What are the opening hours?

Monday 09:00 - 17:00 Tuesday 09:00 - 19:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00

https://www.goodhealthmyanmar.com/

Good Health Journal, 79/81, Central Tower, Room 103-104, Anawyahtar Road, at the corner of 39th street, Kyauktadar Township, Pazundaung (2026)

Q: What is the address?

79/81, Central Tower, Room 103-104, Anawyahtar Road, At The Corner Of 39th Street, Kyauktadar Township

13/10/2026

သင့်ခန္ဓာကိုယ်ရဲ့ သတိပေးလက္ခဏာများ
——————-
၁ ။ အိပ်ရေးဝဝ အိပ်ထားတာတောင် ပင်ပန်းစွာနဲ့ အိပ်ရာမှနိုးထလာခြင်း။
သင်ရဲ့ပြန်လည်ကောင်းမွန်တဲ့စနစ်က သေချာ အလုပ်မလုပ်လို့ပါ။

၂ ။ မတ်တပ်ရပ်လိုက်တဲ့အခါ မူးနောက်နောက်ဖြစ်ခြင်း။
သင့်သွေးပေါင်ချိန် မြင့်မားတာ ဒါမှမဟုတ် ရေဓာတ်ပြည့်ဝမှု မရှိတာကြောင့်ပါ။

၃ ။ အကြောင်းရင်း သေချာမရှိဘဲ မကြာခဏ ခေါင်းကိုက်ခြင်း။
သင့်ခန္ဓာကိုယ် ဖိအားပေးခံနေရတာကြောင့်ပါ။

၄ ။ အစာစားအပြီး ပင်ပန်းနေခြင်း။
သွေးတွင်းသကြားပမာဏ တည်ငြိမ်မှု မရှိတာကြောင့်ပါ။

၅ ။ သင့်ကြွက်သားတွေ တင်းမာနေခြင်း။
ခန္ဓာကိုယ်က စိတ်ဖိစီးမှုကို သယ်ယူထားတာကြောင့်ပါ။

၆ ။ သင်က အချိန်အခါမရွေး ရင်တုန်တတ်ပါတယ်။
သင့်စနစ်က လွန်ကဲစွာလှုံ့ဆော်မှု ရရှိနေတာကြောင့်ပါ။

၇ ။ သင်က မကြာခဏ လေပွတတ်ပါတယ်။
သင့်အစာခြေစနစ်လုပ်ငန်း ကောင်းကောင်း အလုပ်မလုပ်လို့ပါ။

၈ ။ သင့်လက် ဒါမှမဟုတ် ခြေထောက် တွေ မကြာခဏ အေးစက်နေတတ်ပါတယ်။
သွေးလှည့်ပတ်မှု မကောင်းတာကြောင့်ပါ။

၉ ။ သင်က ပုံမှန်လှုပ်ရှားမှု ပြုလုပ်
ရင်တောင် အသက်ရှူ မဝတတ်ပါဘူး။
ကြံ့ခိုင်မှု ဒါမှမဟုတ် အောက်ဆီဂျင် အသုံးပြုမှု နည်းပါးနေတာကြောင့်ပါ။

၁၀ ။ ညစဉ် ညတိုင်း တူညီတဲ့အချိန်တွေမှာ နိုးထနေတတ်ပါတယ်။
စိတ်ဖိစီးမှုဟော်မုန်း မြင့်တက်နေတာကြောင့်ပါ။

၁၁ ။ နေ့ခင်းပိုင်းမှာ စိတ်ကြည်လင်မှု မရှိပါဘူး။ သင့်ဦးနှောက်က သေချာ အနား မရရှိတာကြောင့်ပါ။

၁၂ ။ အကြောင်းရင်း မရှိဘဲ စွမ်းအင်မရှိနေသလို ခံစားနေရပါတယ်။
သင့်ကိုယ်တွင်း ချို့တဲ့နေတဲ့အာဟာရတွေ ပြန်လည်ဖြည့်တင်းဖို့ လိုအပ်နေလို့ပါ။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

13/10/2026

အသက်အရွယ်မရွေး သင့်နှလုံးကိုကာကွယ်နိုင်မယ့် နည်းလမ်း ၄ ခု
————————
Heart attack ခေါ်တဲ့ နှလုံးသွေးငတ်တဲ့ပြဿနာက အသက်အရွယ်မရွေးမှာ ဖြစ်နိုင်ပေမယ် ဖြစ်နိုင်ခြေများတဲ့ အချက်တော်တော်များများကို ကျန်းမာရေးနဲ့ညီညွတ်တဲ့ဘဝနေထိုင်မှုပုံစံနဲ့ ကျန်းမာရေးဂရုစိုက်မှုတွေနဲ့ လျော့နည်းအောင်ပြုလုပ်နိုင်ပါတယ်။

၁ ။ သင့်သွေးကြောတွေကို သဘာဝအတိုင်း
သန့်စင်နေအောင် ထိန်းသိမ်းပါ။
သွေးတွင်းကိုလက်စတရောပမာဏကို ထိန်းချုပ်ပြီး ထပ်ပြန်ကျော်ဆီ၊ ပြုပြင်ထားလွန်းတဲ့အစားအစာတွေနဲ့ ဆီကျော်စာတွေကို ရှောင်ကြဉ်ပြီး သင့်သွေးကြောတွေ ကျန်းမာနေအောင် ပြုလုပ်ပါ။
- အိုမီဂါ-၃ ပေါကြွယ်ဝတဲ့ ( ငါး၊ သစ်ကြားသီး၊ flaxseed) စားသုံးပါ။
- သံလွင်ဆီ၊ အခွံမာသီးနဲ့ အမျှင်ပေါကြွယ်ဝတဲ့ အစားအစာအသုံးပြုပါ။
- ထပ်ပြန်ကြော်ဆီ၊ ဆီကြော်စာနဲ့ ပြုပြင်ထားတဲ့အစားအစာတွေကို ရှောင်ကြဉ်ပါ။
- ကိုလက်စတရောနဲ့ ထရိုင်ဂလစ်စရိုက်ပမာဏ ကို ပုံမှန်အမှတ်ရအောင် ထိန်းထားပါ။
သွေးကြောတွေသန့်စင်နေတာကြောင့် နှလုံးအတွင်း အလွယ်တကူ သွေးစီးဆင်းနိုင်ပြီး Heart attack မဖြစ်အောင် ကာကွယ်နိုင်ပါတယ်။

