Dr. Ye Wint Aung

Call Directions Contact the business

Dr. Ye Wint Aung ကျန်းမာရေး ဗဟုသုတဝေမျှရန်နှင့် ထိုင်း၊အိန္ဒိယနိုင်ငံ ဆေးကုဖို့ ဆေးရုံချိတ်ဆက်ပေးဖို့ဖြစ်ပါတယ်ခင်ဗျာ
Viber +959950311916 +66 90-329-8487 +95 9793426367

08/10/2026

သီချင်း ဂီတသံကြားရင် လူတွေကဘာလို့ စဦးဆုံးကြားထားဖူးတဲ့ အချိန်ကိုမှတ်မိအောင်ဘယ်လိုလုပ်ထားသလဲ။

ဘယ်လူမျိုးဖြစ်စေ ၊ ဘယ်နေရာဒေသ နေထိုင်ပါစေ ၊စိတ်ကောင်းသည်ဆိုးသည်ဖြစ်စေ သီချင်း၊ ဂီတကို ကြိုက်ကြတာချည်းပါပဲ။

သီချင်းနဲ့ ဂီတနုတ်တွေကို ကျွန်တော်တို့တီးခတ်သူကတီး ။၊ သီဆိုသူက အသံ ပ်ုင်ပိုင်နိုင်နိုင် နဲ့သီဆိုပြီး နားထာင်သူကလဲပဲ အာရုံ စီးမျောခံစားကြလို့ ယနေ့ ခေန်စားနေတဲ့ ဂီတပွဲတွေဆိုတာအများကြီးပါပဲ။

ဒါဆို ဒီလို သီချင်းနဲ့ ကြားဖူးတဲ့နေရာ ကို မှတ်မိအောင်ဘာကလုပ်ဆောင်ပေးသလဲဆိုရင် ဦးနှောက်အစိတ်အပိုင်းနဲ့ ဆက်စပ်ပစ္စည်းတွေကြောင့် ပဲဖြစ်ပါတယ်။

ဒါတွေက နားရွက်နဲ့ နားထဲကအရိုးနု၊ ဦးခေါင်းခွံအရိုး ၊ အကြားအာရုံကြော စတာတွေက ကြားသမျှကို စုပ်ယူပြီး ဦးနှောက်က အကြားအာရုံလက်ခံ တဲ့ နေရာ တစ်ခုကိုပို့ပါတယ်။ ဆေးပညာမှာ sensory area ဖြစ်ပါတယ်။

ဦးနှောက်ရဲ့ auditory cortex နေရာကတော့ ဂီတအသံကို အမြင့်အနိမ့်၊ သီချင်းသံ၊ စည်းချက်နဲ့ tempoအနိမ့်အမြင့်ကို နားလည်အောင်ဘာသာပြန်ပါတယ်။

Hippocampus ဖြစ်တဲ့နေရာကတော့ ဦးနှောက်ထဲကပါပဲ။ သူက ကြားတဲ့ဂီတာအသေးစိတ်နဲ့ ကြားလိုက်တဲ့နေရာကိုမှတ်ထားပါတယ်။ ဒီလိုနည်းနဲ့ လူတွေက သီချင်းကိုနေရာနဲ့တွဲမှတ်မိပါတယ်။
ကြားခဲ့ဖူးတဲ့အဖြစ်အပျက်တွေလဲ တစ်စိတ်တစ်ပိုင်း မှတ်မိနေတတ်ပါတယ်။

Amygdala နဲ့ Limbuc system ဆ်ုတဲ့နေရာတွေကတော့ သီချင်းဂီတကြားတုန်းက ကိုယ့်ခံစားချက်
ကို မှတ်ပါတယ်။
ဒါကြောင့် အဲတုန်းက ကိုယ်ချစ်မြတ်နိုးသူကြိုက်တဲ့သီချင်း၊ အသည်းကွဲတုန်းကနားထောင်ရတဲ့သီချင်းစသဖြင့် ပြန်နားထောင်တာနဲ့ ပြန်သတိရစေတာပါ။

