17/10/2026
ကိုယ်ဝန်ဆောင်မေမေတို့အတွက် ပျားရည်က ဘေးကင်းတဲ့ရွေးချယ်မှုတစ်ခုလား? 🍯
ကိုယ်ဝန်ဆောင်ချိန်မှာ မေမေတို့က သကြားလိုမျိုး ချိုတဲ့အရသာကို ပိုမိုစွဲလမ်းလာတတ်ကြပါတယ်။ ဒီလိုအချိန်မျိုးမှာ ပျားရည်ဟာ သာမန်သကြားထက် ကျန်းမာရေးနဲ့ညီညွတ်တဲ့ အစားထိုးရွေးချယ်စရာတစ်မျိုးဖြစ်ပြီး စားသုံးတဲ့ ပမာဏကိုတော့ သေချာဂရုစိုက်ဖို့ လိုအပ်ပါတယ်။
ကိုယ်ဝန်ဆောင်မိခင်တွေ ပျားရည်စားလို့ရလား?
ရပါတယ်။ ကိုယ်ဝန်ဆောင်ချိန်မှာ ပျားရည်စားသုံးခြင်းက ဘေးကင်းပါတယ်။ တချို့က မစားသင့်ဘူးလို့ ထင်မှတ်ကြတာက အသက် ၁ နှစ်အောက် ကလေးငယ်တွေကို ပျားရည်မတိုက်သင့်တဲ့အချက်နဲ့ ရောထွေးနေတာပါ။ ပျားရည်မှာ botulism လို့ခေါ်တဲ့ ရှားပါးရောဂါကိုဖြစ်စေတဲ့ ဘက်တီးရီးယား ပါဝင်နိုင်ပါတယ်။
ဒါပေမယ့် ကိုယ်ဝန်ဆောင်တစ်ယောက် ပျားရည်စားတာက သန္ဓေသားကို ထိခိုက်စေမှာ မဟုတ်ပါဘူး။ အရွယ်ရောက်ပြီးသူရဲ့ အစာအိမ်က ပျားရည်ထဲက botulism ပိုးကို ကိုင်တွယ်နိုင်စွမ်းရှိပြီး ဒီပိုးဟာ အချင်းကိုဖြတ်ပြီး ကလေးဆီကို ရောက်ရှိနိုင်ခြေက အလွန်နည်းပါးတယ်။ ရှားပါးတဲ့အခြေအနေမှာ ကိုယ်ဝန်ဆောင် အမျိုးသမီးတွေ botulism ဖြစ်ခဲ့ရင်တောင် သူတို့ရဲ့ကလေးငယ်တွေမှာ ရောဂါကို မတွေ့ရှိခဲ့ရပါဘူး။
ဒါပေမယ့် Crohn's disease (အူလမ်းကြောင်းရောင်ရမ်းရောဂါတစ်မျိုး)၊ အူလမ်းကြောင်းရောင်ရမ်းရောဂါ (IBD) ဒါမှမဟုတ် အစာအိမ်ခွဲစိတ်ကုသမှု ခံယူဖူးသူတွေအနေနဲ့ကတော့ ပျားရည်ကို ရှောင်ကြဉ်တာ အကောင်းဆုံးပါ။ ဒီအခြေအနေရှိတဲ့ အရွယ်ရောက်ပြီးသူတွေဟာ ပျားရည်ထဲက ဘက်တီးရီးယားကြောင့် ဖြစ်တဲ့ ရောဂါပိုးကူးစက်ခံရနိုင်ခြေ ပိုများပါတယ်။
ကိုယ်ဝန်ဆောင်ချိန်မှာ ပျားရည်က ကျန်းမာရေးနဲ့ညီညွတ်လား?