၂ ။ စိတ်ဖိစီးမှုကို ထိန်းချုပ်ပါ။
စိတ်ဖိစီးမှု ရေရှည်များနေတာကြောင့် သွေးပေါင်ချိန်၊ အိပ်စက်မှု၊ နှလုံးခုန်စည်းချက်နဲ့ နှလုံးသွေးကြောကျန်းမာရေးအပေါ် သက်ရောက် မှု ရရှိနိုင်ပါတယ်။
- အသက်ပြင်းပြင်းရှူသွင်းရှူထုတ်တာကိုလေ့ကျင့်တာ၊ နေ့စဉ်တရားထိုင်တာ ဒါမှမဟုတ် ဘုရားရှိခိုးတာမျိုးကိုပြုလုပ်ပါ။
- သင်ချစ်ခင်နှစ်သက်သူတွေနဲ့ အပန်းဖြေခရီးထွက်ပါ။
- အတွေးလွန်တာနဲ့ မလိုလားအပ်တဲ့ ဖိစီးမှုတွေကို ရှောင်ကြဉ်ပါ။
- အကောင်းမြင်ပြီး ပျော်ပျော်ရွှင်ရွှင်နေပါ။ အနားယူပါ။
စိတ်အေးချမ်းမှု ရှိတာကြောင့် နှလုံးကျန်းမာရေးကောင်းမွန်နိုင်ပြီး Heart attack ဖြစ်နိုင်ခြေ လျော့နည်းနိုင်ပါတယ်။

၃ ။ အိပ်ရေးဝအောင် ဦးစားပေးပါ။
- ညစဉ်် ၇-၉ နာရီ နှစ်နှစ်ခြိုက်ခြိုက် အိပ်ပျော် အောင်အိပ်ပါ။
- အိပ်ချိန်နဲ့ နိုးချိန် တစ်သမတ်ထဲ ဖြစ်အောင်ထားပါ။
- လက်ကိုင်ဖုန်းနဲ့ ညနက်ချိန်စကရင်ကြည့်တာမျိုးတွေ ရှောင်ကြဉ်ပါ။
- ဟောက်သံနဲ့ Sleep apnea ( အသက်ရှူမရတာကြောင့်နိုးထလာခြင်း) ကိုကုသပါ။

၄ ။ ခန္ဓာကိုယ်ရဲ့ ပုံမှန် ရှိရမယ့် နံပါတ်တွေကို သိထားပါ။
သင့်သွေးပေါင်ချိန်( ၁၂၀/၈၀ အောက်ဖြစ်ရပါမယ်) ၊ သွေးတွင်းသကြား၊ သွေးတွင်းကိုလက်စတရော၊ ကိုယ်အလေးချိန်နဲ့ ခါးအတိုင်းအတာအမှတ်ကို ပုံမှန် စစ်ဆေးပါ။
- အနည်းဆုံး တစ်နှစ် တစ်ကြိမ် ကျန်းမာရေးစစ်ဆေးမှု ပြုလုပ်ပါ။
- ကိုယ်အလေးချိန်နဲ့ ခါးအတိုင်းအတာက ကျန်းမာရေူနဲ့ ညီညွတ်တဲ့ပမာဏအတွင်း ရရှိအောင် ထိန်းသိမ်းပါ။
- ဆေးလိပ်မသောက်ပါနဲ့ ။ ဆေးတံ၊ စီးကရက် ၊ ဆေးရွက်ကြီး မသောက်ပါနဲ့။ဆေးလိပ်သောက်တာကြောင့် နှလုံးသွေးကြောရောဂါ ဖြစ်န်ုင်ခြေ သိသိသာသာ မြင့်မားနိုင်ပါတယ်။
- အရက်ကို အကန့်အသတ်နဲ့သာသောက်ပါ။ သင့်မှာရှိနေတဲ့ရောဂါတွေကို ပျောက်အောင်ကုသပါ။
- ဟင်းသီးဟင်းရွက်၊ သစ်သီးဝလံ၊ ကောက်နှံတစ်ခုလုံးပါဝင်စာ၊ အခွံမာသီး၊ အစေ့အဆန်နဲ့ တစ်ခြားနှလုံးကျန်းမာရေး ကောင်းမွန်စေတဲ့ အစားအစာတွေကို ပိုမိုရွေးချယ်ပါ။
- ကာယလှုပ်ရှားမှု တက်ကြွမှုရှိအောင်နေပါ။ အချိန်အကြာကြီး ဆက်တိုက် ထိုင်နေတာကို ရှောင်ကြဉ်ပါ။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

။

12/10/2026

“WeCare မှ ဦးစီးပြီး 𝐁𝐋𝐊-𝐌𝐀𝐗 ဆေးရုံကြီးရဲ့
==================================
အထူးကု ဆရာဝန်ကြီး ၃ ဦးနဲ့ အခမဲ့ ကျန်းမာရေး
====================================
ဟောပြောဆွေးနွေးပွဲ"ပြုလုပ်မည်
========================