နောက်ဆုံး ကျွန်တော်တို့ ဦးနှောက်ထဲက ဒိုပါမင်းDopamine ဆိုတဲ့ chemical ကိုထွက်စေပါတယ်။
သူကပျော်ရွှင်စေတဲ့ feeling ရစေပါတယ်။ ဒီနည်းနဲ့ ကျွန်တော်တို့ကြိုက်တဲ့သီချင်း ဂီတကို ပြန်ပြီး ခံစားစေဖို့ တွန်းအားပေးပါတယ်။
စျေးဝယ်စင်တာတွေနဲ့ စားသောက်ဆိုင်တွေကဒီအကျိုးကိုရစေချင်လို့အသုံးချပါတယ်။

သီချင်းဂီတအေးအေးလေး တွေ ၊ ကိုယ်စိတ်ကိုအေးချမ်း တာဖြစ်စေ၊ ပျော်ရွှင်စေတာဖြစ်စေ ဒီလိုအရာတွေကိုထိတွေ့ရင် ကျွန်တော်တို့ ပျော်စေတာသက်သက်ပဲကောင်းကျိုးရှိစေတာမဟုတ်ပါဘူး။

တခြားကောင်းကျိုးတွေကတော့ စိတ်ကိုတက်ကြွစေနိုင်ပါတယ်။ နာကျင်မှုဝေဒနာ ကိုသက်သာစေပါတယ်။ကြွက်သားနာကျင်မှုရှိလို့ ကိုယ်ခန္ဓာအညောင်းအညာဖြေရင်သီချင်းသံက ပြေလျော့ဖို့ အသုံးဝင်ပါတယ်။နောက်ပြီး စိတ်ညစ်စေတဲ့အကြောင်းအရာကိုတွေးတာနည်းစေတော့ စိတ်ကြည်ပေါ့ပါးစေပါတယ်။
ခေါင်းကိုက်ဝေဒနာရှိရင် သီချင်း နားထာင်ရင် သက်သာစေနိုင်ပါတယ်။
စိတ်ကစဉ့်ကလျားဖြစ်တာနဲ့ စိတ်ဓါတ်ကျတာတွေလျှော့နည်းစေပါတယ်။
အလုပ်ကြောင့်ရတဲ့ ဖိစီးမှု သက်သာပါတယ်ခင်ဗျာ။

06/10/2026

လူသိများတဲ့ အကိုတစ်ယောက် ဒီရက်ရုတ်တရက်ဆုံးသွားတာကြားရတော့ များစွာစိတ်မကောင်းဖြစ်မိပါတယ်။ဒီလို အလားတူ လူလတ်ပိုင်းအရွယ်တွေ ဘာလက္ခဏာမှမရှိလဲ ရုတ်တရက် အသက်သေဆုံးနိုင်တဲ့အကြောင်းအရင်းတွေထဲမှာ ဦးနှောက်သွေးလွှတ်ကြောရုတ်တရက်ပေါက်ခြင်း၊အဆုတ်သွေးပြန်ကြောထဲ သွေးခဲပိတ်ဆို့ခြင်း၊ဦးနှောက်သွေးလွှတ်ကြောနဲ့ဆိုင်တဲ့ ဦးနှောက်သွေးကြောထုံး/ဖောင်းရောဂါ(Berry Aneurysm) သူက ဦးနှောက်ထဲ သွေးကြောထုံးတာဖောင်းတာဖြစ်ပြီး သွေးပေါင်တက်တာမျိုးမှာ ပေါက်တတ်ပါတယ်။နှလုံးသွေးကြောကျဉ်းရောဂါ
သူက ရင်ဘတ်အောင့်တယ်ဆို ဖြစ်နေမလားလို့သတိထားတတ်ကြပေမဲ့ တချို့ဆို နှလုံးသွေးကြောကျဉ်းတာ ဘာလက္ခဏာမှမပြတာမျ်ုးလဲရှိတတ်ပါတယ်။နှလုံးကြွက်သားဆိုင်ရာရောဂါတွေတစ်ချို့။ရင်ဘတ်၊ ဝမ်းဗိုက်သွေးလွှတ်ကြော ဖောင်း တဲ့ရောဂါ။
ဒီရောဂါတွေကြည့်ရင် တစ်ချို့ရောဂါတွေက ဖြစ်လေ့ရှိပေမဲ့ တစ်ချို့ရောဂါတွေဆိုရငါ ဖြစ်လေ့ သိပ်များတတ်တာမျိုး မဟုတ်ပြန်ပါဘူး။
ဒါကြောင့်လူတိုင်းကတော့ဖြစ်နိုင်ချေလုံးဝမရှိကြတာမဟုတ်တဲ့အတွက် အခြေခံကျန်းမာရေးစောင့်ရှောက်ကြပါ။ ပုံမှန် ဆေးစစ်တာမျိုး၊ မိသားစုဝင်တွေအချင်းချင်းစောင့်ရှောက်တာမျိုးလုပ်ပေးပါ။
မိသားစုအလားတူ ရောဂါရာဇဝင်ရှိတဲ့ သူတွေကတော့ မိမိမှာမဖြစ်ခင်သတိထားပေးဖ်ု့လိုပါတယ်။

