယ်။
◾️ဒီအချက်လေးတွေကိုလိုက်နာပြီး ဆီးချိုသမားတိုင်း မိမိ ခြေထောက်နှင့် အရေပြားကို ဂရုတစိုက် စနစ်တကျ ထိန်းသိမ်းပေးသင့်ပါတယ်နော်
😊 ဆီးချိုသွေးချိုဝေဒနာရှင်များအတွက် အခုလိုမျိုး အဖိုးထိုက်တန်လှတဲ့ စာပေများကို နေ့စဉ်ပုံမှန်ဖတ်ရှုခွင့်ရလိုပါက ကျွန်မတို့ရဲ့💙 Sinocare Myanmar 💙Page လေးကို Like & Follow လုပ်ထားဖို့ ၊ See First လုပ်ထားဖို့ မမေ့ပါနဲ့ရှင့်။😊
❣️အသိပညာဝေမျှခြင်းဟာလည်း ကုသိုလ်ဒါနတစ်မျိုးဖြစ်တဲ့အတွက် ဒီ Post လေးဟာ စာဖတ်သူတို့ အတွက် အကျိုးတစ်စုံတစ်ရာ ရရှိခဲ့မယ်ဆိုရင် Like & Share လုပ်ရင်းကုသိုလ်ယူနိုင်ပါတယ်ရှင့်။❣️
🙏ကိုယ်စိတ်နှစ်ပါးကျန်းမာရွှင်လန်းကြပါစေရှင်🙏
🍀 အထက်ပါအကြောင်းအရာများကို Ziwa Vita Page မှ ကောက်နုတ်ဖော်ပြထားပါသည်။ 🍀
Sinocare Myanmar

Bhone Shwe Yi Min Co.,Ltd
ဆီးချိုသွေးတိုးသုတများ


#ဆီးချိုတိုင်းစက် #ဆီးချိုသွေးချို #ဆီးချို #သွေးချို

#အလုပ်လျှောက်ထားရန်
**********************
Viber : 09444011925
Messenger: Bhone Shwe Yi Min HR
#အလုပ် #အလုပ်အကိုင် #ဝန်ထမ်း

‼️ We are Hiring, Join our team ‼️Sinocare Myanmar (Bhone Shwe Yi Min Co.,Ltd) တွင် အတူလက်တွဲလုပ်ကိုင်ရန် ဝန်ထမ်းများခေါ...
14/10/2026

‼️ We are Hiring, Join our team ‼️

Sinocare Myanmar (Bhone Shwe Yi Min Co.,Ltd) တွင် အတူလက်တွဲလုပ်ကိုင်ရန် ဝန်ထမ်းများခေါ်ယူလျက်ရှိပါသည်။

🔸Sales and Marketing Supervisor – Male/Female 2 Posts (For Yangon)
🔸Digital Marketing Assistant – Female 3 Posts (For Mandalay)
🔸Junior Sale & Marketing – Male/Female 3 Posts (For Mandalay)
🔸Junior Sale & Marketing – Male/Female 3 Posts (For Taunggyi)
🔸Office Staff – Male 2 Posts (For Taunggyi)
🔸Driver – Male 2 Posts (For Yangon)
🔸Driver – Male 2 Posts (For Mandalay)

အလုပ်ချိန် - မနက်(8:30) , ညနေ (5:30)
ပိတ်ရက် - တနင်္ဂနွေနှင့် အများပြည်သူအလုပ်ပိတ်ရက်
နှစ်စဉ် မေလရောက်တိုင်း လစာတိုးပါတယ်ရှင့်

↪️ဖော်ပြပါ Job Vacancy များနှင့် ပတ်သက်ပြီး အသေးစိတ် သိရှိလို၍ ဖြစ်စေ၊ လျှောက်ထားခြင်းဖြစ်စေ အောက်ဖော်ပြပါ Email Address/Viber များသို့ ဆက်သွယ်မေးမြန်း ပေးပို့လျှောက်ထားနိုင်ပါသည်။

📧Email – [email protected]
☎️Phone & Viber – 09 444 011 925

Bhone Shwe Yi Min Co.,Ltd

Sinocare Myanmar

See less

ဆီးချိုထိန်းသိမ်းမှုမကောင်းလို့ (ကိုလက်(စ်)ထရော) တွေများလာလျှင်??-Cholesterol (ကိုလက်(စ်)ထရော) ဆိုတာခန္ဓာကိုယ်တွင်းရှိ အ...
13/10/2026

ဆီးချိုထိန်းသိမ်းမှုမကောင်းလို့ (ကိုလက်(စ်)ထရော) တွေများလာလျှင်??

