Shwe Padauk Wellness Center & Recovery Center

Home
Myanmar
Yangon
Shwe Padauk Wellness Center & Recovery Center

Call Directions Website

Mental & Physical Well Being !

28/08/2026

လူအများစုဟာ ပင်ပန်းနွမ်းနယ်လာတဲ့အခါအိပ်စက်လိုက်ခြင်းက အကောင်းဆုံးအနားယူခြင်းလို့ ထင်မှတ်တတ်ကြပါတယ်။ အိပ်စက်ခြင်းနည်းလမ်းတစ်ခုတည်းနဲ့ ကိုယ်ရောစိတ်ပါ အမှန်တကယ်ပဲ အနားရပါရဲ့လား ၊
ပင်ပန်းနွမ်းနယ်မှုတွေ အမှန်တကယ်ပဲ ပြေပျောက်သွားပါရဲ့လား ဆိုတာကို ပြန်လည်ဆန်းစစ်ကြည့်ဖို့ လိုပါတယ်ရှင်။

🥱 တခါတရံမှာ အနားယူဖို့ အိပ်စက်လိုက်ပေမယ့် နှစ်ခြိုက်စွာလည်းအိပ်မပျော်၊ အိပ်ရာကနိုးလာတဲ့အချိန်မှာလည်း အိပ်ရေးမဝသလိုခံစားရပြီး အရင်လိုပဲ ပင်ပန်းနွမ်းနယ်နေတုန်းပဲဆိုရင်တော့ ယခုဆက်လက်ဖော်ပြပေးမယ့် အနားယူခြင်းပုံစံ (၇)မျိုးကို လေ့လာကြည့်ကြရအောင်နော်..💁🏻

Dr.Saundra Dalton-Smith ရေးသားတဲ့ အနားယူခြင်းပုံစံ (၇)မျိုးကတော့ လူတွေရဲ့ ပင်ပန်းနွမ်းနယ်မှုအခြေအနေအလိုက် အနားယူရမယ့်နည်းလမ်း (၇) မျိုးပဲဖြစ်ပါတယ်။

1.Physical Rest (ခန္ဓာကိုယ်ပိုင်းဆိုင်ရာအနားယူခြင်း) 🧘🏻

ဒီအနားယူခြင်းနည်းလမ်းကတော့ ကြွက်သားများ တင်းတောင့်ကိုက်ခဲနေပြီး အမြဲမောပန်းနွမ်းနယ်နေတဲ့အခါ အသုံးပြုရမယ့်နည်းလမ်းပဲဖြစ်ပါတယ်။
- ညဘက် လုံလောက်စွာအိပ်စက်ပြီး နေ့လယ်ဘက်မှာ ၁၅-၂၀ မိနစ်ခန့် တရေးအိပ်ပါ။
- Yoga ကျင့်ခြင်း၊ အကြောလျှော့ခြင်း၊ ကြွက်သားများကိုနှိပ်နယ်ပေးခြင်း၊ အသက်ရှူလေ့ကျင့်ခန်းပြုလုပ်ခြင်းများဖြင့် ကြွက်သားများသန်မာပြီး ခန္ဓာကိုယ်ဆဲလ်များ ပြန်လည်လန်းဆန်းကျန်းမာလာမှာပဲဖြစ်ပါတယ်။

2.Mental Rest (စိတ်ပိုင်းဆိုင်ရာ အနားယူခြင်း)📝

ညအိပ်ခါနီးအထိတောင် များပြားလှတဲ့အတွေးတွေကြောင့် စိတ်ကအနားမရခြင်း၊ အာရုံစူးစိုက်ရခက်ခြင်း၊ မေ့လျော့လွယ်ခြင်းများအတွက် ဦးနှောက်ကို ခဏအနားပေးပြီး အတွေးတွေရဲ့နှိပ်စက်ဖိစီးမှုများမှ သက်သာရာရစေမယ့် နည်းလမ်းပဲဖြစ်ပါတယ်။
- အလုပ်လုပ်နေချိန်မှာ နှစ်နာရီခြားခန့်တစ်ခါ ၅မိနစ်ကနေ မိနစ် ၂၀ခန့်အထိ အနားယူပါ။
- ညအိပ်ခါနီးမှာ ခေါင်းထဲမှာရှိနေတဲ့ပူပန်စရာတွေနဲ့ မမေ့မလျော့လုပ်ရမယ့် အကြောင်းအရာတွေကို စာရွက်ပေါ်ချရေးပြီး ခေါင်းထဲကအတွေးတွေကို ရှင်းထုတ်လိုက်ပါ။

3.Emotional Rest (ခံစားချက်ပိုင်းဆိုင်ရာအနားယူခြင်း)😊

မိမိစိတ်ခံစားချက်များကိုဖုံးကွယ်ပြီး အခြားသူများကိုအလိုလိုက်ရင်း ကိုယ်တိုင်စိတ်ဖိစီးမှုများလာရခြင်း၊ အမြဲအဆင်ပြေချင်ယောင်ဆောင်နေရခြင်းများကို ရပ်တန့်လိုက်ပြီး မိမိရဲ့စိတ်ခံစားချက်များကို လွတ်လပ်စွာထုတ်ဖော်ခွင့်ပေးလိုက်တဲ့ အနားယူနည်းပဲ ဖြစ်ပါတယ်။ လုပ်ဆောင်ရမယ့်နည်းလမ်းလေးကတော့
- မိမိယုံကြည်ရသူအား မိမိရဲ့အခက်အခဲနဲ့စိတ်ခံစားချက်တွေကိုရိုးသားစွာ မျှဝေပြောပြရင်ဖွင့်ပါ။
- မနိုင်ဝန်တွေကို တာဝန်မယူဘဲ ငြင်းပယ်ဝံ့သည့် သတ္တိကိုမွေးမြူပါ။

4. Social Rest (လူမှုရေးပိုင်းဆိုင်ရာအနားယူခြင်း)🪫

မိမိရဲ့စွမ်းအင်တွေကိုကုန်ခမ်းစေတဲ့ လူမှုဆက်ဆံရေးတွေကိုရှောင်ဖယ်ပြီး မိမိကို အမှန်တကယ်နားလည်ကာ စိတ်ဓာတ်ခွန်အားပြန်လည်ဖြည့်ဆည်းပေးတဲ့၊ စိတ်ကိုပေါ့ပါးလွတ်လပ်စေတဲ့ လူမှုဆက်ဆံရေးများကို တည်ဆောက်တဲ့နည်းလမ်းပဲဖြစ်ပါတယ်။
- မိမိထံမှ အချိန်၊ ဂရုစိုက်မှုနဲ့ ပေးဆပ်မှုတွေကိုသာ ရယူပြီး အပြန်အလှန်မရှိတဲ့လူမှုဆက်ဆံရေးတွေ၊ တွေ့ဆုံလိုက်တိုင်း ပူပန်မှုနဲ့စိတ်ဖိစီးမှုတွေကိုသာ ယူဆောင်လာတတ်သူတွေနဲ့တွေ့ဆုံချိန်ကို ကန့်သတ်လိုက်ပါ။
- မလိုအပ်တဲ့ လူမှုရေးတာဝန်များကို ငြင်းပယ်ဝံ့သည့် သတ္တိမွေးပါ။
- လူမှုရေးပွဲများနဲ့ အပေါင်းအသင်းများထံမှ ခေတ္တခဏ ဝေးနေစေပြီး မိမိရဲ့ကိုယ်ပိုင်အချိန် သီးသန့်ယူပါ။
- မိမိကို အမှန်တကယ်စိတ်ခွန်အားပေးနိုင်သူများနှင့်သာ အချိန်ဖြုန်းပါ။

5. Sensory Rest (အာရုံခံစားမှုပိုင်းဆိုင်ရာအနားယူခြင်း) 🖥📱❌

TV ကြည့်ခြင်း၊ ဖုန်းမှတဆင့် Social media သုံးခြင်းတွေက အနားယူတယ်လို့ထင်ရပေမယ့် ဦးနှောက်နဲ့ အာရုံကြောတွေကို ပိုမိုပင်ပန်းစေတဲ့အလေ့အထများပဲဖြစ်ပါတယ်။ တခါတရံမှာ အဓိပ္ပါယ်မဲ့ ဖုန်း screen ကိုပွတ်ဆွဲပြီး လျှောက်ကြည့်နေခြင်းက အနားမရတဲ့အပြင် မျက်စိညောင်းညာခြင်း၊ ငြီးငွေ့ခြင်းနဲ့ အချိန်ကုန်ခြင်းဆိုတာတွေပဲ ဖြစ်စေတတ်ပါတယ်။
- နေ့စဥ်ထိတွေ့နေတဲ့ အလင်း၊ အသံနဲ့ ဖုန်း၊ ကွန်ပျူတာကဲ့သို့သော နည်းပညာပစ္စည်းများရဲ့ ဆွဲဆောင်မှုတွေကနေ ခေတ္တကင်းကွာပြီး အနားယူတတ်သည့်အကျင့်လုပ်ပေးပါ။
- မှောင်ပြီး တိတ်ဆိတ်တဲ့နေရာမှာ မိနစ်ပိုင်းမျှ မျက်စိမှိတ်ကာ ငြိမ်သက်စွာနေပေးပါ။

6. Creative Rest (ဖန်တီးနိုင်စွမ်းပိုင်းဆိုင်ရာ အနားယူခြင်း)🖼

တီထွင်ဖန်တီး စိတ်ကူးဥာဏ်ကွန့်မြူးပြီးအလုပ်လုပ်ရတဲ့သူတွေမှာ စိတ်ကူးသစ်၊ အကြံဥာဏ်သစ်များ မပေါ်ထွက်လာတော့ခြင်း၊ အလုပ်မှာ ပြဿနာဖြေရှင်းနိုင်စွမ်းတွေ လျော့နည်းလာခြင်းတို့အတွက် စိတ်ကူးအသစ်၊ အကြံဥာဏ်အသစ်များ ပြန်လည်ထွက်ပေါ်လာစေဖို့နည်းလမ်းပဲဖြစ်ပါတယ်။
- သဘာဝတရားနဲ့ထိတွေ့ပါ။ မိမိနှစ်သက်တဲ့အပန်းဖြေရာနေရာ ပန်းခြံထဲမှာ၊ သစ်ပင်တောတောင်တွေထဲမှာ၊ ပင်လယ်ကမ်းခြေမှာ လမ်းလျှောက်အပန်းဖြေပါ၊ အနားယူပါ။
- ဂီတသံစဥ်တွေနားထောင်ခြင်း၊ ဓာတ်ပုံ၊ ပန်းချီ စတဲ့ အနုပညာလက်ရာတွေကို ကြည့်ရှုခံစားခြင်းဖြင့် အနားယူပါ။