အာဟာရအရပြောရရင် ပျားရည်ဟာ သာမန်သကြားထက် အနည်းငယ်ပိုပြီး ကျန်းမာရေးနဲ့ညီညွတ်ပါတယ်။ ပျားရည်မှာ ကျန်းမာရေးအတွက် အကျိုးပြုနိုင်တဲ့ 𝐀𝐧𝐭𝐢𝐨𝐱𝐢𝐝𝐚𝐧𝐭𝐬၊ သတ္တုဓာတ်နဲ့ အင်ဇိုင်းတွေ ပါဝင်ပါတယ်။ ဒါ့အပြင် အသီးအနှံလတ်လတ်ဆတ်ဆတ်၊ ဒိန်ချဉ်၊ Oatmeal စတဲ့ ကျန်းမာရေးနဲ့ညီညွတ်တဲ့ အစားအစာတွေမှာ ထည့်သုံးနိုင်တာကြောင့် ချိုတာစားချင်စိတ်ကို ဖြေသိမ့်ရင်း နေ့စဉ်အာဟာရလိုအပ်ချက်ကိုပါ ဖြည့်ဆည်းပေးနိုင်ပါတယ်။
ပျားရည်ရဲ့ နောက်ထပ်အကျိုးကျေးဇူးတွေလည်း ရှိပါသေးတယ်။ တချို့ပျားရည်အမျိုးအစားတွေက ဒဏ်ရာကျက်စေတာကို ကူညီပေးနိုင်သလို ချောင်းဆိုးပျောက်ဆေးအဖြစ် (သို့) လည်ချောင်းနာတာကို သက်သာစေဖို့လည်း သုံးနိုင်ပါတယ်။ ဒါကြောင့် ကိုယ်ဝန်ဆောင်ချိန်မှာ ချောင်းဆိုးပျောက်ဆေး၊ အအေးမိပျောက်ဆေးတော်တော်များများကို ရှောင်ရတဲ့အခါမှာ ဒါဟာ အထူးအသုံးဝင်ပါတယ်။
ပျားရည်က ကျန်းမာရေးနဲ့ညီညွတ်တယ်ဆိုပေမယ့် အလွန်အကျွံ မစားသုံးဖို့ အရေးကြီးပါတယ်။ ပျားရည်ကို ထပ်တိုး သကြားဓာတ်အဖြစ် သတ်မှတ်ပြီး မျှမျှတတစားသုံးဖို့ လို့အပ်ပါတယ်။ American Heart Association ရဲ့ အကြံပြုချက်အရ အမျိုးသမီးတွေအနေနဲ့ တစ်နေ့ကို သကြားဓာတ်ပမာဏဟာ လက်ဖက်ရည်ဇွန်း ၆ ဇွန်းထက် ပိုမစားသင့်ပါဘူး။ တကယ်လို့ ကိုယ်က ကိုယ်အလေးချိန် ထိန်းနေတယ် ဒါမှမဟုတ် ကိုယ်ဝန်ဆောင်ဆီးချိုရှိပြီး သွေးတွင်းသကြားဓာတ်ကို ထိန်းချုပ်ဖို့ လိုအပ်တယ်ဆိုရင် ပျားရည်အပါအဝင် တခြား ထပ်တိုးသကြားအားလုံးကို ရှောင်သင့်ပါတယ်။
ပျားရည်အစိမ်း (Raw Honey) က ဘေးကင်းရဲ့လား?
ပျားရည်အစိမ်းဟာ ကိုယ်ဝန်ဆောင်ချိန်အတွက် ဘေးကင်းဖို့ များပါတယ်။ ပျားရည်အစိမ်းရဲ့ ဘေးကင်းမှုနဲ့ ပတ်သက်ပြီး တိကျတဲ့ လေ့လာမှုမရှိပေမယ့် မစားသင့်ဘူးလို့ ယူဆစရာ အကြောင်းမရှိပါဘူး။ အမှန်တကယ်တော့ ပျားရည်အစိမ်းမှာ Pasteurized လုပ်ထားတဲ့ ပျားရည်ထက် 𝐀𝐧𝐭𝐢𝐨𝐱𝐢𝐝𝐚𝐧𝐭𝐬 ပိုမိုပါဝင်ပါတယ်။