ကျန်းမာရေးအတွက်ဆို အကောင်းဆုံး ကုသမှုတွေပဲ ရရှိနိုင်အောင် ဝန်ဆောင်မှုပေးနေတဲ့ 𝐖𝐞𝐂𝐚𝐫𝐞 ကနေဦးစီးပြီးတော့ အောက်တိုဘာလထဲမှာ ကျန်းမာရေးဟောပြောပွဲတစ်ခု ကျင်းပသွားမှာ ဖြစ်ပါတယ်။

ဒီပွဲမှာအိန္ဒိယနိုင်ငံရဲ့ နာမည်ကြီး 𝐁𝐋𝐊-𝐌𝐚𝐱 နိုင်ငံတကာဆေးရုံကြီးမှ ကျောက်ကပ်၊ ကျောရိုးနှင့် အာရုံကြော၊ ကင်ဆာဆေးသွင်းကုသခြင်းဆိုင်ရာ ဝါရင့် အထူးကု ဆရာဝန်ကြီး ၃ ဦး မြန်မာနိုင်ငံကိုလာရောက်ပြီး ကျန်းမာရေး အခမဲ့ဆွေးနွေးဟောပြောပွဲကို ရန်ကုန် နဲ့ မန္တလေး မြို့များမှာ ပြုလုပ်ကျင်းပပေးသွားမှာ ဖြစ်ပါတယ်။

အိန္ဒိယထိ သွားစရာ မလိုဘဲ မြန်မာပြည်မှာတင် ဆရာဝန်ကြီးတွေနဲ့ အခမဲ့ လူကိုယ်တိုင် တိုင်ပင်ဆွေးနွေးနိုင်မည့် အခွင့်အရေးကောင်းတခုလဲ ဖြစ်ပါတယ်။ 🇲🇲🤝🇮🇳

👨‍⚕️ ပါဝင်ဆွေးနွေးပေးမည့် အိန္ဒိယက ဝါရင့်ပါရဂူကြီး (၃) ဦး ကတော့

1. 𝐃𝐫. 𝐒𝐮𝐧𝐢𝐥 𝐏𝐫𝐚𝐤𝐚𝐬𝐡 — 𝐕𝐢𝐜𝐞 𝐂𝐡𝐚𝐢𝐫𝐦𝐚𝐧 & 𝐇𝐎𝐃 (𝐍𝐞𝐩𝐡𝐫𝐨𝐥𝐨𝐠𝐲 & 𝐑𝐞𝐧𝐚𝐥 𝐓𝐫𝐚𝐧𝐬𝐩𝐥𝐚𝐧𝐭𝐚𝐭𝐢𝐨𝐧)

ကျောက်ကပ် ရောဂါအမျိုးမျိုး၊ ကျောက်ဆေးနေရသူများနှင့် ကျောက်ကပ် အစားထိုး ခွဲစိတ်မှုဆိုင်ရာ အထူးကု ပါရဂူကြီး

1. 𝐃𝐫. 𝐑𝐨𝐡𝐢𝐭 𝐁𝐚𝐧𝐬𝐢𝐥 — 𝐃𝐢𝐫𝐞𝐜𝐭𝐨𝐫 (𝐍𝐞𝐮𝐫𝐨 𝐒𝐮𝐫𝐠𝐞𝐫𝐲 & 𝐍𝐞𝐮𝐫𝐨 𝐒𝐩𝐢𝐧𝐞)

ဦးနှောက်၊ ကျောရိုးဆစ်၊ အာရုံကြောနှင့် ခါးနာ/လည်ပင်းနာ ဝေဒနာဆိုင်ရာ ခွဲစိတ်ပါရဂူကြီး

1. 𝐃𝐫. 𝐂𝐡𝐚𝐧𝐝𝐫𝐚𝐠𝐨𝐮𝐝𝐚 𝐃𝐨𝐝𝐚𝐠𝐨𝐮𝐝𝐚𝐫 — 𝐃𝐢𝐫𝐞𝐜𝐭𝐨𝐫 (𝐌𝐞𝐝𝐢𝐜𝐚𝐥 𝐎𝐧𝐜𝐨𝐥𝐨𝐠𝐲)

ကင်ဆာရောဂါ ကုသမှုဆိုင်ရာ၊ 𝐈𝐦𝐦𝐮𝐧𝐨𝐭𝐡𝐞𝐫𝐚𝐩𝐲, 𝐓𝐚𝐫𝐠𝐞𝐭𝐞𝐝 𝐓𝐡𝐞𝐫𝐚𝐩𝐲 နှင့် 𝐂𝐡𝐞𝐦𝐨𝐭𝐡𝐞𝐫𝐚𝐩𝐲 အထူးကု ပါရဂူကြီး
တို့ပဲ ဖြစ်ပါတယ်

📅 ပွဲကျင်းပမည့် ရက်စွဲ၊ အချိန်နှင့် နေရာများ -

📍 မန္တလေးမြို့ (𝐌𝐚𝐧𝐝𝐚𝐥𝐚𝐲 𝐄𝐯𝐞𝐧𝐭)

ရက်စွဲ: ၁၇ - ၁၀ - ၂၀၂၆ (စနေနေ့)

အချိန်: နံနက် ၉:၃၀ နာရီ မှ မွန်းလွဲ ၁:၀၀ နာရီအထိ

နေရာ: 𝐇𝐨𝐭𝐞𝐥 𝐌𝐚𝐧𝐝𝐚𝐥𝐚𝐲 (𝐁𝐚𝐥𝐥 𝐑𝐨𝐨𝐦: 𝐇𝐧𝐢𝐧 𝐒𝐢 𝐏𝐡𝐲𝐮)