-Cholesterol (ကိုလက်(စ်)ထရော) ဆိုတာ

ခန္ဓာကိုယ်တွင်းရှိ အဆီအနှစ်တစ်မျိုး ဖြစ်ပါတယ်။ Cholesterol လို့ ဆိုတိုင်း မကောင်းတာတော့ မဟုတ်ပါဘူး။

ကောင်းတဲ့ ကိုလက်(စ်)ထရော ( HDL) နှင့် မကောင်းတဲ့ ကိုလက်(စ်)ထရော ( LDL) ဆိုပြီးနှစ်မျိုးရှိပါတယ်။

♻ကောင်းတဲ့ ကိုလက်(စ်)ထရောတွေဟာ ခန္ဓာကိုယ်တွင်းရှိ ဆဲလ်တွေ၊ တစ်ရှူးတွေ၊ ဗီတာမင်တွေ၊ ဟော်မုန်းတွေ ဖွဲ့စည်း တည်ဆောက်ရာမှာ အရေးပါတဲ့ ကဏ္ဍတစ်ခုမှာ ပါဝင်ပါတယ်။

♻သို့သော် မကောင်းတဲ့ ကိုလက်(စ်)ထရောတွေ များနေပြီဆိုရင်တော့ ဂရုတစိုက်ပြုပြင်ဖို့ လိုပါပြီ။
မကောင်းတဲ့ ကိုလက်(စ်)ထရောတွေ များလာပါက ထိုအဆီအနှစ်များသည် သွေးကြောထဲတွင် အနည်ထိုင်လာပါတယ်။ အဆီအနှစ်များ အနည်ထိုင်တာ တဖြည်းဖြည်းနဲ့ များလာတဲ့အခါ သွေးကြောနံရံများဟာ ကျဥ်းလာပါမယ်။ ကျဥ်းနေတဲ့ သွေးကြောထဲ သွေးဖြတ်သန်း စီးဆင်းရတဲ့အခါ အရှိန်ဖြင့်တိုး၍ ဖြတ်သန်းရသလို ဖြစ်လာပါတယ်။

သာမာန်မဟုတ်ပဲ ပြောင်းလဲစီးဆင်းလာတဲ့ အရှိန်ကြောင့် သွေးကြောနံရံမှာ အနည်ထိုင်နေသော Cholesterol အဆီအခဲလေးများဟာ ထိုနေရာမှ ပြုတ်ထွက်လာနိုင်ပါတယ်။ ပြုတ်ထွက်ပြီး တခြားနေရာများတွင် သွားပိတ်နေနိုင်ပါသေးတယ်။

ထိုအခါ ခန္ဓာကိုယ်တွင်းရှိ အင်္ဂါအစိတ်အပိုင်းတွေမှာ သွေးစီးဆင်းမှု အားနည်းသွားတာ၊ သွေးစီးဆင်းမှုရပ်တန့်သွားတာတွေ ဖြစ်ပြီးနောက် အသက် အန္တရာယ်ရှိပါတယ်။

♦နှလုံးသို့သွားသော သွေးကြောများမှာ သွားဖြစ်ရင်
-နှလုံးသွေးကြောကျဥ်းပြီး ရုတ်တရက် ရင်ဘတ်အောင့်ခြင်း ( Angina),
-မောခြင်း ( Shortness of Breath ),
-နှလုံးအမောဖောက်ခြင်း ( Heart Attack) ဖြစ်နိုင်ပါတယ်။

♦ဦးနှောက်သို့ သွားသော သွေးကြောများမှာ သွားဖြစ်ရင်
-ဦးနှောက်သွေးကြောကျဥ်းတာ၊ ပိတ်တာတွေ ဖြစ်ပြီး လေဖြန်းတာ ( TIA) ၊ လေဖြတ်တာ ( Stroke ) ဖြစ်နိုင်ပါတယ်။

♦ထိုနည်းတူစွာပင် ကျောက်ကပ်သို့သွားသော သွေးကြောများမှာလည်း ဖြစ်နိုင်သလို ခြေတွေ၊လက်တွေဆီသို့သွားသော သွေးကြောများမှာလည်း ဖြစ်နိုင်ပါတယ်။
ကိုလက်(စ်)ထရောများတာဟာ ဘာရောဂါဝေဒနာမှခံစားရတာ မရှိတာကြောင့် ဒီလိုပဲ နေရင်းထိုင်ရင်း တဖြည်းဖြည်း ကြာလာတဲ့အခါမှသာ အထက်ပါနောက်ဆက်တွဲ ရောဂါတွေ ပေါ်လာတာဖြစ်လို့ ထိုအချိန်မှ ဆိုရင် ကုသရန် နောက်ကျသွားပါလိမ့်မယ်။
ဒါကြောင့်ဆီးချိုသမားတွေအနေနဲ့ ကိုလက်(စ်)ထရောတွေ များနေလား၊ မများနေလား ကြိုသိနိုင်တဲ့ တစ်ခုတည်းသော နည်းလမ်းက သွေးစစ်တာပါပဲ။