7. Spiritual Rest (စိတ်ဝိညာဥ်ပိုင်းဆိုင်ရာ အနားယူခြင်း)🧘🏻🤍

ဘဝမှာ လမ်းပျောက်နေသလိုခံစားရတယ်၊ ဘဝဟာ အဓိပ္ပါယ်မဲ့နေသလို ထင်မြင်နေရတယ်ဆိုရင်
- စိတ်တည်ငြိမ်အောင်လေ့ကျင့်ခြင်း
- တရားထိုင်ခြင်း
- လူမှုအဖွဲ့အစည်း သို့မဟုတ် အများအကျိုးအတွက် စေတနာ့ဝန်ထမ်းလုပ်အားပေးခြင်းများကို အချိန်ပေးလုပ်ဆောင်ခြင်းဖြင့် အနားယူပါ။

Dr.Saundra Dalton-Smith ရဲ့အနားယူခြင်းနည်းလမ်း (၇)မျိုးအရ သာမန် "အိပ်စက်ခြင်း" တစ်ခုတည်းနဲ့ ပင်ပန်းနွမ်းနယ်မှုတွေ မပျောက်ကင်းနိုင်ရတာဟာ အိပ်ချိန်မလုံလောက်တာကြောင့်မဟုတ်ဘဲ အနားယူတဲ့ပုံစံလွဲမှားနေတာကြောင့်ဖြစ်တယ်ဆိုတာကို သိရှိနိုင်တဲ့အပြင် မိမိမှာ မည်သည့်အနားယူခြင်းနည်းလမ်း အဓိကလိုအပ်နေလဲဆိုတာကိုပါ သိရှိနိုင်ပါတယ်ရှင်။

စိတ်လည်းကျန်းမာ၊ ကိုယ်လည်းကျန်းမာပြီး ကျန်းမာရေးနဲ့ညီညွတ်တဲ့လူနေမှုဘဝ Healthy Lifestyle ကို ရရှိစေဖို့ စိတ်ပိုင်းဆိုင်ရာ ဆွေးနွေးအကြံပေးမှုများအတွက်
ရွှေပိတောက် Wellness Center ရှိပါတယ်ရှင်. . . 💁🏻‍♀️🌱

📆 ဆရာဝန်ကြီးများ၏ဆေးခန်းထိုင်ချိန်များနှင့် ပတ်သက်၍ အချိန်အသေးစိတ်သိရှိစေရန် နှင့် ကြိုတင်ရက်ချိန်းပေးရန်အတွက် ဖုန်း 09 - 4549 000 54, 09 - 4549 000 64 သို့ ဆက်သွယ်နိုင်ပါတယ်။

📲 ဆေးရုံသို့ လူကိုယ်တိုင် လာရောက်ရန် အခက်အခဲရှိတဲ့ လူနာများအတွက် အထူးကုဆရာဝန်ကြီးများ နှင့် အွန်လိုင်း ( Teleconsultation ) မှတဆင့် ပြသလိုတယ်ဆိုရင်တော့
Viber / zoom ဖြင့်သာ အဆင်ပြေတဲ့အတွက်ကြောင့် 09 - 958 536 076 ကို Viber မှတဆင့် ချိတ်ဆက်ပြီး ဆွေးနွေးတိုင်ပင်လို့ ရပါတယ်ရှင်...။

🏥 Shwe Padauk Wellness Center
📍 အမှတ်(၁၃၃/A)၊ မောရဝတီလမ်း၊ ၈-မိုင်(ပြည်လမ်းမကြီးအနီး)၊ မရမ်းကုန်းမြို့နယ်၊ ရန်ကုန်မြို့။
📞 09 - 4549 000 54, 09 - 4549 000 64

#အနားယူခြင်းပုံစံ၇မျိုး
#အထူးကုဆရာဝန်ကြီးများ

#စိတ်ကျန်းမာရေး
#ရွှေပိတောက်

19/08/2026

😥 နေ့ရက်တိုင်းမှာ အဆင်မပြေမှုတွေနဲ့ချည်း ရင်ဆိုင်နေရတဲ့အချိန်၊
😞 ကိုယ်ကြိုးစားသလောက် အရာမထင်၊
မအောင်မြင်တဲ့အချိန်၊
😔 အသိအမှတ်ပြုမှုတွေမခံရတဲ့အချိန်၊
😓 လောကဓံဆိုးတွေနဲ့ရင်ဆိုင်ရလို့ မရပ်တည်နိုင်တော့လောက်အောင် လဲပြိုချင်နေတဲ့အချိန်၊
အဲ့ဒီလိုခက်ခဲပင်ပန်းတဲ့အချိန်တွေကို ဘဝမှာ လူတိုင်းကြုံတွေ့ကြရပါတယ်ရှင်...

မခံချင်စိတ်တွေ၊ ကိုယ့်ကိုကိုယ်အားမလိုအားမရစိတ်တွေ၊ ဝမ်းနည်းစိတ်ပျက်အားငယ်စိတ်တွေနဲ့ ပင်ပန်းမွန်းကြပ်နေရပေမယ့် ကျွန်မတို့ဟာ လဲကျလို့မဖြစ်ဘူး၊ သန်မာနေမှဖြစ်မယ်ဆိုတဲ့စိတ်နဲ့ စိတ်ထဲမှာ နာကျင်ပင်ပန်းနေရတာတွေကို မြိုသိပ်ထားပြီး အပြုံးမပျက်၊ ဟန်မပျက် အားတင်းရှေ့ဆက်နေကြရတဲ့အချိန်တွေဟာ ကိုယ်ရောစိတ်ပါအရမ်းကိုပင်ပန်းရတဲ့အချိန်တွေပဲပေါ့။ 😥😥

ဒီလိုအချိန်မှာ အကောင်းဆုံးလုပ်ဆောင်သင့်တာကတော့ ပင်ပန်းနေတဲ့စိတ်ကလေးကို ခဏတာ အနားယူစေခြင်းပါပဲရှင်။ 💙

ကိုယ့်ရဲ့လက်ရှိအခြေအနေကို သိမှတ်လက်ခံလိုက်ပါ။
🤗 It's okay not to be okay.
အဆင်မပြေလည်း ဖြစ်ပါတယ်... 👌🏻

အဆင်မပြေမှုတွေကိုလက်ခံလိုက်ခြင်းဟာ စိတ်ထဲမှာ ပင်ပန်းစွာခံစားနေရခြင်းတွေကနေ သက်သာရာရခြင်းရဲ့အစပဲဖြစ်ပါတယ်။ မိမိကိုယ်ကို "ငါ အဆင်မပြေဘူး" လို့ ဝန်ခံလိုက်ခြင်းဟာစိတ်ဓာတ်ကျသွားလို့ ပြောတာမျိုး၊ အရှုံးပေးလိုက်ရတာမျိုးမဟုတ်ဘဲ ပင်ပန်းနေတဲ့စိတ်နဲ့ကိုယ်ကို ပြန်လည်ကုစားဖို့အတွက် ပထမဆုံးခြေလှမ်းပဲဖြစ်ပါတယ်။

💙 မိမိစိတ်ထဲက တကယ့်ခံစားချက်တွေကို အသိအမှတ်ပြုပေးပါ။ ဝမ်းနည်းချင်ရင် ဝမ်းနည်းခွင့်ပေးလိုက်ပါ။ အားငယ်ချင်ရင် အားငယ်ခွင့်ပေးလိုက်ပါ။ နာကျင်မှုတွေ၊ အဆင်မပြေမှုတွေကို အ တင်းအဓမ္မဖုံးကွယ်မထားပါနဲ့။ ဒီလိုခံစားရတာတွေဟာ လူတိုင်းကြုံတွေ့ရမယ့် သဘာဝတရားပဲဖြစ်ပါတယ်ရှင်...

အဆင်မပြေတဲ့စိတ်ခံစားချက်တွေကို အ တင်းအဓမ္မဖိနှိပ်ပြီး အဆင်ပြေနေပါတယ်လို့ ဟန်ဆောင်နေတာဟာ ရေရှည်မှာစိတ်ကျန်းမာရေးကို ထိခိုက်စေပါတယ်။ ခံစားချက်တွေကို ဖိနှိပ်မြိုသိပ်ရင်း တစ်ယောက်တည်း အထီးကျန်လာတတ်ပါတယ်။ စိတ်ဖိစီးမှုတွေများလာတဲ့အခါ ရုပ်ပိုင်းဆိုင်ရာကိုပါထိခိုက်လာပြီး ရောဂါဖြစ်လွယ်စေပါတယ်။

ခံစားချက်တွေကို ဖိနှိပ်မြိုသိပ်ထားခြင်းထက် ခံစားချက်ကို သူ့သဘာဝအတိုင်းသိမှတ်လက်ခံလိုက်ခြင်းက စိတ်ပင်ပန်းမှုတွေကို သက်သာလျော့ပါးစေပါတယ်။ ဒီလိုလုပ်ခြင်းဖြင့် မိမိကိုယ်ကို ပိုမိုနားလည်လာပြီး အခြားသူများနှင့် စာနာနားလည်မှုဆိုင်ရာဆက်ဆံရေးကို ပိုမိုတိုးတက်လာစေပါတယ်။

"ငါအခု ပင်ပန်းနေတာပါလား၊ စိတ်ဓာတ်ကျနေတာပါလား" လို့ သတိထားလိုက်ပြီး " ဒါဟာ ငါ့ဘဝရဲ့ ခဏတာအစိတ်အပိုင်းတစ်ခုပါ၊ ငါ အဆင်မပြေလည်းရပါတယ်" လို့ လက်ခံလိုက်တာဟာ စိတ်ပိုင်းဆိုင်ရာလွတ်မြောက်မှုရဲ့သော့ချက်ပါပဲ။💡 💯

💛 အရှိကိုအရှိအတိုင်း သိမှတ်လက်ခံပေးနိုင်တာဟာ မိမိကိုယ်မိမိပေးနိုင်တဲ့ အကြီးမားဆုံးအားပေးမှုနဲ့ မေတ္တာပါပဲရှင်... 💁🏻

ဒါကြောင့်မို့လို့ အခုပဲ ပင်ပန်းလွန်းနေတဲ့စိတ်ကလေးကို သိမှတ်လက်ခံလိုက်ပြီး ခဏအနားပေးလိုက်ပါ။