ကျန်းမာရေးဂရုစိုက်ကြပါခင်ဗျာ။
Dr .Ye Wint Aung

ဘာကြောင့် အသည်းကင်ဆာရောဂါလို့ သိရတဲ့အခါမှာ တခြားကင်ဆာတွေလိုမျိုး အသားစယူပြီး သေချာအောင်ထပ်စစ်ဆေးတာမျိုး မလုပ်ရတာလဲ?အဓိကက...
05/10/2026

ဘာကြောင့် အသည်းကင်ဆာရောဂါလို့ သိရတဲ့အခါမှာ တခြားကင်ဆာတွေလိုမျိုး အသားစယူပြီး သေချာအောင်ထပ်စစ်ဆေးတာမျိုး မလုပ်ရတာလဲ?

အဓိကကတော့ အချက်(၃)ချက်ကြောင့်ပါ။

အသည်းကို အသားစယူတဲ့အခါမှာ အထူးပြုလုပ်ထားတဲ့ အပ်နဲ့ယူရတယ်။ အသားစယူတော့မယ်ဆိုရင် ဝမ်းဗိုက်ညဘက်အပေါ်နားက နံရိုးတွေကြားထဲကို အပ်နဲ့ထိုးယူရတာ။ တဖက်ကနေ အာထရာဆောင်းနဲ့ ထောက်ကြည့်ပြီးတော့ အပ်နေရာနဲ့ ကင်ဆာအကြိတ်နေရာကို ချိန်ပြီးယူရတာပေါ့။ ပြဿနာရှိနိုင်တာက အပ်က ကင်ဆာအကြိတ်ကိုထိုးပြီး ကင်ဆာအသားစကိုစုပ်ယူ၊ ပြီးတော့ ပြန်ဆွဲထုတ်လိုက်တဲ့ လမ်းတလျှောက်မှာ အဲ့ဒီစုပ်ယူထားတဲ့ ကင်ဆာအသားစ နည်းနည်းလေးတွေက ကောင်းနေတဲ့အင်္ဂါအစိတ်အပိုင်းတွေ အပေါ်ကျသွားတတ်တယ်။ အသားစယူလိုက်မှ ကင်ဆာကို ပိုဖြန့်သလို ဖြစ်သွားတတ်တာပေါ့။

နောက်တစ်ချက်က အသည်းဆိုတာက သွေးကြောတွေအရမ်းများတဲ့ ကိုယ်တွင်းအင်္ဂါတစ်ခု။ အသည်းမကောင်းတဲ့လူတွေမှာက သွေးတိတ်ပစ္စည်းတွေထုတ်လုပ်နိုင်စွမ်းကလည်း နည်းနေတော့ သွေးထွက်လွန်နိုင်တဲ့ အန္တရာယ်ကလည်း ပိုရှိနေပြီးသား ဖြစ်တဲ့အတွက် အသားစကို တော်ရုံယူလေ့ မရှိကြပါဘူး။