(အမှတ် ၅၆၂၊ ၇၈ လမ်း၊ ၃၇ လမ်း နှင့် ၃၈ လမ်း ကြား၊ မန္တလေးမြို့။)

📍 ရန်ကုန်မြို့ (𝐘𝐚𝐧𝐠𝐨𝐧 𝐄𝐯𝐞𝐧𝐭)

ရက်စွဲ: ၁၈ - ၁၀ - ၂၀၂၆ (တနင်္ဂနွေနေ့)

အချိန်: နံနက် ၁၀:၀၀ နာရီ မှ မွန်းလွဲ ၁:၀၀ နာရီအထိ

နေရာ: 𝐏𝐚𝐧 𝐏𝐚𝐜𝐢𝐟𝐢𝐜 𝐇𝐨𝐭𝐞𝐥 (𝐄𝐦𝐞𝐫𝐚𝐥𝐝 & 𝐀𝐦𝐛𝐞𝐫 𝐑𝐨𝐨𝐦- 𝐋𝐞𝐯𝐞𝐥 𝐑)

(ဗိုလ်ချုပ်အောင်ဆန်းလမ်းနှင့် ရွှေတိဂုံဘုရားလမ်းထောင့်၊ ရန်ကုန်မြို့။)

ဒီပွဲကို လာရောက်ပြီး အိန္ဒိယမှာ ဆေးသွားကုမယ်ဆိုရင် အထူးအစီအစဉ်အနေနဲ့ cash back လေးလည်း စီစဉ်ပေးထားပါတယ်။

WeCare ရဲ့ကျန်းမာရေးဟောပြောပွဲလေးကို စိတ်ပါဝင်စားလို့ တက်ရောက်လိုပါက အောက်ဖော်ပြပါ ဖုန်းနံပါတ်များ သို့ တိုက်ရိုက် ဆက်သွယ်၍အခမဲ့ စာရင်းပေးသွင်းနိုင်ပါတယ်။ 💙

Booking တင်ရန် ဖုန်းနံပါတ်

ရန်ကုန် : 09945755525, 09765373255, 09756662930

12/10/2026

သင့် အသည်းအဆီဖုံးနေရင် ခန္ဓာကိုယ်အတွင်းဘာတွေ ဖြစ်လာနိုင်သလဲ။
———-
အသည်းအဆီဖုံးတာက တိတ်တဆိတ် ဖြစ်ပေါ်တတ်တဲ့ရောဂါပါ။ ရောဂါအစောပိုင်းအဆင့်တွေမှာ ဘာလက္ခဏာမှ မပြတတ်ပါဘူး။ ဒါပေမဲ့ အချိန်ကြာလာလို့ သင့်အသည်းမှာ အဆီပိုတွေစုဆောင်းမှုများလာရင်တော့ ရောင်ရမ်းမှုဖြစ်အောင်လှုံ့ဆော်နိုင်ပြီး တစ်ချို့သူတွေမှာ အသည်းပျက်စီးမှုတောင် ဖြစ်လာနိုင်ပါတယ်။

သင့်အသည်းမှာ အဆီဖုံးနေရင်….
၁ ။ သင့်အသည်းက အဆီအများကြီး ကို စုဆောင်းထားပါတယ်။
အဆီတွေက အသည်းဆဲလ်တွေကြားမှာ စုဆောင်းနေပြီး အင်ဆူလင်ခံနိုင်ရည်ရှိမှု၊ အဝလွန်တာ၊ ဆီးချိုရောဂါ၊ အယ်လ်ကိုဟောသောက်တာနဲ့ တစ်ခြားဇီဝဖြစ်စဉ်
အချက်တွေ နဲ့ ဆက်စပ်မှု ရှိနေတတ်ပါတယ်။

၂ ။ ပုံမှန် မဟုတ်တဲ့ ပင်ပန်းမှု ရရှိနိုင်ပါတယ်။
ပင်ပန်းနေတာက တစ်ခြားအကြောင်းရင်းတွေကြောင့် ဖြစ်ပေါ်နိုင်ပေမယ့် အသည်းအဆီဖုံးနေတဲ့ တစ်ချို့သူတွေမှာ အမြဲတမ်းမောပန်းနေတာ ဒါမှမဟုတ် စွမ်းရည်လျော့နည်းတာ တွေ ဖြစ်ပေါ်နိုင်ပါတယ်။

၃ ။ သင့်အသည်း ရောင်ရမ်းနိုင်ပါတယ်။
တစ်ချို့သူတွေမှာ အသည်းအဆီဖုံးရာမှ အသည်းရောင်ရမ်းရောဂါနဲ့ ဒဏ်ဖြစ်တဲ့အထိ ဆိုးရွားသွားနိုင်ပါတယ်။

၄ ။ အသည်းမှာ အမာရွတ်ဖြစ်ပေါ်နိုင်ပါတယ်။
ရောင်ရမ်းမှု ထပ်ခါထပ်ခါ ဖြစ်ပြီး အသည်းဒဏ်ရရရှိတာကြောင့် အသည်းမှာ အမာရွတ်ဖြစ်ပေါ်နိုင်ပြီး နာတာရှည်သွားရင် အသည်းခြောက်နိုင်ပါတယ်။

၅ ။ သင့်သွေးတွင်းသကြားနဲ့ ကိုလက်စတရောအပေါ် သက်ရောက်မှု ရှိပါတယ်။
အသည်းအဆီဖုံးရောဂါကြောင့် အင်ဆူလင်ခံနိုင်ရည်ရှိတာ၊ ဆီးချိုရောဂါ၊ သွေးအဆီထရိုင်ဂလစ်စရိုက်များတာနဲ့ တစ်ခြားဇီဝဖြစ်စဉ်တွေပါ အတူတူဖြစ်ပေါ်နိုင်ပါတယ်။