🤗 It's okay not to be okay.
အဆင်မပြေလည်း ဖြစ်ပါတယ်... 👌🏻

စိတ်လည်းကျန်းမာ၊ ကိုယ်လည်းကျန်းမာပြီး ကျန်းမာရေးနဲ့ညီညွတ်တဲ့လူနေမှုဘဝ Healthy Lifestyle ကို ရရှိစေဖို့ စိတ်ပိုင်းဆိုင်ရာ ဆွေးနွေးအကြံပေးမှုများအတွက်
ရွှေပိတောက် Wellness Center ရှိပါတယ်ရှင်. . . 💁🏻‍♀️🌱

📆 ဆရာဝန်ကြီးများ၏ဆေးခန်းထိုင်ချိန်များနှင့် ပတ်သက်၍ အချိန်အသေးစိတ်သိရှိစေရန် နှင့် ကြိုတင်ရက်ချိန်းပေးရန်အတွက် ဖုန်း 09 - 4549 000 54, 09 - 4549 000 64 သို့ ဆက်သွယ်နိုင်ပါတယ်။

📲 ဆေးရုံသို့ လူကိုယ်တိုင် လာရောက်ရန် အခက်အခဲရှိတဲ့ လူနာများအတွက် အထူးကုဆရာဝန်ကြီးများ နှင့် အွန်လိုင်း ( Teleconsultation ) မှတဆင့် ပြသလိုတယ်ဆိုရင်တော့
Viber / zoom ဖြင့်သာ အဆင်ပြေတဲ့အတွက်ကြောင့် 09 - 958 536 076 ကို Viber မှတဆင့် ချိတ်ဆက်ပြီး ဆွေးနွေးတိုင်ပင်လို့ ရပါတယ်ရှင်...။

🏥 Shwe Padauk Wellness Center
📍 အမှတ်(၁၃၃/A)၊ မောရဝတီလမ်း၊ ၈-မိုင်(ပြည်လမ်းမကြီးအနီး)၊ မရမ်းကုန်းမြို့နယ်၊ ရန်ကုန်မြို့။
📞 09 - 4549 000 54, 09 - 4549 000 64

#အထူးကုဆရာဝန်ကြီးများ

#စိတ်ကျန်းမာရေး
#ရွှေပိတောက်

07/08/2026

စိတ်ဖိစီးမှုတွေလျော့ကျပြီး ပိုမိုကျန်းမာပျော်ရွှင်တဲ့ လူနေမှုဘဝကိုရရှိစေဖို့ အကောင်းဆုံးစိတ်ပိုင်းခိုလှုံရာအတွက် Shwe Padauk Wellness Center ရှိပါတယ်ရှင်. . . 💁🏻‍♀️🌱

စိတ်နဲ့ခန္ဓာဟာ ဆက်စပ်နေတာမို့ စိတ်ဆင်း ရဲနေမယ်၊ စိတ်ဖိစီးနေမယ်၊ စိတ်မ ပျော် ရွှင်နိုင်ဘူးဆိုရင် ခန္ဓာကိုယ်ကျန်းမာရေးကိုလည်း ထိ ခိုက် လာစေနိုင်ပါတယ်။ ခန္ဓာကိုယ်ကျန်းမာနေစေဖို့အတွက်ဆိုရင် စိတ်ကျန်းမာပျော်ရွှင်နေဖို့ကလည်း အရေးကြီးတဲ့လိုအပ်ချက်တစ်ခုပါပဲ။

စိတ်လည်းကျန်းမာ၊ ကိုယ်လည်းကျန်းမာပြီး ကျန်းမာရေးနဲ့ညီညွတ်တဲ့လူနေမှုဘဝ Healthy Lifestyle ကို ရရှိစေဖို့ စိတ်ပိုင်းဆိုင်ရာ ဆွေးနွေးအကြံပေးမှုများအတွက်
ရွှေပိတောက်ရှိပါတယ်ရှင်. . . 💁🏻‍♀️🌱

ဒါ့အပြင် ပုံမှန်ထက်ပိုတဲ့စိတ်ဖိစီးမှုတွေ၊ အရက်၊ မူး ယစ်ဆေး စွဲလမ်းမှု ပြဿနာတွေ၊ စိတ်ဒဏ်ရာတွေကြောင့် စိတ်ကျန်းမာရေးပြဿနာတွေက နေ့စဥ်ဘဝမှာဆိုးရွားစွာသက်ရောက်မှုရှိနေပြီဆိုရင် စာနာ နားလည် နွေးထွေးမှု၊ မေတ္တာ ကရုဏာများနဲ့ မှန်ကန်တဲ့ လမ်းညွှန်ကုသမှုများပေးနိုင်တဲ့ ကျွန်မတို့ရဲ့ ရွှေပိတောက် ကိုသတိရလိုက်ပါရှင်. . . 💁🏻‍♀️🌱
🔸 ကျွန်မတို့ရဲ့ ရွှေပိတောက်စိတ်ကျန်းမာရေးစင်တာမှာ အရက်စွဲ၊ မူးယစ်ဆေးစွဲ၊ နာတာရှည်စိတ်ကျန်းမာရေးချို့တဲ့သူများကို စိတ်ပိုင်းဆိုင်ရာဝေဒနာကုသမှု၊ ကာကွယ်မှုဆိုင်ရာများ၊စိတ်ကျန်းမာရေး ပြန်လည်ထူထောင်မှု အစီအစဥ်များကိုအသုံးပြုပြီး သင့်တင့်မျှတသောကုန်ကျစရိတ်နဲ့ ကောင်းမွန်တဲ့အကျိုးရလဒ်များကိုရရှိစေရန်အတွက် အဆင့်မီကုထုံးများဖြင့် လူနာနဲ့တကွ မိသားစုများကိုပါ ပေါင်းစပ်ဆွေးနွေးအကြံပေးခြင်းများ လုပ်ဆောင်ကုသပေးလျက်ရှိပါတယ်။

🔸 ဒါ့အပြင် သက်ကြီးသူများရဲ့ စိတ်ကျန်းမာရေးဆိုင်ရာ ပြဿနာများ၊ ဦးနှောက်နဲ့ အာရုံကြောထိခိုက်သူများ၏ နောက်ဆက်တွဲ စိတ်ကျန်းမာရေးပိုင်းဆိုင်ရာ ပြဿနာများ၊ ဆယ်ကျော်သက်အရွယ်နှင့်ကလေးစိတ်ကျန်းမာရေးဆိုင်ရာပြဿနာများအားလည်း ကုသပေးလျက်ရှိတဲ့အတွက် စိတ်ကျန်းမာရေး စိတ်အေးရစေဖို့ "Shwe Padauk Wellness Center" က သင်တို့နဲ့အတူတကွ ရှိနေမှာပါရှင်. . . 💁🏻‍♀️🥰

📆 ဆရာဝန်ကြီးများ၏ဆေးခန်းထိုင်ချိန်များနှင့် ပတ်သက်၍ အချိန်အသေးစိတ်သိရှိစေရန် နှင့် ကြိုတင်ရက်ချိန်းပေးရန်အတွက် ဖုန်း 09 - 4549 000 54, 09 - 4549 000 64 သို့ ဆက်သွယ်နိုင်ပါတယ်။

📲 ဆေးရုံသို့ လူကိုယ်တိုင် လာရောက်ရန် အခက်အခဲရှိတဲ့ လူနာများအတွက် အထူးကုဆရာဝန်ကြီးများ နှင့် အွန်လိုင်း ( Teleconsultation ) မှတဆင့် ပြသလိုတယ်ဆိုရင်တော့
Viber / zoom ဖြင့်သာ အဆင်ပြေတဲ့အတွက်ကြောင့် 09 - 958 536 076 ကို Viber မှတဆင့် ချိတ်ဆက်ပြီး ဆွေးနွေးတိုင်ပင်လို့ ရပါတယ်ရှင်...။

🏥 Shwe Padauk Wellness Center
📍 အမှတ်(၁၃၃/A)၊ မောရဝတီလမ်း၊ ၈-မိုင်(ပြည်လမ်းမကြီးအနီး)၊ မရမ်းကုန်းမြို့နယ်၊ ရန်ကုန်မြို့။
📞 09 - 4549 000 54, 09 - 4549 000 64

#အထူးကုဆရာဝန်ကြီးများ

#စိတ်ကျန်းမာရေး
#ရွှေပိတောက်

31/07/2026

🧑🏻 အရွယ်ရောက်ပြီးလူကြီးတွေမှာသာမက ကလေးငယ်တွေနဲ့ဆယ်ကျော်သက်တွေမှာလည်း OCD (Obsessive - Compulsive Disorder) စိတ်စွဲလမ်းမှုလွန်ကဲပြီး အထပ်ထပ်ပြုလုပ်တတ်တဲ့ စွဲလမ်းလွန်စိတ်တုန်လှုပ်ခြင်းဝေဒနာရှိနိုင်ပါတယ်။ ကလေးငယ်တွေမှာဖြစ်တတ်တဲ့ OCD လက္ခဏာများကို အနည်းငယ်ရှင်းပြပါရစေရှင်။

🧠 ကလေးငယ်တွေမှာဖြစ်တဲ့ OCD ဟာ လူကြီးတွေမှာဖြစ်တဲ့ OCD နဲ့ အခြေခံသဘောတရားချင်းတူပေမယ့် ကလေးတွေရဲ့ရင့်ကျက်မှုအဆင့်၊ ထုတ်ဖော်ပြောဆိုနိုင်စွမ်းနဲ့ လူမှုပတ်ဝန်းကျင်မတူညီတဲ့အခြေအနေကြောင့် ပြသတဲ့လက္ခဏာပုံစံမှာ ကွာခြားချက်တွေရှိတတ်ပါတယ်။

😰 OCD ကလေးငယ်တွေဟာ စိုးရိမ်စိတ်ကြောင့် စိတ်ထဲမှာမလိုလားအပ်တဲ့အတွေးတွေ ၊ ပုံရိပ်တွေ အကြိမ်ကြိမ်ပေါ်လာတတ်ပါတယ်။ ပိုးမွှားတွေကို ကြောက် တယ်၊ ဖုန်တွေ သဲတွေပေမှာ ညစ်ပတ်မှာ ကြောက် တယ်၊ မိဘတွေကိုထိခိုက်ဒဏ်ရာရစေမှာ၊ မိမိကိုယ်တိုင်ထိခိုက်အောင်လုပ်မိမှာ ကြောက် တယ်၊ အိမ်ထဲကိုတစ်ယောက်ယောက်ကျူးကျော်ဝင်ရောက်လာမှာအလွန်အမင်းစိုးရိမ်တယ်၊ စာအုပ်တွေ၊ ကစားစရာတွေ အစီအစဥ်တကျကွက်တိမရှိရင် စိတ်မသက်မသာဖြစ်တယ်။

