20/12/2025
“ ဆီးချိုရောဂါက အသက်ကြီးမှဖြစ်တာလား “ 🤔
🔹 ဆီးချိုသွေးချိုဆိုတာ မကြားချင်မှအဆုံး ကျွန်တော်တို့ပတ်ဝန်းကျင်မှာ အရမ်းအဖြစ်များကြတဲ့ရောဂါ တစ်ခုဖြစ်ပါတယ်ဗျ
🔹 အများအားဖြင့်တွေ့ရတာက အသက်ကြီးတဲ့သူတွေ၊ ဘိုးဘိုး ဘွားဘွားတွေမှာ ဆီးချိုရှိကြတာများတယ်ပေါ့နော်
🔹 ဒါဆို ဆီးချိုက အသက်ကြီးတဲ့သူတွေမှာလဲ ဖြစ်တာလားဆိုတဲ့ မေးခွန်းကလဲ မေးစရာရှိလာပြန်ပါတယ် ❓
🔹 ကဲ..ဒီနေ့မှာတော့ စောန မေးခွန်းရဲ့အဖြေနဲ့အတူ ဆီးချိုသွေးချိုအကြောင်းကို သေချာလေးရှင်းပြပေးသွားမှာပဲ ဖြစ်ပါတယ်ဗျ
🔹 ဆီးချိုသွေးချိုရောဂါဆိုတာက ကျွန်တော်တို့ ခန္ဓာကိုယ်ထဲမှာ သကြားဓာတ်ဖြစ်တဲ့ glucose တွေ များလာတဲ့ အခြေအနေကိုခေါ်တာပဲဖြစ်ပါတယ်
🔹 ပုံမှန်ဆိုရင် ကျွန်တော်တို့ အစာတွေစားတာကနေ ရလာတဲ့ အချိုဓာတ်တွေကို insulin ကနေ ခန္ဓာကိုယ်ရဲ့ cell တွေထဲကို ထည့်ပေးတယ်ပေါ့နော်
🔹 အဲ့ insulin ဆိုတာ မရှိရင်ဖြစ်ဖြစ်၊ insulin ရှိနေပေမဲ့ သူ့အာနိသင်ဓာတ်မတိုးတာ resistance ဖြစ်နေရင် ဖြစ်ဖြစ် စားလိုက်တဲ့ အချိုဓာတ်တွေဟာ cell တွေထဲကိုမဝင်နိုင်တော့ဘဲ cell အပြင် သွေးထဲမှာမှာပုံလာပါတယ်
🔹 အဲ့လိုကနေ ဆီးချိုသွေးချိုဆိုတာဖြစ်လာတာပဲ ဖြစ်ပါတယ်ဗျ
🔹 ဆီးချိုရောဂါမှာလဲ type 1 နဲ့ type 2 ဆိုပြီး အမျိုးအစား နှစ်မျိုးရှိပါတယ်ဗျ
🔹 type 1 ဆီးချိုရောဂါတွေဟာဆိုရင် အသက်ငယ်ငယ်တွေမှာ ဖြစ်ကြပါတယ်ဗျ အများအားဖြင့် အသက် (40) အောက်တွေပေါ့နော်
🔹 သူက ခန္ဓာကိုယ်ထဲမှာ insulin လုံးဝမရှိတာကြောင့် ဆီးချိုရောဂါ ဖြစ်လာတာဖြစ်ပြီး ရောဂါလက္ခဏာတွေ စောစောစီးစီးပေါ်တတ်ပါတယ်ဗျ
🔹 သူကတော့ မိသားစုမျိုးရိုးလိုက်တာနဲ့တော့မသက်ဆိုင်ဘူးပေါ့နော်
🔹 နောက်တစ်ခု type 2 ဆီးချိုရောဂါကတော့ ကျွန်တော်တို့တွေ့ရများတဲ့ အသက် (50) ကျော်တွေ၊ ဘိုးဘိုးဘွားဘွားတွေမှာ ဖြစ်ကြပါတယ်ဗျ
🔹 ခု type 2 ကတော့ insulin ဓာတ်ရှိတော့ရှိနေသေးတယ် ဒါပေမဲ့ သူ့အာနိသင်က မတိုးတော့ဘူး resistance ဖြစ်သွားတာပဲဖြစ်ပါတယ်
🔹 သူကတော့ ရောဂါလက္ခဏာတွေပြလာဖို့ အချိန်လပိုင်းကနေ နှစ်အထိ ကြာတတ်ပြီးတော့ ခန္ဓာကိုယ်အလေးချိန်များတာ ဝတာတို့နဲ့တွေ့ရတတ်ပါတယ်ဗျ
🔹 နောက်ပြီးတော့ ခု type 2 ဆီးချိုက မိသားစုမျိုးရိုးလိုက်တတ်ပါတယ်နော်
🔹 ဆီးချိုရောဂါအမျိုးအစားတွေအကြောင်းပြောပြပြီးပြီဆိုတော့ သူ့ရဲ့ရောဂါလက္ခဏာတွေအကြောင်းကိုဆက်ပြီးပြောပြပေးသွားပါမယ်ဗျ
🔹 ဆီးချိုလက္ခဏာတွေကတော့ ဆီးသွားများမယ်၊ ရေခနခနဆာမယ်၊ ရေဓာတ်နည်းပြီး နှုတ်ခမ်းတွေခြောက်နေမယ်၊ ညအခါဆီးခနခနထသွားနေရတာတွေရှိမယ်၊ ပင်ပန်းပြီးနုန်းနေမယ်၊ အမြင်အာရုံတွေဝေဝါးတာတွေ၊ စိတ်ဂနာမငြိမ်ဖြစ်တာ၊စိတ်တိုလွယ်တာ၊ အာရုံမစိုက်နိုင်တာမျိုးတွေရှိတတ်ပါတယ်ဗျ