ဒါ့ကြောင့် ကိုလက်(စ်)ထရောများနေမှန်းသိရင် စားသောက်နေထိုင်မှု ပုံစံများ ပြုပြင်ပြောင်းလဲခြင်းဖြင့် ပုံမှန်အတိုင်းပြန်ရောက်အောင် ထိန်းသိမ်းလို့ ရပါတယ်။
♻မကောင်းတဲ့ကိုလက်(စ်)ထရော တွေ မရှိအောင် ဘယ်လိုနေထိုင်စားသောက်ရမလဲ?
♦ဆရာဝန်ကြီးများနှင့် ပြသပြီး ညွှန်ကြားထားသော အဆီကျဆေးကို စနစ်တကျ ပုံမှန်မှီဝဲပါ။

♦အစားအသောက်အနေနဲ့-
-ထောပတ်သီး၊ အစေ့အဆံများ (Almonds, Hazelnuts, Cashews, Walnuts, Peanuts, Sunflower seeds, Pumpkin seeds, Sesame seeds)၊
-အဆီများသောငါး (ငါးတန်၊ ငါးမြင်း၊ ဆလားဗီးယား၊ Salmon, Tuna, Sardines, Mackerel)၊
-ငါးကြီးဆီ(Omega 3)၊
-သံလွင်ဆီ၊ နေကြာဆီ၊ မြေပဲဆီ၊ နှမ်းဆီ၊ ပဲပိစပ်ဆီ၊ ဟင်းသီးဟင်းရွက်ဆီ၊
-ဆန်လုံးညို၊ Oatmeal၊ အမျှင်ဓာတ် Fiber များသော အစားအသောက်များကို စားသုံးပေးပါ။

♦အစားအသောက်အပြင်-
နေ့စဥ် မိနစ် ၃၀ ခန့် ကိုယ်လက်လှုပ်ရှား အားကစားလုပ်ပါ။
အဝမလွန်ပါစေနှင့်၊
မိမိ Normal BMI ကို ထိန်းသိမ်းပါ။
ဆေးလိပ် လုံးဝမသောက်ပါနှင့်။

😊 ဆီးချိုသွေးချိုဝေဒနာရှင်များအတွက် အခုလိုမျိုး အဖိုးထိုက်တန်လှတဲ့ စာပေများကို နေ့စဉ်ပုံမှန်ဖတ်ရှုခွင့်ရလိုပါက ကျွန်မတို့ရဲ့💙 Sinocare Myanmar 💙Page လေးကို Like & Follow လုပ်ထားဖို့ ၊ See First လုပ်ထားဖို့ မမေ့ပါနဲ့ရှင့်။😊
❣️အသိပညာဝေမျှခြင်းဟာလည်း ကုသိုလ်ဒါနတစ်မျိုးဖြစ်တဲ့အတွက် ဒီ Post လေးဟာ စာဖတ်သူတို့ အတွက် အကျိုးတစ်စုံတစ်ရာ ရရှိခဲ့မယ်ဆိုရင် Like & Share လုပ်ရင်းကုသိုလ်ယူနိုင်ပါတယ်ရှင့်။❣️
🙏ကိုယ်စိတ်နှစ်ပါးကျန်းမာရွှင်လန်းကြပါစေရှင်🙏
Sinocare Myanmar


Bhone Shwe Yi Min Co.,Ltd
ဆီးချိုသွေးတိုးသုတများ


#ဆီးချိုတိုင်းစက် #ဆီးချိုသွေးချို #ဆီးချို #သွေးချို

#အလုပ်လျှောက်ထားရန်
**********************
Viber : 09444011925
Messenger: Bhone Shwe Yi Min HR

#အလုပ် #အလုပ်အကိုင် #ဝန်ထမ်း

Address

Mandalay

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Telephone

+959266166237

Website

,

Alerts

Be the first to know and let us send you an email when Sinocare Myanmar posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Sinocare Myanmar:

Shortcuts

Share

Category