နံပါတ်(၃)အချက်ကတော့ အသည်းကင်ဆာလို့ သေချာပြောနိုင်ဖို့အတွက် အာထရာဆောင်းရိုက်ကတည်းက စ တွေ့ကြတာများတယ်။ အဲ့မှာမှ ထပ်ဆင့် CT (ဒါမှမဟုတ်) MRI scan တွေထပ်ရိုက်ပြီးကြည့်ရင် အသည်းကင်ဆာလို့ သေချာပြောနိုင်သွားတာများပါတယ်။ အသည်းကင်ဆာ မျိုးကွဲတွေကလည်း အများကြီးမရှိတော့ ဓာတ်မှန်တွေမှာ အသည်းကင်ဆာလို့ တန်းသိတာနဲ့ အသားစသပ်သပ်ကြီး ထပ်စစ်စရာမလိုဘဲ ကုသမှု စ နိုင်တာလည်း ပါတာပေါ့။

အဓိက ဒီ(၃)ချက်ကြောင့် အသည်းကင်ဆာအတွက် အသားစယူပြီး စစ်ဆေးလေ့တော့ မရှိပါဘူး။ ဒါပေမယ့် ဘယ်လိုလူတွေမှာ အသားစ ထပ်စစ်ရလဲဆိုရင်တော့ အသည်းကင်ဆာဖြစ်စေတဲ့ အကြောင်းအရင်းတွေ (ဥပမာ အသည်းယောင်အသည်းဝါ ဘီ ပိုး ရှိနေတာမျိုး၊ အသည်းခြောက်နေတာမျိုးတွေ) မရှိဘဲနဲ့ အာထရာဆောင်းတို့၊ CT / MRI scan တို့မှာ အသည်းကင်ဆာပုံစံမျိုးနဲ့ အရမ်းတူနေတာမျိုးဆိုရင်တော့ လူနာဘက်မှာ အသားစယူလို့ ဘေးထွက်ဆိုးကျိုး မရှိနိုင်လောက်ဘူးဆိုရင် အသားစယူပြီး သေချာအောင် စစ်ဆေးတာမျိုး ရှားရှားပါးပါး ရှိတတ်ပါတယ်။

အခုလောက်ဆိုရင်တော့ ဘာကြောင့်အသည်းကင်ဆာရောဂါမှာ အသားစယူဖို့ မလိုတာများလဲ ဆိုတာ နားလည်သွားကြမယ်လို့ ယူဆပါတယ်။

အားလုံးပဲ အသည်းကျန်းမာပြီး ပျော်ရွှင်တဲ့ ဘဝလေးတွေပိုင်ဆိုင်နိုင်ကြပါစေ။

#အသည်းကင်ဆာ
#အသားစယူ

လေးစားစွာဖြင့်
Dr. Aung Chan Pyae
Dr. Ye Medical Service

04/10/2026

✍️ငါးနဲ့ပုဇွန်ခြောက်တွေကနေ ပြုလုပ်ထားတဲ့ ငါးပိရည် ၊ ငါးပိထောင်းတွေရဲ့ ကျန်းမာရေးအတွက်ကောင်းသလား။
ကျန်းမာရေးမထိခိုက်အောင်ဘယ်လိုစားသုံးကြမလဲ။

🔆မြန်မာလူမျိုးတွေရဲ့နေ့စဉ်ထမင်းဝိုင်းမှာမပါမဖြစ် ဟင်းအမယ်တစ်ခုကဆော့ ငါးပိရည်၊ ငါးပိထောင်း ဖြစ်ပါတယ်။

🔆ကျွန်တော်တို့ ထမင်းဟင်းစားပြတဲ့ videoတွေ တွေ့ရင်လဲ ငါးပိရည်နဲ့နယ်ပြီးစားပြတဲ့ videoတွေ ကြည့်ရင် သားရည်ကျပြီး အရသာရျှလှပါတယ်။ ဒီလောက်အထိကြိုက်ကြပါတယ်။

🔆ကရင်လူမျိုးတွေဆိုရင် အစပ်ကြိုက်လွန်းကြဆော့ ထိမိနေအောင်လို့ ငရုတ်သီးမှုနိ့တွေ၊ ငရုတ်သီးအပုတွေထောင်းထဲ့ပြီး ချက်ကြပါတယ်။