၆ ။ ဝမ်းဗိုက်ညာဖက် အပေါ်ပိုင်း ပြည့်တင်းနေတတ်ပါတယ်။
တစ်ချို့လူတွေမှာ ဝမ်းဗိုက်ညာဖက်အပေါ်ပိုင်း
ပြည့်တင်းနေတာ ဒါမှမဟုတ် ညာဖက်နံရိုးအောက် နာကျင်နေတာတွေ ရရှိနိုင်ပါတယ်။

၇ ။ ရောဂါဆိုးရွမ်းသွားရင် အသည်းလုပ်ငန်း ထိခိုက်နိုင်ပါတယ်။
ဆိုးရွားစွာ အသည်းပျက်စီးသွားရင် အသားဝါတာ၊ ဗိုက်ဖောရောင်တာ၊ အစာအိမ်သွေးယိုတာ၊ အသည်းအလုပ် မလုပ်နိုင်တော့တာတွေ ဖြစ်လာနိုင်ပါတယ်။

အသည်းအဆီဖုံး ရောဂါကို စောစောသိရှိတာကြောင့် ဘဝနေထိုင်မှုပုံစံပြောင်းလဲပြီး ဇီဝဖြစ်စဉ်ပြဿနာ( အဝလွန်၊ ဆီးချို) ကိုကုသမှု ခံယူရင် အသည်းမှအဆီတွေ လျော့နည်းပြီး
ရောဂါအရှေ့တိုးနိုင်ခြေ နည်းပါးသွားနိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

11/10/2026

သင့်အသည်းပျက်စီးမှု ဖြစ်နိုင်တဲ့ အမူအကျင့် ၉ မျိုး
———————-
၁ ။ ကော်ဖီသောက်တဲ့ ပမာဏ များလွန်းခြင်း။
နေ့စဉ် ကော်ဖီ ၁-၂ ခွက်သောက်တာက ကိစ္စ မရှိပါဘူး။ ကော်ဖီသောက်တဲ့ ပမာဏ များလွန်းရင်တော့ အချိန်ကြာလာရင် ရေဓာတ်ချို့တဲ့နိုင်ပြီး အသည်းကို ဝန်ပိနိုင်ပါတယ်။

၂ ။ ရေဓာတ်ချို့တဲ့ခြင်း။
သင့်အသည်းက အဆိပ်အတောက်တွေကိုဖယ်ရှားဖို့ ရေကိုလိုအပ်ပါတယ်။ ရေကို လုံလုံလောက် လောက် မရခဲ့ရင် အသည်းက ခက်ခက်ခဲခဲ အလုပ်လုပ်ရတတ်ပါတယ်။

၃ ။ အစာနပ်ရှောင်ခြင်း။
သင်က အစာမစားတဲ့အခါမှာ သင့်အသည်းက သူ့မှာသိုလှောင်ထားတဲ့ သကြားတွေကို ထုတ်လွှတ် ပေးပါတယ်။ ဒီလိုမကြခဏ ပြုလုပ်ပေးနေရရရင် အသည်းဝန်ပိနိုင်ပါတယ်။

၄ ။ ညနက်မှ အစာစားခြင်း။
သင့်အသည်းက သင်အိပ်ပျော်နေစဉ်မှာ သူ့ဘာသူ ပြန်လည်ပြုပြင်နေတတ်ပါတယ်။ ညနက်မှာ အစာစားတာက အစာခြေနေရတာကြောင့် ပြန်လည်ပြုပြင်မှု မပြုလုပ်နိုင်တော့ပါဘူး။

၅ ။ ပရိုတင်းစားတဲ့ပမာဏ များလွန်းခြင်း။
ပရိုတင်းအလွန်အကျွံစားသုံးတာကြောင့် အသည်းက စီစစ်ဆောက်ရွက်ရတဲ့ အမိုးနီးယားတွေကို ဖန်တီးနိုင်ပါတယ်။

၆ ။ တစ်ချို့ဆေးဝါးတွေကို အသုံးပြုခြင်း။
ပဋိဇီဝဆေးဝါး၊ ကိုလက်စတရောကျဆေး စတက် တင်နဲ့ အကိုက်အခဲပျောက်ဆေး တိုင်လီနော( ပမာဏများများ)တွေကြောင့် အသည်းဆဲလ်တွေ ပျက်စီးနိုင်ပါတယ်။

၇ ။ ပတ်ဝန်းကျင်မှ အဆိပ်အတောက်ကို ရှူသွင်းမိခြင်း။
သန့်ရှင်းရေးသုံးဖျန်းဆေး၊ ပိုးသတ်ဆေး၊ အိမ်သုတ်ဆေးအငွေ့ အစရှိတဲ့ သင်ရှူလိုက်ရတာအားလုံးကို သင့်အသည်းက စစ်ထုတ်ပေးရပါတယ်။

၈ ။ ဖရူတို့စ်ပါဝင်မှုများတဲ့ ပြောင်းဖူးအချိုရည်( High fructose corn syrup)သောက်ခြင်း။
ဆိုဒါဖျော်ရည်၊ ပေါင်မုန့်နဲ့ ဆော့စ်တွေမှာ ပါဝင်
တတ်ပြီး အသည်းဆီတိုက်ရိုက် ရောက်သွား
နိုင်ကာ အဆီအဖြစ်ပြောင်းလဲသွားပါတယ်။