စျေးဆိုင်တွေမှာ ရောင်းချတဲ့ ပျားရည်အများစုဟာ ဘေးကင်းရေးအတွက်မဟုတ်ဘဲ သိုလှောင်ရလွယ်ကူစေဖို့နဲ့ အသွင်အပြင်ကောင်းစေဖို့အတွက် pasteurized ပြုလုပ်ထားတာပါ။ ဒီနည်းလမ်းက ပျားရည်ကို ၁၆၁ ဒီဂရီဖာရင်ဟိုက်အထိ ၁၅ စက္ကန့်မှ ၃၀ စက္ကန့်ကြာ အပူပေးပြီး အမြန်အအေးခံထားတာ ဖြစ်ပါတယ်။ ဒါက ဆဲလ်တွေကိုသေစေပြီး ပျားရည်မှို (အချဉ်ဖောက်) ခြင်းကို ကာကွယ်ပေးပါတယ်။
တစ်ခါတလေ ထုတ်လုပ်သူတွေက ပြောင်းဖူးရည် (corn syrup) လို ကျန်းမာရေးနဲ့မညီညွတ်တဲ့ သကြားဓာတ်တွေကို pasteurized လုပ်ထားတဲ့ ပျားရည်ထဲမှာ ထည့်တတ်ပါတယ်။ ဒီပါဝင်ပစ္စည်းတွေကို ရှောင်ရှားဖို့ ပါဝင်ပစ္စည်းအညွှန်းမှာ "ပျားရည် ၁၀၀%" လို့ ပါဝင်တာကိုသာ ရွေးချယ်ပါ။
သတိပြုရမှာက ပျားရည်ဟာ ကိုယ်ဝန်ဆောင်ချိန်မှာ သကြားဓာတ်အတွက် ဘေးကင်းပြီး ကျန်းမာရေးနဲ့ပိုညီညွတ်တဲ့ ရွေးချယ်မှုတစ်ခုဖြစ်ပေမယ့် အသင့်အတင့်သာ စားသုံးသင့်ပါတယ်။ ကိုယ်ဝန်ဆောင်ဆီးချို ရှိသူများနဲ့ အစာအိမ်အူလမ်းကြောင်းဆိုင်ရာ နာတာရှည်ရောဂါရှိသူများအနေနဲ့ကတော့ မစားသုံးသင့်ပါဘူး။
အခုဆိုရင် ကိုယ်ဝန်ဆောင်ချိန်မှာ ချိုတာစားချင်စိတ်ဖြစ်ရင် ပျားရည်က ဘေးကင်းတဲ့ရွေးချယ်မှုတစ်ခုလားဆိုတာကို သိသွားလောက်ပြီ ထင်ပါတယ်နော်။
နောက်ထပ်လည်း မေမေတို့အတွက် ဗဟုသုတရစေမယ့် အကြောင်းအရာလေးတွေ ကို တင်ပေးသွားမှာဖြစ်လို့ Page ကို Like & Follow လေး လုပ်ပေးထားကြပါဦးနော် ….
📌𝐑𝐞𝐟𝐞𝐫𝐞𝐧𝐜𝐞
https://www.babycenter.com/pregnancy/diet-and-fitness/is-it-safe-to-eat-honey-during-pregnancy_10305372
https://www.healthline.com/health/honey-during-pregnancy
𝐏𝐮𝐥𝐬𝐞 & 𝐏𝐮𝐫𝐩𝐨𝐬𝐞 ရဲ့ Update များကို အချိန်နဲ့တပြေးညီ သိရှိနိုင်ဖို့အတွက် Viber Channel ကိုပါ Join ပေးထားကြပါဦးနော်…
𝐕𝐢𝐛𝐞𝐫 𝐂𝐡𝐚𝐧𝐧𝐞𝐥
https://invite.viber.com/?g2=AQABkjkdsX9HxFGwWZXP%2BnyIOC2axqwK3znxLvTpZNn0MM7Dbntry64Ua2O0ofSE
🏢 𝐒𝐮𝐥𝐞 𝐁𝐫𝐚𝐧𝐜𝐡: 10-01, 10th Floor, Sule Square Office Tower, 221 Sule Pagoda Road, Kyauktada Township, Yangon
🏢 𝐘𝐚𝐧𝐤𝐢𝐧 𝐁𝐫𝐚𝐧𝐜𝐡: No 56 Ground Floor, Room No 106, Maha Land Business Centre, Yankin Township, Yangon
📞 𝐇𝐨𝐭𝐥𝐢𝐧𝐞 𝐍𝐮𝐦𝐛𝐞𝐫 : 𝟎𝟗𝟗 𝟓𝟒 𝟐𝟏 𝟐𝟏 𝟐𝟐
🌐 𝐖𝐞𝐛𝐬𝐢𝐭𝐞 : https://pnp.com.mm/
💌 𝐌𝐚𝐢𝐥 : 𝐜𝐨𝐧𝐭𝐚𝐜𝐭@𝐩𝐧𝐩.𝐜𝐨𝐦.𝐦𝐦
#ပျားရည်