⚡️ဒီနေရာမှာပြောချင်တာကတော့ ငါးပိရည် ရဲ့ကျန်းမာရေးရှုထောင့်ပါ။
ငါးပိရည်တစ်ခွက်မှာ ဘာတွေပါဝင်ပါသလဲ။
⚡️ရက်ကြာကြာဖိသိပ်ထားတဲ့ ငါးပိရဲ့လုပ်ရတဲ့ process မှာ ငါး၊ ပုဇွန်ခြောက်ကို အစိမ်းလိုက်ကို ဆား ၂၀-၂၅%နဲ့ နယ်ပြီး သိပ်ရပါတယ်။
ရက်ကြာလေလေ ငါးပိရဲ့ အရသာပိုထွက်လေဖြစ်ပြီးပို အရသာရှိပါတယ်။

ဒီလိုရက်ကြာကြာဖိသိပ်ရတဲ့ ငါးပိမှာ -

ဆားဓါတ် အငံဓါတ်အလွန်များစွာပါလို့ ရေရှည် များများ စားရင် သွေးတိုးရောဂါ၊ ကေောက်ကပ်ရောဂါတွေဖြစ်လာနိုင်ပါတယ်။

⚡️ငါးအစိမ်း၊ ပုဇွန်ခြောက်ကိုသိပ်ရတော့ ဒီ raw material တွေမှာပါလာတတ်တဲ့ ဘက်တီးရီးယားပိုးနဲ့ သန်ကောင်ပိုးတွေကူးစက်တတ်ပါတယ်။

⚡️နောက်ပိုင်းတွေ့ရှိချက်တွေအရ ဆားဓါတ် အငံက အစာအိမ်နံရံပျက်စီးစေပြီး အစာအိမ်နဲ့ဆိုင်တဲ့ရောဂါကြီးတွေစွဲကပ်နိုင်ပါတယ်။

⚡️တစ်ချို့ ငါးပိတွေမှာ တာရှည်ခံတွေ ဓာတုပစ္စည်းတွေပါလာတတ်တာမို့ ကင်ဆာရောဂါ၊ အရိုးရောဂါတွေကိုတွန်းအားပေးစေနိုင်ပါသေးတယ်။

❓ဒါဆို ဘေးကင်းအောင်ဘယ်လိုစားသုံးကြမလဲ။

🌱ကျွန်တော်တို့တွေက ထမင်းဟင်းဘယ်လောက်ကောင်းကောင်း ငါးပိနဲ့ တို့စရာပါမှ ဟင်းမြိန်ကြတာဖြစ်လို့- အစာလဲဆေး ဆေးလဲအစာဖြစ်အောင်လို့ သင့်တင့်တဲ့ ပမာဏသာစားသုံးပါ။ထမင်းများများ၊ ဟင်းနဲ့ အရွက်များများ စားပြီး ငါးပိကိုအနည်းငယ်ပါလေရုံသာစားပေးပါ။
ဒီနေ့ခေတ်မှာ အဖြစ်များတဲ့ ကျောက်ကပ်ရောဂါ သွေးတိုးရောဂါ ၊ ဆေးရုံခဏခဏ ပြရတက်ရတဲ့ရောဂါတွေ မိမိမှာ လျှော့ကျပါမယ်။

⚡️ငါးပိရည်မှာ အသားဓါတ်ပါတယ်ဆိုပြီး တစ်ချို့ က စားသုံးဖို့အားပေးနေကြပေမဲ့ သူအသားဓါတ်က ငါးပိဖြစ်အောင်လုပ်ရတဲ့ အချိန် သိပ်ရတဲ့အချိန် ကျိုချက်တဲ့အခိုက်တွေမှာ ပရိုတင်းမဆိုစလောက်သာကျန်စေတာမို့ အာဟာရတန်ဖိုး ဘယ်နည်းနဲ့မှ မတက်လာပါ။

🌱ကျိုချက်တဲ့အခါ အချိုမှုန့်ထပ်ခတ်တာမျိုး မလုပ်ဘဲ ရေနဲ့သေချာလေးဆူအောင်တည်ပြီးချက်ပေးပါ။

ကျန်းမာကြပါစေ။
Dr. Ye Wint Aung

03/10/2026

✍️အစေ့အဆံများများနိုင်သလောက်စားပေးရမယ်ဆိုတာ ဟုတ်ပါသလား။

🌱အစေ့အဆံတွေဖြစ်တဲ့ နေကြာစေ့၊ သီဟိုလ်စေ့၊ ချီယားစေ့၊ အခွံမာသီးအစေ့အဆံတွေ ကြားဖူးကြမှာပါ ခင်ဗျာ။