🧼 အဲ့ဒီလိုစိတ်ထဲကစိုးရိမ်မှုတွေကိုလျှော့ချဖို့အတွက် စိတ်သက်သာရာရစေတဲ့အပြုအမူတွေကို ထပ်ခါထပ်ခါ ပြုလုပ်လေ့ရှိပါတယ်။ ဥပမာအားဖြင့်- လက်ကိုနီရဲသွားတဲ့အထိ ခဏခဏဆေးခြင်း၊ ရေချိုးခန်းထဲအကြာကြီးနေပြီးသန့်ရှင်းခြင်း၊ လှေကားထစ်တွေကိုရေတွက်ပြီးတက်ခြင်း၊ အိမ်ထဲ အခန်းထဲကိုဝင်ရင် ခြေလှမ်းအတိအကျသတ်မှတ်ပြီး ကွက်တိဖြစ်အောင်လှမ်းခြင်း၊ မိမိအန္တရာယ်ကင်းရဲ့လားဆိုတာကို မိဘကို ထပ်ခါထပ်ခါမေးမြန်းခြင်း စတဲ့ ပုံမှန်ထက်လွန်ကဲတဲ့အပြုအမူတွေကို ပြုလုပ်တတ်ပါတယ်။ အဲ့ဒီလိုပြုမူမှသာလည်း စိတ်သက်သာရာ ရတတ်ကြပါတယ်။

✍🏻 စာရေးတဲ့အခါ စာလုံးတစ်လုံးရေးလိုက်လို့ စိတ်နဲ့ကွက်တိမကျ၊ စိတ်မကျေနပ်ရင် မကြိုက်မချင်း စာရွက်ပေါက်မတတ် ပြန်ဖျက်၊ ပြန်ရေး လုပ်တာမျိုး၊ စာဖတ်ရင်လည်း တစ်လုံးမကျန် သေချာနားလည်ခဲ့ရဲ့လားဆိုတဲ့ သံသယ၊ စိုးရိမ်စိတ်နဲ့ စာတစ်ကြောင်းတည်းကို အစကနေ ထပ်တလဲလဲ ပြန်ဖတ်နေတာကြောင့် စာလုပ်ချိန်အလွန်ကြာမြင့်တာမျိုး၊ ညအိပ်ရာဝင်ချိန်၊ အစားအသောက်စားတဲ့အချိန်နဲ့ အခြားအခြားသော နိစ္စဒူဝအခြေအနေတွေမှာ ပုံမှန်ထက်ပိုတဲ့ လွန်ကဲတဲ့အပြုအမူတွေနဲ့ ကလေးဟာ ပင်ပန်းနေတတ်ပါတယ်။

🧠 OCD ကလေးငယ်များက သူတို့ရဲ့အတွေးတွေ၊ အပြုအမူတွေဟာ ပုံမှန်မဟုတ်ဘူးဆိုတာကို မသိကြပါဘူး။ လူကြီးတွေက မိမိတို့စိတ်ထဲမှာ ဘာတွေစိုးရိမ်နေလဲ၊ ဘာ့ကြောင့်ဒီလိုလုပ်နေရလဲဆိုတာကို စကားနဲ့သေချာရှင်းပြနိုင်ကြပေမယ့် ကလေးငယ်တွေကတော့ သူတို့စိတ်ထဲကစိုးရိမ်စိတ်တွေကို ဘယ်လိုပြောပြ၊ ရှင်းပြရမယ်မှန်း မသိကြပါဘူး။

ဒါကြောင့် အကြောင်းရင်းမရှိဘဲဂျီကျတာ၊ ငိုတာ၊ ဒေါသထွက်တာ၊ အိပ်မပျော်တာ စတဲ့အပြုအမူပိုင်းဆိုင်ရာပြဿနာတွေအနေနဲ့ပဲ အပြင်ပန်းမှာမြင်တွေ့ရတတ်ပါတယ်။

လူကြီးတွေက မိမိရဲ့ OCD လက္ခဏာကို အခြားသူတွေမသိအောင်ဖုံးကွယ်ဖို့ကြိုးစားလေ့ရှိကြပေမယ့် ကလေးငယ်တွေကတော့ သူတို့ရဲ့ OCD စည်းမျဥ်းတွေထဲမှာ မိဘတွေကိုပါ လိုက်လုပ်စေတတ်ကြပါတယ်။ ဥပမာအားဖြင့် ကစားစရာတွေကို မိဘကပါ ညီအောင်လိုက်စီပေးရမယ်၊ အခန်းထဲဝင်ရင် မိဘကပါ လက်ဆေးပြီးမှဝင်ရမယ်၊ ခြေလှမ်းအတိအကျလှမ်းပြီးမှဝင်ရမယ် စသဖြင့် အတင်းအကြပ်တောင်းဆိုတတ်ပြီး မိဘကလိုက်မလုပ်ပေးရင် အလွန်အမင်းစိတ်ဆိုးပြီး သောင်းကျန်းတတ်ပါတယ်။

❌ အလိုမကျဂျီတိုက်တိုင်း၊ အသန့်ကြိုက်ပြီးစည်းကမ်းကြီးတိုင်း၊ ပစ္စည်းတွေကို ညီနေအောင်စီထားမှကြိုက်တယ်ဆိုတဲ့ကလေးတိုင်းတော့ OCD မဟုတ်ပါဘူး။ OCD ကြောင့်ဖြစ်ရတဲ့ကလေးက သန့်ရှင်းချင်လို့လုပ်တယ်ဆိုတာထက် ဒါကိုမှမလုပ်ရင် ဒုက္ခ ရောက်မယ်၊ တစ်ခုခုဖြစ်လိမ့်မယ်ဆိုတဲ့ ပြင်းထန်တဲ့ကြောက် စိတ်ကြောင့် ဘာမှမတတ်နိုင်ဘဲ မလုပ်ရမနေနိုင် စိတ်ပင်ပန်းစွာနဲ့လုပ်နေရတာပဲဖြစ်ပါတယ်။

💡မြင်သာအောင်ပြောရရင် အသန့်ကြိုက်၊ စည်းကမ်းကြီးတဲ့ပုံမှန်ကလေးငယ်ဟာ သန့်ရှင်းရေးလုပ်တာ၊ စည်းကမ်းတကျနေထိုင်တာလုပ်ပေမယ့် ကျောင်းသွားချိန်၊ ကစားချိန်၊ စာကျက်ချိန်တွေကို မထိခိုက်စေပါဘူး။

OCD ကလေးငယ်ကတော့ ဒီကိစ္စတွေအတွက်ပြုမူချိန်ဟာ တစ်ရက်ကို နာရီနဲ့ချီပြီးကုန်လွန်စေလို့ ကျောင်းနောက်ကျတာ၊ စာမကျက်နိုင်တာ၊ သူငယ်ချင်းတွေနဲ့မကစားနိုင်တာ စသဖြင့် ကလေးရဲ့ နေ့စဥ်လူနေမှုဘဝကိုပါ ထိခိုက်လာစေတာမျိုးပါ။

🔁 မလိုလားအပ်တဲ့ ကြောက် စိတ် အတွေးဝင်လာမယ်- အဲ့ဒီအတွေးကြောင့် စိုးရိမ်စိတ်တဟုန်ထိုးတက်လာမယ်- ကြောက် စိတ်ပြယ်ပြီး စိတ်သက်သာရာရအောင် တစ်ခုခုကို ထပ်တလဲလဲပြုလုပ်မယ်- အဲ့ဒီအခါ ခဏယာယီ စိတ်သက်သာသွားပြီး မကြာခင် ပထမအဆင့်ကိုပြန်လည်ရောက်ရှိခြင်းဆိုတာ OCD သံသရာ၊ OCD Cycle ပဲ ဖြစ်ပါတယ်။ 🔁

👪🏻 ကလေးမှာ OCD ရှိ၊ မရှိ သိနိုင်ဖို့ မိဘတွေရဲ့ အနီးကပ်စောင့်ကြည့်မှုက အရေးကြီးပါတယ်။
ကလေးမှာ OCD လက္ခဏာရှိနေတယ်ဆိုရင်တော့ ကျွမ်းကျင်သူစိတ်ကျန်းမာရေးဆရာဝန်များ၊ ပညာရှင်များနဲ့ စောစီးစွာ ပြသဆွေးနွေးသင့်ပါကြောင်း တိုက်တွန်းပါရစေရှင်။

OCD ဟာ သေချာကုသမှုခံယူရင် သက်သာပျောက်ကင်းနိုင်ပြီး တခြားကလေးများနည်းတူ ပေါ့ပါးလန်းဆန်း ပျော်ရွှင်ကျန်းမာတဲ့ နေ့စဥ်ဘဝကို ပြန်လည်တည်ဆောက်နိုင်မှာပဲ ဖြစ်ပါတယ်။

🌸 စိတ်ကျန်းမာရေးကုသမှုခံယူရတာ ရှက်စရာမဟုတ်သလို၊ ဝမ်းနည်းအားငယ်နေဖို့လည်း မလိုပါဘူးရှင်။ ကျွန်မတို့ Shwe Padauk Wellness Center က စိတ်ပိုင်းဆိုင်ရာ ကျန်းမာရေးအတွက် လိုအပ်တဲ့ နွေးထွေးမှုနဲ့ အကူအညီတွေပေးဖို့ အမြဲတမ်း အသင့်ရှိနေပါတယ်ရှင်. . . . .။

🏥 Shwe Padauk Wellness Center
📍 အမှတ်(၁၃၃/A)၊ မောရဝတီလမ်း၊ ၈-မိုင်(ပြည်လမ်းမကြီးအနီး)၊ မရမ်းကုန်းမြို့နယ်၊ ရန်ကုန်မြို့။
📞 09 - 4549 000 54, 09 - 4549 000 64

#စိတ်ကျန်းမာရေး

28/07/2026

ကောင်းမြတ်သောအခါသမယ ဝါဆိုလပြည့် ဓမ္မစကြာအခါတော်နေ့မှာ စိတ်၏ချမ်းသာခြင်း၊ ကိုယ်၏ကျန်းမာခြင်းများပြည့်စုံစွာဖြင့် ဒါန၊ သီလ၊ ဘာဝနာ ကုသိုလ်တရားများကို ဆောက်တည်ပွားများ အားထုတ်နိုင်ကြပါစေကြောင်း Shwe Padauk Wellness Center & Recovery Center က ဆုတောင်းမေတ္တာပို့သအပ်ပါတယ်ရှင် 🙏🏻🙏🏻🙏🏻