🔹 နောက်ပြီး အစာပုံမှန်တိုင်းစားပေမဲ့ ကိုယ်အလေးချိန်သိသိသာသာပြောင်းလဲသွားတာမျိုးတွေရှိမယ်၊ အချိုတွေအရမ်းစားချင်ပြီး အစာကြီးလာတာတွေရှိမယ်၊ မိန်းကလေးတွေမှာဆို မိန်းမကိုယ်ယားယံတာမျိုးတွေ လဲ ဖြစ်တတ်ပါတယ်ဗျ
🔹 ခုလို လက္ခဏာတွေကြုံနေရပြီဆိုရင်တော့ ဒါဆီးချိုစစ်ကြည့်သင့်တယ်ပေါ့နော်
🔹 ဆိုတော့..ဆီးချိုက ကျွန်တော်တို့ပတ်ဝန်းကျင်မှာလဲ တွေ့နေမြင်နေရတာပဲ ဒီရောဂါက စိတ်ပူစရာလိုလို့လားလို့ တွေးမိကောင်းတွေးနေပါလိမ့်မယ်ဗျ
🔹 ဆီးချိုရောဂါကိုယ်တိုင်က အရမ်းဆိုးဝါးတာမဟုတ်ပေမဲ့ သေချာထိန်းချုပ်မကုသဘူးဆိုရင် နောက်ဆက်တွဲဝင်လာနိုင်တဲ့ ရောဂါဆိုးတွေရှိပါတယ်နော်
🔹 သေချာမကုသသွားဘူးဆိုရင် မျက်လုံး၊ ကျောက်ကပ်၊ အာရုံကြောနဲ့ နှလုံးတွေကိုထိခိုက်န်ိုင်ပါတယ်ဗျ
🔹 လေဖြတ်တာ၊ coma ဝင်သွားတာတွေလဲ ဖြစ်နိုင်သလို ပိုးမွှားတွေဆိုတာက အချိုဓာတ်ကြိုက်တာကြောင့် ဆီးချိုရှိတဲ့သူဟာဆိုရင် ရောဂါပိုးမွှားတွေပိုမိုကူးစက်နိုင်ပါတယ်နော်
🔹 အဲ့တာကြောင့်ခုလို နောက်ဆက်တွဲရောဂါဆိုးတွေ ဖြစ်မလာအောင် ဆရာဝန်ညွှန်ကြားတဲ့ဆေးတွေကို စနစ်တကျ သူ့အချိန်နဲ့သူ သေချာသောက်သုံပေးသင့်ပြီး insulin ထိုးဖို့လိုတဲ့သူတွေကလဲ သေချာ ထိုးသင့်ပါတယ်ဗျ
🔹 နောက်ဆုံးတစ်ခုအနေနဲ့ပြောချင်တာက ကိုယ့်မှာ ဆီးချိုရောဂါစရှိပြီဆိုတာနဲ့ ဒီရောဂါက တသက်လုံး ကိုယ်နဲ့တွဲပြီး ဖြစ်နေမှာဆိုတာကိုသိထားဖို့လိုပါတယ်
🔹 အဲ့တာမို့ အချိုတွေ ၊အဆီအဆိမ့်ရှောင်ပြီးဂရုတစိုက်စားသောက်ဖို့လိုသလို၊ ကိုယ်လက်လှုပ်ရှားလုပ်ပေးရပါမယ်ဗျ
🔹 ခုပြောသလို နေထိုင်စားသောက်မှုပုံစံလဲ ဂရုစိုက်မယ် ဆေးလဲ သေချာစနစ်တကျသောက်သုံးသွားမယ်ဆိုရင်တော့ အရမ်းပူပင်သောကရောက်ဖို့မလိုပါဘူးဗျ
🔹 ကဲ..ခုဆိုရင်တော့ ဆီးချိုရောဂါနဲ့ပတ်သတ်ပြီး သေချာနားလည်သွားပြီလို့ယုံကြည်ပါတယ်
🔹 ခု post ကနေသင့်အတွက် တစ်စုံတစ်ရာအကျိုးကျေးဇူးရသွားခဲ့တယ်ဆိုရင် တခြားသူတွေလဲသိသွားအောင် share သွားပေးပါဦးနော် 👉🏻
🔹 နောက်နေ့တွေမှာလဲပိုပြီးစိတ်ဝင်စားဖို့ကောင်းတဲ့ကျန်းမာရေးဗဟုသုတတွေနဲ့အတူပြန်လာခဲ့ပါမယ်ဗျ
🔹 ခုလို စိတ်ဝင်စားဖို့ကောင်းတဲ့ ကျန်းမာရေးဗဟုသုတတွေ သိရဖို့ Your Doctor page, YouTube Channel တွေကို follow & subscribe လုပ်ထားဖို့လဲ မမေ့ပါနဲ့ဦးနော် 👨⚕️🩺
👉🏻 Facebook - https://www.facebook.com/share/F9dLHzsSeYSTkafk/?mibextid=LQQJ4d
👉🏻YouTube Channel - https://youtube.com/?si=QzuOcV5Z6fi13Dbx
#ကျန်းမာရေးဗဟုသုတ #ဆီးချို