🌱❓ကျွန်တော်တို့ကြားဖူးကြသလို အစေ့အဆံ စားပေးခြင်းအားဖြင့် လိုအပ်တဲ့ အာဟာရ တွေရရှိပြီး ကျန်းမာစေလိမ့်မယ်ဆိုတဲ့အချက်ပါ။

ဒါဟာအတိုင်းအတာတစ်ခုအထိတော့မှန်ပါတယ်။

💥ပြောချင်တာကတော့ အစေ့အဆံတွေကို ထမင်းဟင်းစားသလို၊ ဟော့ပေါ့ဆိုင်မှာ အရည်သောက်သလို စားသလို လိုတာထက်ပိုပြီးစားတာဟာမှားပါတယ်။

❓ဘာလို့ပါသလဲ။

•ဘာကြောင့်လဲဆိုရင် အစေ့အဆံမှာ ခန္ဓာကိုယ်ကိုထောက်ပံ့လိုအပ်တဲ့ အာဟာရတွေ ကြွယ်ဝစွာပါသလို၊ အဆီဓါတ်လဲများစွာပါဝင်လာပါတယ်။

အဆီဓါတ်နဲ့ ကယ်လ်ုရီတွေများစွာ ပါဝင်တဲ့အတွက် ခန္ဓာကိုယ်မှာ အဆီတွေစုလာစေပါမယ်။

ပိန်ချင်တဲ့သူတွေအတွက်တော့ သတိထားသင့်ပါတယ်။

•နောက်တစ်ခု omega 6 အမျိုးအစားအများကြီးပါတဲ့အတွက် ကျွန်တော်တို့ ခန္ဓာကိုယ်အတွက်ကောင်းကျိုးရစေတဲ့ ရောင်ယမ်းမှုကိုကျစေတဲ့ omega 3 တွေနည်းသလိုဖြစ်စေပါတယ်။ဒါဟာလဲသတိထားရပါမယ်။

•နောက်တစ်ခုက အူလမ်းကြောင်းအစာချေဖျက်စနစ်ကို နှောင့်ယှက်ပေးတာပါ။ အမျှင်ဓါတ်တွေတအား လိုတာထက် ကြွယ်ဝစွာ စားပေးရင် အူလမ်းကြောင်းအစာချေဖျက်တာအနှောင့်အယှက်ဖြစ်စေတော့ အစာမကြေ စေတာမျိုးဖြစ်နိုင်ပါတယ်။
ဗိုက်အင့်တာဖြစ်စေပါတယ်။

အစာအိမ်ရောင်တာ၊ အစာမကြေလွယ်သူတွေသတိထားရပါမယ်။

အူမူမမှန်တဲ့ Irritable ရောဂါရှိသူတွေ သတိထားရပါတယ်။

ဝမ်းမမှန်တာ ခဏခဏသွားတာအထိလဲဖြစ်စေနိုင်ပါတယ်။

❓ဒါဆိုရင် ပမာဏဘယ်လောက် စားပေးရမလဲ။

🌱ထမင်းစားဇွန်းနဲ့ကို ၂-၃ ဇွန်း ဆိုရင်လုံလောက်ပါပြီ။

🌱ကျွန်တော်တို့ လူမျိုးတွေက လက်ဖက်ကိုအကြော်နဲ့စားလေ့ဓလေ့ရှိတော့ ထနင်းဝိုင်းမှာ တစ်ပတ်ကို ၂ရက်လောက်ပဲ စားပေးရင် .. ဒါနဲ့တင်လုံလောက်ပါတယ်။

ကျန်းမာကြပါစေ။
Dr. Ye Wint Aung

ကျန်းမာရေးဆေးစစ်ချင်တယ် ၊ ဘာတွေတော့လိုသလဲ ကြိုသိထားဖို့ပါခင်ဗျာ။💥အခြေခံကျန်းမာရေးဆေးစစ်တဲ့အခါဘာတွေလိုအပ်သလဲ။💥🩸သွေးနီဥ၊ သ...
02/10/2026