#ဝါဆိုလပြည့်နေ့
#ဓမ္မစကြာအခါတော်နေ့

21/07/2026

🤱 ပြီးပြည့်စုံတဲ့ မေမေဖြစ်ဖို့ ကြိုးစားရင်း ကိုယ့်ကိုယ်ကိုယ် ပျောက်ဆုံးနေပြီလား. . . ❓❓❓

🥀 မနက်အိပ်ရာထချိန်ကစပြီး ညအိပ်ရာဝင်ချိန်အထိ ကလေးရဲ့လိုအပ်ချက်တွေ၊ မိသားစုတာဝန်တွေ၊ အိမ်မှုကိစ္စတွေ၊ လုပ်ငန်းခွင်တာဝန်တွေကြားမှာ မေမေတို့ ရုန်းကန်နေရတာ အချိန်ဘယ်လောက်တောင် ကြာသွားခဲ့ပြီလဲ။ "ကောင်းမွန်တဲ့ မိခင်တစ်ယောက်ဖြစ်ရမယ်" "အရာအားလုံးကို ပြီးပြည့်စုံအောင် စီမံနိုင်ရမယ်" ဆိုတဲ့ ဖိအားတွေအောက်မှာ မေမေတို့ရဲ့ ကိုယ်ပိုင်အချိန်၊ ကိုယ်ပိုင်ခံစားချက်တွေကို မေ့လျော့ထားမိကြတာ မကြာခဏလိုလို ဖြစ်ခဲ့ပြီမလား. . .။

☕ မနက်ခင်းတိုင်းမှာ ကော်ဖီပူပူလေး တစ်ခွက်ကိုတောင် အေးစက်သွားတဲ့အထိ အေးအေးဆေးဆေး မသောက်လိုက်ရတာ ဘယ်လောက်တောင် ကြာခဲ့ပြီလဲ...။ မှန်ထဲမှာ ပေါ်နေတဲ့ မျက်ကွင်းညိုညိုနဲ့ ပင်ပန်းနွမ်းနယ်နေတဲ့ အမျိုးသမီးကို ကြည့်ပြီး "ဒါ ငါ တကယ်ပဲလား" လို့ ကိုယ့်ကိုယ်ကိုယ် မေးခွန်းထုတ်မိတဲ့ ညတွေကော ဘယ်နှစ်ညရှိခဲ့ပြီလဲ မေမေတို့ရေ. . .။

💔 "ငါ့ကြောင့် ကလေး နေမကောင်းဖြစ်တာလား"၊ "ငါ ဘာလို့ အရာရာကို အဆင်ပြေအောင် မလုပ်နိုင်ရတာလဲ" ဆိုတဲ့ မပြီးဆုံးနိုင်တဲ့ တွေးပူမှုတွေနဲ့ "ပြီးပြည့်စုံတဲ့အမေ" ဖြစ်အောင် အစွမ်းကုန် ရုန်းကန်ရင်း၊ တစ်ဖက်မှာလည်း ကိုယ်ပိုင်ပျော်ရွှင်မှုတွေ ပျောက်ဆုံးပြီး စိတ်ဓာတ်ကျသလို ခံစားနေရတဲ့ မေမေတို့အတွက် ဒီစာစုလေးကနေ ခွန်အားဖြစ်စေဖို့ ကျွန်မတို့ Shwe Padauk Wellness Center ကနေ ရည်ရွယ်ပါတယ်ရှင်. . .။

🤱 ကလေးမွေးဖွားပြီးတဲ့နောက်ပိုင်း မိခင်တစ်ယောက်ရဲ့ ဘဝဟာ ၁၈၀ ဒီဂရီ ပြောင်းလဲသွားတတ်ပါတယ်။ ကလေးမွေးပြီးစ ကာလကနေ ကလေးကြီးပြင်းလာတဲ့အထိ မိခင်အများစုဟာ "ကျွန်မ" ဆိုတဲ့ ဖြစ်တည်မှုကို ဖျောက်ဖျက်ပြီး "အမေ" ဆိုတဲ့ တာဝန်တစ်ခုတည်းရဲ့နောက်ကိုပဲ ဒုန်းစိုင်းလိုက်ကြရပါတယ်။ ကလေးရဲ့ ငိုသံ၊ သန့်ရှင်းရေး၊ ကျန်းမာရေး၊ ပညာရေး... အရာရာကို အစိုးရိမ်လွန်နေမိပြီး အကောင်းဆုံးဖြစ်အောင် ပြင်ဆင်ရင်းနဲ့ပဲ ကလေးရဲ့ လိုအပ်ချက်မှန်သမျှကို ပထမဦးစားပေးထားပြီး ကိုယ့်ရဲ့ ဆန္ဒ၊ ဝါသနာနဲ့ အနားယူချိန်တွေကိုတော့ နောက်ဆုံးတန်းကို ပို့ထားတတ်ကြရင်းနဲ့ပဲ ကိုယ်ပိုင်အချိန်၊ ကိုယ်ပိုင်ဝါသနာတွေဟာ တဖြည်းဖြည်း ပျောက်ကွယ်သွားရတာပါ။

🧠 ဒီလိုနဲ့ နေ့ရက်တွေ ကြာလာတဲ့အခါ စိတ်ရောကိုယ်ပါ လောင်ကျွမ်းခမ်းခြောက်သွားတဲ့ Mom Burnout (မိခင်များတွင် ဖြစ်လေ့ရှိသော စိတ်ကုန်ခမ်းမှု ဝေဒနာ) အခြေအနေကို ရောက်ရှိသွားတတ်ပါတယ်။ ဒါဟာ အမေတစ်ယောက်အနေနဲ့ တာဝန်မကျေလို့ မဟုတ်ပါဘူး။ အရာရာကို ပြည့်စုံလွန်းချင်တဲ့ စိတ်ဖိစီးမှုတွေက ရင်ဘတ်ထဲမှာ ပြည့်လျှံလာလို့ ဖြစ်ရတဲ့ စိတ်ပညာဆိုင်ရာ ဝေဒနာတစ်ရပ်ပဲ ဖြစ်ပါတယ်။

🔋 တကယ်တော့ မိခင်တစ်ယောက်ရဲ့ စိတ်ကျန်းမာရေးဟာ မိသားစုတစ်ခုလုံးရဲ့ ပျော်ရွှင်မှုအတွက် အဓိကအခြေခံအုတ်မြစ်ပါပဲ။ ဒါပေမဲ့ များသောအားဖြင့် ကျွန်မတို့ဟာ မောပန်းနွမ်းနယ်မှုကို "မေမေတိုင်း ဖြစ်တတ်တာပဲ" ဆိုပြီး လျစ်လျူရှုထားတတ်ကြတယ်။ ဒီလို စိတ်ပိုင်းဆိုင်ရာ ပင်ပန်းနွမ်းနယ်မှု (Burnout) ကို အချိန်မီမသိလိုက်ဘူးဆိုရင် စိုးရိမ်စိတ်တွေလွန်ကဲတာ၊ စိတ်ဓာတ်ကျတာနဲ့ ကိုယ့်ကိုယ်ကိုယ် အပြစ်တင်မိတဲ့အထိ ဖြစ်လာနိုင်ပါတယ်။

🩺 ကျွန်မတို့ ခန္ဓာကိုယ်ဟာ နာတာရှည် စိတ်ဖိစီးမှု (Chronic Stress) ကို ရေရှည်ခံစားရတဲ့အခါ ခန္ဓာကိုယ်တွင်း စိတ်ဖိစီးမှုဟော်မုန်းတွေဖြစ်တဲ့ ကော်တီစော (Cortisol) နဲ့ အဒရီနယ်လင် (Adrenaline) တွေကို အလွန်အကျွံ ထုတ်လုပ်ပေးပါတယ်။ ဒီဟော်မုန်းတွေ မြင့်တက်လာတဲ့အခါမှာတော့ -
စိတ်လှုပ်ရှားလွယ်လာခြင်း၊ စိတ်တိုလွယ်ခြင်း
အိပ်မပျော်ခြင်း သို့မဟုတ် အိပ်မက်ဆိုးများ မကြာခဏမက်ခြင်း
ကိုယ်ခံအားကျပြီး အလွယ်တကူ ဖျားနာခြင်း
အာရုံစူးစိုက်မှု အားနည်းပြီး မေ့လျော့လွယ်ခြင်း စတဲ့ လက္ခဏာတွေ ပြလာတတ်ပါတယ်။

🦸 "မိခင်ဆိုတာ အလိုအလျောက် အရာရာကို လုပ်နိုင်တဲ့ စူပါလူသားတစ်ယောက် (Superhuman) မဟုတ်ပါဘူး၊ သွေးသားနဲ့ တည်ဆောက်ထားတဲ့ လူသားတစ်ယောက်သာ ဖြစ်ပါတယ်။"
စိတ်ပညာရှင် ဒေါ်နယ် ဝင်းနီးကော့တ် (Donald Winnicott) ရဲ့ အဆိုအရ ကလေးတစ်ယောက် ကျန်းမာပျော်ရွှင်စွာ ကြီးပြင်းဖို့အတွက် အရာရာ ပြီးပြည့်စုံတဲ့ အမေမျိုး မလိုအပ်ပါဘူး။ ကလေးကို နွေးထွေးဘေးကင်းမှု ပေးနိုင်တဲ့ "လုံလောက်တဲ့ အမေကောင်းတစ်ယောက် (Good-Enough Mother)" ရှိရုံနဲ့တင် လုံလောက်ပါတယ်။