၉ ။ စိတ်ဖိစီးမှုကို မထိန်းချုပ်နိုင်ခြင်း။
နာတာရှည်စိတ်ဖိစီးမှုကြောင့် ကော်တီစော မြင့်တက်နိုင်ပါတယ်။ ကော်တီစောကြောင့် သင့်အသည်း ဝန်ပိနိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

11/10/2026

သင့်အသည်း တိတ်တဆိတ်နဲ့ တဖြည်းဖြည်း မပျက်စီးခင် ရှောင်ပါ ရှောင်ပါ..ဒီအကျင့်တွေ
-/———-
၁ ။ အရက်က သင့်အသည်းကို မရပ်တန့်ခင် သင်က အရက်သောက်တာကို ရပ်တန့်လိုက်ပါ။

၂ ။ အကိုက်အခဲပျောက်ဆေးမျိုးစုံကို ခဏခဏသောက်တာကို ရှောင်ကြဉ်ပါ။

၃ ။ အစပ်စာနဲ့ အဆီစာတွေကို နေ့စဉ် မစားသုံးပါနဲ့။

၄ ။ စားသောက်ဆိုင်မှာလွယ်လင့်တကူရရှိနိုင်တဲ့ အရန်သင့်အစားအစာ ( ဘာဂါ၊ ဟော့ဒေါ့ ) တွေကို မစားပါနဲ့ ။ အသည်းအဆီဖုံးတာက ဒီအစားအစာတွေက စတင်တာပါ။

၅ ။ အသည်းမှ အဆိပ်အတောက်တွေကို ဖယ်ရှားနိုင်ဖို့ သင်္ဘောသီး၊ ကြက်သွန်ဖြူနဲ့ သကြားမုန်လာ ( beet root ) တွေကို စားသုံးပါ။

၆ ။ ကျန်းမာရေးနဲ့ ညီညွတ်မှုရှိတဲ့ ကိုယ်
အလေးချိန်ကို ထိန်းသိမ်းပါ။ အဝလွန်တာကြောင့် အသည်းက အရင်ဆုံးထိခိုက်နိုင်ပါတယ်။

၇ ။ အချိုရည်တွေကို မသောက်ပါနဲ့။ သူတို့က အသည်းကို ဝန်ပိစေနိုင်ပါတယ်။

၈ ။ သင်က အမြဲတမ်းပင်ပန်းနေရင် အသည်းလုပ်ငန်းစစ်ဆေးမှု ( Liver function test ) ကို ပုံမှန် ပြုလုပ်ပါ။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

10/10/2026

သွေးတွင်းသကြားပမာဏ တည်ငြိမ်မှု ရရှိနိုင်တဲ့ အစားအစာများ
——————————-
၁ ။ပဲအမျိုးမျိုးက သွေးတွင်းသကြားဓာတ် ထိန်းချုပ်မှု ကောင်းမွန်နိုင်ပါတယ်။

၂ ။ကန်စွန်းဥ က တစ်ဖြည်းဖြည်းချင်း အစာကြေတတ်ပါတယ်။

၃ ။ flaxseed က အင်ဆူလင်မြင့်တက်မှုကို လျှော့ချပေးနိုင်ပါတယ်။

၄ ။ လက်ဖက်ရည်က ဇီဝဖြစ်စဉ် တိုးတက်ကောင်းမွန်နိုင်ပါတယ်။

၅ ။ ပန်းသီးက သကြားသက်ရောက်မှုကို လျော့ချပေးနိုင်ပါတယ်။

၆ ။ ဘရိုကိုလီက ဂလူးကိုစ်ညီမျှမှုကို အထောက်အပံ့ပေးပါတယ်။

၇ ။ သံလွင်ဆီက အင်ဆူလင်တုံ့ပြန်မှု ပိုမိုကောင်းမွန်စေပါတယ်။

၈ ။ ဘယ်ရီသီးက မြင့်တက်နေတဲ့ သွေးတွင်းသကြားပမာဏကို လျော့ချပေးနိုင်ပါတယ်။

၉ ။ ကြက်သွန်ဖြူက ဇီဝဖြစ်စဉ်ကျန်းမာရေးကို တိုးတက်ကောင်းမွန် နိုင်ပါတယ်။

၁၀ ။ ကောက်နှံတစ်ခုလုံး ပါဝင်စာက သကြားမြင့်တက်မှု မဖြစ်အောင် ကာကွယ်နိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

09/10/2026

သင့်သွေးတွင်း သကြားပမာဏ အလွန်လျော့နည်းနေတဲ့ လက္ခဏာ
—————
အောက်ဖော်ပြပါလက္ခဏာတွေ ရှိနေရင် ဂလူးကိုစ် ဒါမှမဟုတ် သကြားရည်တိုက်တာ၊ သကြားလုံးကျွေးတာတွေ ကို မဖြစ်မနေလုပ်ဆောင်ရပါမယ်။ အထူးသဖြင့် ဆီးချိုရောဂါအတွက် ဆေးသောက်၊ ဆေးထိုးနေရသူတွေမှာ ဖြစ်တတ်လေ့ရှိပါတယ်။ ပေါ့ဆလို့ မရပါ။

၁ ။ တုန်နေခြင်း။
ရုတ်တရက် ခြေလက်တွေ တုန်လာပါတယ်။

၂ ။ ချွေးထွက်ခြင်း။
ပုံမှန် မဟုတ်တဲ့ ရုတ်တရက် ချွေးထွက်လာတတ်ပါတယ်။

၃ ။ နှလုံးခုန်မြန်ခြင်း။
နှလုံးခုန်နှုန်း အလွန်မြန်လာတာ၊ တဒိတ်ဒိတ်ခုန်နေတာတွေ ဖြစ်တတ်ပါတယ်။