ကျန်းမာရေးဆေးစစ်ချင်တယ် ၊ ဘာတွေတော့လိုသလဲ ကြိုသိထားဖို့ပါခင်ဗျာ။

💥အခြေခံကျန်းမာရေးဆေးစစ်တဲ့အခါဘာတွေလိုအပ်သလဲ။💥

🩸သွေးနီဥ၊ သွေးဖြူဥ ၊ သွေးမွှားဥ အရေအတွက်စစ်ဆေးခြင်း၊ အရည်အသွေးစစ်ဆေးခြင်း။

🩸သွေးတွင်း အသည်း စစ်ဆေးခြင်း။

🩸သွေးတွင်းကျောက်ကပ်စစ်ဆေးခြင်း။

🩸သွေးတွင်း အဆီစစ်ဆေးခြင်း။

🩸ယူရစ်အက်ဆစ်စစ်ဆေးခြင်း။

⚡️နှလုံး အီးစီဂျီ စစ်ဆေးခြင်း။

🩻အဆုတ်ဓါတ်မှန်ရိုက်စစ်ဆေးခြင်း။

🩸သွေးတွင်း ကင်ဆာဓါတ်စစ်ဆေးခြင်း။

🔆ဆီးစစ်ဆေးခြင်း။

👀မျက်စိနှင့်သွားက စစ်ဆေးချင် ထပ်ထဲ့စစ်နိုင်ပါတယ်။

💃သားအိမ်ခေါင်းကင်ဆာ ရှိမရှိစစ်ဆေးခြင်း။

💃ရင်သားကင်ဆာရှိမရှိစစ်ဆေးခြင်း။

💥ဒါတွေကတော့ မဖြစ်မနေပါဝင်ဖို့လိုအပ်ပါတယ်။

01/10/2026

မနက်စောစော လမ်းလျှောက်ပြီး ရရှိနိုင်မဲ့ အကျိုးကျေးဇူးများ

နိုင်ငံခြားမှာ ဆေးသွားရောက်ကုသမယ်ဆိုရင် ဘာတွေ ပြင်ဆင်ထားရမလဲ။၁။ ပက်စ်ပို့ စာအုပ် နဲ့ နေထိုင်ခွင့် ဗီဇာ (ဆေးကုသတဲ့ရက် ၂ပတ...
30/09/2026

နိုင်ငံခြားမှာ ဆေးသွားရောက်ကုသမယ်ဆိုရင်
ဘာတွေ ပြင်ဆင်ထားရမလဲ။

၁။ ပက်စ်ပို့ စာအုပ် နဲ့ နေထိုင်ခွင့် ဗီဇာ (ဆေးကုသတဲ့ရက် ၂ပတ်အထက်နေမယ်ဆိုရင်လိုအပ်ပါတယ်၊ တစ်ချို့က မြန်မာမှာလျှောက်လာပါတယ်၊ တစ်ချို့က ထိုင်းရောက်မှလိုရင် ထိုင်းမှာ လျှောက်ပါတယ်)
၂။ ဆေးမှတ်တမ်း( ဆေးစာအုပ်၊ သွေးအဖြေ၊ဓါတ်မှန်)
၃။ ထိုင်း၊ အိန္ဒိယဆေးရုံ ဆရာဝန် ရက်ချိန်း။
၄။ တည်းခိုမဲ့ ဟိုတယ် ဘိုကင်။
၅။လေယာဉ်လက်မှတ်။ (အသွားအပြန်)
၆။ သက်ဆိုင်ရာနိုင်ငံရဲ့ သုံးရမဲ့ငွေသားလဲလှယ်လာလို့ရပါတယ်။
၇။ show money (ထိုင်းလေဆိပ်မှာ အရာရှိကိုပြသဖို့ လိုအပ်ခဲ့ရင် ငွေသား တစ်ယောက် ဘတ်၂သောင်းလောက် ဆောင်ထားရပါမယ်)
၈။ လေဆိပ်မှာမေးမြန်းတဲ့အခါ သေချာဖြေကြားနိင်မဲ့သူတစ်ဦးဦး။(ထိုင်းမှာ အိန္ဒိယမှာ နေထိုင်သူတစ်ဦးဦး)
၉။ လေဆိပ်ကနေ ဟိုတယ်က်ုသွားဖ်ု့ ကားအစီအစဉ်။