💡ဒါကြောင့် "ပြီးပြည့်စုံတဲ့ အမေ" မဟုတ်လည်း "ကောင်းမွန်တဲ့ အမေ" ဖြစ်နိုင်တာမို့... ပျောက်ဆုံးနေတဲ့ ကိုယ့်ကိုယ်ကိုယ် ပြန်လည်ရှာဖွေတွေ့ရှိနိုင်ဖို့အတွက် ကျွန်မတို့ အတူတူ ဒီအလေ့အကျင့်လေးတွေ စမ်းလုပ်ကြည့်ရအောင်နော် -
🥰 ကိုယ့်ကိုယ်ကိုယ် အပြစ်မတင်ပါနဲ့ - တစ်ခါတလေ အိမ်အလုပ်တွေ မပြီးမြောက်တာ၊ ကလေးကို စိတ်တိုမိတာမျိုး ဖြစ်တတ်ပါတယ်။ ဒါဟာ လူသားဆန်တဲ့ သဘာဝတစ်ခုသာ ဖြစ်လို့ ကိုယ့်ကိုယ်ကိုယ် ခွင့်လွှတ်ပေးတတ်ဖို့ လိုပါတယ်။
🛑 Mom Guilt ဆိုတဲ့ အပြစ်မကင်းစိတ်ကို စွန့်လွှတ်ပါ - မိနစ်အနည်းငယ်လောက် ကိုယ့်အတွက်ကိုယ် အချိန်ပေးမိတာ၊ ကလေးကို ခဏပစ်ထားမိတာဟာ ရာဇဝတ်မှု မဟုတ်ပါဘူး။ မေမေတို့လည်း နားရက် လိုအပ်ပါတယ်။
🗣️ ရင်ဖွင့်ပါ၊ အကူအညီတောင်းပါ - အားလုံးကို တစ်ယောက်တည်း ပခုံးထမ်းထားဖို့ မကြိုးစားပါနဲ့။ အိမ်ထောင်ဖက်နဲ့ မိသားစုဝင်တွေကို ကူညီပေးဖို့ ပွင့်ပွင့်လင်းလင်း ပြောဆိုပါ။
🤍 မိမိကိုယ်ကိုယ် သနားညှာတာမှုရှိပါ - တခြားသူတွေကို ဂရုစိုက်သလိုမျိုး ကိုယ့်ရဲ့ စိတ်ဒဏ်ရာနဲ့ ပင်ပန်းမှုတွေကိုလည်း ဂရုစိုက်နားလည်ပေးပါ။ ကိုယ့်ကိုယ်ကိုယ် အချိန်ပေးဖို့ဆိုတာကလည်း ဇိမ်ခံတာမျိုးမဟုတ်ဘဲ မဖြစ်မနေလိုအပ်တဲ့ မိမိကိုယ်ကို ပြုစုစောင့်ရှောက်မှု (Self-care) တစ်ခုသာ ဖြစ်ပါတယ်။
🎨 ဝါသနာလေးတွေကို အသက်သွင်းရင်း ကိုယ့်ကိုယ်ကိုယ်ပြန်လည်ရှာဖွေပါ - တစ်ပတ်မှာ တစ်နာရီလောက်ပဲဖြစ်ဖြစ် ကလေးမမွေးခင်က ကိုယ်ဝါသနာပါခဲ့တဲ့ စာဖတ်တာ၊ သီချင်းဆိုတာ၊ အလှပြင်တာမျိုးလေးတွေ ပြန်လုပ်ကြည့်ရင်း ကိုယ့်ကိုယ်ကိုယ် ပြန်လည်ရှာ‌ဖွေကြည့်ပါ။
🌿 ဒီနေ့ကစပြီး "အကောင်းဆုံး မေမေ" ဆိုတဲ့ ခေါင်းစဉ်ထက် "ပျော်ရွှင်တဲ့ မေမေ" ဖြစ်ဖို့ကို ဦးစားပေးကြည့်ရအောင်လားရှင်. . .။

💕 နွေးထွေးတဲ့ ဝန်းကျင်တစ်ခုကို အတူတူ ဖန်တီးကြပါစို့
🏡 ကလေးပြုစုပျိုးထောင်ခြင်း (Parenting) ဆိုတဲ့ ခရီးလမ်းမှာ မိခင်တစ်ယောက် စိတ်ဖိစီးမှု လျော့ကျဖို့ဆိုတာ ပတ်ဝန်းကျင်နဲ့ အထူးသဖြင့် ခင်ပွန်းသည်ရဲ့ နားလည်ပေးမှု၊ အတူတူ လက်တွဲရုန်းကန်ပေးမှုတွေက အဓိက သော့ချက်ဖြစ်ပါတယ်။ အမေတစ်ယောက် စိတ်ချမ်းသာနေမှသာ ကလေးကလည်း ပျော်ရွှင်တဲ့ ကမ္ဘာလေးကို ပိုင်ဆိုင်နိုင်မှာပါ။
✨ မေမေတို့ရေ... ကိုယ့်ကိုယ်ကိုယ် ချစ်ခင်ဂရုစိုက်ခြင်း (Self-care) ဆိုတာ အတ္တဆန်တာ မဟုတ်ပါဘူး။ ရှင်သန်ခြင်းအတွက် မရှိမဖြစ် လိုအပ်ချက်တစ်ခုပါ။ ကမ္ဘာပေါ်မှာ ရှိသမျှ မေမေတို့အားလုံး စိတ်ခွန်အားတွေ ပြန်လည်ပြည့်ဖြိုးနိုင်ကြပါစေ။
💬 မေမေတို့ကော "ငါဟာ အမေကောင်းတစ်ယောက် မဟုတ်ဘူးလား" ဆိုပြီး ကိုယ့်ကိုယ်ကိုယ် အပြစ်တင်စိတ်နဲ့ ဝမ်းနည်းစိတ်မကောင်းဖြစ်ခဲ့ရတဲ့ အခိုက်အတန့်တွေ ရှိဖူးလားဟင်... ရင်ထဲရှိတာလေးတွေ ကျွန်မတို့ကို ရင်ဖွင့်ခဲ့ပါဦးနော်... ကျွန်မတို့ Shwe Padauk က မေမေတို့နဲ့အတူ မျှဝေခံစားပေးဖို့ အသင့်ရှိနေပါတယ်ရှင်...။ 🫂🥰

🏥 Shwe Padauk Wellness Center
📍 အမှတ်(၁၃၃/A)၊ မောရဝတီလမ်း၊ ၈-မိုင်(ပြည်လမ်းမကြီးအနီး)၊ မရမ်းကုန်းမြို့နယ်၊ ရန်ကုန်မြို့။
📞 09 - 4549 000 54, 09 - 4549 000 64

#စိတ်ကျန်းမာရေး
#မိခင်နှင့်ကလေးစိတ်ကျန်းမာရေး

10/07/2026

" အကြောက်လွန်သူ ဖေးလို့ကူ " 🤝🏻💙

ယနေ့ ဇူလိုင် (၁၀)ရက်နေ့ကတော့ Panic Awareness Day ပဲဖြစ်ပါတယ်။
ရုတ်တရက်အကြောက်လွန်တတ်တဲ့ဝေဒနာခံစားရသူတွေကို ပတ်ဝန်းကျင်က စာနာ နားလည် ဖေးကူပေးနိုင်စေဖို့ ရည်ရွယ်သတ်မှတ်ထားတဲ့နေ့လေးပဲဖြစ်ပါတယ်။ ဒီနေ့လေးမှာ ကျွန်မတို့ ရွှေပိတောက်ကလည်းပူးပေါင်းပါဝင်ပြီး ရုတ်တရက်အကြောက်လွန်ခြင်းဝေဒနာခံစားရတဲ့ လက္ခဏာတွေ၊ ဝေဒနာခံစားရတဲ့အခါရင်ဆိုင်ဖြေရှင်းပုံနဲ့ မိမိပတ်ဝန်းကျင်မှာ ဒီလိုဝေဒနာခံစားရသူကိုတွေ့ရင် ဘယ်လိုကူညီပေးသင့်သလဲဆိုတာတွေကို ဝေမျှပေးသွားမှာဖြစ်ပါတယ်ရှင်။

✅ ရုတ်တရက်အကြောက်လွန်ခြင်း (Panic Attack) ဆိုတာဘယ်လိုအခြေအနေမျိုးလဲ..

Panic attack ဆိုတာ တကယ်လက်တွေ့မှာ ကြောက်စရာအခြေအနေတစ်ခုခုကို မကြုံတွေ့ရပါဘဲ အိမ်ထဲမှာ အေးအေးဆေးဆေးထိုင်နေရင်း၊ ရယ်ရယ်မောမောစကားပြောနေရင်း၊ စျေးဝယ်နေရင်း စတဲ့အခြေအနေကနေ ရုတ်တရက်ကြီး ကြောက်စိတ်ဝုန်းခနဲဝင်လာတတ်တာမျိုးဖြစ်ပါတယ်။

😨 ရုတ်တရက် အကြောက်လွန်ခြင်းအခြေအနေဖြစ်လာပြီဆိုရင် -
- နှလုံးခုန်အရမ်းမြန်လာပြီး နှလုံးဟာအပြင်ကို ခုန်ထွက်မတတ်ခံစားရခြင်း ( ရင်ဘတ်အောင့်လာတတ်တာကြောင့် နှလုံးရောဂါဖောက်တယ်လို့ ထင်မှတ်မှားတတ်ကြပါတယ်)
- အသက်ရှူကျပ်လာခြင်း
- တကိုယ်လုံးချွေးစေးပျံပြီးတုန်ရင်လာခြင်း
- မူးဝေပြီး သတိလစ်မလိုခံစားရခြင်း
- မိမိကိုယ်ကိုမထိန်းချုပ်နိုင်တော့ဘဲ အသက်ဆုံးရှုံးရမတတ် ထိတ်လန့်ကြောက်ရွံ့ခြင်း စတဲ့ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာလက္ခဏာတွေ စုပြုံပြီးခံစားရတတ်ပါတယ်။
ဒီကြောက်စိတ်နဲ့ လက္ခဏာတွေဟာ ၁၀မိနစ်ကနေ မိနစ်၂၀လောက်အထိ ပြင်းပြင်းထန်ထန်ခံစားရတတ်ပါတယ်။

ကျယ်လောင်တဲ့အသံတစ်ခုခုကိုကြားရရင်ဖြစ်ဖြစ်၊ ထိတ်လန့်စရာအခြေအနေတစ်ခုခုကိုကြုံရရင်ဖြစ်ဖြစ် သာမန်လူတစ်ယောက်ကလည်း ထိတ်လန့်တတ်ပါတယ်။
အကြောက်လွန်ခြင်းဆိုတာကတော့ အကြောင်းရင်းမရှိဘဲ (သို့မဟုတ်) သာမန်ထိတ်လန့်စရာအကြောင်း တစ်ခုခုကို အသက်အန္တရာယ်ကြုံရသလိုမျိုး စိတ်နဲ့ခန္ဓာကိုယ်က အပြင်းအထန်တုန့်ပြန်တဲ့အခြေအနေမျိုးပဲဖြစ်ပါတယ်ရှင်။