၄ ။ စိတ်ရှုပ်ထွေးခြင်း။
ပြတ်ပြတ်သားသားတွေးခေါ်နိုင်ဖို့ ဒါမှမဟုတ် ပုံမှန်အတိုင်းတုံ့ပြန်နိုင်ဖို့ အခက်အခဲရှိပါတယ်။

၅ ။ အလွန်အမင်း အားနည်းနေခြင်း။
အလွန်အမင်းပင်ပန်းနေတာ ဒါမှမဟုတ် လုပ်ငန်းလုပ်ဖို့ ခက်ခဲနေတတ်ပါတယ်။

၆ ။ အမြင်ဝေဝါးခြင်း။
အမြင်အာရုံက ယာယီ မကြည်လင်နိုင်ပါဘူး။

၇ ။ စကားမပီခြင်း။
ပီပီသသ ပြောဖို့ အခက်အခဲရှိတတ်ပါတယ်။

၈ ။ တွဲဖက်လုပ်ဆောင်ရမယ့် အလုပ်တွေ မပြုလုပ်နိုင်ခြင်း။
လမ်းလျှောက်တာ ဒါမှမဟုတ် ပုံမှန်ရွေ့လျားမှု ပြုလုပ်ရာမှာ ဒုက္ခတွေ့ပါတယ်။

၉ ။ တက်ခြင်း။
သွေးတွင်းသကြားပမာဏ အလွန်နည်းသွားတာကြောင့် တက်( ဝက်ရူးပြန်)နိုင်ပါတယ်။

၁၀ ။ သတိမေ့မြောခြင်း။
သွေးတွင်းသကြားပမာဏ အလွန်အမင်းလျော့နည်းနေရင် သတိမေ့မြောသွားနိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

08/10/2026

ကျောက်ကပ်ပျက်စီးမှု ဖြစ်နေတဲ့ အဆင့်
Chronic kidney disease ( CDK )Stages
————
အဆင့် ( ၁ )
eGFR = > ၉၀
-ကျောက်ကပ်လုပ်ငန်း ပုံမှန် ဒါမှမဟုတ် လုပ်ငန်းမြင့်မားပါတယ်။
#ဘာဖြစ်လာနိုင်သလဲ။
-ကျောက်ကပ်ကောင်းကောင်း အလုပ်လုပ်ပါတယ်။
-ပျက်စီးနေတဲ့စောစောလက္ခဏာ ရှိနိုင်ပေမယ့် များသောအားဖြင့်တော့ ဘာလက္ခဏာမှ မရှိပါ။
-ဆီးထဲမှာ ပရိုတင်း ပါဝင်လာနိုင်ပါတယ်။

အဆင့် ( ၂ )
eGFR = ၆၀ -၈၉
-ကျောက်ကပ်လုပ်ငန်း အနည်းငယ် လျော့နည်းပါတယ်။
#ဘာဖြစ်လာနိုင်သလဲ။
-ကျောက်ကပ်လုပ်ငန်းအနည်းငယ် ဆုံးရှုံးနေပါပြီ။
-ဘာလက္ခဏာမှမရှိပါ။
-ကျောက်ကပ်က အညစ်အကြေးတွေကို ထိထိရောက်ရောက် မစစ်ထုတ်နိုင်ပါဘူး။
-သွေး ဒါမှမဟုတ် ဆီးစစ်ဆေးမှုမှာ စောစောစီးစီးပြောင်းလဲမှုတွေ့ နိုင်ပါတယ်။

အဆင့် ( ၃)
eGFR = ၃၀- ၅၉
-ကျောက်ကပ်လုပ်ငန်း အသင့်အတင့်လျော့နည်းနေပါတယ်။
#ဘာဖြစ်လာနိုင်သလဲ။
-ကျောက်ကပ်လုပ်ငန်း အသင့်အတင့် ဆုံးရှုံးနေပါပြီ။
-အညစ်အကြေးနဲ့ အရည်တွေက ခန္ဓာကိုယ်တွင်း စတင်စုဆောင်းမှု ပြုနေပါပြီး။
-မောပန်းတာ၊ ဖောရောင်တာနဲ့ ဆီးပြောင်းလဲမှုလိုမျိုး ရောဂါလက္ခဏာတွေစတင်ပေါ်ပေါက်လာပါပြီ။
-သွေးအားနည်းတာနဲ့ အရိုးပြဿနာဖြစ်ပေါ်နိုင်ပါတယ်။

အဆင့် ( ၄ )
eGFR = ၁၅-၂၉
-ကျောက်ကပ်လုပ်ငန်း အလွန်အမင်း လျော့ကျနေပါတယ်။
#ဘာဖြစ်လာနိုင်သလဲ။
-ကျောက်ကပ်လုပ်ငန်း အလွန်အမင်းလျော့နည်းနေပါတယ်။
-ကျောက်ကပ်က အရည်၊ ဓာတ်ဆားနဲ့ အညစ်အကြေးတွေကို မှန်ကန်တဲ့မျှတမှု ရရှိအောင် ထိန်းချုပ်နိုင်ဖို့ အခက်အခဲရှိပါတယ်။
-လက္ခဏာတွေက သိသာထင်ရှားလာပါတယ်။
-သွေးတိုးတာနဲ့ သွေးအားနည်းတာလိုမျိုး နောက်ဆက်တွဲဆိုးကျိုးတွေ ရရှိနိုင်ခြေ အလွန်များပါတယ်။