ထိုင်း 🇹🇭
အိန္ဒိယ🇮🇳
Dr. Ye Wint Aung

ကင်ဆာဆေးသွင်းနေတယ်။ ဆေးကုနေရတယ်။ ခြေလက်တွေထုံကျဉ်နေတယ်။ ဘာကြောင့်လဲ။❓ကင်ဆာကိုကုသမှုခံယူတဲ့လူနာတွေထဲမှာ သွေးကြောတွေကနေတစ်...
29/09/2026

ကင်ဆာဆေးသွင်းနေတယ်။ ဆေးကုနေရတယ်။ ခြေလက်တွေထုံကျဉ်နေတယ်။ ဘာကြောင့်လဲ။❓

ကင်ဆာကိုကုသမှုခံယူတဲ့လူနာတွေထဲမှာ သွေးကြောတွေကနေတစ်ဆင့် ဆေးသွင်းပြီးကုနေရတဲ့ လူနာတွေအများကြီးရှိပါတယ်။

ကင်ဆာဆေးကုနေရင်း ဖြစ်တတ်တဲ့လက္ခဏာတစ်ခုကတော့ ခြေ၊လက်ထုံကျဉ်တယ်။ 💥ကြွက်သားအားနည်းသလိုဖြစ်တယ်ဆိုတာဖြစ်ပါတယ်။💥

✅ကင်ဆာဆေးတိုင်းကတော့ မဖြစ်စေပါဘူး။ သွင်းတဲ့ ဆေးအမျိုးအစား အများအားဖြင့်(အဆုတ်ကင်ဆာ၊ အူမကြီးကင်ဆာ၊ ရင်သားကင်ဆာ …စသဖြင့်) ကုသတဲ့ဆေးတွေ၊ သွင်းတဲ့အကြိမ် ရေများလာရင်ဖြစ်နိုင်ချေပိုများပါတယ်။

✅ကင်ဆာဆေးသွင်းတဲ့အချိန် ဖြစ်တာမဟုတ်ရင် ကုသမှုပြီး ၃လအကြာ ကစလို့ဖြစ်တတ်သလို၊ တစ်နှစ်နေလို့လဲမသက်သာတာထိရှိနိုင်ပါသေးတယ်။

✅ဒါဟာကင်ဆာဆေး မတဲ့လို့ဖြစ်တာမဟုတ်သလို၊ ကင်ဆာဆေးဒဏ်မခံနိုင်တာမျိုးလဲမဟုတ်ပါဘူး။
ခြေ၊ လက်မှာရှိတဲ့ အာရုံကြောလေးတွေ ဆေးကိုထိခိုက်မိလို့ဖြစ်ပါတယ်။
နောက်ပြီး ဒီဝေဒနာကို တော်တော်များလဲ ခံနိုင်ကြပါတယ်။

✅ဆေးတစ်မျိုးထဲထက်ဆေး၂မျိုးသွင်းရတာ ဆိုဖြစ်နိုင်ချေလဲပိုများနေပါသေးတယ်။

ဘာဆေးနဲ့ကုရမလဲ။ ❓

✅ဒါကို ကုသဆေးအနေနဲ့ အတိအကျပေးကြတာမျိုး မရှိတတ်ပါဘူး။

✅အာရုံကြော အားဆေးတိုက်ကြတာမျိုးရှိသလို၊ အနေအထိုင်ပြောင်းလဲဖို့ ( အေးတဲ့အရာတွေမထိတွေ့ဖို့၊ ခြေအိတ်ကလေးဝတ်ထားတတ်ဖို့) ၊ အားကစားလုပ်ပေးရင်အနည်းငယ်သက်သာနိုင်ပါတယ်။

ကင်ဆာကုသမှုခရီးအောင်မြင်ကြပါစေ။
လေးစားစွာဖြင့်
Dr. Ye Wint Aung

Address

Yangon

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 15:00
Sunday 09:00 - 15:00

Telephone

+66858482139

Website

Alerts

Be the first to know and let us send you an email when Dr. Ye Wint Aung posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dr. Ye Wint Aung:

Shortcuts

Share

Category