🤜🏻 Panic attack ဖြစ်လာရင် ဘယ်လိုရင်ဆိုင်မလဲ

Panic attack က ပြင်းထန်ပေမယ့် အချိန်တစ်ခုကြာရင် ပြန်လည်ငြိမ်သက်သွားလေ့ရှိပါတယ်။ ဒီလိုဖြစ်လာခဲ့ရင် အောက်ပါနည်းလမ်းတွေနဲ့ သက်သာအောင်ကြိုးစားကြည့်ပါ။

🔹 ဒါက ယာယီပဲဖြစ်တာ၊ အသက်အန္တရာယ်မရှိဘူး၊ မကြာခင်ပြန်ကောင်းသွားလိမ့်မယ်လို့ စိတ်ထဲကနေသတိပေးနေပါ။
🔹 အသက်ရှူသွင်း၊ ရှူထုတ်ကို ဖြည်းဖြည်းချင်းပြုလုပ်ပါ။ စိတ်တည်ငြိမ်လာတဲ့အထိပြုလုပ်ပေးပါ။
🔹 လက်ရှိဖြစ်နေတဲ့အခြေအနေကနေ အာရုံလွှဲပေးပါ။
(၅-၄-၃-၂-၁)နည်းလမ်းလို့ခေါ်ပါတယ်။ မိမိပတ်ဝန်းကျင်မှာရှိတဲ့ မြင်ရတဲ့အရာ ၅ခု၊ ကိုင်တွယ်ကြည့်လို့ရတဲ့အရာ ၄ခု၊ ကြားရတဲ့အသံ ၃ခု၊ အနံ့ရတဲ့အရာ ၂ခုနဲ့ အရသာခံလို့ရတဲ့အရာ ၁ခု ဆိုပြီး အစဥ်လိုက် လိုက်လံရှာဖွေပြီး အာရုံလွှဲပါ။
🔹 ရေအေးအေးလေး သောက်လိုက်ပါ။ ဒါမှမဟုတ် ရေအေးအေးလေးနဲ့မျက်နှာသစ်လိုက်ပါ။

ဒီနည်းလမ်းတွေက Panic attack ရုတ်တရက်ဖြစ်လာရင် သက်သာစေဖို့နည်းလမ်းတွေဖြစ်ပြီး Panic attack မကြာခဏဖြစ်ကာ နေ့စဥ်လူမှုဘဝကိုထိခိုက်လာပြီဆိုရင်တော့ ကျွမ်းကျင်တဲ့ဆရာဝန်များ၊ ပညာရှင်များနဲ့ ပြသဆွေးနွေးတိုင်ပင်သင့်ပါတယ်ရှင်။

🤗 အကြောက်လွန်နေသူကို ဘယ်လိုကူညီပေးမလဲ

လူတစ်ယောက် Panic attack ပြင်းပြင်းထန်ထန်ဖြစ်လာပြီဆိုရင် အနီးပတ်ဝန်းကျင်ရှိလူက တည်တည်ငြိမ်ငြိမ်နဲ့ စနစ်တကျကူညီပေးဖို့ အရေးကြီးပါတယ်။

🔹 ကိုယ်ကပါအထိတ်တလန့်နဲ့ ဝေဒနာရှင်ကို အော်ဟစ်စကားပြောတာမျိုး၊ အတင်းလှုပ်ခါတာမျိုးမလုပ်ဘဲ လေသံတိုးတိုးနဲ့ မှန်မှန်ပဲစကားပြောပေးပါ။

🔹 လူထူထပ်တဲ့နေရာ၊ ဆူညံတဲ့နေရာ၊ ဓာတ်လှေခါးလိုနေရာမျိုးမှာဖြစ်တာဆိုရင် လေကောင်းလေသန့်ရတဲ့နေရာဆီကို ဖြည်းဖြည်းချင်းတွဲခေါ်သွားပေးပါ။

🔹 ဝေဒနာရှင်ကို မစိုးရိမ်ဖို့နဲ့ အသက်အန္တရာယ်မရှိတဲ့အကြောင်း ၊ ခဏနေရင်ပြန်ကောင်းသွားမယ့်အကြောင်း ပြောပေးပါ။

🔹 အသက်ရှူသွင်း၊ ရှူထုတ်ကို မိမိနဲ့အတူ ဖြည်းညင်းစွာ လိုက်လုပ်ခိုင်းပါ။

🔹 အထက်မှာဖော်ပြခဲ့တဲ့ (၅-၄-၃-၂-၁)နည်းလမ်းနဲ့ အာရုံလွှဲမေးခွန်းတွေမေးပေးပါ။

Panic attack ဟာ စိတ်ကူးယဥ်ပြီး ဟန်ဆောင်ကြောက်ရွံ့နေတာမဟုတ်ဘဲ ခန္ဓာကိုယ်ရဲ့တုန့်ပြန်မှုစနစ် ကမောက်ကမဖြစ်လို့ ခံစားရတာဖြစ်တာမို့ စိတ်ပျော့ညံ့သူလို့မမြင်ဘဲ စာနာ နားလည်ပေးဖို့ အရေးကြီးပါတယ်။ ဝေဒနာခံစားရသူများအနေနဲ့လည်း ရှက်ရွံ့အားငယ်စရာလို့မမြင်ဘဲ ကျွမ်းကျင်သူပညာရှင်များနဲ့ ပြသဆွေးနွေးဖို့လိုပါတယ်ဆိုတဲ့အကြောင်း Panic Awareness Day အမှတ်တရ ဝေမျှအပ်ပါတယ်ရှင်။

🌸 ကျွန်မတို့ Shwe Padauk Wellness Center က သင့်ရဲ့ စိတ်ပိုင်းဆိုင်ရာ ကျန်းမာရေးအတွက် လိုအပ်တဲ့ နွေးထွေးမှုနဲ့ အကူအညီတွေပေးဖို့ အမြဲတမ်း အသင့်ရှိနေပါတယ်ရှင်. . . . .။

🏥 Shwe Padauk Wellness Center
📍 အမှတ်(၁၃၃/A)၊ မောရဝတီလမ်း၊ ၈-မိုင်(ပြည်လမ်းမကြီးအနီး)၊ မရမ်းကုန်းမြို့နယ်၊ ရန်ကုန်မြို့။
📞 09 - 4549 000 54, 09 - 4549 000 64

#စိတ်ကျန်းမာရေး

09/07/2026

🧩 "OCD ဆိုတာ သန့်ရှင်းချင်ရုံ သက်သက် မဟုတ်ပါဘူး"
✨ "သူကတော့ OCD ရှိလို့ထင်တယ်... သန့်ရှင်းရေး သိပ်လုပ်တာပဲ။"
✨ "ငါ့ပစ္စည်းတွေကို အစီအစဉ်တကျ အမြဲစီထားမှ စိတ်ထဲအဆင်ပြေတာဆိုတော့... ငါလည်း OCD ရှိနေပြီလားမသိဘူး။"
🧼 ကျွန်မတို့ပတ်ဝန်းကျင်မှာ OCD ဆိုတဲ့ စကားလုံးကို သန့်ရှင်းရေးအလွန်အကျွံလုပ်တာ၊ ပစ္စည်းတွေကို သေသပ်နေအောင် စီတာမျိုးနဲ့ပဲ တွဲပြီး သုံးလေ့ရှိကြပါတယ်။
💡 တစ်စုံတစ်ယောက်က ပစ္စည်းတွေကို စီညီနေအောင် ထားတတ်တာ၊ ဒါမှမဟုတ် လက်ကို ခဏခဏ ဆေးတတ်တာမျိုးကို မြင်ရင် "သူကတော့ OCD ရှိတယ်" လို့ ကျွန်မတို့တွေ လွယ်လွယ်ကူကူ ပြောတတ်ကြပါတယ်။ တကယ်တော့ OCD ဆိုတာ အဲ့ဒီလို သန့်ရှင်းသပ်ရပ်ချင်ရုံ သက်သက်၊ အကျင့်စရိုက်လေးတစ်ခု သက်သက် မဟုတ်ပါဘူး။
🧠 OCD (Obsessive-Compulsive Disorder) ဆိုတာ လူအများစု သိထားတဲ့ ဒီအခြေအနေတွေထက် ပိုပြီး နက်နဲသလို၊ ခံစားရတဲ့သူအတွက်လည်း ပိုပြီးတော့ ပင်ပန်းရတဲ့ စိတ်ကျန်းမာရေးဆိုင်ရာ အခြေအနေတစ်ခု ဖြစ်ပါတယ်။
💡 ဒါဆို OCD (Obsessive-Compulsive Disorder) ဆိုတာ တကယ်တော့ ဘာလဲဆိုတာကို. . . စာဖတ်သူတို့ နားလည်လွယ်အောင် ကျွန်မတို့ Shwe Padauk Wellness Center ကနေ သေချာလေး ရှင်းပြပေးပါရစေ။