အဆင့် ( ၅ )
eGFR = < ၁၅
ကျောက်ကပ်ပျက်စီးတာ ဒါမှမဟုတ် ကျောက်ကပ်ရောဂါလမ်းဆုံးပါ။
#ဘာဖြစ်လာနိုင်သလဲ။
-ကျောက်ကပ်က အညစ်အကြေးနဲ့ ပိုလျှံတဲ့အရည်တွေကို ထိထိရောက်ရောက် မစစ်ထုတ်နိုင်တော့ပါ။
-အသက်ရှင်ဖို့ ကျောက်ကပ်ဆေးတာ ဒါမှမဟုတ် ကျောက်ကပ်အစားထိုးတာတွေ ပြုလုပ်ဖို့ လိုအပ်ပါတယ်။
-ရောဂါလက္ခဏာက များသောအားဖြင့် ပြင်းထန်ပြီး နေ့စဉ်ဘဝအပေါ် ထိခိုက်မှု ရှိနိုင်ပါတယ်။

#ကျောက်ကပ်ပျက်စီးမှုဖြစ်ပေါ်ဖို့ဖြစ်နိုင်ခြေများစေတဲ့အချက်
-ဆီးချိုရောဂါ
-သွေးတိုးရောဂါ
-ကျောက်ကပ်ရောင်ရမ်းခြင်း
Chronic glomerulonephritis
-ကျောက်ကပ်အရည်အိတ်တည်ရောဂါ Polycystic kidney disease ( မျိုးရိုးလိုက်)
-အကိုက်အခဲပျောက်ဆေး ရေရှည်သုံးစွဲခြင်း
( စတီးရွိုက် မပါဝင်တဲ့ အကိုက်အခဲပျောက်ဆေး)
-နှလုံးရောဂါ
-အဝလွန်ခြင်း
-ဆေးလိပ်သောက်ခြင်း

#ကျောက်ကပ်ပျက်စီးနေသည့်သတိပေးလက္ခဏာများ
——
၁ ။ အမြဲတမ်းဖောရောင်နေခြင်း
အထူးသဖြင့် ခြေထောက်နဲ့ ခြေချင်းဝတ်။
၂ ။ အသက်ရှူမဝခြင်း
၃ ။ အလွန်အမင်းမောပန်းခြင်း
၄ ။ ဆီးထွက်နည်းခြင်း
ပုံမှန်ထက် ဆီးသွားတဲ့အကြိမ်ရည် တည်းပါးသွားပါတယ်။
၅ ။ သွေးတိုးခြင်း
ထိန်းချုပ်ဖို့ ခက်ခဲနိုင်ပါတယ်။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

08/10/2026

သင့်ကျော်ကပ် အလုပ်ကောင်းကောင်းလုပ်နေတဲ့ လက္ခဏာ ၆ မျိုး
————————-
၁ ။ သင်က ပုံမှန်အတိုင်း ဆီးသွားတတ်ပါတယ်။
သင့်ဆီးပမာဏက သင့်သောက်တဲ့အရည်ပမာဏနဲ့ညီမျှတယ်ဆိုရင် ပုံမှန်ပါ။

၂ ။ သင့်ဆီးအရောင်က များသောအားဖြင့် အဝါရောင်ဖျော့ဖျော့ပါ။
ဒါက သင်အရည်လုံလုံလောက်လောက် ရရှိနေတာကို ညွှန်ပြတာပါ။

၃ ။ ဖောရောင်တာမျိုး မရှိပါ။
ကျန်းမာနေတဲ့ကျောက်ကပ်က အရည်
ညီညွတ်မျှတမှုရှိအောင် ထိန်းထားဖို့ ကူညီန်ုင်ပါတယ်။

၄ ။ သင့်သွေးပေါင်ချိန်က ပုံမှန်အမှတ်ပါ။
ကျောက်ကပ်က သွေးပေါင်ချိန် ထိန်းညှိဖို့ အရေးကြီးတဲ့ ကဏ္ဍမှာ ပါဝင်ပါတယ်။

၅ ။ သင်က ကျန်းမာနေပါတယ်။
မောပန်းနေသလို အမြဲတမ်းဖြစ်နေတာက တစ်ခါတလေ ကျောက်ကပ်ပြဿနာကြောင့်ပါ။

၆ ။ သင့်ကျောက်ကပ်အတွက် စစ်ဆေးမှုက ပုံမှန်အဖြေရပါတယ်။
ခရီတီနင်း၊ eGFR နဲ့ ဆီးစစ်ဆေးမှုတွေက ကျောက်ကပ်ကျန်းမာရေးကို ညွှန်ပြနိုင်ပါတယ်။

မှတ်ချက်
———
ကျောက်ကပ်ရောဂါက ဘာလက္ခဏာမှ မပြသပဲနဲ့လည်း ဖြစ်ပေါ်နိုင်ပါတယ်။ ပုံမှန်စစ်ဆေးမှု ပြုလုပ်ဖို့ အလွန်အရေးကြီးပါတယ်။ အထူးသဖြင့် ဆီးချို၊ သွေးတိုးရောဂါရှိနေရင် ဒါမှမဟုတ် မိသားစုဝင်တွေမှာ ကျောက်ကပ်ရောဂါရှိနေရင်ပါ။

#အားလုံးကိုယ်စိတ်နှစ်ဖြာကျန်းမာကြပါစေ
#ဒေါက်တာခင်မိုးမိုး

Good Health Journal

13/10/2026

13/10/2026

12/10/2026

12/10/2026

11/10/2026

11/10/2026

10/10/2026

09/10/2026

08/10/2026

08/10/2026

Address

Opening Hours

Telephone

Website

Alerts

Shortcuts

Share

Listing takedown request

Monday	09:00 - 17:00
Tuesday	09:00 - 19:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00