🤔 OCD ရဲ့ နောက်ကွယ်က တကယ့်အဓိပ္ပာယ်. . .
🧠 OCD (Obsessive-Compulsive Disorder) ကို မြန်မာလို "စွဲလမ်းလွန် စိတ်တုန်လှုပ်ခြင်း ဝေဒနာ" လို့ ခေါ်နိုင်ပါတယ်။ သူ့မှာ အဓိက အပိုင်း (၂) ပိုင်း ပါဝင်ပါတယ်။
🧠 (Obsession)ဆိုတဲ့ ကိုယ်တိုင်ကအလိုမရှိဘဲ စိတ်ထဲကို အဆက်မပြတ် အတင်းဝင်ရောက်လာပြီး ဖျောက်ဖျက်ပစ်လို့မရတဲ့ စိုးရိမ်ပူပန်စိတ်၊ ကြောက်ရွံ့စိတ်၊ အတွေးအာရုံတွေနဲ့...အဲ့ဒီလို ထပ်ခါတလဲလဲ ဝင်ရောက်လာတဲ့ အတွေးအာရုံတွေကြောင့် ဖြစ်လာတဲ့ စိုးရိမ်စိတ်ကို သက်သာသွားအောင် လျှော့ချဖို့အတွက် တစ်ခုခုကို ထပ်ခါတလဲလဲ မလုပ်ရမနေနိုင်ဘဲ လုပ်ရတဲ့ အပြုအမူတွေ (Compulsions)...ပေါင်းစပ်နေတဲ့ စိတ်ကျန်းမာရေး အခြေအနေတစ်ခု ဖြစ်ပါတယ်။
🌪️ ပိုပြီး မြင်သာအောင် ပြောပြရရင် ကိုယ်မတွေးချင်တဲ့ ကြောက်စရာကောင်းတဲ့ အတွေးတွေ၊ စိုးရိမ်စရာတွေက ခေါင်းထဲကို အတင်းဝင်လာတာမျိုးပါ။ ဥပမာ - "ငါ ဂက်စ်အိုး ပိတ်ခဲ့ရဲ့လား၊ မီးလောင်သွားမလား"၊ "ငါ့ချစ်ရတဲ့သူတွေ တစ်ခုခု ဖြစ်သွားမလား" ဆိုတဲ့ အတွေးမျိုးတွေက အကြောင်းပြချက်မရှိဘဲ ခေါင်းထဲမှာ ထပ်တလဲလဲ ပဲ့တင်ထပ်နေတတ်ပါတယ်။
🔁 အဲ့ဒီအခါမှာ စိုးရိမ်စိတ်တွေ၊ ကြောက်ရွံ့မှုတွေ ပြေပျောက်သွားအောင်လို့ အပြုအမူတစ်ခုခုကို ထပ်ခါတလဲလဲ လုပ်လာရပါတယ်။ သော့ခတ်ပြီးသားကို ဆယ်ခါလောက် ပြန်စစ်တာ၊ ဂက်စ်အိုးပိတ်ပြီးသားကို အခါခါ ပြန်ကြည့်တာ၊ ဒါမှမဟုတ် စိတ်ထဲကနေ ဂဏန်းတွေကို အစီအစဉ်တကျ ရေတွက်နေတာမျိုးတွေဟာ သူတို့စိတ်သက်သာရာရဖို့ လုပ်ရတဲ့ တုံ့ပြန်မှုတွေပါ။ သူတို့ကိုယ်တိုင်က ဒါတွေလုပ်နေတာ အဓိပ္ပါယ်မရှိဘူးဆိုတာ သိနေပေမယ့်လည်း မလုပ်ဘဲ နေလို့မရအောင်ကို စိတ်က အလွန်အမင်း တွန်းအားပေးနေတာမျိုး ဖြစ်ပါတယ်။

🌊 သန့်ရှင်းချင်ရုံထက် ဘာတွေ ပိုနေသလဲ. . .
💭 အဝတ်အစား သေသပ်တာ၊ အိမ်သန့်ရှင်းတာကို လူတိုင်း ကြိုက်ကြပါတယ်။ ဒါပေမဲ့ သာမန်လူတစ်ယောက်ရဲ့ သန့်ရှင်းချင်စိတ်က "ပြီးပြည့်စုံလို့ စိတ်ချမ်းသာရုံ" ပဲ ဖြစ်ပေမယ့် OCD ဝေဒနာခံစားရသူတွေမှာတော့ "မလုပ်ရင် တစ်ခုခု ဆိုးဆိုးရွားရွား ဖြစ်သွားတော့မယ်" ဆိုတဲ့ ပြင်းထန်တဲ့ စိုးရိမ်ကြောက်ရွံ့စိတ် (Anxiety) က တွန်းအားပေးနေတာပါ။
🧼 ဥပမာအားဖြင့် - သူတို့ဟာ လက်ညစ်ပတ်မှာကို ကြောက်ရုံတင်မကဘဲ၊ လက်မှာ ပိုးမွှားတွေရှိနေလို့ မိသားစုဝင်တွေကို ကူးစက်ပြီး ဒုက္ခရောက်ကုန်တော့မယ်ဆိုတဲ့ အတွေးမျိုး ဝင်နေတတ်ပါတယ်။ အဲဒီ စိုးရိမ်စိတ်ကို ဖြေဖျောက်ဖို့အတွက် လက်တွေ စပ်ဖျဉ်းဖျဉ်းဖြစ်ပြီး သွေးထွက်တဲ့အထိ နာရီဝက်မက ထပ်ခါတလဲလဲ ဆေးကြောနေမိတာမျိုး ဖြစ်ပါတယ်။
🚪ဒါ့အပြင် OCD ဆိုတာ သန့်ရှင်းရေးတစ်ခုတည်းနဲ့လည်း မဆိုင်ပါဘူး။ အခြား ပုံစံမျိုးစုံနဲ့လည်း ရှိနေတတ်ပါသေးတယ် -
အိမ်က ထွက်ခါနီးတိုင်း ဂတ်စ်အိုး၊ မီးခလုတ်၊ သော့တွေကို တစ်နာရီနီးပါး ထပ်ခါတလဲလဲ လိုက်စစ်နေရလို့ အပြင်မသွားနိုင်တော့တာ၊
စိတ်ထဲမှာ အကောင်း၊ အဆိုး အတွေးတွေ ပိတ်မိပြီး "ငါက လူဆိုးတစ်ယောက် ဖြစ်သွားပြီလား" ဆိုပြီး ကိုယ့်ကိုယ်ကိုယ် သံသယဝင်ကာ စိတ်ဒဏ်ရာရနေတာ၊ ပစ္စည်းတွေကို အတိအကျ စုံဂဏန်းဖြစ်အောင် ဒါမှမဟုတ် မျက်စိထဲ ကွက်တိဖြစ်အောင် မစီရရင် ရင်ဘတ်ထဲက တင်းကျပ်ပြီး အသက်ရှူမဝလောက်အောင် ခံစားရတာမျိုးတွေပဲ ဖြစ်ပါတယ်။
🫂 ဒါကြောင့် OCD ဝေဒနာရှင်တွေရဲ့ နေ့စဉ်ဘဝဟာ ကျွန်မတို့ ထင်ထားတာထက် အများကြီး ပိုပြီး ပင်ပန်းပါတယ်။ သူတို့ဟာ ကိုယ်ပိုင်စိတ်ကူးတွေရဲ့ အကျဉ်းချခံထားရသလို ခံစားရပြီး၊ အချိန်တွေ၊ ခွန်အားတွေ အများကြီး ကုန်ဆုံးရပါတယ်။ OCD ဆိုတာကို "သန့်ရှင်းရေး ကြိုက်တဲ့ အကျင့်" လို့ ပေါ့ပေါ့တန်တန် သတ်မှတ်လိုက်တာဟာ သူတို့နေ့စဉ် ရုန်းကန်နေရတဲ့ နာကျင်မှုကို လျစ်လျူရှုလိုက်သလို ဖြစ်သွားနိုင်ပါတယ်။

🤝 နားလည်မှုနဲ့ စာနာပေးခြင်းက ကုသမှုရဲ့ အစပါ. . .
ပစ္စည်းလေးတွေ စီရီနေတာကို ကြည့်ပြီး "ငါလည်း OCD ဖြစ်နေပြီ" လို့ သာမန်ကာလျှံကာ ပြောလိုက်တဲ့ စကားလေးတစ်ခွန်းဟာ ဒီဝေဒနာကို တကယ် ခံစားနေရပြီး နေ့စဉ်ဘဝကို ပင်ပင်ပန်းပန်း ဖြတ်သန်းနေရသူတွေအတွက်တော့ အထီးကျန်စရာ၊ စိတ်အားငယ်စရာ ဖြစ်စေနိုင်ပါတယ်။ OCD ဆိုတာ ကိုယ်တိုင်ထိန်းချုပ်လို့ ရတဲ့ အကျင့်တစ်ခု မဟုတ်ဘဲ ဆေးပညာအရ စနစ်တကျ ကုသမှု ခံယူရမယ့် စိတ်ကျန်းမာရေး အခြေအနေတစ်ခုသာ ဖြစ်ပါတယ်။

❤️ ဒါကြောင့် ကျွန်မတို့ပတ်ဝန်းကျင်မှာ ဒီလို ဝေဒနာမျိုးကြောင့် နေ့စဉ်ဘဝမှာ အဆင်မပြေဖြစ်ပြီး စိတ်ပင်ပန်းနေရသူတွေ ရှိခဲ့ရင်... လှောင်ပြောင်တာ၊ စနောက်တာမျိုး မလုပ်ဘဲ သူတို့ရဲ့ အခက်အခဲကို စာနာနားလည်ပေးဖို့ အရေးကြီးပါတယ်။

💚 အကယ်၍ သင့်ပတ်ဝန်းကျင်မှာ ဒါမှမဟုတ် သင်ကိုယ်တိုင်မှာ ဒီလို ထပ်တလဲလဲဖြစ်နေတဲ့ အတွေးတွေနဲ့ အပြုအမူတွေကြောင့် နေ့စဉ်ဘဝမှာ အခက်အခဲ ဖြစ်နေပြီဆိုရင်တော့ ရှက်ရွံ့မနေဘဲ ကျွမ်းကျင်တဲ့ စိတ်ပညာရှင်တွေ၊ စိတ်ကျန်းမာရေးဆရာဝန်တွေနဲ့ တိုင်ပင်ဆွေးနွေးဖို့ တိုက်တွန်းချင်ပါတယ်။ OCD ဟာ သေချာကုသမှုခံယူရင် သက်သာပျောက်ကင်းနိုင်ပြီး ပိုမိုကောင်းမွန်တဲ့ ဘဝကို ပြန်လည်တည်ဆောက်နိုင်တဲ့ အခြေအနေတစ်ခု ဖြစ်ပါတယ်။

🌸 စိတ်ကျန်းမာရေးဆိုတာ ရှက်စရာမဟုတ်သလို၊ ခံစားနေရတဲ့ နာကျင်မှုတွေကို တစ်ယောက်တည်း ကျိတ်မှိတ်ခံစားနေစရာလည်း မလိုပါဘူး။ ကျွန်မတို့ Shwe Padauk Wellness Center က သင့်ရဲ့ စိတ်ပိုင်းဆိုင်ရာ ကျန်းမာရေးအတွက် လိုအပ်တဲ့ နွေးထွေးမှုနဲ့ အကူအညီတွေပေးဖို့ အမြဲတမ်း အသင့်ရှိနေပါတယ်ရှင်. . . . .။

🏥 Shwe Padauk Wellness Center
📍 အမှတ်(၁၃၃/A)၊ မောရဝတီလမ်း၊ ၈-မိုင်(ပြည်လမ်းမကြီးအနီး)၊ မရမ်းကုန်းမြို့နယ်၊ ရန်ကုန်မြို့။
📞 09 - 4549 000 54, 09 - 4549 000 64

#စိတ်ကျန်းမာရေး

Address

No. (133/A), Mawyawaddi Street, 8 Mile ( Near Pyay Road), Mayangone Township
Yangon

Telephone

+959454900054

Website

http://shwepadaukwellnessrecoverycenter.com/

Alerts

Be the first to know and let us send you an email when Shwe Padauk Wellness Center & Recovery Center posts news and promotions. Your email address will not be used for any other purpose, and you can unsubscribe at any time.